1 Amurǝm 7
7
Solomon ɓak palta male
1Solomon ɓakkî ɓamúrì palta. Mal ɓě aɓalǝ apǝlǝa lum-nong-tàrú. 2Ɗǝm ngga ɓak ɓè ɓala à tunǝi ama <<Palta mala Ndà-nggun Lebano.>> Sauwa male ka ɓakusǝu gbǝman nǝ lumi-tongno na, tangŋa male ka ɓakusǝu lumi-tongno-nong-ɓari-bwamdǝ-tongno na, sǝ dāh'rya male ka ɓakusǝu lumi-ine bwamdǝ tongno na. Kwákítè nǝ anggea-nggun mala nggun-seda mǝnana à tamsǝkia arǝ asangbǝlang ine ka, sǝ nongsǝki agbǝlang nggun-seda mǝsake amúrià. 3Anggea-nggunî camggi lum-bwamdǝ-tongno a koya sangbǝlang; agbǝlang nggun mǝnia mǝnana à nongsǝkia amúr akurǝm ngga, à ndà lumi-ine-bwamdǝ-tongno. Pàk múr-kurǝm nǝ akpamgbang seda. 4Arǝ koya bumkurǝm ɓari mǝnana à nda nkāɓe rǝarǝia ka, asangbǝlang tàrú mala anggun-mǝsǝkurǝm na kam. Asangbǝlang mala amǝsǝkurǝm a buì mwashat ka, à sǝn ɓamǝsǝarǝia andǝ asangbǝlang mala aɓia a ɓè ɓuì. 5Anggun-kúnakurǝm andǝ anggun-mǝsǝkurǝm kat ka, à pea kàlkàl. Asangbǝlang mala amǝsǝkurǝm arǝ bumkurǝm a buì mwashat ka, à sǝn ɓamǝsǝarǝia andǝ asangbǝlang mala amǝsǝkurǝm a ɓè bù bumkurǝm.
6Solomon nyare ɓak ɓè ɓǎ à tunǝi ama Jamloro mala Anggun-gbasha. Sauwa male ka ɓakusǝu lumi-tongno-nong-ɓari bwamdǝ tongno na, sǝ tangŋa male ka ɓakusǝu lumi-ine-bwamdǝ-tongno na. Ndanǝ tara a ɓadǝmbi mǝnana anggun-gbasha na à bwali ka. 7Yì ɗǝm ngga ɓak ɓè Jamloro mala Buno-ɓashi, ban mǝnana nǝ̀ nggâ pak ɓashi kàm ngga. Gilǝki rǝ abumkurǝmnì nǝ akpamgbang mala nggun-seda, lo a kusǝkurǝm kya bik ban nkigir.
8Ɓala male mǝnana nǝ̀ duk kam ngga, ɓè gbal anggo. Ɓè aɓa ɓè patal mǝnana nda a nzǝm Jamloro mala Buno-ɓashi ka. Ɗǝm ngga Solomon ɓak ɓè ɓala ace ɓoarnsarile Firona, mǝnana ali ka. 9Aɓah mǝnia kat ka, à ɓeǎ nǝ atali mǝnana kumea'kwan ngga, twal a kusǝɓa kya bik kusǝ-nkigir; anggo sǝ pàk kat a nza aban ká a nggea patal. À gilǝkirǝ atali mǝnia ka a ban mǝnana à ɓunnia kàm ngga; à shària nǝ byau-minǝu, kunia karǝ gǝ̀rgǝ̀r a koya nkanggaria. 10Kusǝɓa ka, akaɓa tali mǝnana kumea'kwan ngga nda à nongsǝkia kam ngga. Sakkya malea ka, ɓakusǝu lum-bwamdǝ-tongno na, sǝ aɓea ka ɓakusǝu lum-nong-ɓari na. 11Amur kusǝɓa ka, à tsǝk aɓea atali mǝnana à kasǝia, gulkio malea pǎ kǝla mǝnana à earcea ɓǝà pàk ka, sǝ à nongsǝki agbǝlang nggun-seda amuria. 12Asheran mǝnana à kàrì patal mala palta ka, à ɓeǎ nǝ atali mǝnana à gilǝkirǝia ka, sǝ à nongsǝkia amurǝarǝia andǝ agbǝlang nggun-seda. Anggo gbal sǝ à ɓak sheran mala patal mǝ'ɓaɓalǝuî mala ɓala mala Yahweh, sǝ anggo gbal sǝ à ɓak jamloro male.
