2 Amurǝm 25
25
Kpa mala Yahuda andǝ o male a bǝri-nzali
(2 Acau la Apwari 36:17-21; Irmya 52:3-30)
1 # 25:1 Sǝni aɓa:
Ir 21:1-10; 34:1-5; Ezǝk 24:2.Zedekiya yi mgbicau arǝ Nebukaneza murǝm mala nzali Babila. Nda Nebukaneza wari nǝ amǝ'lwa male kat arǝ Urǝshalima a lumia pwari mala lumia zongŋo, a tongno-nong-inea pǝlǝa mala do-bunomurǝm mala Zedekiya ka. À tsǝki agumli nǝ nza à kàrì nggea-là Urǝshalima, sǝ à eamsǝki nzali arǝ sheran mala nggea-lê, à gumbǝli. 2Anggo sǝ Urǝshalima ueo aɓata gumbǝliban mala lwa ba lum-nong-mwashatia pǝlǝa mala do-bunomurǝm mala Zedekiya. 3A tongno-nong-inea pwari mala inea zongŋo mala mǝno yì pǝlǝa ka, nzal-gula candǝna aɓa nggea-là, girlina malǝna kat. 4Pǝlǝa amǝ'lwa mala Babila arnjar arǝ sheran mala nggea-là ace kutio. Murǝm Zedekiya andǝ amǝ'lwa male kat ka, à earce ama à nǝ̀ purî ɓá nggea-lê ace ɓangŋa, sǝama amǝ'lwa mala Babila na kam à gumbǝli nggea-lê. Nda murǝm andǝ amǝ'lwa male kúndǝô, sǝ lang dù pǝndǝna ka, à pùr nǝ njar kún nggea-là mǝnana a nre ka asheran ɓari, a nkanggari ɓaban-girpwala mala murǝm ngga. À ɓang nǝ njargula ɓawan-pǝɗanban. 5Sǝama amǝ'lwa mala Babila pǝrta Murǝm Zedekiya. À kya kasǝmuri a ɓawanban mala Jeriko. Amǝ'yáltè mesǝ kat à ɗekibaní. 6Amǝ'lwa mala Babila gbami, sǝ à yinǝi aɓadǝm murǝm mala Babila a Ribǝla, ban mǝnana à kasǝî-ɓashi kam ngga. 7À wal-lú amuna-burana mala Zedekiya a ɓadǝmbi, pǝlǝa à pusǝki amǝsǝ Zedekiya, sǝ à kùrrì nǝ ansolo bolo-bángŋá, à umnǝi a nzali Babila.
Nebukaneza kiɗiki Urǝshalima
8A tongno-nong-ɓaria pwari mala tongnoia zongŋo, a lum-bwamdǝ-tongno-nong-inea pǝlǝa mala do-bunomurǝm mala Murǝm Nebukaneza murǝm mala Babila ka, Nebuzaradan, mǝ'sàrǝ̀ban amur amǝ'yáltà murǝm mala Babila, yiu a Urǝshalima. 9Yi soa bǝsa pisǝ ɓala mala Yahweh andǝ ɓala-murǝm, andǝ aɓala mǝnana kat aɓa Urǝshalima ka; koya ɓala mǝgule ka pisǝi zuppi a nzali. 10Amǝ'lwa mala amǝ'Babila, mǝnana kat à nda atà mǝ'sàrǝ̀ban amur amǝ'yáltà murǝm ngga, à arki sheran mǝnana gumbǝli Urǝshalima ka, à sukki a nzali. 11Cili ɓwapǝndǝa mǝnana à ueo aɓa nggea-là andǝ amǝ'lwa mala amǝ Yahuda mǝnana à ɓangŋa à nying ban malea, à yi nongsǝmúrià aban murǝm Babila, andǝ acili amǝ'túróbù ka, Nebuzaradan, mǝ'sàrǝ̀ban amur amǝ'yáltà murǝm pwania umnǝia a nzali Babila. 12Kǝ aɓwana mǝnana nyia ka, à nda ka mǝnana tǝ̀r malea woribani ka. Ɗekia ɓǝà ueo a nzali Yahuda, sǝ tsǝia ɓǝà kǝ pak túró arǝ aɓaban, sǝ ɓǝà kǝ ɗenyinǝ anggun anap.
