2 Amurǝm 10
10
Jehu twalta nggurkwar mala Ahap
1Adyan ngga Ahap ndanǝ amuna andǝ amǝkau aburana lumi-tongno-nong-ɓari a Samariya. Nda Jehu gilǝ acauterǝa, turaban nǝia a Samariya, aban amǝ'yálmúrû mala Jezǝril, andǝ aɓwana-mǝgule, andǝ amǝ'tsǝkir amuna andǝ amǝkà Ahap ama, 2<<Ado ka, acemǝnana awaru-pǝr, andǝ apǝr, andǝ kanggǝrang nggea-là andǝ agirbura ka à nda a bu wun ngga, lang cauterǝa mǝnia nǝ̀ yia bwalban wun ani ka, 3wu twal ɓwa mǝnana mǝɓoarne na sǝ nda pepè ka, atà amuna-burana mala mǝtala-ɓala ma'wun, Murǝm Ahap. Wu dumsǝi amur buno-murǝm mala tárrí. Sǝ wu gilǝ rǝ wun ace munǝ ace ɓala mala mǝtala-ɓala ma'wun.>>
4Sǝ yià ka ɓangciu bwalia kǝ̀rkǝ́r sǝ à na ama, <<Sǝni, amurǝma ɓari#10:4 amurǝma ɓari Murǝm Joram andǝ Murǝm Ahaziya. gandǝ camakuni ɗàng; lang sǝ sǝm nǝ̀ gandǝi?>> 5Nda ɓwa mǝnana nda amúr ɓala-murǝm, andǝ ɓwa mǝnana nda amúr nggea-là, atārǝia andǝ aɓwana-mǝgule andǝ amǝ'tsǝkir amuna-murǝm ngga, à túrban nǝ cau aban Jehu ama, <<Sǝm nda ka guro mò, gir mǝnana kat a bangga sǝm ngga, sǝm nǝ̀ pè. Pà sǝm nǝ̀ twal kǝ ɓwa ɓǝ̀ duk murǝm ɗàng. Pàk gìr mǝnana kat ɓoarô a sǝne mò ka.>>
6Pǝlǝa Jehu gilǝia wia ɓaria cauterǝa, banggia wia ama, <<Ɓǝ̀ mbak wu nda a buì mem, sǝ wun nǝ̀ kpata cau mem ngga, wu twal aɓamur aburana mǝnana amuna andǝ amǝkà mǝtala-ɓala ma'wun na ka a bu wun, sǝ wu yinǝia abanam a Jezǝril, lí nǝ bu-pwari kǝla man.>> Adyan ngga amuna andǝ amǝkà Murǝm Ahap, yià lumi-tongno-nong-ɓari ka, à nda aɓata tsǝkiru mala aɓwana-mǝgule mala nggea-lê. 7Lang cauterǝa yi bwalǝna bania ka, à bwalki amuna andǝ amǝ'kà Ahap à pwangi-myalia, aɓwana lumi-tongno-nong-ɓari. Sǝ à tsǝk aɓamuria aɓalǝ andakade, à túrban nǝia a baní a Jezǝril. 8Lang amǝ'na-túrbân yina ka, à banggi Jehu ama, <<À yina nǝ aɓamur amuna andǝ amǝkà Murǝm Ahap.>> Sǝ Jehu bang ama, <<Wu gwalikia amurǝarǝia arǝ abanì ɓari a bankutio mala kún nggea-là ba kwaro mala bân.>>
9Nǝ dǝmbari ka, Jehu puro kya came a banì. Pǝlǝa banggi aɓwe kat ama, <<Mǝ nda mǝnana ǝn kùrkún amur mǝtala-ɓala mem, Murǝm Joram sǝ ǝn wal-luí ka. Wun nda ka amǝ'kunpwasǝa amur mani. Sǝama aburana man kat kǎ, yan wal-luia le? 10Wu sǝlǝa ama, kǝ ɓè pà kàm aɓa cau mala Yahweh, mǝnana Yahweh bangŋi amúr ɓala mala Ahap sǝ pà nǝ̀ lùmsǝ raka ɗàng. Yahweh pàngŋǝ̀nà gìr mǝnana kat pacau ace nǝ kún guro male Iliya ka.>> 11Anggo sǝ Jehu wal-lú aɓwana mǝnana kat à ue a ɓala mala Ahap a Jezǝril ka, kat andǝ aɓwana-mǝgule male, andǝ agyajam-ndà male, andǝ apǝris male. Nyinggi wi kǝ ɓwa nǝyilǝmu ɗang.