Túró mala Hiram a ɓak agir ɓá ɓala mala Yahweh
13Murǝm Solomon túrban a Taya sǝ à yinǝ Hiram, 14mǝnana nggè ka mā-lú na a tàu mala Naftali; tárrí ka ɓwa Taya na, sǝ mǝ'túróbù mala tulki agir nǝ bolo-bángŋá na ɗiɗyal. Hiram nǝnggearǝì ka kwaro sǝ bwaltagir aɓa sǝlǝ túróbù mala pakkiagir ɗàngɗáng nǝ bolo-bángŋá.
15Ɓak anggun-gbasha ɓari nǝ bolo-bángŋá; dāh'rya mala nggun-gbasha mwashat ka, ɓakusǝu lumi-ɓari bwamdǝ tongno-nong-ɓari na. Ɓālǝi na fourok sǝ sauwa mala nggur mǝnana kàrì nyane mala nggun-gbasha ka, ɓakusǝu lum bwamdǝ tongno-nong-tàrú na (18). 16Ɗǝm ngga ɓak agumtǝli bolo-bángŋá ace tsǝia a ɓong anggun-gbasha man. Dāh'rya mala koya gumtǝli ka, ɓakusǝu tongno-nong-ɓari nǝ gauwa-tsùrú na. 17Pǝlǝa pàk ansolo mala bolo-bángŋá tongno-nong-ɓari, sǝ teǎ a nkanggariarǝia, à pǎ kǝla zanzǝa ndāmbú, ace mbàkì rǝ agumtǝli mǝno a ɓong anggun-gbasha ka, nǝia; koya gumtǝli ka, tsǝki wi zanzǝa ndāmbú bolo-bángŋá amurí. 18Lang ɓak anggun-gbasha mǝnia ka, pàk anlang mala aɓǝla mɓǝring nǝ bolo-bángŋá, sǝ arǝ koya nggun-gbasha ka, kàrì nǝ atǝkrǝk ɓari mala anlangnì a múrbân, tù a ban mǝnana zanzǝa ndāmbú bolo-bángŋá kùmsǝ amur gumtǝli a ɓongban ngga. 19Agumtǝli bolo-bángŋá mǝno a ɓong anggun-gbasha aɓa jamloro ka, à pǎ kǝla afufe ɓake. À cam a kuli ɓakusǝu tongno-nong-mwashat, 20sǝ à nda aɓa ɓegìr kǝla pǎ mala nkenye, mǝnana came amur zanzǝa ndāmbú bolo-bángŋá ka. Koya gumtǝli bolo-bángŋá ka, ndanǝ aɓǝla mɓǝring gbǝman-ɓari arǝ atǝkrǝk mala anlang mǝnana à kàrì ka.
21Hiram tamsǝ anggun-gbasha mǝnia ɓari ka à bwal tara bankutio aɓa Ndàmǝgule. Nggun-gbasha mǝnana tamsǝi a bu-mǝli ka, tunǝi ama Jakin; sǝ mǝnana tamsǝi a bu-mǝnggare ka tunǝi ama Boaz. 22Agumtǝli bolo-bángŋá mǝnana a ɓong anggun-gbasha ka, à peǎ kǝla afufe ɓake. Anggo sǝ túró mala anggun-gbasha yi malâ.
