1 Tesalonicenses 2
2
Da' l'onataxanaxac so' Pablo ca'li huét'a di' Tesalónica
1Qá'a 'ami qadaqáỹa', 'auaỹáchiñiita da' sa ỹisamaxáỹi da' 'ami sec'ataxalo queso, jaldáta 'uo da' náaue. 2'Eesa ca'li souqát'a di' noic Filipos, ỹátaqta jalcote da' qansouenaguec, qataxa qo'mi qoỹi'uaxát'ape. Da'me sóxote 'ami 'auaỹáchiñii. Qaláxasa ca'li 'ami ñivitaxalo, qana'chi ñi' Dios qo'mi lecochiỹalo sa liitapiỹi qadauel da' 'ami s'axataxama da' n'aqtac 'me nec'alaxaqui 'me chiỹoqo'ot jiñi'me. Temaqaidi da'me souqátanỹi na' ỹodapecachi qanep'aguénataguec. 3Qá'a qo'mi sa 'te nesómaxac da'me s'axátaqtac, qataxa sa 'te sa ỹiỹamaxañi ga'me senqaac, qataxa sa 'te qadeenataxac da' 'ami soqovínaqt'ape. 4Jaldáta da' ñi'me Dios ỹichoxotet'ema da' qo'mi ỹiỹamaxadéete'. Qana'chi qo'mi ỹipatáxagueta da' s'axátaq da' l'aqtac 'me nec'alaxaqui. Qana'chi naqaida 'me s'axátaqtac. Sa ñimitaqátaaque da' qo'mi ỹiỹamaxade'n na' 'chi siỹaxadipi. Jaldáta da' ñimitaqátaaque da' qo'mi ỹiỹamaxadéete' ñi' Dios 'me ỹic'atéetac naua' qadiquidiaqtel. 5Qá'a 'ami 'auaỹáchiñii da' qo'mi sa 'chi qadetaxaỹaxaco naua' máicnaxaiqa, qataxa sa qo'mi ñoxótaxaiqa da' ñaquitaqát'a jan' nemena. Ñi' Dios ỹaỹáteetac dójo'. 6Qataxa sa ñimitaqátaaque da' qo'mi 'avi'ỹoxodíñiit'ape, 'uootaxa jen' niỹaqái'ỹa siỹaxadipi laỹi, temaqaidi da' qo'mi lamaxa's so' Cristo. Qaláxasa taqadíta sa 'te naqaida da' segaqátaỹi da' qaidi qo'mi 'auloiỹita. 7Jaldáta da' qo'mi huesóte' da' qadepálaxanaxac da' 'oñíita, senqá'am jaga' ỹauo da' ỹátaqta ỹaỹáten da' ỹilo'ogue ga' lec'óxoc. 8Qo'mi ỹátaqta sa lec'óxotolec da' qadoqopi'chi da' 'oñíita. Chan'eesa sa jaldáta da' 'ami sanemáxama da' 'ónaxaic qadipí'ic 'me chiỹoqo'ot ñi' Dios. Nataq'en huec da' ỹátaqta 'ami sanaxalóo'te naua' mai'chi qad'óiỹaxaco, qá'a ỹátaqta 'ami qanauotaxa'u. 9'Ami qadaqáỹa', sóxote 'auaỹáchiñii ca'li 'ami souqátaavlo, da' qo'mi ỹátaqta s'onataxanaqátac, qataxa 'uo da' qadiliiñáxac, qá'a sétaaque da' ñaqataxañi ga'me qadeuénec. Naqaida 'me 'uo da' s'onataxanaqátac naua' noloqo'te qataxa naua' pi'ỹáxadi, qaidi qaỹa 'te ga' qo'mi ỹimatetapeelóo'te da' 'oñíita. Naqaida 'me senqáta ca'li 'ami s'axátaqtapeema da' l'aqtac ñi' Dios.