12Jehu pǝlǝa lo a ban mǝno ka o a Samariya. Lang nda ban o amur njar sǝ yi bwalǝna Bet-Eket mala Ayálgír ka, 13je andǝ aɓea aɓǝla mala Ahaziya murǝm Yahuda, sǝ ɗia ama, <<Wu nda ka yani?>> Pǝlǝa à pe wi eare ama, <<Sǝm nda ka aɓǝla mala Ahaziya. Sǝm yiu ace sǝn amuna-murǝm andǝ amuna mala nggeau-murǝm.>> 14Sǝ Jehu bang ama, <<Wu bwalkia nǝyilǝmu!>>Nda à bwalkia, yia lumi-ine-nong-ɓari (42) nǝyilǝmia, sǝ à wal-luia a ban tūli-mùr mala Bet-Eket ka; nying kǝɓwa ateà ɗàng.
15Lang lo a banì ka, kya je andǝ Jehonadap muna-ɓwabura mala Rekap, nda ban yiu a baní. Jehu makkìkun, sǝ bang ama, <<Ɓabumo na arǝàm kat kǝla mǝnana memma arǝò ka le?>> Jehonadap eari wi ama, <<E, nda anggo.>> Sǝ Jehu bang ama, <<Ɓǝ̀ nda anggo ka, pam buo.>> Pǝlǝa Jehonadap pe wi buì sǝ Jehu bwali eamsǝi atè aɓa waru-pǝr. 16Jehu bang ama, <<Yiu atàm yi sǝn ɓabumpina mem ace Yahweh.>> Nda twali atè aɓa waru-pǝr male ka.
17Lang Jehu yina a Samariya ka, wal-lú aɓwana mǝnana kat à ueo sǝ à nda ka amǝ'ɓala mala Ahap a Samariya ka; twaltea kat, kǝla mǝnana cau mala Yahweh ne nǝ kún Iliya ka.
Jehu wal-lú amǝ'peri aban Ba'al kat
18Jehu ram ɓwapǝndǝa kat sǝ banggia wia ama, <<Ahap kpata Ba'al bǝti, Jehu nǝ̀ kpate kpǝm! 19Acemani ka, wu tunǝâm amǝ'ɓangnǝa mala Ba'al kat, yià amǝ'peri a baní kat, andǝ apǝris male kat. Ɓǝ̀ kǝɓwa ɓǝkǝa ue ɗang, acemǝnana mǝ nǝ pa nggea gir'nkila mǝgule aban Ba'al. Ɓwa mǝnana ginǝ yiu ka, nǝ̀ ɗwanyi yilǝmi.>> Sǝama Jehu ka, kutan na kǝ pa ace twalta amǝ'peri aban Ba'al ka.