23Pǝlǝa Hiram ɓak kaɓa-nkenye nǝ bolo-bángŋá sǝ tunǝi ama <<Nggeamùr.>> Yì nkenye ka nda tǝkrǝk, sǝ mǝnna mala kúní ka ɓakusǝu lum-bwamdǝ-tongno na. Lime male ka ɓakusǝu tongno-nong-ɓari nǝ gauwa-tsùrú na, sǝ sauwa mala nggur mǝnana kàrì kúní ka, ɓakusǝu lumi-ine-bwamdǝ-tongno na. 24Lang Hiram ɓak nkenyenì ka, ɓak nlang mala agir kǝla amuna-dù, à lanzǝ aɓata kún nkenyenì nǝ nza, sǝ à kàrì kat arǝ asangbǝlang ɓari. Koya ɓakusǝu mwashat nǝ gauwa-tsùrú mala sauwa mala nggur mǝnana kàrì kún nkenyenì ka, amuna-dù na kam lum. 25Hiram ɓak ajamnda lum-nong-ɓari, sǝ tsǝk nkenyenì a nzǝmia. Tamsǝ tàrú a nkanggariarǝia, ɓamǝsǝia sǝn njar-nza, tàrú sǝn njar-nzali, tàrú sǝn njar-kúnmur, sǝ tàrú sǝn takuli; myaltea pǝlǝ nǝ ɓalǝu; nkenyenì cam a nzǝmia. 26Nyane mala kún nkenyenì ka amuna-bu ine na. Kúni ka à pè kǝla mala kap sǝ pùr fufe pwasǝo ɓake; lime male kǝ twal galon á-lum-nong-mwashat (11,000) mala mùr.
27Ɗǝm ngga Hiram pàk awaru-ramggite lum nǝ bolo-bángŋá; koya waru-ramggite ka sauwa male na ɓakusǝu tongno-nong-mwashat, tangŋa male na ɓakusǝu tongno-nong-mwashat, sǝ dāh'rya male na ɓakusǝu ine nǝ gauwa-tsùrú. 28Pàk abumban mala awaru-ramggite man nǝ alǝpi, mǝnana à kpapikia, à camggi kàngkàng arǝ anggunia ka. 29Sǝ amur alǝpi mǝnia à camge a nre ka anggunia ka, nyoulǝa-pa mala a'im, andǝ ajamnda, andǝ acerup na kam; a murbân andǝ ɓata anyoulǝa-pa mala a'im, andǝ ajamnda mǝnia arǝ alǝpi ka, mbakigir na kam mala apwasǝo'bondo-mbup mǝnana à gyarkia ka. 30Koya waru-ramggite ka, ndanǝ akusǝu-pǝlǝkya ine nǝ agara-pǝlǝkya malea mala bolo-bángŋá. Amur koya waru-ramggite, sǝ arǝ abankara male ine ka, akusǝ-pira nakam mǝnana à ɓeǎ ace pagbasha a tǝta nkenye ka; à mbàkì rǝ akusǝ-pira man nǝ apwasǝo'bondo-mbup a koya nkanggaria. 31Amur koya waru-ramggite ka, fourong ban na kam, kúní na gbuluk ace tamsǝ nkenye; eapi múr waru-ramggite nǝ ɓakusǝu mwashat-nǝ-gauwa-tsùrú (1 ½); mbúr-kúní na tǝkrǝk sǝ nda ɓiktik; tangŋa mala kúní ka, ɓakusǝu ɓari nǝ gauwa-ɓǝnggǝt (2 ¼) na; mbakigir mala nyoulǝa-pa mala apwasǝo'bondo-mbup nakam arǝì. Alǝpi mala awaru-ramggite ka, à nda kàlkàl; à pà tǝkrǝk ɗàng. 32Akusǝu-pǝlǝkya mǝnia ine ka, à sùlǝî alǝpi a nzali. Agara-pǝlǝkya mala akusǝu-pǝlǝkya ka à kpapia arǝ waru-ramggite. Dāh'rya mala koya kusǝu-pǝlǝkya ka, ɓakusǝu ɓari nǝ gauwa-ɓǝnggǝt (2 ¼) na. 33À pàk akusǝu-pǝlǝkyanì kǝla akusǝu-pǝlǝkya mala waru-pǝr; agara-pǝlǝkya malea, andǝ agaregare malea, andǝ amundi malea, andǝ ankpako-tsuru malea ka, à ɓeǎ nǝ bolo-bángŋá. 34Akusǝ-pira nakam ine arǝ abankara ine mala koya waru-ramggite; akusǝ-piranì ka à ɓeǎ arǝ waru-ramggite. 35A múrbân mala koya waru-ramggite ka, ɓegìr na kam tǝkrǝk, sǝ dāh'rya male ka gauwa-ɓǝkǝt (¾) mala ɓakusǝu mwashat na; anggunì andǝ alǝpi ka à kpapia arǝ waru-ramggite. 36Amur alǝpi mǝnana arǝ abumban andǝ anggunia ka, nyoulǝa-pa mala acerup, andǝ a'im, andǝ anggun-nkangga na kam, komǝye ka a male yì bân; sǝ à gumbǝlia nǝ mbakigir mala apwasǝo'bondo-mbup-mbup. 37Anggo sǝ Hiram pàk awaru-ramggite mǝno lum ngga; peǎ kat a pě mǝ'mwashati; à nda mwashat a gulo malea andǝ pǎ malea.
