1 Pedro 3
3
Da' 'éeta da' lasoxo'j gaua' nóua'
1Qana'chi naq'áita nataq'en 'ami ỹauodipi 'me sóxote 'au'óñii. Jaga' 'oonole da' 'oñíita ỹátaqta nañanguet da' ỹalaxaguet ga' lalémaxaset loua, qaidi 'uo ga' 'oonolec jen'me da' 'uootaxa maliaxa sa ỹ'amaqten da' n'aqtac, qana'chi nañoxotela't da' d'amaqténataxan, ỹasouaxat da' ỹauáachiỹi da' 'ónaxaic 'an'onataguec. Temaqaidi da' qaỹa 'te 'au'axátem jega'me, 2qaláxasa ỹasouaxat da' mai'chi ỹilá'a da' 'ónaxaic 'adasoxoc da' 'aualaxaguet ñi' Dios. 3Qataxa da' n'étaxac jañi' 'oonole 'ena'to' qomle da' na'chida da' ni'ỹoxodínỹi da' napicten, 'uootaxa da' ỹaañi ga' 'étaxat oro 'uootaxa p'asáiỹi qa'en da' lodiac jaga' neuoxoi. 4Na'chidato' da' ỹaañi ga' sa di'ỹoq 'étaxat 'me qaỹa 'te loiquiaqa' da' lodiac. Huesóta qa'en da' lasoxoc qataxa qaỹa gamachaqaiga. Naqaida 'me ỹátaqta 'uo da' 'enec qa'en ñi' Dios. 5Qá'a naqaida da' 'éet'ec qa'en da' niỹamaxataxac josii'chi so' huá'au ỹauodipi 'me nañanot da' 'equegue ñi' Dios. Jaso'me p'iỹá'a ñi'me, qataxa nañanguet da' ỹalaxaguet so' louadipi. 6Naqaida da' 'éeta jaso' Sara joca'li ỹalaxaguet so' loua Abraham. Chan'eesa jaso'me da' ỹiỹáxana, qaa'le 'eet'oi: “'Am ỹisaliaxanec.” 'Ami naỹi 'avídii'ỹaguet da' 'oñí'ỹam jaso'me, lamá'asa da' ỹátaqta 'av'íchii ga' 'ónaxaic qataxa da' qaỹa 'te 'au'óitaaque.
7Qana'chi naq'áita nataq'en 'ami l'iimdipi 'me sóxote 'au'óñii. Ñi' 'oonolec ỹátaqta naỹáteetela't da' ỹilo'ogue da' louáỹaxac, qataxa sa ỹi'uena't, qá'a ỹaỹáten jaga'me da' sa 'eesa'me da' l'añaxac, qaláxasa nataq'en neuána'uo da' nec'alaxa 'me chiỹaqaỹi da' lichoxodénataxanaxac ñi' Dios da' 'ami ỹanema. Naqaida qomle da' 'oñíit'ec, qaidi da' 'antamnaxaquii qaỹa 'te ga' nauanguet.
Jen'me 'uo da' ne'queténaxac ỹasouaxat da' ỹ'étetac da' 'ónaxaic
8Chan'eesa ỹiuen da' ỹima da' 'oñíita ỹátaqta 'oonolec da' 'adeenataxaquii, qataxa 'auchoxodíñii ga' 'uo ga' huápiỹi 'adaqaỹai. Ñi' 'oonolec ỹátaqta ỹauotec ga' laqáỹa, 'ená'am qa'en ga' lanogaxaua. Qataxa ỹátaqta 'ami choxodénataxanaxaiqa, qataxa sa 'ami nagaqtenaxaiqa. 9Qataxa 'ená'te 'av'iỹílaxachii'ỹaguet ga' sa nó'in, qataxa ga' 'ansouenaguiquii. Na'chidáta da' 'auañimii ga' 'ónaxaic ga' siỹaxaua, qá'a ñi'me Dios 'ami ỹiỹaxanalo tetoqo' 'auacoñiiỹet da' lichoxodénataxanaxac. 10Qá'a naua' nidii's n'aqtaqa 'eet'oi:
Ga' sétaaque da' ỹauotec da' n'óiỹaxac qataxa máchiiñi ỹiméda naua' noloqo'te 'me huetaavlo,
n'óota qomle da' netelá'a ñi' lacháxat, da' qaidi sa necosai'ỹi ga' sa nó'in,
qataxa na' nedégaxat sa nái'ỹa qa'en ga' noqovínaxanaxac.
11Qataxa n'óota da' ỹaxáatac ga' sa nó'in.
