2 Amurǝm 21
21
Yálmúrû mala Manasa a nzali Yahuda
(2 Acau la Apwari 33:1-20)
1Manasa ka apǝlǝa male na lum-nong-ɓari (12) lang duk murǝm ngga. Yálmúr aɓwana a Urǝshalima arǝ apǝlǝa lumi-tongno-bwamdǝ-tongno (55). Lullǝ nggé nda Hefziba. 2Pàkki agir mǝnana amǝɓike na a mǝsǝ Yahweh ka, nǝ kpata akúncau mǝɓeami mala aɓwapǝndǝa mǝnana Yahweh pǝria a ɓadǝmbǝ amǝ Isǝrayila ka. 3Yì ka nyare ɓakki agyangŋan-peri mala ankúl mǝnana tárrí Hezekaya akdǝmba kiɗikia ka; loasǝ agyangŋan ace Ba'al, sǝ pandǝ tondong mala Ashera, kǝla mǝnana Ahap murǝm mala Isǝrayila pè ka. Yì ɗǝm ngga ɓun a ɓadǝmbǝ anlero mǝnana a kùli ka sǝ peri abania. 4Ɓakki agyangŋan mala ankúl a ɓala mala Yahweh, ban mǝnana Yahweh bangcau amurí ama, <<A kani a Urǝshalima sǝ lullǝàm nǝ̀ ueo tàtǝ́k>> ka.#21:4 Ɓalli aɓa: Nggur 12:11,14; 1Amur 11:13. 5Aɓalǝ apatal ɓari mala ɓala mala Yahweh ka, ɓakki agyangŋan ace anlero mǝnana kat a bumkuli ka. 6Paɓoro nǝ muna-ɓwabura male nǝ pisǝe kǝring a bǝsa.#21:6 aban Molek, ɓakuli mala amǝ'Mowap Kutia pàkkiagir monzǝo, andǝ mala ɓángnǝ́'ɓángna andǝ mala sǝ̀lǝ̀ɓǝla. Kǝ wari a ɗibancau aban amǝ'ɗikalú andǝ amǝ'nggár. Pàkki agir pas mǝnana amǝɓike na kǝ̀rkǝ́r a mǝsǝ Yahweh ka, agir mǝnana à lulbum Yahweh kǝ̀rkǝ́r ka. 7Pàk ɓǝ̀nzál mala ashera sǝ tamsǝi a ɓala mala Yahweh, ban mǝnana Yahweh akdǝmba bángŋǝ́nì Dauda, sǝ bángŋǝ́nì muna-ɓwabura male Solomon ama, <<Ɓala mǝnia a Urǝshalima, mǝnana ǝn tarì aɓalǝ atau mala Isǝrayila kat ka, nǝ̀ duk bando mem tàtǝ́k.#21:7 Ɓalli aɓa: Nggur 12:5; 1Amur 11:32. 8Pà mǝ nǝ tsǝk akusǝ Isǝrayila ɓǝ̀ gali ɗǝm ɓǝ̀ purî ɓá nzali mǝnia mǝnana ǝn pê akeâ ka ɗàng, ɓǝ̀ mbak-kàngkàng à nǝ̀ duk nǝ tsǝkiru à nǝ̀ bwal anzongcau mem kat, andǝ Nggurcau mǝnana kat guro mem Musa pea wia ka.>>#21:8 Ɓalli aɓa: 2Sam 7:10; 1Amur 9:1-9. 9Sǝ yià ka, à okiru ɗang. Manasa ɓosǝkia, à pàk ɓealɓikea kya kútì mala aɓwapǝndǝa mǝnana Yahweh kiɗikia sǝ amǝ Isǝrayila yi kútí aɓa nzalinì ka.