20Sǝ Jehu bang ama, <<Wu tàr pwari ramba abanɓwáná ace pagulo aban Ba'al.>> Pǝlǝa à hamnǝi. 21Jehu tasǝ cau aɓa Isǝrayila kat, sǝ amǝ'kpata Ba'al yiu, kǝɓwa mwashat ue ateà mǝnana yiu raka ɗang. À yiu aɓa ndà mala Ba'al; sǝ ndà mala Ba'al lumsǝ ɓukyat-ɓukyat. 22Jehu banggi ɓwa mǝnana tsǝkiyikir ban tsǝk anggea-daura ka ama, <<Pusǝ anggea-daura ace amǝ'peri aban Ba'al kat!>> Sǝ pusǝ anggea-daure abania. 23Pǝlǝa Jehu kùtí aɓa ndà mala Ba'al, atārǝia andǝ Jehonadap muna-ɓwabura mala Rekap, sǝ banggi amǝ'peri aban Ba'al ama, <<Wu pelǝkiban wu sǝni ace mǝnana ɓekǝ guro mala Yahweh ɓǝkǝa pa akani aɓalǝ wun ɗàng, shekǝ amǝ'peri aban Ba'al.>> 24Pǝlǝa à kùtí ace pa gìr'nkila andǝ ɓoro mala pisǝe kǝring. Sǝama Jehu ka angŋa-dǝmba tamsǝna aburana male lumi-tongno-nong-tàrú a nza sǝ nunakiria ama, <<Ɓwa mǝnana kat earî kǝɓwa mwashat atà aɓwana mǝnana ǝn pa wun a bu wun sǝ ɓwar ka, nda a kún yilǝmi.>>
25Lang Jehu nǝ̀ mal pa ɓoro mala pisǝe kǝring ani ka, banggi amǝ'yalban andǝ amǝgulo-lwa ama, <<Wu kutio wu wal-luia! Ɓǝ̀ kǝɓwa ɓǝkǝa au ɗàng!>> Nda amǝ'yalban andǝ amǝgulo-lwa kat wal-luia nǝ kún nggeabyau, sǝ à túrki aluia a nza; sǝ à kùtí aɓa kurǝm-ɓaɓalǝu mala ndà mala Ba'al. 26À pusǝki atondong mala peri aɓa ndà Ba'al, à pisǝia. 27À kiɗiki ankúl mala Ba'al, à arki ndà mala Ba'al, sǝ à nyesǝì pǝlǝ ban doagung, ba yalung.
28Anggo sǝ Jehu esǝki peri aban Ba'al aɓa Isǝrayila. 29Kat andǝ amani ka, Jehu pǝlǝ nzǝmi arǝ acauɓikea mala Jerobuam muna-ɓwabura mala Nebat, mǝnana tsǝk Isǝrayila pàk ka ɗàng; peri aban amuna-jamnda njengǝlan mǝnana a Betel andǝ Dan ngga.
30Yahweh banggi Jehu ama, <<A pángŋǝ̀nà pepè. A pángŋǝ̀nà gìr mǝnana pwasǝbumam ngga, sǝ a pángŋǝ́nì ɓala Ahap kǝla mǝnana nda a ɓabumam ngga. Acemani ka, amunio andǝ amǝkeo nǝ̀ do amur buno-murǝm mala Isǝrayila ba inea nza.>> 31Sǝama Jehu tsǝkiri kpata nggurcau mala Yahweh, Ɓakuli mala Isǝrayila nǝ ɓabumi kat ɗàng. Pǝlǝ nzǝmi arǝ acauɓikea mala Jerobuam, mǝnana tsǝk Isǝrayila pè ka ɗàng.
32A bàkú mǝno ka Yahweh tita amsǝ tangŋa mala nzong-nzali mala Isǝrayila; Hazayel lì ka abú-nzali mala Isǝrayila a lwa 33a takuli mala Jodan. Lì abu-nzali kat mala Gilǝyat, andǝ Gad, andǝ Ruben, andǝ Manasa, twal a Aruwa a myalmúr Arnon, kútí nǝɓa Gilǝyat sǝ kya puro a Bashan.
34Acili agir mǝnana à kumban a do-bunomurǝm mala Jehu, andǝ agir mǝnana kat peǎ, andǝ rǝcandǝa male kat ka, à nda kam a gilǝe aɓa Malǝmce mala Acau-ɓaraɓara mala Amurǝma mala Isǝrayila. 35Jehu usǝlǝ atà akê sǝ à tsǝì a Samariya. Muna-ɓwabura male Jehowahaz duk murǝm a kunì. 36Jehu yálmúr Isǝrayila apǝlǝa lumi-ɓari-bwamdǝ-tongno-nong-tàrú (28) a Samariya.