Nedot'a't da' ỹí'et ga' ỹiỹamqáchiiñi, qataxa nimitáaque ga' n'emáxac, qana'chi naqaiga 'equegue.
12Qá'a ñi' qadasoxola' Dios ỹátaqta netelá'a jega'me ỹ'étetac ga' ỹiỹamqáchiiñi,
qataxa demachíỹa da' netamnaxac,
qaláxasa jiñi'me sa ỹiuoten ga'me ỹ'étetac ga' sa nó'in.
13Chan'eesa ¿jái'chogamaxa ỹañoxot da' 'ami ỹ'eteque ga' sa ỹiỹamaxañi, da' 'uootaxa na'chi 'eeta't da' 'av'íchiitac ga' n'óota? 14Temaqaidi da' 'uootaxa 'uo da' 'an'queténaxaquii ỹasouaxat da' ỹoqovíta 'ad'óiỹaxaquii, qaláxasa ỹátaqta 'ami madet'ape. Qataxa qaỹa 'te ga' 'au'óitaaque, qataxa sa 'ami qoỹoqolanaqte't. 15Na'chidáta da' ỹi'ỹoxoden ỹima jan' 'adiquidiaqchii so' Cristo 'me 'adesaliaxanquii. Qataxa 'ami leuótete' da' 'au'aqtaxañim ỹima jega'me denataxáatapeec da' 'adip'iỹáxaquii, qaláxasa sa 'ami pagaqtenaxaiqa, qataxa 'uo da' 'enec 'aviñii ga' siỹaxaua. 16Qataxa ỹátaqta 'an'onaxachiila't, qaidi da' 'adavílỹaxaquii ỹátaqta máchiiñi, qaidi jen'me sa ỹodiáquenaac da' detaxaỹá'a da' 'ónaxaic 'adasoxoquii, ỹasouaxat da' 'au'amaqchíñii so' Cristo, jen'me mai'chi nepecoq ỹasouaxat naua' mai'chi l'aqtaqa. 17Qá'a n'óota da' 'ami 'an'quichíñii ỹasouaxat da' 'av'íchiitac da' 'ónaxaic, da' 'uootaxa ỹiỹamaxaden ñi'me Dios. Sa 'ená'am da' qoỹ'étetac ga' sa nó'in.
18Qá'a so' Cristo nataq'en sóxote ỹim da' qo'mi ỹileualóo'te ỹasouaxat jen' qadoicpi. Jeso'me 'ónaxaic da' lasoxoc, qaláxasa 'uo da' ne'queténaxac ỹasouaxat qo'mi 'me qo'mi 'itaxalóxoiqa, da' qaidi qo'mi ỹauegalo ñi'me Dios. Jeso'me joca'li ỹileu da' ỹ'oqóchiỹi ló'oquiaxac, qaláxasa ỹitaxa nec'aliséguem, qaláxasa sa di'ỹoq. 19Huá'a, qana'chi da' sa di'ỹoq l'óiỹaxac ỹic'áchi'ña da' ỹ'axátem da' nec'alaxa jeso'me lepaqalpi jen' siỹaxadipi 'me qoỹicoñideta't. 20Jeso'me nepaqalpi naqaiso so' sa ỹalaq jesaa'me 'uáudeegue 'uóidi 'me huetaavlo so' Noé, joca'li ñi' Dios 'uo da' neuálaxainaxac da' ỹiuatét'a da' qoỹisoctapega't jaso' nilicota lat'édai, joca'li huenótrooue saua' 'oocholqa siỹaxa'u 'me nec'aldee'guesop so' noxop. 21Qana'chi jeso'me noxop naqaiso so' náỹi da' chiláxac 'me chiỹaqaỹi da' qo'mi qonec'alaxatréegue naỹi. Dójo' chiláxac, jeda'me sa naqaida da' niỹóxoc jen' qadó'oc, qá'a na'chidáta da' qoỹiỹaxanot ñi' Dios da' ỹan ga' naviliỹáxac 'me ỹoqovíta. Qana'chi ỹañoxot da' qo'mi nec'alaxatréegue dójo' chiláxac, chiỹaqaỹi qa'en da' 'éeta joca'li ỹitaxa qonec'alaxadiséguem so' Jesucristo, 22'me taiỹi da' piỹem, qana'chi net'ague da' ỹaỹáten ñi' Dios da' ỹamaqaac jen' namaxa'spi piỹem lé'ecpi, qataxa na' damaxasóxonacpi qataxa jen' n'añaxacpi.
