Tito 3
3
Da' nó'in lasoxoc na' 'amaqténataxanaxaicpi
1'Antouénaxanaxanec na' 'amaqténataxanaxaicpi da' ỹátaqta ỹoqo'cha qataxa ỹalaxaguet na' net'alpi na' 'uo da' 'enec qataxa na' lecochaxau'pi. Jaldáta qaỹa 'te ga' ỹiga da' 'uo ga' ỹí'et gamachaqaiga n'onataxanaxac ỹiỹamqáchiiñi. 2'Ená'te da' quetapeelégue ga' laqáỹa. Jaldáta da' 'uo da' neuálaxainaxac qataxa da' lesóxodic. Qataxa huosóta da' lasoxoc da' ỹilo'oguet gamachaqaiga laqáỹa.
3Qá'a senqá'am ca'li maliaxása da' sa s'amaqténataxanaq. Ỹátaqta qo'mi chiỹoxo's qataxa sa sauoqo ñi' Dios. Sesómaqtac, qataxa qo'mi lelatáqa ỹima na' namanaxanaxapi qataxa gamachaqaiga qadoqopita. S'étaxac ga' sa ỹiỹamaxañi ga' qadaqáỹa, qataxa sep'aguénaqtac. Sa 'te qo'mi qoỹisiquiaxana'agueta. Jaldáta da' ñip'aguenaqtapega't. 4Qaláxasa ñi'me Dios 'me qadec'alaxaqui ỹaloxóna joca'li da' lesóxodic qataxa da' loqopi'chi na' siỹaxadipi, 5qana'chi qo'mi nec'alaxatréegue. Da'me qo'mi ỹ'eteque, sa 'te ỹasouaxat da' 'uootaxa s'étaqtac ga' ỹiỹamqáchiiñi. Jaldáta da' ñi'me qo'mi ỹichoxode'n. Chan'eesa qo'mi nec'alaxatréegue joca'li saxáaue da' chiláxac 'me náaue da' dálaxaic qadañoxoc qataxa da' dálaxaic qad'óiỹaxac 'me qo'mi ỹanema so' Espíritu Santo. 6Chiỹoqóchiỹi so' qadec'alaxaqui Jesucristo da' qo'mi ỹanema ñi'me Dios so' Espíritu Santo, ỹátaqta sa 'te nalóta. 7Chan'eesa naỹi ñi'me ỹitaxa da' ỹiỹamaxadéete' da' qo'mi ỹichoxode'n, qataxa qo'mi ỹanema da' n'óiỹaxac 'me sa n'aidé'na 'me ñaquitaqat'aguet.
8Dójo' séetapega ỹátaqta 'eesa. Chan'eesa sétaaque da' ỹátaqta 'au'axat, qaidi ỹima jen'me ỹ'amaqten ñi' Dios neuálaxai'ne' da' ỹ'e't naua' ỹiỹamadíchidiñi. Da'me séetapega ỹátaqta n'óota, qataxa 'uo da' náaue. 9Qaláxasa 'avita'agueto' na' cotaxacpi 'me qaỹa 'te ga' náaue, nataq'en na' 'chi nesenaxac so' napidiipi, qataxa da' qodictapeelégue ga' naqáỹa, qataxa da' qonecotátapiỹi jen' naqátaxacpi 'me chiỹoqo'ot so' Moisés joca'li. Qá'a da'me qaỹa 'te ga' ló'o, qataxa qaỹa 'te náaue.
10Da' 'uo ga' colaxáỹi qa'en jen' tamnaxaicpi, ga'me ỹátaqta 'auosápegue'. Qomle sa 'am 'te ỹoqo'cha da' sóxote dos da' 'auenapéga, qana'chi ga'me ma'le 'auamaxáiỹi. 11Qá'a ma'le qoỹaỹáten ga'me siỹaxaua da' sa nateneguet da' ỹiỹamqáchiiñi. Qá'a da'me lesamaxataxac naqaida 'me ỹ'éte'uo da' lesómaxac.
Lalémaxaset naqátaguec so' Tito
12Qomle 'am samaxa ñi' Artemas, 'uootaxa ñi' Tíquico, qana'chi 'am 'ená'te 'anỹáloxoden qomle da' 'anec'áta di' noic Nicópolis da' jaỹim 'auaqátet'aguet, qá'a sétaaque da' souét'a di'me qomle nivídeuo na' naqaviaxa. 13Qataxa 'aneuálaxai'ne' qomle da' 'alecochiỹa so' Apolos qataxa so' Zenas 'me l'onataxanaxac da' ỹisóiỹi ga' 'uo ga' lavíỹaxaset. 'Alcochiỹique ỹima saa'me ga' leuéne'j da' ladíquiaxa'j, qaidi qaỹa 'te ga' ỹiuéetraaque. 14Qataxa nataq'en na' qadaỹi 'amaqténataxanaxaicpi n'óota qomle da' ỹaỹáten da' ỹí'et ga' nó'in, qataxa da' lecochiỹa ga' 'uo da' lovic, qaidi da' l'óiỹaxac jen'me ỹátaqta 'uo da' jaláỹaxac.
Da' p'áteegue lip'iỹénataxanaxac so' Pablo
15Ỹima jen'me jaỹim net'asop qadaỹi 'am ỹamaxa da' lip'iỹénataxanaxac. Qataxa da' ỹip'iỹénataxanaxac ỹima na' qadaỹi 'me qanéegaxau'pi. Ñi' Dios 'ami ỹanema qomle ga' nó'in 'adadíquiaxaqui. Já'a, na'chi naq'áita dójo'.