38Ɗǝm ngga Hiram pàk ankenye lum nǝ bolo-bángŋá; mwashat ace koya waru-ramggite. Tangŋa mala koya nkenye ka ɓakusǝu tongno-nong-mwashat na, sǝ nǝ̀ gandǝ twal mùr galon gbǝman-ɓari nǝ lumi-ɓari. 39Tsǝk awaru-ramggite tongno a bù njar-kúnmur mala ndàmǝgule, sǝ tongno a bù njar-nza; sǝ tamsǝ kaɓa-nkenyenì a bankara mala ndàmǝgule a tsùrú mala njar-kúnmur andǝ takuli.
40Hiram nyare pàk ankwaring-bolo, andǝ ashebǝl, andǝ amuna-nkenye. Nǝ amǝno ka sǝ masǝlǝ túró mǝnana kat Solomon tsǝki wi ɓǝ̀ pè ace ɓala mala Yahweh ka:
41anggun-gbasha ɓari;
agumtǝli bolo-bángŋá ɓari mǝnana pǎ malea na kǝla nkenye a ɓong anggun-gbasha man;
azanzǝa ndāmbú mala nsolo bolo-bángŋá mana à teǎ a nkanggariarǝia ace kùmsǝ múr agumtǝli bolo-bángŋá mǝnana pǎ malea na kǝla nkenye a ɓong anggun-gbasha;
42anlang mala aɓǝla mɓǝring gbǝman-ine ace azanzǝa ndāmbú ɓari; anlang ɓari mala aɓǝla mɓǝring ace koya zanzǝa ndámbú mǝnana à kùmsǝ múr agumtǝli bolo-bángŋá ka, mǝnana pǎ malea na kǝla nkenye a ɓong anggun-gbasha ka;
43awaru-ramggite lum andǝ ankenye malea lum;
44kaɓa-nkenye andǝ ajamnda bolo-bángŋá lum-nong-ɓari aɓate;
45ankwaring-bolo, andǝ ashebǝl, andǝ amuna-nkenye.
Atanggǝla mǝnia kat aɓa ɓala mala Yahweh mǝnana Hiram peǎ ace Murǝm Solomon ngga, peǎ nǝ bolo-bángŋá mǝnana à kolǝ rǝi sǝ kǝ tâ'nzama ka. 46Murǝm tsǝk amǝ'túró à peǎ ani: bolo-bángŋá mǝnana panzǝ a bǝsa ka, à solǝi aɓalǝ ankpoulo agirnì mǝnana à ɓeǎ nǝ dǝɓang ngga. À pàk túrè a Ɓangŋaban mala Nggeasala Jodan, a nre ka anggea-là Sukkot andǝ Zaretan.