13Anggun-gbasha mala bolo-bángŋá mǝnana a ɓala mala Yahweh, andǝ awaru-ramggite mala bolo-bángŋá, andǝ kaɓa-nkenye bolo-bángŋá, yì <<Nggeamùr>> mǝnana a ɓala mala Yahweh ka, amǝ'lwa mala amǝ'Babila arkia mwashat-mwashat, sǝ à pwan a'arkina bolo-bángŋe à umnǝia a Babila. 14Sǝ à pwan ankwaring-bolo, andǝ ashebǝl, andǝ ashirkǝm, andǝ atasau mala loasǝ yele mǝ'rǝmɓoarne, andǝ atanggǝla mǝnana kat apǝris pàngŋǝ̀nà-túró nǝia aɓa ndà-peri ka. À pwania kat. 15Ɗǝm ngga, atasau-bǝsa andǝ amuna-nkenye mǝnana à peǎ nǝ bolo-njengǝlan andǝ bolo-azǝrfa ka, Nebuzaradan mǝ'sàrǝ̀ban amur amǝ'yáltà murǝm pwania umnǝia. 16Bolo-bángŋá mǝnana à pàngŋǝ̀nà agir mǝnia nǝi, yì anggun-gbasha ɓari, andǝ kaɓa-nkenye mana à tunǝi ama <<Nggeamùr,>> andǝ awaru-ramggite, amǝnana Murǝm Solomon akdǝmba peǎ ace ɓala mala Yahweh ka, nda kpǝm, à gandǝnǝ karǝ dǝmbǝrya male ɗàng. 17Komǝye atà anggun-gbasha mǝnia ɓari ka, dāh'rya male na ɓakusǝu tongno-nong-ɓari. Sǝ gumtǝli bolo-bángŋá a ɓong koya nggun-gbasha mǝnia ka, dāh'rya male na ɓakusǝu ine nǝ gauwa-tsùrú. Sǝ koya gumtǝli ka, à mbàkì rǝì nǝ zanzǝa ndāmbú bolo-bángŋá, sǝ à kàrì nǝ atǝkrǝk mala anlang mala aɓǝla-mɓǝring bolo-bángŋá.
À pwan amǝ Yahuda à umnǝia a nzali Babila
18Amur mǝno ka, Nebuzaradan, mǝ'sàrǝ̀ban amur amǝ'yáltà murǝm bwal Serayia pǝris mǝgule, andǝ Zafaniya pǝris mǝnana kwaɗita mǝdǝmbe ka, sǝ aɓwana tàrú amǝ'ɗenyinǝ akunkurǝm mala Ndàmǝgule, bwalia kat kùria. 19Aɓalǝ aɓwana mǝnana à ueo a ban sǝmbǝrǝa aɓa nggea-là ka, bwal mǝ'sàrǝ̀ban mala amǝ'lwa mala amǝ Yahuda, andǝ aɓwana tongno amǝ'pa kwarkiru aban murǝm. Nyare bwal mǝgilǝgir mala mǝ'sàrǝ̀ban mala amǝ'lwa, yì ɓwa mǝnana nda mǝ'tunǝ aburana ɓǝà pur lwa ka; andǝ aɓea aɓwana amǝgulo lumi-tongno-nong-mwashat mǝnana à kumia aɓa nggea-là ka; yia kat ka, bwalia kùria. 20Yì Nebuzaradan mǝ'sàrǝ̀ban amur amǝ'yáltà murǝm ngga, warinǝ aɓwana mǝnia kat ka, aban murǝm mala Babila a Ribǝla 21a bu-nzali Hamat. Akano ka murǝm mala Babila tsǝa à wal-luia kat. Anggo sǝ à pusǝ aɓwana mala Yahuda nǝ rǝcandǝa aɓa nzali malea, à umnǝia a bǝri-nzali.
