1 Samu MƏNCAU
MƏNCAU
Malǝmce mǝnia a tunǝi ama Samuyila mǝdǝmbe ka bangcau mala nggaɗi a Isǝrayila twal a bàkú mala akasǝla aban ká mala amurǝma. Nggaɗi mǝnia aɓa do-yilǝmu mala nzali Isǝrayila ka, kàrìkì-rǝì aban aburana tàrú: Samuyila, masǝlǝata ɓwa atà akaɓa kasǝla; Sawul, murǝm mǝdǝmbe mala Isǝrayila; andǝ Dauda, mǝnana agya male andǝ agir mǝnana kum ɓamurì aɓalǝia sǝ yi eauwe a buno-murǝm ngga, à taɓǝli aɓalǝarǝia andǝ acau mala adoyilǝmu mala Samuyila andǝ Sawul.
Múrcau mala malǝmce mǝnia, kǝla mala acili acau-ɓaraɓara mǝnana à gilǝia aɓa Kùrcau Mǝ'e ka, nda mǝnana ama domǝsǝcau aban Ɓakuli ka kǝ yinǝ lidǝmba, sǝ mgbikiru ka kǝ yinǝ gir'murmwana. Mǝnia ka à bangŋi bwāng aɓa cau mala Yahweh aban Eli pǝris mǝnana ama: <<Mǝ nǝ gusǝlǝ aɓwana mǝnana à gusǝlǝam ngga, sǝ aɓwana mǝnana à ɓǝsǝkiam ngga, mǝ nǝ pàkcea-ɓa.>> (1Sam 2:30.)
Aɓa mǝnia yì malǝmce ka, à lǝmdǝa sǝm anzongcau mala gingnǝ do ma'sǝm ani: (1) Ɓakuli ka pà nǝ̀ vwakibuì arǝ aɓwana male ɗàng; ko ɓǝ̀ agir swárkiô, kǝla mǝnana pǎ a nza mala Eli andǝ amuna-burana male ka, Ɓakuli kǝ yinǝ tsǝkɓalǝu, kǝla mǝnana pè nǝ ɓǝl Samuyila ka. (2) Ɓakuli ka à pà nǝ̀ gandǝ tsǝie púp, ko à nǝ̀ swárí aɓa kutan ɓǝ̀ kpata agir mǝnana sǝm earkiyice ka ɗàng, sǝama yì ka nǝ̀ bwali aɓwana mǝnana à gūlì arǝì sǝ à kǝ alta pàk nê male ka. (3) Nggearǝ peri ma'sǝm aban Ɓakuli ka pànǝ ɓoaro ɗàng ɓǝ̀ sǝm kpapì andǝ okiru raka. (4) Lǝmdǝa mala ɓwa a nza ka, kǝgìr na aban Ɓakuli ɗang; gìr mǝnana Ɓakuli earkiyice ka nda ɓabum mǝnana dàrrì arǝ túró male ka. (5) Aɓwana mǝnana à ɗeki mɓali ɓǝ̀ gingnǝ do malea ka, à nǝ̀ pakkî ɓamúrià mǝɓane mana kútì mǝɓane mǝnana à nǝ̀ pàkkî ɓià ɓwapǝndǝa ka.
Agir mǝnana a ɓālǝi ka
Lo mala Samuyila kǝla kasǝla mala Isǝrayila 1:1--3:1-21
Amǝ'Filisti bwal Akwati Kùrcau sǝ à nyesǝì 4:1--6:20
Samuyila yálmúr Isǝrayila sǝ à ɗice murǝm 7:1--8:22 3
Sawul, murǝm mǝdǝmbe mala Isǝrayila 9:1--11:15
A'lwa mala Sawul andǝ mgbikiru male 13:1--15:35
Lo mala Dauda kǝla murǝm Isǝrayila 16:1--17:58
Sawul pàk mɓali sǝ alte nǝ̀ wal-lú Dauda 18:1--24:22
Lú mala Sawul andǝ amuni 31:1-13
Currently Selected:
1 Samu MƏNCAU: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company