Yohana Mǝncau
Mǝncau
Mwashat atà alaggana mala Yesu, yì Yohana ka, nda gilǝ mǝnia yì malǝmce ka. À kǝ sǝni kǝla à gilǝ mǝnia yì Cau Amsǝban ngga a pǝlǝa 85 anzǝm ɓǝlban mala Yesu.
Yì Cau Amsǝban a nê mala Yohana ka lǝmdǝa sǝm ama Yesu nda Cau mala Ɓakuli, yì Cau mǝnana te pà nǝ̀ mal raka, mǝnana <<yi duk ɓwamǝpǝndǝe sǝ do aɓalǝ sǝm ngga.>> (Yoh 1:14) À gilǝì ace mǝnana amǝ ɓallè ka ɓǝa earnǝi ama Yesu nda Mǝ'amsǝban mǝnana à pacau ace ka, yì Muna mala Ɓakuli, sǝ ɗǝm ngga nǝ́ paɓamuru malea a baní ka ɓǝà kum yilǝmu (Yoh 20:31.)
Yohana kǝ bangŋi nǝ rǝcandǝa ama ɓoro mala yilǝmu mǝnana málá male pà kàm raka à kǝ kumi nǝban Kǝrǝsti, yì ɓoro mǝnana kǝ tite ado sǝ nǝ̀ ngga yiu aban aɓwana mǝnana à earnǝ Yesu ama nda njargula, andǝ mǝsǝcau, andǝ yilǝmu ka. Yohana pak túró nǝ agir mala koya pwari mǝnana aɓwana súrǝ̀ia pepe ka ace lǝmdǝ mǝsǝcau mala agir ɓá bangŋo, agir kǝla <<mur>>, <<bǝredi ko girlina>>, <<tǎlaban>>, <<yalgir andǝ anzur male>>, <<kun-nda>>, <<njargula>>, <<nggun anap andǝ aɓǝle>>, sǝ <<yilǝmu.>>
Agir mǝnana aɓalǝi ka
Tita cau1:1-18
Yohana Mǝbatisǝma andǝ alaggana mǝdǝmbe mala Yesu1:19-51
Túró mala Yesu a ban aɓwana2:1--12:50
Masǝlǝata anonggio mala Yesu arǝ ban mala Urǝshalima sǝ aɓalǝi13:1--19:42
Lo ɓembe mala Mǝtalabangŋo andǝ lǝmdǝrǝu male arǝ anjar ɗàngɗáng20:1-31
Masǝlǝata cau: Yesu lǝmdǝ rǝì ɗǝm a Galili21:1-25
Currently Selected:
Yohana Mǝncau: mbu
Highlight
Share
Copy
Want to have your highlights saved across all your devices? Sign up or sign in
©️2022 The Seed Company