Lecɣal n Imceggɛen 2
2
Tikci n Ṛṛuḥ imqeddes
1Ass n lɛid n wass wis xemsin, inelmaden llan nnejmaɛen akk deg yiwen n wemkan. 2Taswiɛt kan, ikka-d yiwen n lḥess ameqqran seg igenni am waḍu iǧehden, iččuṛ akk axxam-nni anda qqimen. 3Banen-asen-d am akken d ilsawen n tmes ittemfaṛaqen wway gar-asen, rsen-d ɣef yal yiwen deg-sen. 4Ččuṛen akk s Ṛṛuḥ imqeddes, bdan ttmeslayen s tutlayin nniḍen, yal yiwen deg-sen iheddeṛ s tutlayt i as-d-ifka Ṛṛuḥ imqeddes.
5Deg ussan-nni, di temdint n Urucalim, llan yimdanen n wat Isṛail yettḍuɛun Illu, i d-yusan si mkul timura n ddunit. 6Mi slan i lḥess-nni, lɣaci uzzlen-d meṛṛa ; dehcen, axaṭer sellen-asen ttmeslayen s tutlayin n tmura i deg ttɛicin. 7Wehmen, ttɛeǧǧben, qqaren wway gar-asen : Imdanen-agi yettmeslayen mačči n tmurt n Jlili ? 8Amek armi yal yiwen deg-neɣ isell-asen ttmeslayen s tmeslayt-is ? 9Llan gar-aneɣ yimdanen i d-yusan si tmurt n Bartas, si tmurt n Midyas, si tmurt n Ilam, kra nniḍen si tmurt n Igarsaffen#2.9 Walit Amezruy n talsa 24.10 akked tezmilt., si tmurt n Yahuda akked tmurt n Kafadusya, wiyaḍ si tmurt n Tqenṭert, si tmurt n Asya#2.9 Tamurt n Asya tallit-nni, d tamurt n Ṭurk n tura., 10si tmurt n Frijya akked Bamfilya. Usan-d daɣen si tmurt n Maṣer, si lejwahi n Qiṛwan di tmurt n Libya, llan wid i d-yusan si temdint n Ṛuma ; 11llan daɣen wat Isṛail akked wid ittabaɛen di ddin-nsen, llan wid n tegzirt n Kritus akked waɛraben#2.11 Tamurt n Waɛraben d Sɛudiya n tura.. Amek armi i sen-nesla ttmeslayen s tutlayin-nneɣ meṛṛa ɣef leɛǧayeb n Yillu ? 12Dehcen akk, ur ẓrin d acu ara xemmemen, qqaren wway gar-asen : D acu-t wayagi ? 13Ma d wiyaḍ stehzayen fell-asen qqaren : D askaṛ i sekkṛen !
Lxeṭba n Buṭrus
14Buṭrus yellan akked ḥdac n imceggɛen-nni, issaɛli taɣect-is yenna i lɣaci : Ay imezdaɣ n temdint n Urucalim akked kunwi meṛṛa isɛeddayen ussan di temdint-agi, slet-d mliḥ i wayen ara wen-d-iniɣ, ilaq ad teẓrem ayagi : 15Irgazen-agi ur skiṛen ara am akken i ɣilen kra seg-wen, axaṭer attan d ttesɛa n ṣṣbeḥ kan ! 16Lameɛna ayagi yeḍran d ayen i d-icar nnbi Yuwil#2.16 D nnbi iɛacen gar lqern wis tesɛa d wis tmanya uqbel Y.L. :
17 Illu yenna-d : Deg ussan ineggura,
ad d-sserseɣ Ṛṛuḥ-iw ɣef yimdanen meṛṛa ;
arrac-nwen d yessi-twen
ad d-ttcirin # 2.17 Walit
Imḍanen 11.25
akked tezmilt. ayen ara sen-d-ttxebbiṛeɣ,
ilmeẓyen-nwen ad sen-d-ttweḥḥiɣ,
imɣaṛen-nwen ad sen-d-mmeslayeɣ di tirga.
18 Ih, deg ussan-nni ad d-smireɣ Ṛṛuḥ-iw
ɣef iqeddacen-iw d tqeddacin-iw,
ad d-ciren s wayen ara sen-d-ttxebbiṛeɣ.
19 Deg igenni ad xedmeɣ leɛǧayeb,
di lqaɛa ad d-ssekneɣ licaṛat issewhamen :
Idammen, times d usigna n ddexxan.
20 Iṭij ad yuɣal d ṭṭlam,
aggur ad yuɣal am idammen
uqbel ad d-yas wass n Umeɣlal ;
ass-nni d ass ameqqran, yeččuṛen d tamanegt.
21 Imiren kra n win ineddhen
s yisem n Umeɣlal ad ittusellek # 2.21 Walit
Yuwil 3.1-5. .