10Qataxa 'ami 'amaqténataxanaxaiqa sóxote 'auaỹáchiñii qo'mi, qataxa ñi' Dios qo'mi ỹaỹáteet'ape ca'li 'ami souqátaavlo, ỹátaqta huesóte' qataxa n'óota da' qadasoxoc, qataxa qaỹa 'te liiuo da' 'uo ga' qan'aqtaguec sa ỹiỹamaxañi. 11Qataxa 'auaỹáchiñii da' qo'mi ca'li 'ami souqátaavlo, qana'chi sadénaxataq ga' siỹaxaua da' ỹ'añaqtet qataxa da' loỹaxanatet ga' lec'óxot. 12Qataxa 'uo da' qadaqátaxac ỹima da' 'oñíita da' ỹátaqta 'oquiilégue da' lasoxoc ga' siỹaxaua da' quétapegue' ñi' Dios 'me 'ami ỹiỹáxanalo da' 'en 'oviit'ot da' l'onataxanaxac da' ỹilo'ogue ỹimata'a'téna qataxa da' l'ónaxac.
13Naqaida da' 'uo da' na'chi 'eeta't da' sanaqátapecot da' qantónaxac ñi' Dios, qá'a ca'li 'anaquiáxañiiỹa da' l'aqtac ñi' Dios 'me 'ami s'axataxama, qana'chi 'auacoñiiỹet da' ỹátaqta 'eesa l'aqtac ñi' Dios, qana'chi sa 'aviñii ga' l'aqtac ga' 'chi siỹaxaua. Da'me ỹataqtelégue l'aqtac ñi' Dios, chan'eesa ỹañoxot da' di'ỹoxom da' l'óiỹaxac da' 'oñíita jen'me d'amaqténataxan. 14'Ami qadaqáỹa', joca'li 'ami ỹicaat'ape da' sa 'ami ỹalémaxa't na' mai'chi 'ad'acháqadiaxauaipi. Da'me 'ami qoỹiit'eque, na'chi 'ená'am da'me qoỹíit'ec jen' quétapegue' ñi' Dios 'me Judea lé'ec, jen'me ỹ'amaqtéetac so' Cristo Jesús. Jen'me nataq'en jalcote da' necanáguec. Da'me necanáguec chiỹaqáaue jen' mai'chi l'acháqa' lé'ecpi judiopi. 15Jen'me judiopi naqáina joca'li na' ỹalaat so' qadesaliaxanec Jesús, 'ená'am so' huá'au let'alpi mai'chi ỹalaat joca'li na' lalémaxaset 'me letaxaỹáxanaxanecpi ñi' Dios. Qataxa na'chína 'me qo'mi ỹamaqadáiỹi ca'li. Ñi' Dios sa ỹiỹamaxaden jen'me. Qataxa jen'me nauténa ỹima na' siỹaxadipi. 16Chan'eesa naale sétaaque da' s'aqtaxanaxam na' sa judiopi, da' qaidi nataq'en ỹivídai'ỹa da' nec'alaxa, qaláxasa sa qo'mi ỹasenema da' senqátapeec. Qana'chi lamá'asa da' nichíỹaxatreegue naua' loico. Chan'eesa naỹi jen'me ma'le nividalégue da' qaỹa 'te 'ená'am ne'uaxánaguec 'me chiỹoqo'ot ñi' Dios.
So' Pablo sétaaque da' ỹitaxa desapchiỹa so' Tesalónica lé'ecpi
17'Ami qadaqáỹa', so'me nolo' ca'li 'ami sachiỹoxosaqalóo'te da' cada'acolec da' qo'mi colaxaỹilo. Temaqaidi da' sa 'ami ñauanáxa'to, qaláxasa na'chi 'eeta't da' 'ená'am da' 'ami souqátaavlo. Chan'eesa jalcote da' qadidiáxa da' sétaaque 'ami ñauanáxa'to. 18Chan'eesa 'uo so' nolo' sétaaque da' qolaq. Jaỹim Pablo 'me jalcote da' te'me 'ami sec'atalo. Qaláxasa so' paiỹac qadó'o Satanás ỹátaqta qo'mi nauáneeta. 19Qá'a ¿jái'chogamaxa ỹí'et da' qanaquitaxac, qataxa da' qantónaxac? Qataxa ¿jái'chogamaxa ỹí'et da' qadamaic da' ñitónaqtapeguec? Taichaqaiga'me naqa'ami ga'me nolo' qomle n'iỹílaq so' qadesaliaxanec Jesucristo. 20Já'a, na'chi'ami 'me 'av'íchii da' qantónaxac qataxa da' qadamaic.