47Solomon nying atanggǝla mǝnia ka anggo, karǝki dǝmbǝrya malea ɗàng, acemǝnana à làkkì pas. À súrǝ̀ dǝmbǝrya mala bolo-bángŋá mǝnana à pàngŋǝ̀nà-túró nǝi ka ɗàng. 48Ɗǝm ngga Solomon banggi amǝ'túró ɓǝà pàk amǝnia yì agir mala ɓá ɓala mala Yahweh ka nǝ bolo-njengǝlan:
gyangŋan bolo-njengǝlan;
kpamgbang bolo-njengǝlan mǝnana à kǝ tsǝk Bǝredi mala Ɓadǝm Yahweh amurì ka;
49agir-tàmsǝ apitǝla mala bolo-njengǝlan mǝɓoarne (tongno a bù-mǝlì sǝ tongno a bu-mǝnggare a ɓadǝm Ban Nggea Mǝfele);
andǝ mbakigir mala apwasǝo-bondo, andǝ apitǝla, andǝ a-mǝmyál, mǝnana à peǎ nǝ bolo-njengǝlan ngga;
50amuna-bàng, amǝmyal, amuna-nkenye, andǝ acembe, andǝ atasau-bǝsa, mǝnana à peǎ nǝ bolo-njengǝlan ngga;
ankpako ace gyar alǝpikúnkurǝm mala kurǝm mǝ'ɓaɓalǝuî, yì Ban Nggea Mǝfele, andǝ mala alǝpikúnkurǝm mala kaɓa-jamloro mala ɓalae.
51Lang Murǝm Solomon malna pàk túró mǝnana pè ace ɓala mala Yahweh ka, pǝlǝa yinǝ agir mǝnana tárrí Dauda tària ace Ɓakuli ka: bolo-azǝrfa, bolo-njengǝlan andǝ atanggǝla, sǝ tsǝia aɓalǝ andà-tsǝk agir-ɓoarna mala ɓala mala Yahweh.
Currently Selected:
1 Amurǝm 7: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company
1 Amurǝm 7
7
Solomon ɓak palta male
1Solomon ɓakkî ɓamúrì palta. Mal ɓě aɓalǝ apǝlǝa lum-nong-tàrú. 2Ɗǝm ngga ɓak ɓè ɓala à tunǝi ama <<Palta mala Ndà-nggun Lebano.>> Sauwa male ka ɓakusǝu gbǝman nǝ lumi-tongno na, tangŋa male ka ɓakusǝu lumi-tongno-nong-ɓari-bwamdǝ-tongno na, sǝ dāh'rya male ka ɓakusǝu lumi-ine bwamdǝ tongno na. Kwákítè nǝ anggea-nggun mala nggun-seda mǝnana à tamsǝkia arǝ asangbǝlang ine ka, sǝ nongsǝki agbǝlang nggun-seda mǝsake amúrià. 3Anggea-nggunî camggi lum-bwamdǝ-tongno a koya sangbǝlang; agbǝlang nggun mǝnia mǝnana à nongsǝkia amúr akurǝm ngga, à ndà lumi-ine-bwamdǝ-tongno. Pàk múr-kurǝm nǝ akpamgbang seda. 4Arǝ koya bumkurǝm ɓari mǝnana à nda nkāɓe rǝarǝia ka, asangbǝlang tàrú mala anggun-mǝsǝkurǝm na kam. Asangbǝlang mala amǝsǝkurǝm a buì mwashat ka, à sǝn ɓamǝsǝarǝia andǝ asangbǝlang mala aɓia a ɓè ɓuì. 5Anggun-kúnakurǝm andǝ anggun-mǝsǝkurǝm kat ka, à pea kàlkàl. Asangbǝlang mala amǝsǝkurǝm arǝ bumkurǝm a buì mwashat ka, à sǝn ɓamǝsǝarǝia andǝ asangbǝlang mala amǝsǝkurǝm a ɓè bù bumkurǝm.
6Solomon nyare ɓak ɓè ɓǎ à tunǝi ama Jamloro mala Anggun-gbasha. Sauwa male ka ɓakusǝu lumi-tongno-nong-ɓari bwamdǝ tongno na, sǝ tangŋa male ka ɓakusǝu lumi-ine-bwamdǝ-tongno na. Ndanǝ tara a ɓadǝmbi mǝnana anggun-gbasha na à bwali ka. 7Yì ɗǝm ngga ɓak ɓè Jamloro mala Buno-ɓashi, ban mǝnana nǝ̀ nggâ pak ɓashi kàm ngga. Gilǝki rǝ abumkurǝmnì nǝ akpamgbang mala nggun-seda, lo a kusǝkurǝm kya bik ban nkigir.