Currently Selected:
2 Amurǝm 10: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company
2 Amurǝm 10
10
Jehu twalta nggurkwar mala Ahap
1Adyan ngga Ahap ndanǝ amuna andǝ amǝkau aburana lumi-tongno-nong-ɓari a Samariya. Nda Jehu gilǝ acauterǝa, turaban nǝia a Samariya, aban amǝ'yálmúrû mala Jezǝril, andǝ aɓwana-mǝgule, andǝ amǝ'tsǝkir amuna andǝ amǝkà Ahap ama, 2<<Ado ka, acemǝnana awaru-pǝr, andǝ apǝr, andǝ kanggǝrang nggea-là andǝ agirbura ka à nda a bu wun ngga, lang cauterǝa mǝnia nǝ̀ yia bwalban wun ani ka, 3wu twal ɓwa mǝnana mǝɓoarne na sǝ nda pepè ka, atà amuna-burana mala mǝtala-ɓala ma'wun, Murǝm Ahap. Wu dumsǝi amur buno-murǝm mala tárrí. Sǝ wu gilǝ rǝ wun ace munǝ ace ɓala mala mǝtala-ɓala ma'wun.>>
4Sǝ yià ka ɓangciu bwalia kǝ̀rkǝ́r sǝ à na ama, <<Sǝni, amurǝma ɓari#10:4 amurǝma ɓari Murǝm Joram andǝ Murǝm Ahaziya. gandǝ camakuni ɗàng; lang sǝ sǝm nǝ̀ gandǝi?>> 5Nda ɓwa mǝnana nda amúr ɓala-murǝm, andǝ ɓwa mǝnana nda amúr nggea-là, atārǝia andǝ aɓwana-mǝgule andǝ amǝ'tsǝkir amuna-murǝm ngga, à túrban nǝ cau aban Jehu ama, <<Sǝm nda ka guro mò, gir mǝnana kat a bangga sǝm ngga, sǝm nǝ̀ pè. Pà sǝm nǝ̀ twal kǝ ɓwa ɓǝ̀ duk murǝm ɗàng. Pàk gìr mǝnana kat ɓoarô a sǝne mò ka.>>
6Pǝlǝa Jehu gilǝia wia ɓaria cauterǝa, banggia wia ama, <<Ɓǝ̀ mbak wu nda a buì mem, sǝ wun nǝ̀ kpata cau mem ngga, wu twal aɓamur aburana mǝnana amuna andǝ amǝkà mǝtala-ɓala ma'wun na ka a bu wun, sǝ wu yinǝia abanam a Jezǝril, lí nǝ bu-pwari kǝla man.>> Adyan ngga amuna andǝ amǝkà Murǝm Ahap, yià lumi-tongno-nong-ɓari ka, à nda aɓata tsǝkiru mala aɓwana-mǝgule mala nggea-lê. 7Lang cauterǝa yi bwalǝna bania ka, à bwalki amuna andǝ amǝ'kà Ahap à pwangi-myalia, aɓwana lumi-tongno-nong-ɓari. Sǝ à tsǝk aɓamuria aɓalǝ andakade, à túrban nǝia a baní a Jezǝril. 8Lang amǝ'na-túrbân yina ka, à banggi Jehu ama, <<À yina nǝ aɓamur amuna andǝ amǝkà Murǝm Ahap.>> Sǝ Jehu bang ama, <<Wu gwalikia amurǝarǝia arǝ abanì ɓari a bankutio mala kún nggea-là ba kwaro mala bân.>>
9Nǝ dǝmbari ka, Jehu puro kya came a banì. Pǝlǝa banggi aɓwe kat ama, <<Mǝ nda mǝnana ǝn kùrkún amur mǝtala-ɓala mem, Murǝm Joram sǝ ǝn wal-luí ka. Wun nda ka amǝ'kunpwasǝa amur mani. Sǝama aburana man kat kǎ, yan wal-luia le? 10Wu sǝlǝa ama, kǝ ɓè pà kàm aɓa cau mala Yahweh, mǝnana Yahweh bangŋi amúr ɓala mala Ahap sǝ pà nǝ̀ lùmsǝ raka ɗàng. Yahweh pàngŋǝ̀nà gìr mǝnana kat pacau ace nǝ kún guro male Iliya ka.>> 11Anggo sǝ Jehu wal-lú aɓwana mǝnana kat à ue a ɓala mala Ahap a Jezǝril ka, kat andǝ aɓwana-mǝgule male, andǝ agyajam-ndà male, andǝ apǝris male. Nyinggi wi kǝ ɓwa nǝyilǝmu ɗang.
