2 Amurǝm 8
8
Murǝm nyesǝî ɓwama Shunem nzali male
1Adyan ngga, Elisha angŋa-dǝmba bangŋǝni ɓwama mǝnana nyesǝî muni a yilǝmu ka#8:1 Ɓalli aɓa: 2Amur 4:8-37. ama, <<Lo wunǝ amǝ'ɓala mò kat, wu o a ban mǝnana kat wun nǝ̀ gandǝ ká ace do kam bǝti ka, acemǝnana Yahweh bangŋǝ́nà ama nzal-gula nǝ̀ kpa, sǝ nǝ̀ twal apǝlǝa tongno-nong-ɓari.#8:1 Ɓalli gbal aɓa; Tite 41:27,54 .>> 2Anggo sǝ ɓwame lo sǝ kya pa kǝla mǝnana cau mala ɓwa mala Ɓakuli bang ngga. Yì andǝ amǝ'ɓala male ka à lo, sǝ à kya do a nzali mala amǝ'Filisti apǝlǝa tongno-nong-ɓari. 3Sǝ anzǝm apǝlǝa tongno-nong-ɓari ka, ɓwame nyarî nzali mala amǝ'Filisti, sǝ wari aban murǝm, kya zǝmbi wi ace mǝnana ɓǝ̀ nyesǝî wi ɓala male andǝ ɓaban male ka. 4Anggo ka murǝm na ban ɗi Gehazi, #8:4 Ɓalli gbal aɓa; 2Amur 4:12; 5:20-27. lagga mala ɓwa mala Ɓakuli, amur agir mǝgulke mǝnana kat Elisha peǎ ka. 5Sǝ lang Gehazi na ban bǝlì murǝm ɓá nyesǝe mana Elisha nyesǝ lú muna nǝ yilǝmu ka, ɓwame mǝnana Elisha nyesǝî muni nǝ yilǝmu ka, yiu ace zǝmbi murǝm ace ɓala male andǝ ɓaban male. Pǝlǝa Gehazi bang ama, <<Ɓwamǝgule mem, we murǝm, ɓwame nda mǝnia, sǝ muni mǝnana Elisha nyesǝi nǝ yilǝmu ka#8:5 Ɓalli gbal aɓa; 2Amur 4:35. ndya ka.>> 6Sǝ lang murǝm ɗì ɓwame ka, ɓwame banggi wi acê. Pǝlǝa murǝm twal mwashat atà amǝgulo male, banggi wi ama, <<Nyesǝ agir mǝnana amala ɓwama mǝnia na ka kat, kpapi andǝ agirɓaban mala aɓabanì mǝnana à pwan ngga, tite a pwari mǝnana nyingŋǝ̀nà nzalinì ka, ba yalung.>>
Hazayel wal-lú Ben-Hadat
7Adyan ngga, Elisha wari a Damaska. Sǝ Ben-Hadat #8:7 Ɓalli gbal aɓa; 2Amur 6:24. murǝm Suriya ka nda aɓa rǝkwana. Pǝlǝa à ne wi ama, <<Ɓwa mala Ɓakuli yina kani.>> 8Pǝlǝa murǝm banggi Hazayel ama, <<Twal ɓoro a buo, sǝ wu kyane, kya kum ɓwa mala Ɓakuli, wu ɗìbancau a ban Yahweh nǝbani, ama, <Rǝkwana mǝnia a rǝàm ngga nǝ̀ mal le?> >>
9Pǝlǝa Hazayel wario nǝ̀ nggá kumi, sǝ twal ɓoro a buì ace Elisha; ɓoro mala agir mǝɓoarne ɗàngɗáng mala Damaska, mǝnana à pàk twalo mala nzǝm akalakadambi lumi-ine ka. Lang bingŋǝnà ka, yi cam a ɓadǝm Elisha sǝ bang ama, <<Muna-ɓwabura mô#8:9 Ɓalli gbal aɓa; 2Amur 5:13. Ben-Hadat murǝm Suriya na túrǎm a bano ka, kǝ ɗiban ama, <Rǝkwana mǝnia a rǝàm ngga nǝ̀ mal le?> >> 10Sǝ Elisha ne wi ama, <<Kyane, kya ne wi ama, <Ɓafo, rǝkwane nǝ̀ malì rǝò,> sǝama Yahweh lǝmdǝnam ama, mbak-kàngkàng nǝ̀ wǔ.>> 11Sǝ Elisha soa mǝsǝi sǝni nzolong, she lang Hazayel ka kǝsǝkya pakki wi. Pǝlǝa ɓwa mala Ɓakuli sak a ɓua. 12Sǝ Hazayel ɗì ama, <<Palang sǝ mǝtala-ɓala mem sa a ɓua?>> Elisha ear ama, <<Acemǝnana ǝn súrǝ́nà rǝ ɓealɓikea mǝnana awu nǝ pakkî amǝ'Isǝrayila ka. Awu nǝ soa bǝsa arǝ akanggǝrang-ban malea, sǝ awu nǝ wal-lú amuna-burana malea nǝ nggeabyau, sǝ awu nǝ arki ɓamur amuna mǝkeke malea shakat-shakat, sǝ awu nǝ zanzǝki bum amǝ'nggeamur malea.#8:12 Ɓalli gbal aɓa; 1Amur 19:17; 2Amur 10:32-33; 13:3.>>