À tsǝk Gedaliya duk nggwamna mala Yahuda
22Nebukaneza murǝm mala Babila twal Gedaliya muna-ɓwabura mala Ahikam, mǝkà Shafan, ɓǝ̀ duk nggwamna amur aɓwana mǝnana à ɗekia ɓǝà ueo aɓa nzali Yahuda ka.#25:22 Ɓalli gbal aɓa: Ir 39:14; 40:7-9 23Adyan ngga lang amǝgulo-lwa kat mala Yahuda [mǝnana à nda ban sǝmbǝrǝa a ɓawan] andǝ aburana malea okcau ama, murǝm mala Babila tsǝ̀ngŋǝ̀nà Gedaliya nda nggwamna ka, à yiu andǝ aburana malea aban Gedaliya a Mizpa; à nda ka Ishmayel muna-ɓwabura mala Netaniya, andǝ Johanan muna-ɓwabura mala Kareya, andǝ Serayia muna-ɓwabura mala Tanhumet ɓwa Netofa, andǝ Ja'azaniya muna-ɓwabura mala ɓwa Bet-Ma'aka, andǝ aburana malea kat. 24Gedaliya kánbiagir, yia andǝ aburana malea ama, <<Cè ɓangciu pàkka wun arǝ amǝgulo-lwa mala amǝ'Babila ɗàng. Wu do aɓa nzalinì sǝ wu nongsǝmúr wun aɓata murǝm Babila, sǝ koman ngga nǝ̀ gingga wun a kǝkarì.>>
25Sǝama aɓa tongno-nong-ɓaria zongŋo ka, Ishmayel muna-ɓwabura mala Netaniya, mǝkà Elishama, mǝnana nda a tau-murǝm ngga, yiu andǝ aburana male lum, à yi wal-lú Gedaliya, andǝ aɓea amǝ'Yahudi andǝ amǝ'Babila mǝnana à nda atè a Mizpa ka. 26Pǝlǝa aɓwe kat, muntulo andǝ ɓwamǝgule, andǝ amǝgulo-lwa à lo à o a Masar, acemǝnana ɓangciu bwalia arǝ gìr mǝnana amǝ'Babila nǝ̀ yia pàk ka.
À panzǝ Jehoyacin a ndàkurban a Babila
27A lumi-tàrú-bwamdǝ-tongno-nong-ɓaria (37) pǝlǝa anzǝm umnǝ Jehoyacin murǝm mala Yahuda a bǝri-nzali ka, Murǝm Evil-Merodak mala nzali Babila eau a buno-murǝm mala amǝ'Babila. Yì ka, lǝmdǝì Jehoyacin murǝm mala Yahuda pěmǝɓoarne. A lumi-ɓari-bwamdǝ-tongno-nong-ɓaria (27) pwari mala lum-nong-ɓaria zongŋo mala pǝlǝa mǝnana tinata yálmúrû nǝi ka, panzǝ Jehoyacin pusǝì a ndàkurban. 28Bangcau nǝi aɓa ɓukɓuka, sǝ pe wi bancame amur abancame mala acili amurǝma mǝnana à nda andǝi a nzali Babila ka. 29Acemani ka, earî Jehoyacin ɓǝ̀ swar adaura-ndàkurban mǝnana arǝì ka, ɓǝ̀ oasǝ abǝsa daura mǝɓoarne mǝnana pe wi ka. Sǝ earî Jehoyacin ɓǝ̀ kǝ lili a kpamgbang-ligirlina mala murǝm bà cili do-yilǝmu male. 30Ɗǝm ngga aɓa cili do-yilǝmu mala Jehoyacin kat ka, murǝm mala Babila kǝ pe wi boalo koya pwari, ace mǝnana ɓǝ̀ kúr gìr mǝnana pàktǝle ka.
