Matayo 23
23
Yesu ddù bbalè nyú Musa-ngá yǎdha mí li-gwíydha-djá ró ndèymí Farisayo ní kpa nà
(Mak 12:38-39; Lwk 11:43,46)
1Yesu kâ lò tdrà bbalè mí njuw dhò ndèymí à kodjú kpa nà, 2“Musa-ngá yǎdha mí li-gwíydha-djá ndèymí Farisayo ní kpa nì klôw nà Musa-ngá yǎdha tey klódha mî. 3Fú ddiy dhò, nyì njey cha ndrǔ nì jǐ nyì njěy nì ddiy ndèymí njey ddiy wá cha ndrǔ tdra nì nyì njěy nì. Chú nzǐ nyì njey cha ndrǔ nì njěy nì ddiy, ddiydhò ndrǔ njey nì nzǐ cha ì nì gwiy nì ddiy. 4Ndrǔ chey nì tǔwtǔw ní nò ndèymí ndrǔ léy nì bbalè djú, chú ndrǔ ìníddù ji nì nzǐ ì tdúw teynì ì-dhokpa bbílíy nà. 5Ddiy wá cha ndrǔ nì njěy nì, ndrǔ njèy nì, ndaní bbalè njǎ. Ndrǔ chey nì Ddrǎ-ngá ndíydha-ní-lò ó, ì nyú tsò ró ndèymí ì kùw ró, cha ka ndîy drò-dró ní lò-hó nà nì. Ndrǔ ndrŕ nì ìdhí rù mí lǎnínga. 6Ndrǔ ji nì lǎní dòwdha mí nga madha mí nyû ddù ó ndèymí ndèy ɦuwdjò nì tǔw ní thìynga Yahuddi-ddúw dhí njuwdha-dzà ó. 7Ndrǔ ji nì ka zǔ ì rónga li dò njèydha nà ddí ddiy ónga dzźdha mí nga ó ndèymí ndrǔ ji nì njàddí ndrǔ iy ì, li-gwíydha-djá ní.
8“Chú à kà nzá ka íy nyì, li-gwíydha-djá ní, ddiydhò nyìdhí Li-gwíydha-dja nì ddì ndèymí nyì nì wá ddìkàddì, ddiydhò nyì wánì nì ma dyǒw. 9À kà nzá nyì íy njàddí li rò ingá dziylíy djú, ‘Ma dja’ ní, ddiydhò nyì wánì nyì Dja nà ddì ndèymí à nì rakpa ò. 10Ǐngí nzá kà ka íy nyì, li-djùkpa ddàdha-djá ní, ddiydhò Li-djùkpa ddàdha-dja nì ddì ndèymí à nì Masiya. 11Ndèy nì ddrǒngó tǐ nyì kàó nì li, à kà fúli déy nyìdhí nokpa ní. 12Ì tdúw nì ì nì ndrǔ, ka rà fú ndrǔ djow, ndèymí ì djów nì ì nì ndrǔ, ka rà ndrǔ tduw ru.
Yesu gù yǎdha mí li-gwíydha-djá ndèymí Farisayo ní kpa nà
(Mak 12:40; Lwk 11:39-42)
13“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì tà rakpa mí pey-mí-nga mí dzá-tsò bbalè nyú djú. Nyì nyìníddò tsuw nì nzǐ, ǐngí cha ì nì jǐ ì tsǔw nì ndrǔ, nyì ji nì nzǐ ndrǔ tsǔw.
14“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì nyu nì ì kpá dhì nì dhì dhí ddiy ndèymí nyì tsa nì ndrǔ nyú ìdhí ddiy ró. Nyì nzz nì ndì ní nzz̀dha, ndaní njàddí bbalè má nyì. Fú lò dho, ka rà nyì djú lò tdèy ngǎjìní à da njàddí bbalè dhí djòluw.#23:14 Njàddí ndíydha-ní-lò ó í versi 14 nì, nì ngǎ.
15“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì nì bbiy dziylíy djòluw ndèymí ju-ddà nà, ndaní nyì lí li rò ddì à ngú nyì dè, ndèymí ya nyì njèy lǎní, nyì rà à ngù ndru-tey ró nì li sàdha mí kàss mí li ní, rwo ngà nà gbè nyì níchú.