13Sǝ Hazayel ɗì ama, <<Yana nda mim guro mò, mǝnana ǝn kútì nvwa raka, sǝ mǝ nǝ gandǝ pak mǝnia yì gìr mǝgule ka?>> Elisha eari wi ama, <<Yahweh lǝmdǝnam ama awu nǝ duk murǝm Suriya.>>
14Pǝlǝa Hazayel nying ban Elisha sǝ wari aban mǝtala-ɓala male, Ben-Hadat. Sǝ mǝtala-ɓala male ɗì ama, <<Mana Elisha banggo?>> Sǝ eari ama, <<Banggam ama, mǝsǝcau rǝkwane nǝ̀ malì rǝò.>> 15Sǝ lang ban nǝ nggá fà ka, Hazayel twal kungtung, liuwi a mùr, pǝlǝa kùmsǝî Ben-Hadat a ɓamǝsǝi she lang Ben-Hadat wuna ka. Pǝlǝa Hazayel duk murǝm a bancame male.
Jehoram duk murǝm a Yahuda
(2 Acau la Apwari 21:2-20)
16A tongnoia pǝlǝa mala do-bunomurǝm mala Joram, muna-ɓwabura mala Ahap, amur Isǝrayila, arǝ anonggio mǝnana Jehoshafat nda murǝm Yahuda ka, Jehoram muna-ɓwabura mala Jehoshafat, duk murǝm Yahuda. 17Apǝlǝa ɓǝlban male na lumi-tàrú-nong-ɓari (32) lang duk murǝm ngga, sǝ do-bunomurǝm male ka, apǝlǝa tongno-nong-tàrú (8) na, a Urǝshalima. 18Yì ka kpata kusǝ amurǝma mala Isǝrayila, kǝla mǝnana ɓala mala Ahap pàk ka, acemǝnana al ɓoarnsarile Ahap duk māmí. Pàk gìr mǝnana mǝɓike na a mǝsǝ Yahweh ka. 19Kat andǝ amani ka, Yahweh eare nǝ̀ kiɗiki Yahuda ɗàng, acemǝnana angŋa-dǝmba panacau aban guro male Dauda#8:19 Ɓalli gbal aɓa: 1Amur 11:36; 15:4. ama, amuna-burana male ɓǝà lidǝmba amur buno-murǝm, ɓǝà kǝ tá kǝla pitǝla tàtǝ́k.#8:19 Ɓalli gbal aɓa: 2Acau 21:7.
20A nza mala murǝm Jehoram ngga, nzali Edom mgbicau, purî ɓata yálban mala Yahuda, sǝ à tsǝk murǝm malea. 21Pǝlǝa Joram yàl-nkaring andǝ amǝ'lwa andǝ awaru-pǝr male, sǝ à wari a Zahir. A kano ka amǝ'lwa mala Edom kària aɓalǝu. Sǝama nǝ du ka, Jehoram andǝ amǝ'sàrǝ̀ban mala awaru-pǝr male ar nǝ ɓalǝ amǝ'lwa mala Edom sǝ à auwa. Sǝ amǝ'lwa mala Jehoram ngga, à ɓangŋa à o arǝ agumli malea. 22Anggo sǝ Edom mgbicau arǝ domurǝm mala Yahuda ba yalung. A bàkú mǝno ka, Libna gbal ka mgbicau.#8:22 Ɓalli gbal aɓa: Jes 21:13; 2Amur 19:8.
23Acili agir mǝnana à kumban a do-bunomurǝm mala Joram, andǝ agir mǝnana kat pàkkia ka, à nda kam a gilǝe aɓa Malǝmce mala Acau-ɓaraɓara mala Amurǝma mala Yahuda. 24Anggo sǝ Joram usǝlǝ atà akê, sǝ à tsǝì ateà a nggea-là mala Dauda; sǝ Ahaziya muna-ɓwabura male duk murǝm a bancame male.#8:24 Ɓalli gbal aɓa: 1Amur 22:40; 2Amur 1:17.