Currently Selected:
Tito 3: PLGNT93
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Tito 3
3
Da' nó'in lasoxoc na' 'amaqténataxanaxaicpi
1'Antouénaxanaxanec na' 'amaqténataxanaxaicpi da' ỹátaqta ỹoqo'cha qataxa ỹalaxaguet na' net'alpi na' 'uo da' 'enec qataxa na' lecochaxau'pi. Jaldáta qaỹa 'te ga' ỹiga da' 'uo ga' ỹí'et gamachaqaiga n'onataxanaxac ỹiỹamqáchiiñi. 2'Ená'te da' quetapeelégue ga' laqáỹa. Jaldáta da' 'uo da' neuálaxainaxac qataxa da' lesóxodic. Qataxa huosóta da' lasoxoc da' ỹilo'oguet gamachaqaiga laqáỹa.
3Qá'a senqá'am ca'li maliaxása da' sa s'amaqténataxanaq. Ỹátaqta qo'mi chiỹoxo's qataxa sa sauoqo ñi' Dios. Sesómaqtac, qataxa qo'mi lelatáqa ỹima na' namanaxanaxapi qataxa gamachaqaiga qadoqopita. S'étaxac ga' sa ỹiỹamaxañi ga' qadaqáỹa, qataxa sep'aguénaqtac. Sa 'te qo'mi qoỹisiquiaxana'agueta. Jaldáta da' ñip'aguenaqtapega't. 4Qaláxasa ñi'me Dios 'me qadec'alaxaqui ỹaloxóna joca'li da' lesóxodic qataxa da' loqopi'chi na' siỹaxadipi, 5qana'chi qo'mi nec'alaxatréegue. Da'me qo'mi ỹ'eteque, sa 'te ỹasouaxat da' 'uootaxa s'étaqtac ga' ỹiỹamqáchiiñi. Jaldáta da' ñi'me qo'mi ỹichoxode'n. Chan'eesa qo'mi nec'alaxatréegue joca'li saxáaue da' chiláxac 'me náaue da' dálaxaic qadañoxoc qataxa da' dálaxaic qad'óiỹaxac 'me qo'mi ỹanema so' Espíritu Santo. 6Chiỹoqóchiỹi so' qadec'alaxaqui Jesucristo da' qo'mi ỹanema ñi'me Dios so' Espíritu Santo, ỹátaqta sa 'te nalóta. 7Chan'eesa naỹi ñi'me ỹitaxa da' ỹiỹamaxadéete' da' qo'mi ỹichoxode'n, qataxa qo'mi ỹanema da' n'óiỹaxac 'me sa n'aidé'na 'me ñaquitaqat'aguet.
8Dójo' séetapega ỹátaqta 'eesa. Chan'eesa sétaaque da' ỹátaqta 'au'axat, qaidi ỹima jen'me ỹ'amaqten ñi' Dios neuálaxai'ne' da' ỹ'e't naua' ỹiỹamadíchidiñi. Da'me séetapega ỹátaqta n'óota, qataxa 'uo da' náaue. 9Qaláxasa 'avita'agueto' na' cotaxacpi 'me qaỹa 'te ga' náaue, nataq'en na' 'chi nesenaxac so' napidiipi, qataxa da' qodictapeelégue ga' naqáỹa, qataxa da' qonecotátapiỹi jen' naqátaxacpi 'me chiỹoqo'ot so' Moisés joca'li. Qá'a da'me qaỹa 'te ga' ló'o, qataxa qaỹa 'te náaue.
10Da' 'uo ga' colaxáỹi qa'en jen' tamnaxaicpi, ga'me ỹátaqta 'auosápegue'. Qomle sa 'am 'te ỹoqo'cha da' sóxote dos da' 'auenapéga, qana'chi ga'me ma'le 'auamaxáiỹi. 11Qá'a ma'le qoỹaỹáten ga'me siỹaxaua da' sa nateneguet da' ỹiỹamqáchiiñi. Qá'a da'me lesamaxataxac naqaida 'me ỹ'éte'uo da' lesómaxac.
Lalémaxaset naqátaguec so' Tito
12Qomle 'am samaxa ñi' Artemas, 'uootaxa ñi' Tíquico, qana'chi 'am 'ená'te 'anỹáloxoden qomle da' 'anec'áta di' noic Nicópolis da' jaỹim 'auaqátet'aguet, qá'a sétaaque da' souét'a di'me qomle nivídeuo na' naqaviaxa. 13Qataxa 'aneuálaxai'ne' qomle da' 'alecochiỹa so' Apolos qataxa so' Zenas 'me l'onataxanaxac da' ỹisóiỹi ga' 'uo ga' lavíỹaxaset. 'Alcochiỹique ỹima saa'me ga' leuéne'j da' ladíquiaxa'j, qaidi qaỹa 'te ga' ỹiuéetraaque. 14Qataxa nataq'en na' qadaỹi 'amaqténataxanaxaicpi n'óota qomle da' ỹaỹáten da' ỹí'et ga' nó'in, qataxa da' lecochiỹa ga' 'uo da' lovic, qaidi da' l'óiỹaxac jen'me ỹátaqta 'uo da' jaláỹaxac.
Da' p'áteegue lip'iỹénataxanaxac so' Pablo
15Ỹima jen'me jaỹim net'asop qadaỹi 'am ỹamaxa da' lip'iỹénataxanaxac. Qataxa da' ỹip'iỹénataxanaxac ỹima na' qadaỹi 'me qanéegaxau'pi. Ñi' Dios 'ami ỹanema qomle ga' nó'in 'adadíquiaxaqui. Já'a, na'chi naq'áita dójo'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.