16“Zòw nyì djú, li-djùkpa ddàdha-djá cha nyì nyú mûw nì, nyì tdra nì, ‘Ya li rò tsò ju Yahuddi-ddúw dhí Ddrà nzz̀dha mí thí ní dza ró dho nà, mí ju tsódha nì vúní. Chú ya à tsô ju Ddrà nzz̀dha mí thí ní dza ó ngbú ní órr̀ nà, à kà à njěy cha ndèy tsô ju ndèy dho nì ddiy.’ 17Nyì ì nyú mûw nì vǐy. Ŋá nì ní ndey ddrǒngó tǐ? Ngbú ní órr̀, ǐngí Ddrà nzz̀dha mí thí ní dza cha ndèy lêy mí ngbú ní órr̀ nì thí nì? 18Nyì ddí tdrà nì, ‘Ya ndeyli tsò ju alitari nà, mí ju tsódha nì vúní. Chú ndèy tsò ju à djú bbudha nà nì li, kà à njěy cha ndèy tsô ju ndèy dho nì ddiy.’ 19Nyì ì nyú mûw nì kpa! Ŋá nì ní ndèy ddrǒngó tǐ? Bbudha, ǐngí alitari cha ndèy ngu nì bbudha thí nì? 20Fú ddiy dhò, ndèy tsò ju alitari nà nì li, fúnì fú li tsô ju ndanà ndèymí wánì ddiy nà cha ndèy nì à djú nì nà. 21Ndèymí ndèy tsò ju Ddrà nzz̀dha mí thí ní dza ró dho nà nì li, fúnì à tsò ju à nà ndèymí ndèy nì dey ǒmá nì li nà. 22Ndèymí ndèy tsò ju rakpa ró dho nà nì li, fúnì à tsò ju Ddrǎ-ngá pey mí thìynga ró dho nà ndèymí cha ndèy dow nì mí thìynga djú nì li nà.
23“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì bbú nì Ddrà dhò nza óddù ndèy shì nì drá tǐ ní nyû-tsi mí dri nì la. Chú nyì bbà nì ndèy ɦuwdjò nì tǔw nì yǎdha jì nì ddiy njèydha, gbè chěy ní lò-tdèydha, zòw-lò ndèymí uwdha nà. Fú drò-dró ní ddiy kà nyì njěy ndèymí nzǐ nyì bbǎ njàddí drá ní tá ddí. 24Nyì nyú mûw nì li-djùkpa ddàdha-djá! Nyì ddá nì rŕ tá nyìdhí mbùdha ní ddiy óddù, chú nyì thiy nì ngàmíyà.
25“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì gbú nì nyìdhí kǒpù ndèymí sǎnì rónga, chú ǒnga kì dyǎ nà ndèymí mbeylèy nà. 26Nyì nyú mûw nì Farisayo ní kpa, nji nyì gbú kòpù ónga ndèymí sǎnì nà, ndèymí rúgòluw nì rǒnga ddí rà ngu ngbá.
27“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì nì gbè sárŕ ní tdo nà ka klà ndèy rónga nì tdôw-dzì níchú. À nja nì ndèy lǎní rúgòluw, chú ǒnga kì ì dhì nì bbalè kpálá nà ndèymí wánì ddiy nì ngǎ ngbá. 28Fú ddì nì tuw nà, rúgòluw nyì dho nì nyì chǒw ní bbalè ní, chú nyì ónga kì lò-shúwdha nà ndèymí cherr nà.
Yesu dhò ndrǔ dhí lò-tdèydha
(Lwk 11:47-51)
29“Zòw nyì djú, nyì Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì ss nì lǎní tdôw-dzì nabi-kpà dhò ndèymí nyì thi nì chǒw ní bbalè dhí tdôw-dzì. 30Nyì tdrà nì, ‘Ya mà dêy tdè mà bbúw tdè mí ddu ó, mà dho nzǐ ndrǔ nà nabi-kpà ró jǔw tdiy.’ 31Fú ddiy tdràdha nà, nyì ùw nyì nì cha ì hwì nabi-kpà nì ndrǔ ó ddèy. 32Nyì ndrŕ nyì, ndèymí nyì sí cha nyì bbúw ngà tdè ndèy tsònì ddiy!