Currently Selected:
1 Pedro 3: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
1 Pedro 3
3
Da' 'éeta da' lasoxo'j gaua' nóua'
1Qana'chi naq'áita nataq'en 'ami ỹauodipi 'me sóxote 'au'óñii. Jaga' 'oonole da' 'oñíita ỹátaqta nañanguet da' ỹalaxaguet ga' lalémaxaset loua, qaidi 'uo ga' 'oonolec jen'me da' 'uootaxa maliaxa sa ỹ'amaqten da' n'aqtac, qana'chi nañoxotela't da' d'amaqténataxan, ỹasouaxat da' ỹauáachiỹi da' 'ónaxaic 'an'onataguec. Temaqaidi da' qaỹa 'te 'au'axátem jega'me, 2qaláxasa ỹasouaxat da' mai'chi ỹilá'a da' 'ónaxaic 'adasoxoc da' 'aualaxaguet ñi' Dios. 3Qataxa da' n'étaxac jañi' 'oonole 'ena'to' qomle da' na'chida da' ni'ỹoxodínỹi da' napicten, 'uootaxa da' ỹaañi ga' 'étaxat oro 'uootaxa p'asáiỹi qa'en da' lodiac jaga' neuoxoi. 4Na'chidato' da' ỹaañi ga' sa di'ỹoq 'étaxat 'me qaỹa 'te loiquiaqa' da' lodiac. Huesóta qa'en da' lasoxoc qataxa qaỹa gamachaqaiga. Naqaida 'me ỹátaqta 'uo da' 'enec qa'en ñi' Dios. 5Qá'a naqaida da' 'éet'ec qa'en da' niỹamaxataxac josii'chi so' huá'au ỹauodipi 'me nañanot da' 'equegue ñi' Dios. Jaso'me p'iỹá'a ñi'me, qataxa nañanguet da' ỹalaxaguet so' louadipi. 6Naqaida da' 'éeta jaso' Sara joca'li ỹalaxaguet so' loua Abraham. Chan'eesa jaso'me da' ỹiỹáxana, qaa'le 'eet'oi: “'Am ỹisaliaxanec.” 'Ami naỹi 'avídii'ỹaguet da' 'oñí'ỹam jaso'me, lamá'asa da' ỹátaqta 'av'íchii ga' 'ónaxaic qataxa da' qaỹa 'te 'au'óitaaque.
7Qana'chi naq'áita nataq'en 'ami l'iimdipi 'me sóxote 'au'óñii. Ñi' 'oonolec ỹátaqta naỹáteetela't da' ỹilo'ogue da' louáỹaxac, qataxa sa ỹi'uena't, qá'a ỹaỹáten jaga'me da' sa 'eesa'me da' l'añaxac, qaláxasa nataq'en neuána'uo da' nec'alaxa 'me chiỹaqaỹi da' lichoxodénataxanaxac ñi' Dios da' 'ami ỹanema. Naqaida qomle da' 'oñíit'ec, qaidi da' 'antamnaxaquii qaỹa 'te ga' nauanguet.
Jen'me 'uo da' ne'queténaxac ỹasouaxat da' ỹ'étetac da' 'ónaxaic
8Chan'eesa ỹiuen da' ỹima da' 'oñíita ỹátaqta 'oonolec da' 'adeenataxaquii, qataxa 'auchoxodíñii ga' 'uo ga' huápiỹi 'adaqaỹai. Ñi' 'oonolec ỹátaqta ỹauotec ga' laqáỹa, 'ená'am qa'en ga' lanogaxaua. Qataxa ỹátaqta 'ami choxodénataxanaxaiqa, qataxa sa 'ami nagaqtenaxaiqa. 9Qataxa 'ená'te 'av'iỹílaxachii'ỹaguet ga' sa nó'in, qataxa ga' 'ansouenaguiquii. Na'chidáta da' 'auañimii ga' 'ónaxaic ga' siỹaxaua, qá'a ñi'me Dios 'ami ỹiỹaxanalo tetoqo' 'auacoñiiỹet da' lichoxodénataxanaxac. 10Qá'a naua' nidii's n'aqtaqa 'eet'oi:
Ga' sétaaque da' ỹauotec da' n'óiỹaxac qataxa máchiiñi ỹiméda naua' noloqo'te 'me huetaavlo,
n'óota qomle da' netelá'a ñi' lacháxat, da' qaidi sa necosai'ỹi ga' sa nó'in,
qataxa na' nedégaxat sa nái'ỹa qa'en ga' noqovínaxanaxac.