Ahaziya duk murǝm a Yahuda
25A lum-nong-ɓaria (12) pǝlǝa mala do-bunomurǝm mala Joram, muna-ɓwabura mala Ahap#8:25 Ɓalli gbal aɓa: 2Acau 22:1-6 . murǝm Isǝrayila ka, Ahaziya muna-ɓwabura mala Jehoram duk murǝm amur Yahuda.#8:25 Ɓalli gbal aɓa: 2Amur 9:29. 26Apǝlǝa ɓǝlban mala Ahaziya lang duk murǝm ngga, à nda lumi-ɓari-nong-ɓari (22), sǝ yálmúr aɓwana pǝlǝa mwashat a Urǝshalima. Lullǝ ngge nda Ataliya; ngge ka mǝkà Omri#8:26 Ɓalli gbal aɓa: 1Amur 16:23; 2Acau 22:2. murǝm Isǝrayila na. 27Yì gbal ka, twalkusǝ pakkiagir mala ɓala mala Ahap, sǝ pàk gìr mǝnana mǝɓike na a mǝsǝ Yahweh ka, kǝla mana ɓala mala Ahap pàk ka, acemǝnana yì ka nkil amǝ'ɓala mala Ahap na.
28Ahaziya kpapi ɓamúrì andǝ Joram muna-ɓwabura mala Ahap ace kánǝ lwa arǝ Hazayel murǝm mala amǝ'Suriya a Ramot Gilǝyat, sǝ amǝ'Suriya tsǝkî Joram anpenye. 29Pǝlǝa murǝm Joram nyar a Jezǝril ace mǝnana ɓǝ̀ kya sonzǝ anpenye mǝnana amǝ'Suriya tsǝki wi a Rama, lang wari nǝ̀ lwa arǝ Hazayel murǝm Suriya ka. Sǝ Ahaziya, muna-ɓwabura mala Jehoram murǝm Yahuda wari ace mǝnana ɓǝ̀ kya sǝn Joram muna-ɓwabura mala Ahap a Jezǝril,#8:29 Ɓalli gbal aɓa: 1Amur 21:1. acemǝnana Joram ngga mǝrǝkwana na ka.
Currently Selected:
2 Amurǝm 8: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company
2 Amurǝm 8
8
Murǝm nyesǝî ɓwama Shunem nzali male
1Adyan ngga, Elisha angŋa-dǝmba bangŋǝni ɓwama mǝnana nyesǝî muni a yilǝmu ka#8:1 Ɓalli aɓa: 2Amur 4:8-37. ama, <<Lo wunǝ amǝ'ɓala mò kat, wu o a ban mǝnana kat wun nǝ̀ gandǝ ká ace do kam bǝti ka, acemǝnana Yahweh bangŋǝ́nà ama nzal-gula nǝ̀ kpa, sǝ nǝ̀ twal apǝlǝa tongno-nong-ɓari.#8:1 Ɓalli gbal aɓa; Tite 41:27,54 .>> 2Anggo sǝ ɓwame lo sǝ kya pa kǝla mǝnana cau mala ɓwa mala Ɓakuli bang ngga. Yì andǝ amǝ'ɓala male ka à lo, sǝ à kya do a nzali mala amǝ'Filisti apǝlǝa tongno-nong-ɓari. 3Sǝ anzǝm apǝlǝa tongno-nong-ɓari ka, ɓwame nyarî nzali mala amǝ'Filisti, sǝ wari aban murǝm, kya zǝmbi wi ace mǝnana ɓǝ̀ nyesǝî wi ɓala male andǝ ɓaban male ka. 4Anggo ka murǝm na ban ɗi Gehazi, #8:4 Ɓalli gbal aɓa; 2Amur 4:12; 5:20-27. lagga mala ɓwa mala Ɓakuli, amur agir mǝgulke mǝnana kat Elisha peǎ ka. 5Sǝ lang Gehazi na ban bǝlì murǝm ɓá nyesǝe mana Elisha nyesǝ lú muna nǝ yilǝmu ka, ɓwame mǝnana Elisha nyesǝî muni nǝ yilǝmu ka, yiu ace zǝmbi murǝm ace ɓala male andǝ ɓaban male. Pǝlǝa Gehazi bang ama, <<Ɓwamǝgule mem, we murǝm, ɓwame nda mǝnia, sǝ muni mǝnana Elisha nyesǝi nǝ yilǝmu ka#8:5 Ɓalli gbal aɓa; 2Amur 4:35. ndya ka.