33“Nyì ngìydhá kpà ó ddèy. Ddudhò nyì ní ddey nyì dho pa ndru-tey ró nì li sàdha mí kàss mí lò-tdèydha róddù? 34Fú ddiy dhò, ma nì nabi-kpà cho nyì dè, nyǔꞌwiy-djá ndèymí li-gwíydha-djá nà. Njàddí ndrǔ rò nyì rà hwì, njàddí ndrǔ cho musalabba djú, njàddí ndrǔ nyì rà dhèy shì nà, nyìdhí njuwdha-dzà ó ndèymí nyì rà ndrǔ dìy ddì nì ddrǒngó ní bba óddù njàddí ddrǒngó ní bba ò. 35Nyì djò wánì chǒw ní bbalè dhí jǔw rà shì cha ndèy tdîy ndèy dziylíy djò, à nga ndèy chǒw ní Abele mí jǔw róddù, rà shì kpòw Zakariya, Berekiya mí ddùwnì ró, cha nyì hwì tdè Yahuddi-ddúw dhí Ddrà nzz̀dha mí thí ní dza kàó ndèymí alitari nà.#23:35 Lò-tsò ngàdha 4:1-16; 2 Pbúw ó lò 24:20-22. 36Manì nyì dhò dìchú ní lò tdrǎ, í ddiy wá rà shì njanja nì bbalè djú.
Yesu dzz̀ Yerusalemu mí ddrǒngó ní bba djú
(Lwk 13:34,35)
37“Yerusalemu, Yerusalemu, nyi ó bbalè hwì nabi-kpà ndèymí ndrǔ brr̂ ka chô nyì dè nì bbalè djuw nà. Bíy nì nga nà, ma jì tdè ma njúw nyi ó bbalè ddìngaó, gbè ǒw-yà njúw nì ndèy téy nzòw ndèy prú ss̀tò níchú, chú nyì ùw nzá. 38Nja, nyǐngá dza rà mà ngǎ ndèy ó bbalè ní. 39Ma nì tdrǎ nyì dhò, nyì rà ma njà nzǐ ddíyàchú, pbǔw nyì rà tdrà, ‘Bû nì cha ndèy shì Ddrǒngóli ró dho ó nì li dhò.’#23:39 Ngwo-kpà 118:26.”
Currently Selected:
Matayo 23: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 23
23
Yesu ddù bbalè nyú Musa-ngá yǎdha mí li-gwíydha-djá ró ndèymí Farisayo ní kpa nà
(Mak 12:38-39; Lwk 11:43,46)
1Yesu kâ lò tdrà bbalè mí njuw dhò ndèymí à kodjú kpa nà, 2“Musa-ngá yǎdha mí li-gwíydha-djá ndèymí Farisayo ní kpa nì klôw nà Musa-ngá yǎdha tey klódha mî. 3Fú ddiy dhò, nyì njey cha ndrǔ nì jǐ nyì njěy nì ddiy ndèymí njey ddiy wá cha ndrǔ tdra nì nyì njěy nì. Chú nzǐ nyì njey cha ndrǔ nì njěy nì ddiy, ddiydhò ndrǔ njey nì nzǐ cha ì nì gwiy nì ddiy. 4Ndrǔ chey nì tǔwtǔw ní nò ndèymí ndrǔ léy nì bbalè djú, chú ndrǔ ìníddù ji nì nzǐ ì tdúw teynì ì-dhokpa bbílíy nà. 5Ddiy wá cha ndrǔ nì njěy nì, ndrǔ njèy nì, ndaní bbalè njǎ. Ndrǔ chey nì Ddrǎ-ngá ndíydha-ní-lò ó, ì nyú tsò ró ndèymí ì kùw ró, cha ka ndîy drò-dró ní lò-hó nà nì. Ndrǔ ndrŕ nì ìdhí rù mí lǎnínga. 6Ndrǔ ji nì lǎní dòwdha mí nga madha mí nyû ddù ó ndèymí ndèy ɦuwdjò nì tǔw ní thìynga Yahuddi-ddúw dhí njuwdha-dzà ó. 7Ndrǔ ji nì ka zǔ ì rónga li dò njèydha nà ddí ddiy ónga dzźdha mí nga ó ndèymí ndrǔ ji nì njàddí ndrǔ iy ì, li-gwíydha-djá ní.
