Matta 1
1
Iẓuran n Yasuɛ Lmasiḥ
(Lq 3.23-38)
1Ha-ten-an iẓuran n Yasuɛ Lmasiḥ#1.1 Neɣ : Win yettwaxtaṛen. Walit Amawal. yellan si ccetla n Dawed d ccetla n Ibrahim : 2Ibrahim iǧǧa-d Isḥaq, Isḥaq iǧǧa-d Yaɛqub, Yaɛqub iǧǧa-d Yahuda d watmaten-is. 3Yahuda yeǧǧa-d Fariṣ akked Ziraḥ, yemma-tsen d Tamaṛ ; Fariṣ iǧǧa-d Ḥaṣrun, Ḥaṣrun iǧǧa-d Aram. 4Aram iǧǧa-d Ɛaminadab, Ɛaminadab iǧǧa-d Naḥsun, Naḥsun iǧǧa-d Salmun. 5Salmun d Raḥab ǧǧan-d Buɛaz, Buɛaz akked Raɛut ǧǧan-d Ɛubid, 6Ɛubid iǧǧa-d Yassa ; Yassa iǧǧa-d Dawed.
Agellid Dawed yeǧǧa-d Sliman, yemma-s n Sliman tella d tameṭṭut n Uriya. 7Sliman iǧǧa-d Raḥabɛam, Raḥabɛam iǧǧa-d Abiya, Abiya iǧǧa-d Asaf, 8Asaf iǧǧa-d Yahucafaṭ ; Yahucafaṭ iǧǧa-d Yihuṛam ; Yihuṛam iǧǧa-d Ɛuziya ; 9Ɛuziya iǧǧa-d Yutam ; Yutam iǧǧa-d Aḥaz ; Aḥaz iǧǧa-d Ḥizqiya ; 10Ḥizqiya iǧǧa-d Manassa ; Manassa iǧǧa-d Amun ; Amun yeǧǧa-d Yuciya ; 11Yuciya iǧǧa-d Yakunya akked watmaten-is di lweqt i deg ttwanfan wat Isṛail ɣer Babil#1.11 Walit 2 Igelliden 24.10-16. Anejli n wat Isṛail ɣer Babil yeḍra-d di lqeṛn wis setta uqbel Y.L..
12Mbeɛd anejli ɣer Babil, Yakunya iǧǧa-d Caltiyil ; Caltiyil iǧǧa-d Zarubabil. 13Zarubabil iǧǧa-d Abihud. Abihud iǧǧa-d Ilyaqim ; Ilyaqim iǧǧa-d Ɛazuṛ ; 14Ɛazuṛ iǧǧa-d Saduq ; Saduq iǧǧa-d Axim ; Axim iǧǧa-d Aliyud. 15Aliyud iǧǧa-d Aliɛazar ; Aliɛazar iǧǧa-d Mattan ; Mattan iǧǧa-d Yaɛqub. 16Yaɛqub iǧǧa-d Yusef, d Yusef-agi i d argaz n Meryem i d-iǧǧan Yasuɛ iwumi qqaren Lmasiḥ. 17Llant ṛbeɛṭac n tsutwin si Ibrahim armi Dawed, ṛbeɛṭac n tsutwin si Dawed armi d tallit anda ttwanfan wat Isṛail ɣer Babil, akked ṛbeɛṭac n tsutwin si tallit-nni armi d talalit n Lmasiḥ.
Talalit n Yasuɛ
(Lq 2.1-20)
18Atan wamek i d-ilul Yasuɛ : Yemma-s Meryem tella tettwaxḍeb i Yusef. Uqbel ad teddu d tislit, terfed s tadist s tezmert n Ṛṛuḥ imqeddes. 19Yusef axḍib-is yellan d argaz n ṣṣwab, ur ibɣi ara ad tt-ifḍeḥ, dɣa yeqsed ad imsefṛaq yid-s s tuffra. 20Akken yella yettxemmim i waya, iban-as-d lmelk n Umeɣlal di targit yenna-yas : A Yusef ! A mmi-s n Dawed ! Ur ttaggad ara ad tesɛuḍ Meryem d tameṭṭut-ik, axaṭer llufan yellan di tɛebbuṭ-is, yusa-yas-d s Ṛṛuḥ imqeddes. 21Ad d-tesɛu aqcic, ad as-tsemmiḍ Yasuɛ, axaṭer d netta ara isellken agdud-is si ddnubat-nsen.
22Ayagi akk yeḍra-d i wakken ad ittwikemmel wayen i d-yenna Ameɣlal seg imi n nnbi Icaɛya :
23 Ad terfed taɛezrit s tadist,
ad d-tesɛu aqcic
ad ittusemmi Ɛimanuwil
yeɛni : Illu yid-neɣ#1.23 Walit Icaɛya 7.14..
24Mi d-yuki Yusef, ixdem ayen i as-d-yenna lmelk n Umeɣlal, yewwi tameṭṭut-is ɣer wexxam-is ; 25lameɛna ur tt-innul ara armi i d-tesɛa Meryem aqcic, iwumi isemma Yasuɛ.
Currently Selected:
Matta 1: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.