8Ɓala male mǝnana nǝ̀ duk kam ngga, ɓè gbal anggo. Ɓè aɓa ɓè patal mǝnana nda a nzǝm Jamloro mala Buno-ɓashi ka. Ɗǝm ngga Solomon ɓak ɓè ɓala ace ɓoarnsarile Firona, mǝnana ali ka. 9Aɓah mǝnia kat ka, à ɓeǎ nǝ atali mǝnana kumea'kwan ngga, twal a kusǝɓa kya bik kusǝ-nkigir; anggo sǝ pàk kat a nza aban ká a nggea patal. À gilǝkirǝ atali mǝnia ka a ban mǝnana à ɓunnia kàm ngga; à shària nǝ byau-minǝu, kunia karǝ gǝ̀rgǝ̀r a koya nkanggaria. 10Kusǝɓa ka, akaɓa tali mǝnana kumea'kwan ngga nda à nongsǝkia kam ngga. Sakkya malea ka, ɓakusǝu lum-bwamdǝ-tongno na, sǝ aɓea ka ɓakusǝu lum-nong-ɓari na. 11Amur kusǝɓa ka, à tsǝk aɓea atali mǝnana à kasǝia, gulkio malea pǎ kǝla mǝnana à earcea ɓǝà pàk ka, sǝ à nongsǝki agbǝlang nggun-seda amuria. 12Asheran mǝnana à kàrì patal mala palta ka, à ɓeǎ nǝ atali mǝnana à gilǝkirǝia ka, sǝ à nongsǝkia amurǝarǝia andǝ agbǝlang nggun-seda. Anggo gbal sǝ à ɓak sheran mala patal mǝ'ɓaɓalǝuî mala ɓala mala Yahweh, sǝ anggo gbal sǝ à ɓak jamloro male.
Túró mala Hiram a ɓak agir ɓá ɓala mala Yahweh
13Murǝm Solomon túrban a Taya sǝ à yinǝ Hiram, 14mǝnana nggè ka mā-lú na a tàu mala Naftali; tárrí ka ɓwa Taya na, sǝ mǝ'túróbù mala tulki agir nǝ bolo-bángŋá na ɗiɗyal. Hiram nǝnggearǝì ka kwaro sǝ bwaltagir aɓa sǝlǝ túróbù mala pakkiagir ɗàngɗáng nǝ bolo-bángŋá.
15Ɓak anggun-gbasha ɓari nǝ bolo-bángŋá; dāh'rya mala nggun-gbasha mwashat ka, ɓakusǝu lumi-ɓari bwamdǝ tongno-nong-ɓari na. Ɓālǝi na fourok sǝ sauwa mala nggur mǝnana kàrì nyane mala nggun-gbasha ka, ɓakusǝu lum bwamdǝ tongno-nong-tàrú na (18). 16Ɗǝm ngga ɓak agumtǝli bolo-bángŋá ace tsǝia a ɓong anggun-gbasha man. Dāh'rya mala koya gumtǝli ka, ɓakusǝu tongno-nong-ɓari nǝ gauwa-tsùrú na. 17Pǝlǝa pàk ansolo mala bolo-bángŋá tongno-nong-ɓari, sǝ teǎ a nkanggariarǝia, à pǎ kǝla zanzǝa ndāmbú, ace mbàkì rǝ agumtǝli mǝno a ɓong anggun-gbasha ka, nǝia; koya gumtǝli ka, tsǝki wi zanzǝa ndāmbú bolo-bángŋá amurí. 18Lang ɓak anggun-gbasha mǝnia ka, pàk anlang mala aɓǝla mɓǝring nǝ bolo-bángŋá, sǝ arǝ koya nggun-gbasha ka, kàrì nǝ atǝkrǝk ɓari mala anlangnì a múrbân, tù a ban mǝnana zanzǝa ndāmbú bolo-bángŋá kùmsǝ amur gumtǝli a ɓongban ngga. 19Agumtǝli bolo-bángŋá mǝno a ɓong anggun-gbasha aɓa jamloro ka, à pǎ kǝla afufe ɓake. À cam a kuli ɓakusǝu tongno-nong-mwashat, 20sǝ à nda aɓa ɓegìr kǝla pǎ mala nkenye, mǝnana came amur zanzǝa ndāmbú bolo-bángŋá ka. Koya gumtǝli bolo-bángŋá ka, ndanǝ aɓǝla mɓǝring gbǝman-ɓari arǝ atǝkrǝk mala anlang mǝnana à kàrì ka.