>> 6Sǝ lang murǝm ɗì ɓwame ka, ɓwame banggi wi acê. Pǝlǝa murǝm twal mwashat atà amǝgulo male, banggi wi ama, <<Nyesǝ agir mǝnana amala ɓwama mǝnia na ka kat, kpapi andǝ agirɓaban mala aɓabanì mǝnana à pwan ngga, tite a pwari mǝnana nyingŋǝ̀nà nzalinì ka, ba yalung.>>
Hazayel wal-lú Ben-Hadat
7Adyan ngga, Elisha wari a Damaska. Sǝ Ben-Hadat #8:7 Ɓalli gbal aɓa; 2Amur 6:24. murǝm Suriya ka nda aɓa rǝkwana. Pǝlǝa à ne wi ama, <<Ɓwa mala Ɓakuli yina kani.>> 8Pǝlǝa murǝm banggi Hazayel ama, <<Twal ɓoro a buo, sǝ wu kyane, kya kum ɓwa mala Ɓakuli, wu ɗìbancau a ban Yahweh nǝbani, ama, <Rǝkwana mǝnia a rǝàm ngga nǝ̀ mal le?> >>
9Pǝlǝa Hazayel wario nǝ̀ nggá kumi, sǝ twal ɓoro a buì ace Elisha; ɓoro mala agir mǝɓoarne ɗàngɗáng mala Damaska, mǝnana à pàk twalo mala nzǝm akalakadambi lumi-ine ka. Lang bingŋǝnà ka, yi cam a ɓadǝm Elisha sǝ bang ama, <<Muna-ɓwabura mô#8:9 Ɓalli gbal aɓa; 2Amur 5:13. Ben-Hadat murǝm Suriya na túrǎm a bano ka, kǝ ɗiban ama, <Rǝkwana mǝnia a rǝàm ngga nǝ̀ mal le?> >> 10Sǝ Elisha ne wi ama, <<Kyane, kya ne wi ama, <Ɓafo, rǝkwane nǝ̀ malì rǝò,> sǝama Yahweh lǝmdǝnam ama, mbak-kàngkàng nǝ̀ wǔ.>> 11Sǝ Elisha soa mǝsǝi sǝni nzolong, she lang Hazayel ka kǝsǝkya pakki wi. Pǝlǝa ɓwa mala Ɓakuli sak a ɓua. 12Sǝ Hazayel ɗì ama, <<Palang sǝ mǝtala-ɓala mem sa a ɓua?>> Elisha ear ama, <<Acemǝnana ǝn súrǝ́nà rǝ ɓealɓikea mǝnana awu nǝ pakkî amǝ'Isǝrayila ka. Awu nǝ soa bǝsa arǝ akanggǝrang-ban malea, sǝ awu nǝ wal-lú amuna-burana malea nǝ nggeabyau, sǝ awu nǝ arki ɓamur amuna mǝkeke malea shakat-shakat, sǝ awu nǝ zanzǝki bum amǝ'nggeamur malea.#8:12 Ɓalli gbal aɓa; 1Amur 19:17; 2Amur 10:32-33; 13:3.>>
13Sǝ Hazayel ɗì ama, <<Yana nda mim guro mò, mǝnana ǝn kútì nvwa raka, sǝ mǝ nǝ gandǝ pak mǝnia yì gìr mǝgule ka?>> Elisha eari wi ama, <<Yahweh lǝmdǝnam ama awu nǝ duk murǝm Suriya.>>
14Pǝlǝa Hazayel nying ban Elisha sǝ wari aban mǝtala-ɓala male, Ben-Hadat. Sǝ mǝtala-ɓala male ɗì ama, <<Mana Elisha banggo?>> Sǝ eari ama, <<Banggam ama, mǝsǝcau rǝkwane nǝ̀ malì rǝò.>> 15Sǝ lang ban nǝ nggá fà ka, Hazayel twal kungtung, liuwi a mùr, pǝlǝa kùmsǝî Ben-Hadat a ɓamǝsǝi she lang Ben-Hadat wuna ka. Pǝlǝa Hazayel duk murǝm a bancame male.