12Jehu pǝlǝa lo a ban mǝno ka o a Samariya. Lang nda ban o amur njar sǝ yi bwalǝna Bet-Eket mala Ayálgír ka, 13je andǝ aɓea aɓǝla mala Ahaziya murǝm Yahuda, sǝ ɗia ama, <<Wu nda ka yani?>> Pǝlǝa à pe wi eare ama, <<Sǝm nda ka aɓǝla mala Ahaziya. Sǝm yiu ace sǝn amuna-murǝm andǝ amuna mala nggeau-murǝm.>> 14Sǝ Jehu bang ama, <<Wu bwalkia nǝyilǝmu!>>Nda à bwalkia, yia lumi-ine-nong-ɓari (42) nǝyilǝmia, sǝ à wal-luia a ban tūli-mùr mala Bet-Eket ka; nying kǝɓwa ateà ɗàng.
15Lang lo a banì ka, kya je andǝ Jehonadap muna-ɓwabura mala Rekap, nda ban yiu a baní. Jehu makkìkun, sǝ bang ama, <<Ɓabumo na arǝàm kat kǝla mǝnana memma arǝò ka le?>> Jehonadap eari wi ama, <<E, nda anggo.>> Sǝ Jehu bang ama, <<Ɓǝ̀ nda anggo ka, pam buo.>> Pǝlǝa Jehonadap pe wi buì sǝ Jehu bwali eamsǝi atè aɓa waru-pǝr. 16Jehu bang ama, <<Yiu atàm yi sǝn ɓabumpina mem ace Yahweh.>> Nda twali atè aɓa waru-pǝr male ka.
17Lang Jehu yina a Samariya ka, wal-lú aɓwana mǝnana kat à ueo sǝ à nda ka amǝ'ɓala mala Ahap a Samariya ka; twaltea kat, kǝla mǝnana cau mala Yahweh ne nǝ kún Iliya ka.
Jehu wal-lú amǝ'peri aban Ba'al kat
18Jehu ram ɓwapǝndǝa kat sǝ banggia wia ama, <<Ahap kpata Ba'al bǝti, Jehu nǝ̀ kpate kpǝm! 19Acemani ka, wu tunǝâm amǝ'ɓangnǝa mala Ba'al kat, yià amǝ'peri a baní kat, andǝ apǝris male kat. Ɓǝ̀ kǝɓwa ɓǝkǝa ue ɗang, acemǝnana mǝ nǝ pa nggea gir'nkila mǝgule aban Ba'al. Ɓwa mǝnana ginǝ yiu ka, nǝ̀ ɗwanyi yilǝmi.>> Sǝama Jehu ka, kutan na kǝ pa ace twalta amǝ'peri aban Ba'al ka.