Currently Selected:
1 Tesalonicenses 2: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
1 Tesalonicenses 2
2
Da' l'onataxanaxac so' Pablo ca'li huét'a di' Tesalónica
1Qá'a 'ami qadaqáỹa', 'auaỹáchiñiita da' sa ỹisamaxáỹi da' 'ami sec'ataxalo queso, jaldáta 'uo da' náaue. 2'Eesa ca'li souqát'a di' noic Filipos, ỹátaqta jalcote da' qansouenaguec, qataxa qo'mi qoỹi'uaxát'ape. Da'me sóxote 'ami 'auaỹáchiñii. Qaláxasa ca'li 'ami ñivitaxalo, qana'chi ñi' Dios qo'mi lecochiỹalo sa liitapiỹi qadauel da' 'ami s'axataxama da' n'aqtac 'me nec'alaxaqui 'me chiỹoqo'ot jiñi'me. Temaqaidi da'me souqátanỹi na' ỹodapecachi qanep'aguénataguec. 3Qá'a qo'mi sa 'te nesómaxac da'me s'axátaqtac, qataxa sa 'te sa ỹiỹamaxañi ga'me senqaac, qataxa sa 'te qadeenataxac da' 'ami soqovínaqt'ape. 4Jaldáta da' ñi'me Dios ỹichoxotet'ema da' qo'mi ỹiỹamaxadéete'. Qana'chi qo'mi ỹipatáxagueta da' s'axátaq da' l'aqtac 'me nec'alaxaqui. Qana'chi naqaida 'me s'axátaqtac. Sa ñimitaqátaaque da' qo'mi ỹiỹamaxade'n na' 'chi siỹaxadipi. Jaldáta da' ñimitaqátaaque da' qo'mi ỹiỹamaxadéete' ñi' Dios 'me ỹic'atéetac naua' qadiquidiaqtel. 5Qá'a 'ami 'auaỹáchiñii da' qo'mi sa 'chi qadetaxaỹaxaco naua' máicnaxaiqa, qataxa sa qo'mi ñoxótaxaiqa da' ñaquitaqát'a jan' nemena. Ñi' Dios ỹaỹáteetac dójo'. 6Qataxa sa ñimitaqátaaque da' qo'mi 'avi'ỹoxodíñiit'ape, 'uootaxa jen' niỹaqái'ỹa siỹaxadipi laỹi, temaqaidi da' qo'mi lamaxa's so' Cristo. Qaláxasa taqadíta sa 'te naqaida da' segaqátaỹi da' qaidi qo'mi 'auloiỹita. 7Jaldáta da' qo'mi huesóte' da' qadepálaxanaxac da' 'oñíita, senqá'am jaga' ỹauo da' ỹátaqta ỹaỹáten da' ỹilo'ogue ga' lec'óxoc. 8Qo'mi ỹátaqta sa lec'óxotolec da' qadoqopi'chi da' 'oñíita. Chan'eesa sa jaldáta da' 'ami sanemáxama da' 'ónaxaic qadipí'ic 'me chiỹoqo'ot ñi' Dios. Nataq'en huec da' ỹátaqta 'ami sanaxalóo'te naua' mai'chi qad'óiỹaxaco, qá'a ỹátaqta 'ami qanauotaxa'u. 9'Ami qadaqáỹa', sóxote 'auaỹáchiñii ca'li 'ami souqátaavlo, da' qo'mi ỹátaqta s'onataxanaqátac, qataxa 'uo da' qadiliiñáxac, qá'a sétaaque da' ñaqataxañi ga'me qadeuénec. Naqaida 'me 'uo da' s'onataxanaqátac naua' noloqo'te qataxa naua' pi'ỹáxadi, qaidi qaỹa 'te ga' qo'mi ỹimatetapeelóo'te da' 'oñíita. Naqaida 'me senqáta ca'li 'ami s'axátaqtapeema da' l'aqtac ñi' Dios.
