Z'kharyah 2

1Toe het ek my oë opgelig en gekyk en let op, daar was ’n man met ’n maatband in sy hand.

2Toe sê ek: “Waar gaan u heen?” Hy antwoord my: “Om Yerushalayim te meet, om te sien hoe breed en hoe lank dit is.” Yeg 40

3Let op, die boodskapper wat met my gepraat het, het uitgegaan en ’n ander boodskapper het uitgekom om hom te ontmoet

4en vir hom gesê: “Hardloop, praat met daardie jongman en sê: ‘Yerushalayim sal bewoon word sonder mure as gevolg van die menigte van mense en beeste daarbinne,

5want Ek,’ verklaar יהוה, ‘sal ’n vurige muur rondom haar wees en Ek sal die lof en eer in haar midde wees.’” Open 21:3

6“Let op, vlug uit die land van die Noorde,” verklaar יהוה, “want Ek het julle verstrooi na die vier windstreke van die hemel,” verklaar יהוה.

7“Let op, Tziyon! Vlug, jy wat by die dogter van Bavel bly,” Open 18:4

8want so sê יהוה-Tzva’ot: “Vir lof, eer en waarde het Hy My gestuur teen die nasies wat julle geplunder het, want hy wat julle aanraak, raak My oogappel aan,

9want, let op, Ek sal My hand oor hulle swaai sodat hulle dade buit sal word, dan sal julle weet dat יהוה-Tzva’ot My gestuur het.

10Sing van vreugde en wees bly, o dogter van Tziyon, want let op, Ek kom en sal in jou midde bly,” verklaar יהוה.

11Baie nasies sal hulle in daardie dag aan יהוה verbind en sal My volk word, dan sal Ek in jou midde bly en jy sal weet dat יהוה-Tzva’ot My na jou toe gestuur het.

12יהוה sal Y’hudah as Sy porsie in die afgesonderde land besit en sal Yerushalayim weer kies.

13Alle vlees, wees stil voor יהוה, want Hy het opgestaan vanuit Sy afgesonderde blyplek.”

Currently Selected:

Z'kharyah 2: SPC

Highlight

Copy

Want to have your highlights saved across all your devices? Sign up or sign in

©Kopiereg 2025 deur Die Pad van Waarheid tot die Lewe Vertalings Projek.

Kopiereg op die inhoud behoort aan die Lewende, Skepper-God, YHWH, alleen. U is welkom om dit onveranderd te gebruik in enige leer of skrywe, met erkenning: “PWL” “PadWLewe” of “Die Pad van Waarheid tot die Lewe” vertaling.

Geen deel hiervan mag onder enige omstandighede, in enige formaat, verkoop word nie.

Sy Boodskap is gratis.

Learn More About PWL in Standaard Protestantse Canon