8“Chú à kà nzá ka íy nyì, li-gwíydha-djá ní, ddiydhò nyìdhí Li-gwíydha-dja nì ddì ndèymí nyì nì wá ddìkàddì, ddiydhò nyì wánì nì ma dyǒw. 9À kà nzá nyì íy njàddí li rò ingá dziylíy djú, ‘Ma dja’ ní, ddiydhò nyì wánì nyì Dja nà ddì ndèymí à nì rakpa ò. 10Ǐngí nzá kà ka íy nyì, li-djùkpa ddàdha-djá ní, ddiydhò Li-djùkpa ddàdha-dja nì ddì ndèymí à nì Masiya. 11Ndèy nì ddrǒngó tǐ nyì kàó nì li, à kà fúli déy nyìdhí nokpa ní. 12Ì tdúw nì ì nì ndrǔ, ka rà fú ndrǔ djow, ndèymí ì djów nì ì nì ndrǔ, ka rà ndrǔ tduw ru.
Yesu gù yǎdha mí li-gwíydha-djá ndèymí Farisayo ní kpa nà
(Mak 12:40; Lwk 11:39-42)
13“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì tà rakpa mí pey-mí-nga mí dzá-tsò bbalè nyú djú. Nyì nyìníddò tsuw nì nzǐ, ǐngí cha ì nì jǐ ì tsǔw nì ndrǔ, nyì ji nì nzǐ ndrǔ tsǔw.
14“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì nyu nì ì kpá dhì nì dhì dhí ddiy ndèymí nyì tsa nì ndrǔ nyú ìdhí ddiy ró. Nyì nzz nì ndì ní nzz̀dha, ndaní njàddí bbalè má nyì. Fú lò dho, ka rà nyì djú lò tdèy ngǎjìní à da njàddí bbalè dhí djòluw.#23:14 Njàddí ndíydha-ní-lò ó í versi 14 nì, nì ngǎ.
15“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì nì bbiy dziylíy djòluw ndèymí ju-ddà nà, ndaní nyì lí li rò ddì à ngú nyì dè, ndèymí ya nyì njèy lǎní, nyì rà à ngù ndru-tey ró nì li sàdha mí kàss mí li ní, rwo ngà nà gbè nyì níchú.
16“Zòw nyì djú, li-djùkpa ddàdha-djá cha nyì nyú mûw nì, nyì tdra nì, ‘Ya li rò tsò ju Yahuddi-ddúw dhí Ddrà nzz̀dha mí thí ní dza ró dho nà, mí ju tsódha nì vúní. Chú ya à tsô ju Ddrà nzz̀dha mí thí ní dza ó ngbú ní órr̀ nà, à kà à njěy cha ndèy tsô ju ndèy dho nì ddiy.’ 17Nyì ì nyú mûw nì vǐy. Ŋá nì ní ndey ddrǒngó tǐ? Ngbú ní órr̀, ǐngí Ddrà nzz̀dha mí thí ní dza cha ndèy lêy mí ngbú ní órr̀ nì thí nì? 18Nyì ddí tdrà nì, ‘Ya ndeyli tsò ju alitari nà, mí ju tsódha nì vúní. Chú ndèy tsò ju à djú bbudha nà nì li, kà à njěy cha ndèy tsô ju ndèy dho nì ddiy.’ 19Nyì ì nyú mûw nì kpa! Ŋá nì ní ndèy ddrǒngó tǐ? Bbudha, ǐngí alitari cha ndèy ngu nì bbudha thí nì? 20Fú ddiy dhò, ndèy tsò ju alitari nà nì li, fúnì fú li tsô ju ndanà ndèymí wánì ddiy nà cha ndèy nì à djú nì nà. 21Ndèymí ndèy tsò ju Ddrà nzz̀dha mí thí ní dza ró dho nà nì li, fúnì à tsò ju à nà ndèymí ndèy nì dey ǒmá nì li nà. 22Ndèymí ndèy tsò ju rakpa ró dho nà nì li, fúnì à tsò ju Ddrǎ-ngá pey mí thìynga ró dho nà ndèymí cha ndèy dow nì mí thìynga djú nì li nà.
23“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì bbú nì Ddrà dhò nza óddù ndèy shì nì drá tǐ ní nyû-tsi mí dri nì la. Chú nyì bbà nì ndèy ɦuwdjò nì tǔw nì yǎdha jì nì ddiy njèydha, gbè chěy ní lò-tdèydha, zòw-lò ndèymí uwdha nà. Fú drò-dró ní ddiy kà nyì njěy ndèymí nzǐ nyì bbǎ njàddí drá ní tá ddí. 24Nyì nyú mûw nì li-djùkpa ddàdha-djá! Nyì ddá nì rŕ tá nyìdhí mbùdha ní ddiy óddù, chú nyì thiy nì ngàmíyà.