10Qataxa 'ami 'amaqténataxanaxaiqa sóxote 'auaỹáchiñii qo'mi, qataxa ñi' Dios qo'mi ỹaỹáteet'ape ca'li 'ami souqátaavlo, ỹátaqta huesóte' qataxa n'óota da' qadasoxoc, qataxa qaỹa 'te liiuo da' 'uo ga' qan'aqtaguec sa ỹiỹamaxañi. 11Qataxa 'auaỹáchiñii da' qo'mi ca'li 'ami souqátaavlo, qana'chi sadénaxataq ga' siỹaxaua da' ỹ'añaqtet qataxa da' loỹaxanatet ga' lec'óxot. 12Qataxa 'uo da' qadaqátaxac ỹima da' 'oñíita da' ỹátaqta 'oquiilégue da' lasoxoc ga' siỹaxaua da' quétapegue' ñi' Dios 'me 'ami ỹiỹáxanalo da' 'en 'oviit'ot da' l'onataxanaxac da' ỹilo'ogue ỹimata'a'téna qataxa da' l'ónaxac.
13Naqaida da' 'uo da' na'chi 'eeta't da' sanaqátapecot da' qantónaxac ñi' Dios, qá'a ca'li 'anaquiáxañiiỹa da' l'aqtac ñi' Dios 'me 'ami s'axataxama, qana'chi 'auacoñiiỹet da' ỹátaqta 'eesa l'aqtac ñi' Dios, qana'chi sa 'aviñii ga' l'aqtac ga' 'chi siỹaxaua. Da'me ỹataqtelégue l'aqtac ñi' Dios, chan'eesa ỹañoxot da' di'ỹoxom da' l'óiỹaxac da' 'oñíita jen'me d'amaqténataxan. 14'Ami qadaqáỹa', joca'li 'ami ỹicaat'ape da' sa 'ami ỹalémaxa't na' mai'chi 'ad'acháqadiaxauaipi. Da'me 'ami qoỹiit'eque, na'chi 'ená'am da'me qoỹíit'ec jen' quétapegue' ñi' Dios 'me Judea lé'ec, jen'me ỹ'amaqtéetac so' Cristo Jesús. Jen'me nataq'en jalcote da' necanáguec. Da'me necanáguec chiỹaqáaue jen' mai'chi l'acháqa' lé'ecpi judiopi. 15Jen'me judiopi naqáina joca'li na' ỹalaat so' qadesaliaxanec Jesús, 'ená'am so' huá'au let'alpi mai'chi ỹalaat joca'li na' lalémaxaset 'me letaxaỹáxanaxanecpi ñi' Dios. Qataxa na'chína 'me qo'mi ỹamaqadáiỹi ca'li. Ñi' Dios sa ỹiỹamaxaden jen'me. Qataxa jen'me nauténa ỹima na' siỹaxadipi. 16Chan'eesa naale sétaaque da' s'aqtaxanaxam na' sa judiopi, da' qaidi nataq'en ỹivídai'ỹa da' nec'alaxa, qaláxasa sa qo'mi ỹasenema da' senqátapeec. Qana'chi lamá'asa da' nichíỹaxatreegue naua' loico. Chan'eesa naỹi jen'me ma'le nividalégue da' qaỹa 'te 'ená'am ne'uaxánaguec 'me chiỹoqo'ot ñi' Dios.
So' Pablo sétaaque da' ỹitaxa desapchiỹa so' Tesalónica lé'ecpi
17'Ami qadaqáỹa', so'me nolo' ca'li 'ami sachiỹoxosaqalóo'te da' cada'acolec da' qo'mi colaxaỹilo. Temaqaidi da' sa 'ami ñauanáxa'to, qaláxasa na'chi 'eeta't da' 'ená'am da' 'ami souqátaavlo. Chan'eesa jalcote da' qadidiáxa da' sétaaque 'ami ñauanáxa'to. 18Chan'eesa 'uo so' nolo' sétaaque da' qolaq. Jaỹim Pablo 'me jalcote da' te'me 'ami sec'atalo. Qaláxasa so' paiỹac qadó'o Satanás ỹátaqta qo'mi nauáneeta. 19Qá'a ¿jái'chogamaxa ỹí'et da' qanaquitaxac, qataxa da' qantónaxac? Qataxa ¿jái'chogamaxa ỹí'et da' qadamaic da' ñitónaqtapeguec? Taichaqaiga'me naqa'ami ga'me nolo' qomle n'iỹílaq so' qadesaliaxanec Jesucristo. 20Já'a, na'chi'ami 'me 'av'íchii da' qantónaxac qataxa da' qadamaic.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.