Currently Selected:
2 Amurǝm 25: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company
2 Amurǝm 25
25
Kpa mala Yahuda andǝ o male a bǝri-nzali
(2 Acau la Apwari 36:17-21; Irmya 52:3-30)
1 # 25:1 Sǝni aɓa:
Ir 21:1-10; 34:1-5; Ezǝk 24:2.Zedekiya yi mgbicau arǝ Nebukaneza murǝm mala nzali Babila. Nda Nebukaneza wari nǝ amǝ'lwa male kat arǝ Urǝshalima a lumia pwari mala lumia zongŋo, a tongno-nong-inea pǝlǝa mala do-bunomurǝm mala Zedekiya ka. À tsǝki agumli nǝ nza à kàrì nggea-là Urǝshalima, sǝ à eamsǝki nzali arǝ sheran mala nggea-lê, à gumbǝli. 2Anggo sǝ Urǝshalima ueo aɓata gumbǝliban mala lwa ba lum-nong-mwashatia pǝlǝa mala do-bunomurǝm mala Zedekiya. 3A tongno-nong-inea pwari mala inea zongŋo mala mǝno yì pǝlǝa ka, nzal-gula candǝna aɓa nggea-là, girlina malǝna kat. 4Pǝlǝa amǝ'lwa mala Babila arnjar arǝ sheran mala nggea-là ace kutio. Murǝm Zedekiya andǝ amǝ'lwa male kat ka, à earce ama à nǝ̀ purî ɓá nggea-lê ace ɓangŋa, sǝama amǝ'lwa mala Babila na kam à gumbǝli nggea-lê. Nda murǝm andǝ amǝ'lwa male kúndǝô, sǝ lang dù pǝndǝna ka, à pùr nǝ njar kún nggea-là mǝnana a nre ka asheran ɓari, a nkanggari ɓaban-girpwala mala murǝm ngga. À ɓang nǝ njargula ɓawan-pǝɗanban. 5Sǝama amǝ'lwa mala Babila pǝrta Murǝm Zedekiya. À kya kasǝmuri a ɓawanban mala Jeriko. Amǝ'yáltè mesǝ kat à ɗekibaní. 6Amǝ'lwa mala Babila gbami, sǝ à yinǝi aɓadǝm murǝm mala Babila a Ribǝla, ban mǝnana à kasǝî-ɓashi kam ngga. 7À wal-lú amuna-burana mala Zedekiya a ɓadǝmbi, pǝlǝa à pusǝki amǝsǝ Zedekiya, sǝ à kùrrì nǝ ansolo bolo-bángŋá, à umnǝi a nzali Babila.
Nebukaneza kiɗiki Urǝshalima
8A tongno-nong-ɓaria pwari mala tongnoia zongŋo, a lum-bwamdǝ-tongno-nong-inea pǝlǝa mala do-bunomurǝm mala Murǝm Nebukaneza murǝm mala Babila ka, Nebuzaradan, mǝ'sàrǝ̀ban amur amǝ'yáltà murǝm mala Babila, yiu a Urǝshalima. 9Yi soa bǝsa pisǝ ɓala mala Yahweh andǝ ɓala-murǝm, andǝ aɓala mǝnana kat aɓa Urǝshalima ka; koya ɓala mǝgule ka pisǝi zuppi a nzali. 10Amǝ'lwa mala amǝ'Babila, mǝnana kat à nda atà mǝ'sàrǝ̀ban amur amǝ'yáltà murǝm ngga, à arki sheran mǝnana gumbǝli Urǝshalima ka, à sukki a nzali. 11Cili ɓwapǝndǝa mǝnana à ueo aɓa nggea-là andǝ amǝ'lwa mala amǝ Yahuda mǝnana à ɓangŋa à nying ban malea, à yi nongsǝmúrià aban murǝm Babila, andǝ acili amǝ'túróbù ka, Nebuzaradan, mǝ'sàrǝ̀ban amur amǝ'yáltà murǝm pwania umnǝia a nzali Babila. 12Kǝ aɓwana mǝnana nyia ka, à nda ka mǝnana tǝ̀r malea woribani ka. Ɗekia ɓǝà ueo a nzali Yahuda, sǝ tsǝia ɓǝà kǝ pak túró arǝ aɓaban, sǝ ɓǝà kǝ ɗenyinǝ anggun anap.