25“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì gbú nì nyìdhí kǒpù ndèymí sǎnì rónga, chú ǒnga kì dyǎ nà ndèymí mbeylèy nà. 26Nyì nyú mûw nì Farisayo ní kpa, nji nyì gbú kòpù ónga ndèymí sǎnì nà, ndèymí rúgòluw nì rǒnga ddí rà ngu ngbá.
27“Zòw nyì djú, Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì nì gbè sárŕ ní tdo nà ka klà ndèy rónga nì tdôw-dzì níchú. À nja nì ndèy lǎní rúgòluw, chú ǒnga kì ì dhì nì bbalè kpálá nà ndèymí wánì ddiy nì ngǎ ngbá. 28Fú ddì nì tuw nà, rúgòluw nyì dho nì nyì chǒw ní bbalè ní, chú nyì ónga kì lò-shúwdha nà ndèymí cherr nà.
Yesu dhò ndrǔ dhí lò-tdèydha
(Lwk 11:47-51)
29“Zòw nyì djú, nyì Musa-ngá yǎdha mí li-gwíydha-djá ndèymí Farisayo ní kpa nà, nyì nì lò-shúwdha-djá! Nyì ss nì lǎní tdôw-dzì nabi-kpà dhò ndèymí nyì thi nì chǒw ní bbalè dhí tdôw-dzì. 30Nyì tdrà nì, ‘Ya mà dêy tdè mà bbúw tdè mí ddu ó, mà dho nzǐ ndrǔ nà nabi-kpà ró jǔw tdiy.’ 31Fú ddiy tdràdha nà, nyì ùw nyì nì cha ì hwì nabi-kpà nì ndrǔ ó ddèy. 32Nyì ndrŕ nyì, ndèymí nyì sí cha nyì bbúw ngà tdè ndèy tsònì ddiy!
33“Nyì ngìydhá kpà ó ddèy. Ddudhò nyì ní ddey nyì dho pa ndru-tey ró nì li sàdha mí kàss mí lò-tdèydha róddù? 34Fú ddiy dhò, ma nì nabi-kpà cho nyì dè, nyǔꞌwiy-djá ndèymí li-gwíydha-djá nà. Njàddí ndrǔ rò nyì rà hwì, njàddí ndrǔ cho musalabba djú, njàddí ndrǔ nyì rà dhèy shì nà, nyìdhí njuwdha-dzà ó ndèymí nyì rà ndrǔ dìy ddì nì ddrǒngó ní bba óddù njàddí ddrǒngó ní bba ò. 35Nyì djò wánì chǒw ní bbalè dhí jǔw rà shì cha ndèy tdîy ndèy dziylíy djò, à nga ndèy chǒw ní Abele mí jǔw róddù, rà shì kpòw Zakariya, Berekiya mí ddùwnì ró, cha nyì hwì tdè Yahuddi-ddúw dhí Ddrà nzz̀dha mí thí ní dza kàó ndèymí alitari nà.#23:35 Lò-tsò ngàdha 4:1-16; 2 Pbúw ó lò 24:20-22. 36Manì nyì dhò dìchú ní lò tdrǎ, í ddiy wá rà shì njanja nì bbalè djú.
Yesu dzz̀ Yerusalemu mí ddrǒngó ní bba djú
(Lwk 13:34,35)
37“Yerusalemu, Yerusalemu, nyi ó bbalè hwì nabi-kpà ndèymí ndrǔ brr̂ ka chô nyì dè nì bbalè djuw nà. Bíy nì nga nà, ma jì tdè ma njúw nyi ó bbalè ddìngaó, gbè ǒw-yà njúw nì ndèy téy nzòw ndèy prú ss̀tò níchú, chú nyì ùw nzá. 38Nja, nyǐngá dza rà mà ngǎ ndèy ó bbalè ní. 39Ma nì tdrǎ nyì dhò, nyì rà ma njà nzǐ ddíyàchú, pbǔw nyì rà tdrà, ‘Bû nì cha ndèy shì Ddrǒngóli ró dho ó nì li dhò.’#23:39 Ngwo-kpà 118:26.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved