1 Timoteo 6
6
1Ga' namaxasec 'ená'te taa'le sa ỹalaxaguet ga' ladípa, qaidi sa 'te taa'le qoỹasaxalégue ga' sa nó'in da' lenaxat ñi' Dios qataxa da'me sapaxaguenataxanqátapeec. 2Qataxa ga' namaxasec da' 'uootaxa 'amaqténataxanaxaic ga' ladípa, sa 'te taa'le sa ỹaláxas'aguet, lamá'asa da' d'amaqténataxan. Jaldáta da' ỹátaqta ỹalaqt'eguet, qá'a ga' d'onataxaatapecot 'ená'am l'amaqténataxanaxaua, qataxa ỹátaqta nauotaxaua laqáỹa. Dójo' séetapega ỹátaqta 'auapaxaguenataxanec qataxa 'au'axat.
Da' n'amaqténataxanaxac qataxa da' namaic
3Qomle 'uo ga' dapaxaguenataxáatapeec na' n'onataguecpi 'me sa lasoxoc, qataxa sa 'te ỹiuoteneguet da' napaxaguenataxanaxac nó'in 'me chiỹoqo'ot so' qadesaliaxanec Jesucristo, qataxa da' qad'amaqténataxanaxac 'me sapaxaguenataxanqátapeec, 4ga'me siỹaxaua 'chi ỹ'oxodénaxaic, qaláxasa qaỹa 'te ga' ỹaỹáten. Chan'eesa loqopitaxat da' sétaaque da' 'chi necotaxaqui na' n'aqtacpi. Da'me 'ená'am ga' ỹ'oqóchiỹi lapite'na. Da'me na'chida da' chiỹoqótapiỹi da' jauténaxac, cotaxac, nesounaxanaxac, qataxa da' p'itáxanaxac ga' naqáỹa, 5qataxa da' lóiquiaxac qaỹa 'te loiquiaqa'. 'Éeta na' siỹaxadipi 'me sóxote ma'le sa ỹiỹamaxañi da' laatetonaxanaxac, qataxa soxotele sa ỹaateton da' 'eesa lasoxoc. Jen'me nip'itaxano' da' qoỹachiỹoxotétapegooue da' ỹ'oqóchiỹi nesaliaxa da' n'amaqténataxanaxac. Naqáina 'me 'ená'te 'aneuooguet qomle. 6'Eesa da'me qad'amaqténataxanaxac huet'aguet da' nesaliaxa let'ádaic, qaláxasa ga' siỹaxaua ỹaỹáten da' netóotapeec ga'tai'me ỹauana. 7Qá'a qo'mi qaỹa 'te qadí'ỹac joca'li ñic'átaxa jen' 'aléua. Qana'chi 'ená'am da' s'iỹílaxasoq qaỹa 'te ga' sáchaq. 8Chan'eesa da' 'uo ga' qonoq, qataxa ga' ñapoguénaxa'ña, qana'chi n'óota da' qo'mi madet'ape. 9Qaláxasa na' sétaaque da' saliaxanec, sa 'te nalo'oguet ga' n'iinaguec, ỹivíde'ta da' sega'me mai'chi lecoxóỹi na' jalcote loqopi'chi 'me qaỹa 'te náaue. Jen'me ỹañoxot da' n'áxat ga' siỹaxaua, qataxa sega'me noláiñi qa'en, qataxa ỹíidaxatet'a da' noláxachiñi. 10Qá'a da' noqopi'chi jaga' ỹ'oqóchiỹi laicaua, na'chána jan' sega'me lepata' jen' ỹima ỹodapecachi 'me sa ỹiỹamaxañi. Qá'a sóxote 'uo na' ỹima'aguet da' loqopichidíỹaxac jan'me, qana'chi cá'ai da' lip'iỹáxac, qana'chi naueela't da' ỹodapecachi ne'queténaxac da' l'óiỹaxac.
Qo'enapéga so' Timoteo da' n'añaxatelégue da' lip'iỹáxac
11Qaláxasa 'am, 'am lamaxasec ñi' Dios, 'auasoi'ỹim ỹima jen'me sa ỹiỹamaxañi. Ỹátaqta 'anañanot ñi' Dios. 'Oquetelco' da' n'óiỹaxac 'me chimaqáchiiñi, qataxa da'me nip'iỹáxac, nesóxodic, pogáxadenaxac, qataxa huosóta jana' 'adiquidiaqte. 12'An'añaxatelco' qomle da' 'adip'iỹáxac, qaidi 'adauégue da' n'óiỹaxac 'me sa n'aidé'na. Qá'a na'chida 'me 'am ỹiỹáxana ñi' Dios da' 'auaconeguet da'me n'óiỹaxac, qataxa jalcote na' 'am ỹauáachiỹi ca'li 'au'axat da' 'adip'iỹáxac. 13Naỹi qo'mi ỹic'atéet'ape ñi' Dios 'me chiỹaqpecot da' lec'alaxa ỹimaquéna, nataq'en ñi' Jesucristo 'me ỹ'axat da' lip'iỹáxac josii'chi qoỹasoxona'aguet so' net'a Poncio Pilato, da' 'am senapéga da' 14'aualaxaloo'to' naua' ỹaqátaxaco. Ỹátaqta qaỹa 'te 'anpatenalégue, qaidi sa 'te 'an'aqtaguec ga' sa nó'in. 'Ocot da'me, cha ỹivíd'a ga'me nolo' qomle n'iỹílaq so' qadesaliaxanec Jesucristo. 15Qomle ỹivíta ga'me lalóqo', qana'chi ñi' Dios di'ỹoq qa'en so'me, qá'a 'oonolec ỹ'oxodaic 'me napacalquéna qataxa huet'ot da' tenaxac. Ñi'me 'me let'a na' net'alpi qataxa lasoxola' na' nasoxola'pi. 16Jalñíta 'me qaỹa 'te ga' loiquiaqa', qataxa huétaaue da' n'edáxa 'me qaỹa 'te ga' neuói'uo. Qaỹa 'te siỹaxaua taa'le ỹaqanatet da' ỹilá'a. Ñi'me 'me huet'ot da' li'ỹoxodic qataxa da' lañoqtaxanaxac 'me qaỹa 'te loiquiaqa'. Já'a, na'chi naq'áita dójo'.
17Ga'me huet'ot da'me ỹ'oqóchiỹi neuóỹaxac, 'auenapéga da' sa 'te ỹ'oxodénaxaic, qataxa sa 'te p'iỹá'a da' lesaliaxa, qá'a da'me sa 'te loguéegue. Jaldato' da' ỹacho'ot ñi' qan'étoqo't da' naquitaxac. Qá'a ñi'me 'me nec'alétaiỹi, qataxa qo'mi ỹanema ỹima na' qadeuénecpi, 'chi qoỹacootalégue, qaidi qo'mi madet'ape. 18'Auenapéga nataq'en da' ỹí'et ga' 'ónaxaic, qaidi sega'me lesaliaxa da' l'onataxanaxac ỹiỹamqáchiiñi. Qataxa qaỹa 'te ỹiquétapega da' 'uo ga' ỹan da' lecochaxanot. 19Qaidi dójo' lesaliaxa sa di'ỹoq 'uo qa'en da'me naquitaxac ga'me maliaxa naỹáuo, qataxa lauéguec da' n'óiỹaxac 'me sa n'aidé'na.
Da' p'áteegue naqátaguec so'me Timoteo
20'Am Timoteo, ỹátaqta 'adetela'o' qomle da' 'am qoỹipataxalégue n'onataxanaxac. 'Ená'te 'anaquiáxana ga'me 'chi nosáxacpi l'achaq'áina 'me qaỹa 'te náaue, qataxa da' nep'aguénataxanaxac 'me chiỹaqáaue da' qoỹíitapega naỹátenaxanaxac, qaláxasa ỹaqá'a. 21Qá'a 'uo jen'me 'equegue da' qoỹíitapega naỹátenaxanaxac, qana'chi ỹasouaxat da' nepáten qa'en da' nip'iỹáxac.
Ñi' Dios ỹanem 'am ga' 'ónaxaic 'adadíquiaxac. Já'a, na'chi naq'áita dójo'.
Currently Selected:
1 Timoteo 6: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
1 Timoteo 6
6
1Ga' namaxasec 'ená'te taa'le sa ỹalaxaguet ga' ladípa, qaidi sa 'te taa'le qoỹasaxalégue ga' sa nó'in da' lenaxat ñi' Dios qataxa da'me sapaxaguenataxanqátapeec. 2Qataxa ga' namaxasec da' 'uootaxa 'amaqténataxanaxaic ga' ladípa, sa 'te taa'le sa ỹaláxas'aguet, lamá'asa da' d'amaqténataxan. Jaldáta da' ỹátaqta ỹalaqt'eguet, qá'a ga' d'onataxaatapecot 'ená'am l'amaqténataxanaxaua, qataxa ỹátaqta nauotaxaua laqáỹa. Dójo' séetapega ỹátaqta 'auapaxaguenataxanec qataxa 'au'axat.
Da' n'amaqténataxanaxac qataxa da' namaic
3Qomle 'uo ga' dapaxaguenataxáatapeec na' n'onataguecpi 'me sa lasoxoc, qataxa sa 'te ỹiuoteneguet da' napaxaguenataxanaxac nó'in 'me chiỹoqo'ot so' qadesaliaxanec Jesucristo, qataxa da' qad'amaqténataxanaxac 'me sapaxaguenataxanqátapeec, 4ga'me siỹaxaua 'chi ỹ'oxodénaxaic, qaláxasa qaỹa 'te ga' ỹaỹáten. Chan'eesa loqopitaxat da' sétaaque da' 'chi necotaxaqui na' n'aqtacpi. Da'me 'ená'am ga' ỹ'oqóchiỹi lapite'na. Da'me na'chida da' chiỹoqótapiỹi da' jauténaxac, cotaxac, nesounaxanaxac, qataxa da' p'itáxanaxac ga' naqáỹa, 5qataxa da' lóiquiaxac qaỹa 'te loiquiaqa'. 'Éeta na' siỹaxadipi 'me sóxote ma'le sa ỹiỹamaxañi da' laatetonaxanaxac, qataxa soxotele sa ỹaateton da' 'eesa lasoxoc. Jen'me nip'itaxano' da' qoỹachiỹoxotétapegooue da' ỹ'oqóchiỹi nesaliaxa da' n'amaqténataxanaxac. Naqáina 'me 'ená'te 'aneuooguet qomle. 6'Eesa da'me qad'amaqténataxanaxac huet'aguet da' nesaliaxa let'ádaic, qaláxasa ga' siỹaxaua ỹaỹáten da' netóotapeec ga'tai'me ỹauana. 7Qá'a qo'mi qaỹa 'te qadí'ỹac joca'li ñic'átaxa jen' 'aléua. Qana'chi 'ená'am da' s'iỹílaxasoq qaỹa 'te ga' sáchaq. 8Chan'eesa da' 'uo ga' qonoq, qataxa ga' ñapoguénaxa'ña, qana'chi n'óota da' qo'mi madet'ape. 9Qaláxasa na' sétaaque da' saliaxanec, sa 'te nalo'oguet ga' n'iinaguec, ỹivíde'ta da' sega'me mai'chi lecoxóỹi na' jalcote loqopi'chi 'me qaỹa 'te náaue. Jen'me ỹañoxot da' n'áxat ga' siỹaxaua, qataxa sega'me noláiñi qa'en, qataxa ỹíidaxatet'a da' noláxachiñi. 10Qá'a da' noqopi'chi jaga' ỹ'oqóchiỹi laicaua, na'chána jan' sega'me lepata' jen' ỹima ỹodapecachi 'me sa ỹiỹamaxañi. Qá'a sóxote 'uo na' ỹima'aguet da' loqopichidíỹaxac jan'me, qana'chi cá'ai da' lip'iỹáxac, qana'chi naueela't da' ỹodapecachi ne'queténaxac da' l'óiỹaxac.
Qo'enapéga so' Timoteo da' n'añaxatelégue da' lip'iỹáxac
11Qaláxasa 'am, 'am lamaxasec ñi' Dios, 'auasoi'ỹim ỹima jen'me sa ỹiỹamaxañi. Ỹátaqta 'anañanot ñi' Dios. 'Oquetelco' da' n'óiỹaxac 'me chimaqáchiiñi, qataxa da'me nip'iỹáxac, nesóxodic, pogáxadenaxac, qataxa huosóta jana' 'adiquidiaqte. 12'An'añaxatelco' qomle da' 'adip'iỹáxac, qaidi 'adauégue da' n'óiỹaxac 'me sa n'aidé'na. Qá'a na'chida 'me 'am ỹiỹáxana ñi' Dios da' 'auaconeguet da'me n'óiỹaxac, qataxa jalcote na' 'am ỹauáachiỹi ca'li 'au'axat da' 'adip'iỹáxac. 13Naỹi qo'mi ỹic'atéet'ape ñi' Dios 'me chiỹaqpecot da' lec'alaxa ỹimaquéna, nataq'en ñi' Jesucristo 'me ỹ'axat da' lip'iỹáxac josii'chi qoỹasoxona'aguet so' net'a Poncio Pilato, da' 'am senapéga da' 14'aualaxaloo'to' naua' ỹaqátaxaco. Ỹátaqta qaỹa 'te 'anpatenalégue, qaidi sa 'te 'an'aqtaguec ga' sa nó'in. 'Ocot da'me, cha ỹivíd'a ga'me nolo' qomle n'iỹílaq so' qadesaliaxanec Jesucristo. 15Qomle ỹivíta ga'me lalóqo', qana'chi ñi' Dios di'ỹoq qa'en so'me, qá'a 'oonolec ỹ'oxodaic 'me napacalquéna qataxa huet'ot da' tenaxac. Ñi'me 'me let'a na' net'alpi qataxa lasoxola' na' nasoxola'pi. 16Jalñíta 'me qaỹa 'te ga' loiquiaqa', qataxa huétaaue da' n'edáxa 'me qaỹa 'te ga' neuói'uo. Qaỹa 'te siỹaxaua taa'le ỹaqanatet da' ỹilá'a. Ñi'me 'me huet'ot da' li'ỹoxodic qataxa da' lañoqtaxanaxac 'me qaỹa 'te loiquiaqa'. Já'a, na'chi naq'áita dójo'.
17Ga'me huet'ot da'me ỹ'oqóchiỹi neuóỹaxac, 'auenapéga da' sa 'te ỹ'oxodénaxaic, qataxa sa 'te p'iỹá'a da' lesaliaxa, qá'a da'me sa 'te loguéegue. Jaldato' da' ỹacho'ot ñi' qan'étoqo't da' naquitaxac. Qá'a ñi'me 'me nec'alétaiỹi, qataxa qo'mi ỹanema ỹima na' qadeuénecpi, 'chi qoỹacootalégue, qaidi qo'mi madet'ape. 18'Auenapéga nataq'en da' ỹí'et ga' 'ónaxaic, qaidi sega'me lesaliaxa da' l'onataxanaxac ỹiỹamqáchiiñi. Qataxa qaỹa 'te ỹiquétapega da' 'uo ga' ỹan da' lecochaxanot. 19Qaidi dójo' lesaliaxa sa di'ỹoq 'uo qa'en da'me naquitaxac ga'me maliaxa naỹáuo, qataxa lauéguec da' n'óiỹaxac 'me sa n'aidé'na.
Da' p'áteegue naqátaguec so'me Timoteo
20'Am Timoteo, ỹátaqta 'adetela'o' qomle da' 'am qoỹipataxalégue n'onataxanaxac. 'Ená'te 'anaquiáxana ga'me 'chi nosáxacpi l'achaq'áina 'me qaỹa 'te náaue, qataxa da' nep'aguénataxanaxac 'me chiỹaqáaue da' qoỹíitapega naỹátenaxanaxac, qaláxasa ỹaqá'a. 21Qá'a 'uo jen'me 'equegue da' qoỹíitapega naỹátenaxanaxac, qana'chi ỹasouaxat da' nepáten qa'en da' nip'iỹáxac.
Ñi' Dios ỹanem 'am ga' 'ónaxaic 'adadíquiaxac. Já'a, na'chi naq'áita dójo'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.