13Anggun-gbasha mala bolo-bángŋá mǝnana a ɓala mala Yahweh, andǝ awaru-ramggite mala bolo-bángŋá, andǝ kaɓa-nkenye bolo-bángŋá, yì <<Nggeamùr>> mǝnana a ɓala mala Yahweh ka, amǝ'lwa mala amǝ'Babila arkia mwashat-mwashat, sǝ à pwan a'arkina bolo-bángŋe à umnǝia a Babila. 14Sǝ à pwan ankwaring-bolo, andǝ ashebǝl, andǝ ashirkǝm, andǝ atasau mala loasǝ yele mǝ'rǝmɓoarne, andǝ atanggǝla mǝnana kat apǝris pàngŋǝ̀nà-túró nǝia aɓa ndà-peri ka. À pwania kat. 15Ɗǝm ngga, atasau-bǝsa andǝ amuna-nkenye mǝnana à peǎ nǝ bolo-njengǝlan andǝ bolo-azǝrfa ka, Nebuzaradan mǝ'sàrǝ̀ban amur amǝ'yáltà murǝm pwania umnǝia. 16Bolo-bángŋá mǝnana à pàngŋǝ̀nà agir mǝnia nǝi, yì anggun-gbasha ɓari, andǝ kaɓa-nkenye mana à tunǝi ama <<Nggeamùr,>> andǝ awaru-ramggite, amǝnana Murǝm Solomon akdǝmba peǎ ace ɓala mala Yahweh ka, nda kpǝm, à gandǝnǝ karǝ dǝmbǝrya male ɗàng. 17Komǝye atà anggun-gbasha mǝnia ɓari ka, dāh'rya male na ɓakusǝu tongno-nong-ɓari. Sǝ gumtǝli bolo-bángŋá a ɓong koya nggun-gbasha mǝnia ka, dāh'rya male na ɓakusǝu ine nǝ gauwa-tsùrú. Sǝ koya gumtǝli ka, à mbàkì rǝì nǝ zanzǝa ndāmbú bolo-bángŋá, sǝ à kàrì nǝ atǝkrǝk mala anlang mala aɓǝla-mɓǝring bolo-bángŋá.
À pwan amǝ Yahuda à umnǝia a nzali Babila
18Amur mǝno ka, Nebuzaradan, mǝ'sàrǝ̀ban amur amǝ'yáltà murǝm bwal Serayia pǝris mǝgule, andǝ Zafaniya pǝris mǝnana kwaɗita mǝdǝmbe ka, sǝ aɓwana tàrú amǝ'ɗenyinǝ akunkurǝm mala Ndàmǝgule, bwalia kat kùria. 19Aɓalǝ aɓwana mǝnana à ueo a ban sǝmbǝrǝa aɓa nggea-là ka, bwal mǝ'sàrǝ̀ban mala amǝ'lwa mala amǝ Yahuda, andǝ aɓwana tongno amǝ'pa kwarkiru aban murǝm. Nyare bwal mǝgilǝgir mala mǝ'sàrǝ̀ban mala amǝ'lwa, yì ɓwa mǝnana nda mǝ'tunǝ aburana ɓǝà pur lwa ka; andǝ aɓea aɓwana amǝgulo lumi-tongno-nong-mwashat mǝnana à kumia aɓa nggea-là ka; yia kat ka, bwalia kùria. 20Yì Nebuzaradan mǝ'sàrǝ̀ban amur amǝ'yáltà murǝm ngga, warinǝ aɓwana mǝnia kat ka, aban murǝm mala Babila a Ribǝla 21a bu-nzali Hamat. Akano ka murǝm mala Babila tsǝa à wal-luia kat. Anggo sǝ à pusǝ aɓwana mala Yahuda nǝ rǝcandǝa aɓa nzali malea, à umnǝia a bǝri-nzali.