10Sǝ Yahweh bangcau nǝ kún aguro male amǝ'ɓangnǝa ama: 11<<Acemǝnana Manasa murǝm mala Yahuda pàngŋǝ̀nà aman yì agir'ɓeami, kútínì ɓealɓikea mana amǝ'Amor pè aɓa nzalinì ɗiɗyal, sǝ acemǝnana warina nǝ Yahuda aɓa pàk cauɓikea atàcau mala ankúl male ka, 12mim Yahweh Ɓakuli mala Isǝrayila, ado ka, mǝ ndarǝ na ama: <Mǝ ndo mǝ nǝ yinǝ gìr'mur'mwana amur Urǝshalima andǝ Yahuda. Ɓwa mǝnana kat okce ka, nǝ̀ gǝggǝli. 13Mǝ nǝ pàkkî Urǝshalima gìrkwanban ulang mǝnana ǝn pakkì Samariya, andǝ gìr'kwanrǝu ulang mǝnana ǝn pakkì Murǝm Ahap mala Isǝrayila andǝ amǝkè ka. Sǝ mǝ nǝ twalta aɓwana mana aɓa Urǝshalima ka ɗǝɗak, kǝla mana ɓwa esǝki ɓá kwár sǝ pǝlǝi kùmsǝì ka. 14Sǝ mǝ nǝ vwakibuam arǝ aɓwana mem mǝnana à ueo nǝyilǝmu ka, sǝ mǝ nǝ tasǝia a ɓabu aɓiamǝbura ɓǝà gandǝia. À nǝ̀ pǝrtea sǝ à nǝ̀ gbǝwi agir-ɓoarna mala nzali malea kǝla gǝna-lwa. 15Mǝ nǝ pàk mǝnia ka acemǝnana aɓwana mem pàngŋǝ́nàm gìr mǝnana mǝɓike na a mǝsǝam ngga, sǝ à camarǝ lulbumam twal a pwari mǝnana à akeâ purî Masar ka, ba yalung.> >>
16Ɗǝm ngga, Manasa sukki nkila mala amǝ'kunpwasǝa pas, gandǝa lùmsǝ Urǝshalima nǝ nkila, lo a gírí là aban ká ɓè buì mala gírí là. Pàk mǝnia ka tsǝa-amur cauɓikea mǝnana tsǝk Yahuda aɓa pě nǝ pak ɓealɓikea a mǝsǝ Yahweh ka.
17Acili agir mǝnana à kumban a do-bunomurǝm mala Manasa, andǝ atúró mǝnana kat pàkkia ka, à nda kam a gilǝe aɓa Malǝmce mala Acau-ɓaraɓara mala Amurǝma mala Yahuda. 18Sǝ Manasa yi wú atà akê sǝ à tsǝì a ɓaban-girpwala mala palta male, yì ɓaban-girpwala mala Uzza, sǝ Amon muna-ɓwabura male ak bancame male kǝla murǝm.
Amon duk murǝm Yahuda
(2 Acau la Apwari 33:21-25)
19Amon ngga, ndanǝ apǝlǝa lumi-ɓari-nong-ɓari (22) sǝ tita yálmúrû, sǝ yálmúr aɓwana arǝ apǝlǝa ɓari a Urǝshalima. Lullǝ nggé nda Meshulemet, muna-ɓwama mala Haruz, ɓwa Yotba. 20Yì ka pàk gìr mǝnana mǝɓike na a mǝsǝ Yahweh ka, kǝla mǝnana tárrí Manasa pàk ka. 21Kpata kusǝ tárrí, peri aban ankúl mǝnana tárrí kpatea sǝ ɓun aɓadǝmbia ka. 22Vwakibuì arǝ Yahweh Ɓakuli mala akê, sǝ mgbikiri arǝ anzongcau mala Yahweh.
23Amǝtúró mala Murǝm Amon kùrkunia amurí, à wal-luí a palta male. 24Sǝama aɓwana mala nzalinì wal-lú aɓwana mǝnana à kùrkunia amur Murǝm Amon ngga, sǝ à tsǝk Josiya muna-ɓwabura male duk murǝm mana kpate ka.
25Acili atúró mǝnana Amon peǎ ka, à nda kam a gilǝe aɓa Malǝmce mala Acau-ɓaraɓara mala Amurǝma mala Yahuda. 26À tsǝk-luí a ɓembe male a ɓaban-girpwala mala Uzza, sǝ Josiya muna-ɓwabura male duk murǝm a bancame male.