Jehoram duk murǝm a Yahuda
(2 Acau la Apwari 21:2-20)
16A tongnoia pǝlǝa mala do-bunomurǝm mala Joram, muna-ɓwabura mala Ahap, amur Isǝrayila, arǝ anonggio mǝnana Jehoshafat nda murǝm Yahuda ka, Jehoram muna-ɓwabura mala Jehoshafat, duk murǝm Yahuda. 17Apǝlǝa ɓǝlban male na lumi-tàrú-nong-ɓari (32) lang duk murǝm ngga, sǝ do-bunomurǝm male ka, apǝlǝa tongno-nong-tàrú (8) na, a Urǝshalima. 18Yì ka kpata kusǝ amurǝma mala Isǝrayila, kǝla mǝnana ɓala mala Ahap pàk ka, acemǝnana al ɓoarnsarile Ahap duk māmí. Pàk gìr mǝnana mǝɓike na a mǝsǝ Yahweh ka. 19Kat andǝ amani ka, Yahweh eare nǝ̀ kiɗiki Yahuda ɗàng, acemǝnana angŋa-dǝmba panacau aban guro male Dauda#8:19 Ɓalli gbal aɓa: 1Amur 11:36; 15:4. ama, amuna-burana male ɓǝà lidǝmba amur buno-murǝm, ɓǝà kǝ tá kǝla pitǝla tàtǝ́k.#8:19 Ɓalli gbal aɓa: 2Acau 21:7.
20A nza mala murǝm Jehoram ngga, nzali Edom mgbicau, purî ɓata yálban mala Yahuda, sǝ à tsǝk murǝm malea. 21Pǝlǝa Joram yàl-nkaring andǝ amǝ'lwa andǝ awaru-pǝr male, sǝ à wari a Zahir. A kano ka amǝ'lwa mala Edom kària aɓalǝu. Sǝama nǝ du ka, Jehoram andǝ amǝ'sàrǝ̀ban mala awaru-pǝr male ar nǝ ɓalǝ amǝ'lwa mala Edom sǝ à auwa. Sǝ amǝ'lwa mala Jehoram ngga, à ɓangŋa à o arǝ agumli malea. 22Anggo sǝ Edom mgbicau arǝ domurǝm mala Yahuda ba yalung. A bàkú mǝno ka, Libna gbal ka mgbicau.#8:22 Ɓalli gbal aɓa: Jes 21:13; 2Amur 19:8.
23Acili agir mǝnana à kumban a do-bunomurǝm mala Joram, andǝ agir mǝnana kat pàkkia ka, à nda kam a gilǝe aɓa Malǝmce mala Acau-ɓaraɓara mala Amurǝma mala Yahuda. 24Anggo sǝ Joram usǝlǝ atà akê, sǝ à tsǝì ateà a nggea-là mala Dauda; sǝ Ahaziya muna-ɓwabura male duk murǝm a bancame male.#8:24 Ɓalli gbal aɓa: 1Amur 22:40; 2Amur 1:17.
Ahaziya duk murǝm a Yahuda
25A lum-nong-ɓaria (12) pǝlǝa mala do-bunomurǝm mala Joram, muna-ɓwabura mala Ahap#8:25 Ɓalli gbal aɓa: 2Acau 22:1-6 . murǝm Isǝrayila ka, Ahaziya muna-ɓwabura mala Jehoram duk murǝm amur Yahuda.#8:25 Ɓalli gbal aɓa: 2Amur 9:29. 26Apǝlǝa ɓǝlban mala Ahaziya lang duk murǝm ngga, à nda lumi-ɓari-nong-ɓari (22), sǝ yálmúr aɓwana pǝlǝa mwashat a Urǝshalima. Lullǝ ngge nda Ataliya; ngge ka mǝkà Omri#8:26 Ɓalli gbal aɓa: 1Amur 16:23; 2Acau 22:2. murǝm Isǝrayila na. 27Yì gbal ka, twalkusǝ pakkiagir mala ɓala mala Ahap, sǝ pàk gìr mǝnana mǝɓike na a mǝsǝ Yahweh ka, kǝla mana ɓala mala Ahap pàk ka, acemǝnana yì ka nkil amǝ'ɓala mala Ahap na.
28Ahaziya kpapi ɓamúrì andǝ Joram muna-ɓwabura mala Ahap ace kánǝ lwa arǝ Hazayel murǝm mala amǝ'Suriya a Ramot Gilǝyat, sǝ amǝ'Suriya tsǝkî Joram anpenye. 29Pǝlǝa murǝm Joram nyar a Jezǝril ace mǝnana ɓǝ̀ kya sonzǝ anpenye mǝnana amǝ'Suriya tsǝki wi a Rama, lang wari nǝ̀ lwa arǝ Hazayel murǝm Suriya ka. Sǝ Ahaziya, muna-ɓwabura mala Jehoram murǝm Yahuda wari ace mǝnana ɓǝ̀ kya sǝn Joram muna-ɓwabura mala Ahap a Jezǝril,#8:29 Ɓalli gbal aɓa: 1Amur 21:1. acemǝnana Joram ngga mǝrǝkwana na ka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company