11Qataxa n'óota da' ỹaxáatac ga' sa nó'in.
Nedot'a't da' ỹí'et ga' ỹiỹamqáchiiñi, qataxa nimitáaque ga' n'emáxac, qana'chi naqaiga 'equegue.
12Qá'a ñi' qadasoxola' Dios ỹátaqta netelá'a jega'me ỹ'étetac ga' ỹiỹamqáchiiñi,
qataxa demachíỹa da' netamnaxac,
qaláxasa jiñi'me sa ỹiuoten ga'me ỹ'étetac ga' sa nó'in.
13Chan'eesa ¿jái'chogamaxa ỹañoxot da' 'ami ỹ'eteque ga' sa ỹiỹamaxañi, da' 'uootaxa na'chi 'eeta't da' 'av'íchiitac ga' n'óota? 14Temaqaidi da' 'uootaxa 'uo da' 'an'queténaxaquii ỹasouaxat da' ỹoqovíta 'ad'óiỹaxaquii, qaláxasa ỹátaqta 'ami madet'ape. Qataxa qaỹa 'te ga' 'au'óitaaque, qataxa sa 'ami qoỹoqolanaqte't. 15Na'chidáta da' ỹi'ỹoxoden ỹima jan' 'adiquidiaqchii so' Cristo 'me 'adesaliaxanquii. Qataxa 'ami leuótete' da' 'au'aqtaxañim ỹima jega'me denataxáatapeec da' 'adip'iỹáxaquii, qaláxasa sa 'ami pagaqtenaxaiqa, qataxa 'uo da' 'enec 'aviñii ga' siỹaxaua. 16Qataxa ỹátaqta 'an'onaxachiila't, qaidi da' 'adavílỹaxaquii ỹátaqta máchiiñi, qaidi jen'me sa ỹodiáquenaac da' detaxaỹá'a da' 'ónaxaic 'adasoxoquii, ỹasouaxat da' 'au'amaqchíñii so' Cristo, jen'me mai'chi nepecoq ỹasouaxat naua' mai'chi l'aqtaqa. 17Qá'a n'óota da' 'ami 'an'quichíñii ỹasouaxat da' 'av'íchiitac da' 'ónaxaic, da' 'uootaxa ỹiỹamaxaden ñi'me Dios. Sa 'ená'am da' qoỹ'étetac ga' sa nó'in.
18Qá'a so' Cristo nataq'en sóxote ỹim da' qo'mi ỹileualóo'te ỹasouaxat jen' qadoicpi. Jeso'me 'ónaxaic da' lasoxoc, qaláxasa 'uo da' ne'queténaxac ỹasouaxat qo'mi 'me qo'mi 'itaxalóxoiqa, da' qaidi qo'mi ỹauegalo ñi'me Dios. Jeso'me joca'li ỹileu da' ỹ'oqóchiỹi ló'oquiaxac, qaláxasa ỹitaxa nec'aliséguem, qaláxasa sa di'ỹoq. 19Huá'a, qana'chi da' sa di'ỹoq l'óiỹaxac ỹic'áchi'ña da' ỹ'axátem da' nec'alaxa jeso'me lepaqalpi jen' siỹaxadipi 'me qoỹicoñideta't. 20Jeso'me nepaqalpi naqaiso so' sa ỹalaq jesaa'me 'uáudeegue 'uóidi 'me huetaavlo so' Noé, joca'li ñi' Dios 'uo da' neuálaxainaxac da' ỹiuatét'a da' qoỹisoctapega't jaso' nilicota lat'édai, joca'li huenótrooue saua' 'oocholqa siỹaxa'u 'me nec'aldee'guesop so' noxop. 21Qana'chi jeso'me noxop naqaiso so' náỹi da' chiláxac 'me chiỹaqaỹi da' qo'mi qonec'alaxatréegue naỹi. Dójo' chiláxac, jeda'me sa naqaida da' niỹóxoc jen' qadó'oc, qá'a na'chidáta da' qoỹiỹaxanot ñi' Dios da' ỹan ga' naviliỹáxac 'me ỹoqovíta. Qana'chi ỹañoxot da' qo'mi nec'alaxatréegue dójo' chiláxac, chiỹaqaỹi qa'en da' 'éeta joca'li ỹitaxa qonec'alaxadiséguem so' Jesucristo, 22'me taiỹi da' piỹem, qana'chi net'ague da' ỹaỹáten ñi' Dios da' ỹamaqaac jen' namaxa'spi piỹem lé'ecpi, qataxa na' damaxasóxonacpi qataxa jen' n'añaxacpi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.