Currently Selected:
2 Amurǝm 21: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company
2 Amurǝm 21
21
Yálmúrû mala Manasa a nzali Yahuda
(2 Acau la Apwari 33:1-20)
1Manasa ka apǝlǝa male na lum-nong-ɓari (12) lang duk murǝm ngga. Yálmúr aɓwana a Urǝshalima arǝ apǝlǝa lumi-tongno-bwamdǝ-tongno (55). Lullǝ nggé nda Hefziba. 2Pàkki agir mǝnana amǝɓike na a mǝsǝ Yahweh ka, nǝ kpata akúncau mǝɓeami mala aɓwapǝndǝa mǝnana Yahweh pǝria a ɓadǝmbǝ amǝ Isǝrayila ka. 3Yì ka nyare ɓakki agyangŋan-peri mala ankúl mǝnana tárrí Hezekaya akdǝmba kiɗikia ka; loasǝ agyangŋan ace Ba'al, sǝ pandǝ tondong mala Ashera, kǝla mǝnana Ahap murǝm mala Isǝrayila pè ka. Yì ɗǝm ngga ɓun a ɓadǝmbǝ anlero mǝnana a kùli ka sǝ peri abania. 4Ɓakki agyangŋan mala ankúl a ɓala mala Yahweh, ban mǝnana Yahweh bangcau amurí ama, <<A kani a Urǝshalima sǝ lullǝàm nǝ̀ ueo tàtǝ́k>> ka.#21:4 Ɓalli aɓa: Nggur 12:11,14; 1Amur 11:13. 5Aɓalǝ apatal ɓari mala ɓala mala Yahweh ka, ɓakki agyangŋan ace anlero mǝnana kat a bumkuli ka. 6Paɓoro nǝ muna-ɓwabura male nǝ pisǝe kǝring a bǝsa.#21:6 aban Molek, ɓakuli mala amǝ'Mowap Kutia pàkkiagir monzǝo, andǝ mala ɓángnǝ́'ɓángna andǝ mala sǝ̀lǝ̀ɓǝla. Kǝ wari a ɗibancau aban amǝ'ɗikalú andǝ amǝ'nggár. Pàkki agir pas mǝnana amǝɓike na kǝ̀rkǝ́r a mǝsǝ Yahweh ka, agir mǝnana à lulbum Yahweh kǝ̀rkǝ́r ka. 7Pàk ɓǝ̀nzál mala ashera sǝ tamsǝi a ɓala mala Yahweh, ban mǝnana Yahweh akdǝmba bángŋǝ́nì Dauda, sǝ bángŋǝ́nì muna-ɓwabura male Solomon ama, <<Ɓala mǝnia a Urǝshalima, mǝnana ǝn tarì aɓalǝ atau mala Isǝrayila kat ka, nǝ̀ duk bando mem tàtǝ́k.#21:7 Ɓalli aɓa: Nggur 12:5; 1Amur 11:32. 8Pà mǝ nǝ tsǝk akusǝ Isǝrayila ɓǝ̀ gali ɗǝm ɓǝ̀ purî ɓá nzali mǝnia mǝnana ǝn pê akeâ ka ɗàng, ɓǝ̀ mbak-kàngkàng à nǝ̀ duk nǝ tsǝkiru à nǝ̀ bwal anzongcau mem kat, andǝ Nggurcau mǝnana kat guro mem Musa pea wia ka.>>#21:8 Ɓalli aɓa: 2Sam 7:10; 1Amur 9:1-9. 9Sǝ yià ka, à okiru ɗang. Manasa ɓosǝkia, à pàk ɓealɓikea kya kútì mala aɓwapǝndǝa mǝnana Yahweh kiɗikia sǝ amǝ Isǝrayila yi kútí aɓa nzalinì ka.