22Ay imdanen n wat Isṛail, ḥesset-d mliḥ i wayen ara wen-d-iniɣ : Ɣef wayen iɛnan Yasuɛ Anaṣari, teẓram akk d akken isbeggen-d Yillu tazmert-is mi yexdem zdat-wen lbeṛhanat, licaṛat d leɛǧubat, am akken i teẓram s yiman-nwen. 23Akken yella si zik di leqsed n Yillu ; argaz-agi tezzenzem-t, d kunwi i t-inɣan mi t-tsellmem gar ifassen n ikafriwen i t-isemmṛen ɣef umidag. 24Lameɛna isseḥya-t-id Yillu, isellek-it-id si tsiqqest n lmut axaṭer d lmuḥal ad t-teṭṭef ɣuṛ-s. 25Inna-d fell-as Dawed :
Ttwaliɣ yal ass Ameɣlal zdat-i
axaṭer ittili ɣer uyeffus-iw i wakken ur ttenququleɣ ara ;
26 daymi i yefṛeḥ wul-iw, i tcennu taɣect-iw ;
ula d iɣsan-iw ad rtiḥen di laman ;
27 axaṭer ur iyi-tettaǧǧaḍ ara di laxeṛt,
ur tettaǧǧaḍ ara imqeddes-inek ad irku deg uẓekka.
28 Teldiḍ-iyi iberdan n tudert ;
ad teččaṛeḍ ul-iw d lfeṛḥ mi ara tettiliḍ yid-i # 2.28 Walit
Ihellilen 16.8-11. .
29Ay atmaten ilaq-iyi ad wen-d-mmeslayeɣ ɛinani ɣef tidett yeɛnan jeddi-tneɣ Dawed. Teẓram d akken yemmut, ittwamḍel, yerna aẓekka-ines mazal-it ar ass-a gar-aneɣ. 30Lameɛna imi d nnbi i yella, yeẓra d akken ad iṭṭef Yillu di lemɛahda i as-d-ifka mi as-d-yenna : D yiwen si tarwa-k ara sɣimeɣ ɣef ukersi n tgeldit-ik#2.30 Walit Ihellilen 132.11.. 31Ɣef ḥeggu n Lmasiḥ#2.31 Neɣ : Win yettwaxtaṛen. Walit Amawal. i d-icar mi d-yenna lehduṛ-agi ; axaṭer d tidett, ur t-iǧǧi di laxeṛt, ur t-iǧǧi ad irku. 32Win ɣef i wen-d-ttmeslayeɣ, d Yasuɛ-agi i d-isseḥya Yillu si gar lmeyytin, aql-aɣ akk d inagan. 33Mi yettwarfed ɣer uyeffus n Yillu, yettunefk-as Ṛṛuḥ imqeddes i as-iwɛed Ubabat, netta ismar-it-id fell-aɣ ; d ayen i teslam, i twalam. 34Mačči d Dawed i yulin ɣer igenni, axaṭer d netta i d-yennan :
Ameɣlal yenna-d i Ssid-iw :
Qqim ɣer uyeffus-iw,
35 alamma rriɣ iɛdawen-ik seddaw n yiḍarren-ik # 2.35 Walit
Ihellilen 110.1. .
36Ilaq ihi at Isṛail meṛṛa ad ẓren s tidett d akken Yasuɛ-nni i tsemmṛem, d netta i yerra Yillu d Ssid, d Lmasiḥ.
Inelmaden imezwura
37Mi slan i wayen i d-yenna Buṭrus, lɣaci meṛṛa saxen wulawen-nsen, nnan i Buṭrus d imceggɛen nniḍen : Ay atmaten, d acu ara nexdem ?
38Yerra-yasen Buṭrus : Tubet, beddlet tikli ! Mkul yiwen deg-wen ad ittwiɣḍes s yisem n Yasuɛ Lmasiḥ i wakken ad wen-ttwasemmḥen ddnubat-nwen, yerna ad wen-d-ittunefk Ṛṛuḥ imqeddes. 39Axaṭer lweɛd n Yillu, yettunefk-d i kunwi d warraw-nwen akked wid meṛṛa n leǧnas nniḍen iwumi ara d-issiwel Ameɣlal, Illu-nneɣ. 40Buṭrus inehhu-ten s waṭas n yimeslayen nniḍen, i wakken ad amnen, iqqar-asen : Xḍut i lǧil-agi iɛewjen i wakken ad tettusellkem !
41Wid iqeblen ayen i d-yenna Buṭrus, qeblen ad ttwiɣeḍsen. Ass-nni rnan-d wazal n tlata alaf n yimdanen i yumnen.
Tagmatt yedduklen
42Seg imiren, zgan ttnejmaɛen am atmaten i wakken ad slen i uselmed n imceggɛen ; beṭṭun aɣṛum n usmekti n Lmasiḥ, yerna deɛɛun s yiwen n wul. 43Tɛeǧǧben, tekcem-iten akk tuggdi mi ttwalin imceggɛen xeddmen aṭas n lbeṛhanat d leɛǧayeb. 44Wid akk yumnen, ttɛicin s tdukli yerna beṭṭun wway gar-asen ayen akk sɛan. 45Znuzun ayla-nsen meṛṛa, ayen akken i d-jemɛen, feṛqen-t wway gar-asen mkul yiwen ɣef leḥsab n wakken iḥwaǧ. 46Yal ass, s yiwen ṛṛay, ttnejmaɛen deg ufakan, ttnejmaɛen daɣen deg ixxamen-nsen, beṭṭun aɣṛum#2.46 Walit Luqa 22.19-20. gar-asen, tetten lqut-nsen s wannuz d lfeṛḥ ; 47ttḥemmiden Illu, imdanen meṛṛa ttqadaṛen-ten ; Ameɣlal irennu-d yal ass ɣer tejmaɛt-nsen wid ittuselken.
Currently Selected:
Lecɣal n Imceggɛen 2: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.