At Ṛuma 16
16
Lewṣayat akked sslam
1Ad kkun-weṣṣiɣ ɣef weltma-tneɣ Fibi, nettat yellan d taqeddact di tmezdayt n Kanxariya#16.1 Walit Lecɣal n Imceggɛen 18.18.. 2Sṭerḥbet s yis s leqdeṛ, s yisem n Yasuɛ, akken i ilaq ad testeṛḥbem s watmaten. Ɛiwnet-tt deg wayen akk i teḥwaǧ, axaṭer aṭas n watmaten i tɛawen ; ula d nekk tɛawen-iyi.
3Ssiwḍet sslam i gma-tneɣ Akilas akked Briska, wid akken iqeddcen yid-i ɣef Yasuɛ Lmasiḥ, 4wid akken i iqeblen ad sebblen tudert-nsen fell-i ; mačči d nekkini kan i ten-icekkṛen meɛna ula d timezdayin meṛṛa n leǧnas nniḍen. 5Ttsellimet daɣen ɣef wid ittnejmaɛen deg wexxam-nsen, ttsellimet ɣef gma-tneɣ Ibantus aḥbib ɛzizen fell-i, i yellan d amenzu yumnen s Lmasiḥ di tmurt n Asya. 6Ttsellimet ɣef Meryem i yenneɛtaben aṭas fell-awen. 7Ttsellimet ɣef Andrunikus akked Yunya i yi-ittilin yerna llan yid-i di lḥebs, wid ɛzizen gar imceggɛen, nutni yumnen s Yasuɛ uqbel ad amneɣ nekkini.
8Ttsellimet ɣef gma-tneɣ Ambliyas, win ɛzizen fell-i di Ssid-nneɣ. 9Ttsellimet ɣef gma-tneɣ Urban, win iqeddcen yid-neɣ ɣef Lmasiḥ ; ttsellimet daɣen ɣef Stakyis aḥbib-iw. 10Ttsellimet ɣef Abalis, win i nwala amek i yeṭṭef di Lmasiḥ. Ttsellimet ɣef wat wexxam n gma-tneɣ Aristubul. 11Ttsellimet ɣef Hirudiɛun win i yi-ittilin, ttsellimet ɣef wat wexxam n Narsisus, wid yumnen s Ssid-nneɣ. 12Ttsellimet ɣef tyessetmatin Trifina akked Trifusa i yenneɛtaben i lmend n Umeɣlal. Ttsellimet ɣef Bersidya ɛzizen, tin yenneɛtaben aṭas i lmend n Umeɣlal. 13Ttsellimet ɣef Rufus win ixtaṛ Umeɣlal akked yemma-s i yi-iḥesben am mmi-s. 14Ttsellimet ɣef Asinkritus, Fligun, Hermis, Batrubas, Hermas akked watmaten nniḍen yellan yid-sen. 15Ttsellimet ɣef Filulugus akked Julya, Niryus akked weltma-s, Ulimbas akked wid yumnen s Lmasiḥ yellan yid-sen. 16Msalamet wway gar-awen s sslam iṣfan.
Timezdayin akk n Lmasiḥ ttselliment-d fell-awen.
Nnehwat tineggura
17Ad kkun-weṣṣiɣ ay atmaten : Ḥadret iman-nwen ɣef wid i d-ittawin beṭṭu yerna skarayen ccwal, bɣan ad wen-sɛeṛqen ayen i tlemdem, sbeɛdet iman-nwen fell-asen. 18Axaṭer imdanen am wigi ur qeddcen ara ɣef Lmasiḥ Ssid-nneɣ meɛna ɣef yiɛebbaḍ-nsen kan i qeddcen ; s ukellex akked imeslayen ẓiden, ttseḥḥiren ulawen n wid yesɛan neyya. 19Ma d kunwi, medden meṛṛa ẓran tḍuɛem Ameɣlal, d ayen i yi-sfeṛḥen. Ttmenniɣ ad txedmem ayen ilhan s ṣṣwab, ur as-ttaǧǧat ara abrid i cceṛ. 20Illu n talwit, ur ittɛeṭṭil ara ad imḥeq cciṭan ddaw iḍarren-nwen. Ṛṛeḥma n Ssid-nneɣ Yasuɛ, ad tili yid-wen !
21Gma-tneɣ Timuti win iqeddcen yid-i akked Lusyus, Yazun, Susibatrus i yi-ittilin ttsellimen-d fell-awen. 22Nekk Tertyus i yuran tabṛatt-agi sɣuṛ Bulus, ad d-rnuɣ sslam-iw fell-awen di Ssid-nneɣ. 23Yettsellim-d fell-awen Gayus win i ɣer ttiliɣ anda ttnejmaɛen daɣen watmaten meṛṛa. Erastus, win iṭṭfen asenduq n yedrimen n temdint akked gma-tneɣ Kartus ttsellimen-d fell-awen. 24Ṛṛeḥma n Ssid-nneɣ Yasuɛ Lmasiḥ ad tili yid-wen meṛṛa ! Amin !
25Ittubarek Yillu, i yesɛan tazmert ad aɣ-isseǧhed di liman, akken i t-ttbecciṛeɣ di Lexbeṛ n Lxir i d-iwwi Yasuɛ Lmasiḥ, i wakken ad d-isban lbaḍna n Yillu yettwaffren seg wasmi tebda ddunit, 26meɛna sbeggnen-tt-id lanbiya s wayen uran akken i sen-t-id-yumeṛ Illu n dayem. Tura leǧnas meṛṛa slan i Lexbeṛ-agi n Lxir i wakken ad ten-id-yawi ɣer ṭṭaɛa-ines s liman. 27Tamanegt i Yillu, ukyis awḥid, s Yasuɛ Lmasiḥ si lǧil ɣer lǧil ! Amin !
Currently Selected:
At Ṛuma 16: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.