10Sǝ Yahweh bangcau nǝ kún aguro male amǝ'ɓangnǝa ama: 11<<Acemǝnana Manasa murǝm mala Yahuda pàngŋǝ̀nà aman yì agir'ɓeami, kútínì ɓealɓikea mana amǝ'Amor pè aɓa nzalinì ɗiɗyal, sǝ acemǝnana warina nǝ Yahuda aɓa pàk cauɓikea atàcau mala ankúl male ka, 12mim Yahweh Ɓakuli mala Isǝrayila, ado ka, mǝ ndarǝ na ama: <Mǝ ndo mǝ nǝ yinǝ gìr'mur'mwana amur Urǝshalima andǝ Yahuda. Ɓwa mǝnana kat okce ka, nǝ̀ gǝggǝli. 13Mǝ nǝ pàkkî Urǝshalima gìrkwanban ulang mǝnana ǝn pakkì Samariya, andǝ gìr'kwanrǝu ulang mǝnana ǝn pakkì Murǝm Ahap mala Isǝrayila andǝ amǝkè ka. Sǝ mǝ nǝ twalta aɓwana mana aɓa Urǝshalima ka ɗǝɗak, kǝla mana ɓwa esǝki ɓá kwár sǝ pǝlǝi kùmsǝì ka. 14Sǝ mǝ nǝ vwakibuam arǝ aɓwana mem mǝnana à ueo nǝyilǝmu ka, sǝ mǝ nǝ tasǝia a ɓabu aɓiamǝbura ɓǝà gandǝia. À nǝ̀ pǝrtea sǝ à nǝ̀ gbǝwi agir-ɓoarna mala nzali malea kǝla gǝna-lwa. 15Mǝ nǝ pàk mǝnia ka acemǝnana aɓwana mem pàngŋǝ́nàm gìr mǝnana mǝɓike na a mǝsǝam ngga, sǝ à camarǝ lulbumam twal a pwari mǝnana à akeâ purî Masar ka, ba yalung.> >>
16Ɗǝm ngga, Manasa sukki nkila mala amǝ'kunpwasǝa pas, gandǝa lùmsǝ Urǝshalima nǝ nkila, lo a gírí là aban ká ɓè buì mala gírí là. Pàk mǝnia ka tsǝa-amur cauɓikea mǝnana tsǝk Yahuda aɓa pě nǝ pak ɓealɓikea a mǝsǝ Yahweh ka.
17Acili agir mǝnana à kumban a do-bunomurǝm mala Manasa, andǝ atúró mǝnana kat pàkkia ka, à nda kam a gilǝe aɓa Malǝmce mala Acau-ɓaraɓara mala Amurǝma mala Yahuda. 18Sǝ Manasa yi wú atà akê sǝ à tsǝì a ɓaban-girpwala mala palta male, yì ɓaban-girpwala mala Uzza, sǝ Amon muna-ɓwabura male ak bancame male kǝla murǝm.
Amon duk murǝm Yahuda
(2 Acau la Apwari 33:21-25)
19Amon ngga, ndanǝ apǝlǝa lumi-ɓari-nong-ɓari (22) sǝ tita yálmúrû, sǝ yálmúr aɓwana arǝ apǝlǝa ɓari a Urǝshalima. Lullǝ nggé nda Meshulemet, muna-ɓwama mala Haruz, ɓwa Yotba. 20Yì ka pàk gìr mǝnana mǝɓike na a mǝsǝ Yahweh ka, kǝla mǝnana tárrí Manasa pàk ka. 21Kpata kusǝ tárrí, peri aban ankúl mǝnana tárrí kpatea sǝ ɓun aɓadǝmbia ka. 22Vwakibuì arǝ Yahweh Ɓakuli mala akê, sǝ mgbikiri arǝ anzongcau mala Yahweh.
23Amǝtúró mala Murǝm Amon kùrkunia amurí, à wal-luí a palta male. 24Sǝama aɓwana mala nzalinì wal-lú aɓwana mǝnana à kùrkunia amur Murǝm Amon ngga, sǝ à tsǝk Josiya muna-ɓwabura male duk murǝm mana kpate ka.
25Acili atúró mǝnana Amon peǎ ka, à nda kam a gilǝe aɓa Malǝmce mala Acau-ɓaraɓara mala Amurǝma mala Yahuda. 26À tsǝk-luí a ɓembe male a ɓaban-girpwala mala Uzza, sǝ Josiya muna-ɓwabura male duk murǝm a bancame male.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company