Tite 36
36
Tàu mala Isǝwa
1Mǝnia ka nda tsaɗya mala amuna andǝ amǝ'kau a tàu mala Isǝwa (yì Edom) kǝla mǝnana à gilǝì ka.
2Amālá Isǝwa ka alia atà amamǝna mala amǝ'Kan'ana. À nda ka: Ada ɓoarnsarile Elon ɓwa Hitti, andǝ Oholibama mǝnana Anah ɓǝl andǝ māmí mǝ'kà Zibiyon ɓwa Hivi, 3sǝ Basǝmat muna-ɓwama mala Ishmayel sǝ ɗǝm ngga nda mǝ'kyauwa Nebayot ka.
4Ada ɓǝlî Isǝwa muna-ɓwabura à tunǝi ama Elifas. Basemat ɓǝl muna-ɓwabura à tunǝi ama Rewel, 5sǝ Oholibama ɓǝl a Jewus, andǝ Jalam, andǝ Kora. À ɓǝlî Isǝwa amǝnia yi amuna kat ka aɓa nzali Kan'ana.
6Isǝwa pwan amāmí andǝ amuni amuna-burana andǝ amuna-mamǝna andǝ acili aɓwana mǝnana a ɓala male ka kat, sǝ pwan adomwan mala andá andǝ acili agirkusǝu male, andǝ agirkuma mǝnana kat kúmô aɓa nzali Kan'ana ka, sǝ tùro o a ɓè nzali kuko nǝban mǝ'eambi Yakupu. 7Agirkusǝu malea làkkì kǝ̀rkǝ́r mǝnana à pà nǝ̀ gandǝ do atārǝia a ban mǝmwashati raka; nzali mǝnana à ndakam nǝ do ka karǝia yia kǝm ɗàng ace ɓiki làkkì mala andá malea. 8Nda Isǝwa (mana à tùnǝì gbal ama Edom ngga) wario kya dukla a Seyir, nzali múr ankono ka.#36:8 Ɓalli gbal aɓa: Tite 27:39-40.
9Mǝnia ka nda tsaɗya mala aɓwapǝndǝa mǝnana à pur a nggurkwar mala Isǝwa, yì tár amǝ'Edom, mǝnana à do a Seyir, nzali múr ankono ka.
10Alullǝ amuna-burana mala Isǝwa ka à nda ka:
Elifas, muna mala Ada mālá Isǝwa, andǝ Rewel, muna mala Basemat ɓè mālá Isǝwa.
11Amuna-burana mala Elifas ka à nda ka:
Teman, andǝ Omar, andǝ Zefo, andǝ Gatam, andǝ Kenas.
12Elifas, muna-ɓwabura mala Isǝwa ɗǝm ngga twal ɓè ɓwama lùllǝì ama Timna, mǝnana ɓǝlî wi ɓè muna-ɓwabura, yì Amalek. Amǝno ka, à nda ka amǝ'kà Isǝwa nǝ bu māmí Ada.
13Amuna-burana mala Rewel ka à nda ka:
Nahat, andǝ Zera, andǝ Shama, andǝ Miza. À nda ka amǝ'kà Isǝwa nǝ bu māmí Basemat.
14Mālá Isǝwa yì Oholibama, mǝnana muna-ɓwama mala Anah, sǝ mǝ'kà Zibiyon na ka, ɓǝlî Isǝwa amuna-burana; à nda ka:
Jewus, andǝ Jalam, andǝ Kora.
Amúr-la a nggurkwar mala Isǝwa
15Amǝnia ka à nda ka aɓwana a nggurkwar mala Isǝwa mana à yi duk amúr-là ka:
Amuna-burana mala Elifas muna-dǝmba mala Isǝwa ka, à nda ka:
Amúr-là Teman, andǝ Omar, andǝ Zefo, andǝ Kenas, 16andǝ Kora, andǝ Gatam, andǝ Amalek. Yia mǝnia ka à nda ka amúr-là a tàu mala Elifas a nzali Edom; yia ka amǝ'kà Ada na.
17Muna-ɓwabura mala Isǝwa, yì Rewel ka nda tár a:
Amúr-là Nahat, andǝ Zera, andǝ Shama, andǝ Miza. Yia mǝnia ka à nda ka amúr-là a tàu mala Rewel a nzali Edom; à nda ka amǝ'kà Basemat mālá Isǝwa.
18Amuna-burana mala Isǝwa nǝ bu māmí Oholibama ka, à nda ka:
Amúr-là Jewus, andǝ Jalam andǝ Kora. Amǝnia ka à nda ka amúr-là mǝnana à pur a tàu mala mālá Isǝwa, Oholibama muna-ɓwama mala Anah ka.
19Yia mǝno kat ka à nda ka aɓwapǝndǝa mǝnana à pur a nggurkwar mala Isǝwa, yì Edom ngga.