À tsǝk Gedaliya duk nggwamna mala Yahuda
22Nebukaneza murǝm mala Babila twal Gedaliya muna-ɓwabura mala Ahikam, mǝkà Shafan, ɓǝ̀ duk nggwamna amur aɓwana mǝnana à ɗekia ɓǝà ueo aɓa nzali Yahuda ka.#25:22 Ɓalli gbal aɓa: Ir 39:14; 40:7-9 23Adyan ngga lang amǝgulo-lwa kat mala Yahuda [mǝnana à nda ban sǝmbǝrǝa a ɓawan] andǝ aburana malea okcau ama, murǝm mala Babila tsǝ̀ngŋǝ̀nà Gedaliya nda nggwamna ka, à yiu andǝ aburana malea aban Gedaliya a Mizpa; à nda ka Ishmayel muna-ɓwabura mala Netaniya, andǝ Johanan muna-ɓwabura mala Kareya, andǝ Serayia muna-ɓwabura mala Tanhumet ɓwa Netofa, andǝ Ja'azaniya muna-ɓwabura mala ɓwa Bet-Ma'aka, andǝ aburana malea kat. 24Gedaliya kánbiagir, yia andǝ aburana malea ama, <<Cè ɓangciu pàkka wun arǝ amǝgulo-lwa mala amǝ'Babila ɗàng. Wu do aɓa nzalinì sǝ wu nongsǝmúr wun aɓata murǝm Babila, sǝ koman ngga nǝ̀ gingga wun a kǝkarì.>>
25Sǝama aɓa tongno-nong-ɓaria zongŋo ka, Ishmayel muna-ɓwabura mala Netaniya, mǝkà Elishama, mǝnana nda a tau-murǝm ngga, yiu andǝ aburana male lum, à yi wal-lú Gedaliya, andǝ aɓea amǝ'Yahudi andǝ amǝ'Babila mǝnana à nda atè a Mizpa ka. 26Pǝlǝa aɓwe kat, muntulo andǝ ɓwamǝgule, andǝ amǝgulo-lwa à lo à o a Masar, acemǝnana ɓangciu bwalia arǝ gìr mǝnana amǝ'Babila nǝ̀ yia pàk ka.
À panzǝ Jehoyacin a ndàkurban a Babila
27A lumi-tàrú-bwamdǝ-tongno-nong-ɓaria (37) pǝlǝa anzǝm umnǝ Jehoyacin murǝm mala Yahuda a bǝri-nzali ka, Murǝm Evil-Merodak mala nzali Babila eau a buno-murǝm mala amǝ'Babila. Yì ka, lǝmdǝì Jehoyacin murǝm mala Yahuda pěmǝɓoarne. A lumi-ɓari-bwamdǝ-tongno-nong-ɓaria (27) pwari mala lum-nong-ɓaria zongŋo mala pǝlǝa mǝnana tinata yálmúrû nǝi ka, panzǝ Jehoyacin pusǝì a ndàkurban. 28Bangcau nǝi aɓa ɓukɓuka, sǝ pe wi bancame amur abancame mala acili amurǝma mǝnana à nda andǝi a nzali Babila ka. 29Acemani ka, earî Jehoyacin ɓǝ̀ swar adaura-ndàkurban mǝnana arǝì ka, ɓǝ̀ oasǝ abǝsa daura mǝɓoarne mǝnana pe wi ka. Sǝ earî Jehoyacin ɓǝ̀ kǝ lili a kpamgbang-ligirlina mala murǝm bà cili do-yilǝmu male. 30Ɗǝm ngga aɓa cili do-yilǝmu mala Jehoyacin kat ka, murǝm mala Babila kǝ pe wi boalo koya pwari, ace mǝnana ɓǝ̀ kúr gìr mǝnana pàktǝle ka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company