Markus Mǝncau
Mǝncau
Cau Amsǝban a nê mala Markus ka nda <<Bǝsa Cau mǝɓoarne amur Yesu Kǝrǝsti, Muna mala Ɓakuli.>> Yesu ka à lǝmdǝí kǝla ɓwa mǝnana ɓǝ̀ bangcau ka nǝ̀ lùmsǝì, sǝ yì ɗǝm ngga ndanǝ gara. Gara male ka à sǝni arǝ kanigir male, andǝ rǝcandǝa male amur akukwar, andǝ twalban cauɓikea mala aɓwana. Yesu tunǝ ɓamúrì ama yì nda Muna mala Ɓwa, mǝnana yiu ace mana nǝ̀ yia pa ɓamúrì ace pusǝ aɓwana male aɓalǝ acauɓikea.
Markus nacau amur agir mana Yesu pea, andǝ acau mana nea, andǝ akanìgìr male. Bang cau bǝti amur Yohana Mǝbatisǝma, andǝ batisǝma mala Yesu, andǝ kārǝkiban male ka, pǝlǝa kutio aban bangcau amur túró mala Yesu mala twalban rǝkwana andǝ kanigir. Aban ká masǝlǝate ka Markus bangcau amur agir mǝnana à kum Yesu a masǝlǝata do yilǝmu male aɓa ɓanza, nggeamurǝmi ka gbaliban male amur nggun-gangndǝi, andǝ lo male a ɓembe.
Agir mǝnana aɓalǝi ka
Tita mǝnia yì Bǝsa Cau Mǝɓoarne ka1:1-13
Túró mala Yesu bwāng aɓa Galili1:14--9:50
Lo a Galili aban ká Urǝshalima10:1-52
Masǝlǝata limo, aɓa Urǝshalima sǝ arǝ aban tù nǝ Urǝshalima11:1--15:47
Lo mala Yesu a ɓembe16:1-8
Pusǝrǝu andǝ eauwe mala Mǝtalabangŋo mǝnana nǝ yilǝmu ka aban ká a kùli16:9-20
Currently Selected:
Markus Mǝncau: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company