Matta 2
2
Imusnawen di Bitelḥem
1Ilul Yasuɛ di taddart n Bitelḥem, di tmurt n Yahuda di lweqt n ugellid Hirudus ameqqran, kra n imusnawen usan-d seg usamar ɣer temdint n Urucalim, steqsayen : 2Anda-t llufan-nni i d-ilulen, agellid n wat Isṛail ? Axaṭer nwala itri-ines deg usamar, nusa-d ad as-nseǧǧed. 3Agellid Hirudus akked imezdaɣ n temdint n Urucalim meṛṛa dehcen, irwi lxaṭer-nsen mi slan s lexbeṛ-agi. 4Hirudus isnejmaɛ-d akk imseflen imeqqranen d imusnawen n wegdud, i wakken ad ten-isteqsi anida ara d-ilal Lmasiḥ. 5Nnan-as : Ahat di tmurt n Yahuda di taddart n Bitelḥem ! Axaṭer atan wayen i yura nnbi Mixa :
6 I kemm a taddart n Bitelḥem,
ur telliḍ ara d taneggarut
gar tudrin n Yahuda,
axaṭer seg-m ara d-iffeɣ ugellid
ara yeksen at Isṛail agdud-iw # 2.6 Walit
Hucaɛ 11.1. .
7 Hirudus issawel i yimusnawen-nni s tuffra, isteqsa-ten si melmi i walan itri-nni. 8Dɣa iceggeɛ-iten ɣer Bitelḥem, yenna-yasen : “Nadit lexbeṛ n ṣṣeḥ ɣef weqcic-agi, mi ara t-tafem, init-iyi-d i wakken ad ṛuḥeɣ ula d nekk ad t-ɛebdeɣ.”
9Mi slan i ugellid, ṛuḥen. Ataya itri-nni i walan deg usamar izwar zdat-sen. Mi yewweḍ sennig wemkan anda yella weqcic-nni, iḥbes. 10Feṛḥen aṭas mi walan itri-nni. 11Kecmen ɣer wexxam-nni, walan llufan-nni ɣer yemma-s Meryem ; kerfen tagecrirt seǧǧden-as. Fsin tiyemmusin-nsen, fkan-as tirezfin : Uṛeɣ, lebxuṛ akked leɛṭer ɣlayen. 12Ixebbeṛ-iten-id Yillu di targit, ur ttuɣalen ara ɣer Hirudus, dɣa uɣalen ɣer tmurt-nsen seg ubrid nniḍen.
Tarewla ɣer Maṣer
13Mi ṛuḥen, yiwen n lmelk n Umeɣlal iban-as-d i Yusef di targit, yenna-yas-d : “Kker, ddem aqcic akked yemma-s, rwel ɣer tmurt n Maṣer, qqim dinna alamma nniɣ-ak-d ad d-tuɣaleḍ, axaṭer Hirudus ad iqelleb ɣef weqcic-agi i wakken ad t-ineɣ.” 14Yusef ikker iwwi aqcic-nni akked yemma-s deg iḍ, irwel ɣer tmurt n Maṣer. 15Iqqim dinna armi d asmi yemmut Hirudus, i wakken ad iḍru wayen i d-yenna Ameɣlal seg imi n nnbi Hucaɛ :
Ssawleɣ-as i Mmi ad d-iffeɣ si tmurt n Maṣer # 2.15 Walit
Hucaɛ 11.1. .
16Mi iwala Hirudus d akken kellxen-t imusnawen-nni, ikcem-it zzɛaf d ameqqran, iceggeɛ ɣer taddart n Bitelḥem akked d tmura i as-d-izzin, ad nɣen arrac meṛṛa yesɛan si sin yiseggasen d akessar, ɣef wakken yella leḥsab i as-d-fkan imusnawen-nni. 17Dɣa yettwakemmel wayen i d-yenna nnbi Irmiya :
18 Ikker leɛyaḍ di taddart n Rama # 2.18 D taddart iqeṛben ɣer temdint n Urucalim. ,
nesla i yimeṭṭawen d umeǧǧed,
d Raḥil i yettrun ɣef warraw-is,
tegguma ad teṣber fell-asen,
axaṭer mmuten # 2.18 Walit
Irmiya 31.15. .
19Mi yemmut Hirudus ameqqran, lmelk n Umeɣlal iweḥḥa-d i Yusef di targit mi yella di tmurt n Maṣer, 20yenna-yas : Kker, ddem aqcic d yemma-s tuɣaleḍ ɣer tmurt n wat Isṛail, axaṭer wid ibɣan ad nɣen aqcic-nni, mmuten. 21Yusef iddem aqcic-nni d yemma-s, yuɣal ɣer tmurt n wat Isṛail 22Meɛna mi yesla d akken d Arxilyus mmi-s n Hirudus, i yellan d agellid ɣef tmurt n Yahuda, yuggad. Ameɣlal iɛeggen-as-d di targit, iṛuḥ ɣer tmurt n Jlili, 23izdeɣ deg yiwet n taddart ittusemman Naṣarit, i wakken ad iḍru wayen i d-nnan lanbiya : “Ad ittusemmi Anaṣari.”
Currently Selected:
Matta 2: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.