Amuna andǝ amǝ'kà Seyir
(1 Acau la Apwari 1:38-42)
20Akún mǝnana à nda ka amǝ nzali Edom ɓara-ɓara ka tǝrtea pur nǝban amǝnia yì amuna andǝ amǝkà Seyir ɓwa Hori ka:
Lotan, andǝ Shobal, andǝ Zibiyon, andǝ Anah, 21andǝ Dishon, andǝ Eza, andǝ Dishan. Koyan ateà ka yi duk múr-là mala ɓè kún mala amǝ'Hor, yì aɓwana a nggurkwar mala Seyir a nzali Edom.
22Amuna-burana mala Lotan mǝnana à yi duk tár akún ngga, à nda ka:
Hori andǝ Homam. Timna ka muna-ɓwama mǝ'kyauwa Lotan na.
23Amuna-burana mala Shobal mǝnana à yi duk tár akún ngga, à nda ka:
Alvan, andǝ Manahat, andǝ Ebal, andǝ Shefo, andǝ Onam.
24Amuna-burana mala Zibiyon mǝnana à yi duk tár akún ngga, à nda ka:
Ayah andǝ Anah. Anah mǝnia ka nda ɓwa mǝnana tita kum amgbeaɗe mala mùrpina a ɓabondo a ban yál amǝdambǝriso mala tárrí Zibiyon ngga.
25Anah ka nda tár Dishon; Anah ɗǝm ngga ndanǝ muna-ɓwama à tunǝi ama Oholibama.
26Dishon ngga nda yi duk tár akún mala
amǝ'Hemdan, andǝ amǝ'Eshban, andǝ amǝ'Itǝran, andǝ amǝ'Keran.
27Eza nda tár akún mala
amǝ'Bilhan, andǝ amǝ'Zaavan andǝ amǝ'Akan.
28Dishan nda tár akún mala:
amǝ'Uz andǝ amǝ'Aran.
29Amǝnia ka à nda ka amúr-là mala amǝ'Hor:
Múr-là Lotan, andǝ Múr-là Shobal, andǝ Múr-là Zibiyon, andǝ Múr-là Anah, 30andǝ Múr-là Dishon, andǝ Múr-là Eza, sǝ Múr-là Dishan. Yia mǝnia ka, à nda ka amúr-là mala amǝ'Hor kǝla mǝnana à gakkia arǝ abân aɓa nzali Seyir ka.
Amurǝma mala nzali Edom
(1 Acau la Apwari 1:43-54)
31Kaniama à nǝ̀ yia kum amurǝma a nzali Isǝrayila ka, amurǝma mǝnia ka à nda mǝnana à yálmúr aɓwana a nzali Edom, kǝla mǝnana à kpatarǝia ani ka:
32Bela muna-ɓwabura mala Beyo ɓwa nggea-là Dinhaba ka nda murǝm Edom.
33Anzǝm lú mala Bela ka, Jobap muna-ɓwabura mala Zera ɓwa nggea-là Bozǝra yi eauwe a buno-murǝm.
34Lang Jobap wuna ka, Husham ɓwa nzali Teman yi duk murǝm a kúnì.
35Lang Husham wuna ka, Hadat muna-ɓwabura mala Bedat, mǝnana gandǝ amǝ'Midiyan a lwa aɓa nzali Mowap ka, nda à yi pe wi buno-murǝm ngga. Lullǝ nggea-là male nda Avit.
36Lang Hadat wuna ka, Samla ɓwa nggea-là Masǝreka yi eauwe a buno-murǝm.
37Lang Samla wuna ka, Shawul ɓwa nggea-là Rehobot a kún nggeasala, yi eauwe a buno-murǝm.
38Lang Shawul wuna ka, Baal-Hanan muna mala Akbuo yi eauwe a buno-murǝm.
39Lang Baal-Hanan muna mala Akbuo wuna ka, Hadat yi eauwe a buno-murǝm. À tunǝ lullǝ nggea-là male ama Pau. Lullǝ māmí ka nda Mehetabel muna-ɓwama mala Matǝred, muna-ɓwama mala Me-Zahap.
40Amǝnia ka à nda ka amúr-là mǝnana à pur a tàu mala Isǝwa ka; à tunǝia nǝ alullǝia, koyan ngga nǝ kún male andǝ bu-nzali male:
Timna, andǝ Alva, andǝ Jetet, 41andǝ Oholibama, andǝ Ela, andǝ Pinon, 42andǝ Kenas, andǝ Teman, andǝ Mibza, 43andǝ Magdiel, sǝ Iram.
Yia mǝno ka à nda ka amúr-là a nzali Edom. Isǝwa nda keà mǝnana à pur a tǝrtè ka. Koyan ngga nǝ ban male mǝnana duk kam aɓa nzali Edom ngga.
Currently Selected:
Tite 36: mbu
Highlight
Share
Compare
Copy
Want to have your highlights saved across all your devices? Sign up or sign in
©️2022 The Seed Company