20Sǝ Jehu bang ama, <<Wu tàr pwari ramba abanɓwáná ace pagulo aban Ba'al.>> Pǝlǝa à hamnǝi. 21Jehu tasǝ cau aɓa Isǝrayila kat, sǝ amǝ'kpata Ba'al yiu, kǝɓwa mwashat ue ateà mǝnana yiu raka ɗang. À yiu aɓa ndà mala Ba'al; sǝ ndà mala Ba'al lumsǝ ɓukyat-ɓukyat. 22Jehu banggi ɓwa mǝnana tsǝkiyikir ban tsǝk anggea-daura ka ama, <<Pusǝ anggea-daura ace amǝ'peri aban Ba'al kat!>> Sǝ pusǝ anggea-daure abania. 23Pǝlǝa Jehu kùtí aɓa ndà mala Ba'al, atārǝia andǝ Jehonadap muna-ɓwabura mala Rekap, sǝ banggi amǝ'peri aban Ba'al ama, <<Wu pelǝkiban wu sǝni ace mǝnana ɓekǝ guro mala Yahweh ɓǝkǝa pa akani aɓalǝ wun ɗàng, shekǝ amǝ'peri aban Ba'al.>> 24Pǝlǝa à kùtí ace pa gìr'nkila andǝ ɓoro mala pisǝe kǝring. Sǝama Jehu ka angŋa-dǝmba tamsǝna aburana male lumi-tongno-nong-tàrú a nza sǝ nunakiria ama, <<Ɓwa mǝnana kat earî kǝɓwa mwashat atà aɓwana mǝnana ǝn pa wun a bu wun sǝ ɓwar ka, nda a kún yilǝmi.>>
25Lang Jehu nǝ̀ mal pa ɓoro mala pisǝe kǝring ani ka, banggi amǝ'yalban andǝ amǝgulo-lwa ama, <<Wu kutio wu wal-luia! Ɓǝ̀ kǝɓwa ɓǝkǝa au ɗàng!>> Nda amǝ'yalban andǝ amǝgulo-lwa kat wal-luia nǝ kún nggeabyau, sǝ à túrki aluia a nza; sǝ à kùtí aɓa kurǝm-ɓaɓalǝu mala ndà mala Ba'al. 26À pusǝki atondong mala peri aɓa ndà Ba'al, à pisǝia. 27À kiɗiki ankúl mala Ba'al, à arki ndà mala Ba'al, sǝ à nyesǝì pǝlǝ ban doagung, ba yalung.
28Anggo sǝ Jehu esǝki peri aban Ba'al aɓa Isǝrayila. 29Kat andǝ amani ka, Jehu pǝlǝ nzǝmi arǝ acauɓikea mala Jerobuam muna-ɓwabura mala Nebat, mǝnana tsǝk Isǝrayila pàk ka ɗàng; peri aban amuna-jamnda njengǝlan mǝnana a Betel andǝ Dan ngga.
30Yahweh banggi Jehu ama, <<A pángŋǝ̀nà pepè. A pángŋǝ̀nà gìr mǝnana pwasǝbumam ngga, sǝ a pángŋǝ́nì ɓala Ahap kǝla mǝnana nda a ɓabumam ngga. Acemani ka, amunio andǝ amǝkeo nǝ̀ do amur buno-murǝm mala Isǝrayila ba inea nza.>> 31Sǝama Jehu tsǝkiri kpata nggurcau mala Yahweh, Ɓakuli mala Isǝrayila nǝ ɓabumi kat ɗàng. Pǝlǝ nzǝmi arǝ acauɓikea mala Jerobuam, mǝnana tsǝk Isǝrayila pè ka ɗàng.
32A bàkú mǝno ka Yahweh tita amsǝ tangŋa mala nzong-nzali mala Isǝrayila; Hazayel lì ka abú-nzali mala Isǝrayila a lwa 33a takuli mala Jodan. Lì abu-nzali kat mala Gilǝyat, andǝ Gad, andǝ Ruben, andǝ Manasa, twal a Aruwa a myalmúr Arnon, kútí nǝɓa Gilǝyat sǝ kya puro a Bashan.
34Acili agir mǝnana à kumban a do-bunomurǝm mala Jehu, andǝ agir mǝnana kat peǎ, andǝ rǝcandǝa male kat ka, à nda kam a gilǝe aɓa Malǝmce mala Acau-ɓaraɓara mala Amurǝma mala Isǝrayila. 35Jehu usǝlǝ atà akê sǝ à tsǝì a Samariya. Muna-ɓwabura male Jehowahaz duk murǝm a kunì. 36Jehu yálmúr Isǝrayila apǝlǝa lumi-ɓari-bwamdǝ-tongno-nong-tàrú (28) a Samariya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company