21Hiram tamsǝ anggun-gbasha mǝnia ɓari ka à bwal tara bankutio aɓa Ndàmǝgule. Nggun-gbasha mǝnana tamsǝi a bu-mǝli ka, tunǝi ama Jakin; sǝ mǝnana tamsǝi a bu-mǝnggare ka tunǝi ama Boaz. 22Agumtǝli bolo-bángŋá mǝnana a ɓong anggun-gbasha ka, à peǎ kǝla afufe ɓake. Anggo sǝ túró mala anggun-gbasha yi malâ.
23Pǝlǝa Hiram ɓak kaɓa-nkenye nǝ bolo-bángŋá sǝ tunǝi ama <<Nggeamùr.>> Yì nkenye ka nda tǝkrǝk, sǝ mǝnna mala kúní ka ɓakusǝu lum-bwamdǝ-tongno na. Lime male ka ɓakusǝu tongno-nong-ɓari nǝ gauwa-tsùrú na, sǝ sauwa mala nggur mǝnana kàrì kúní ka, ɓakusǝu lumi-ine-bwamdǝ-tongno na. 24Lang Hiram ɓak nkenyenì ka, ɓak nlang mala agir kǝla amuna-dù, à lanzǝ aɓata kún nkenyenì nǝ nza, sǝ à kàrì kat arǝ asangbǝlang ɓari. Koya ɓakusǝu mwashat nǝ gauwa-tsùrú mala sauwa mala nggur mǝnana kàrì kún nkenyenì ka, amuna-dù na kam lum. 25Hiram ɓak ajamnda lum-nong-ɓari, sǝ tsǝk nkenyenì a nzǝmia. Tamsǝ tàrú a nkanggariarǝia, ɓamǝsǝia sǝn njar-nza, tàrú sǝn njar-nzali, tàrú sǝn njar-kúnmur, sǝ tàrú sǝn takuli; myaltea pǝlǝ nǝ ɓalǝu; nkenyenì cam a nzǝmia. 26Nyane mala kún nkenyenì ka amuna-bu ine na. Kúni ka à pè kǝla mala kap sǝ pùr fufe pwasǝo ɓake; lime male kǝ twal galon á-lum-nong-mwashat (11,000) mala mùr.
27Ɗǝm ngga Hiram pàk awaru-ramggite lum nǝ bolo-bángŋá; koya waru-ramggite ka sauwa male na ɓakusǝu tongno-nong-mwashat, tangŋa male na ɓakusǝu tongno-nong-mwashat, sǝ dāh'rya male na ɓakusǝu ine nǝ gauwa-tsùrú. 28Pàk abumban mala awaru-ramggite man nǝ alǝpi, mǝnana à kpapikia, à camggi kàngkàng arǝ anggunia ka. 29Sǝ amur alǝpi mǝnia à camge a nre ka anggunia ka, nyoulǝa-pa mala a'im, andǝ ajamnda, andǝ acerup na kam; a murbân andǝ ɓata anyoulǝa-pa mala a'im, andǝ ajamnda mǝnia arǝ alǝpi ka, mbakigir na kam mala apwasǝo'bondo-mbup mǝnana à gyarkia ka. 30Koya waru-ramggite ka, ndanǝ akusǝu-pǝlǝkya ine nǝ agara-pǝlǝkya malea mala bolo-bángŋá. Amur koya waru-ramggite, sǝ arǝ abankara male ine ka, akusǝ-pira nakam mǝnana à ɓeǎ ace pagbasha a tǝta nkenye ka; à mbàkì rǝ akusǝ-pira man nǝ apwasǝo'bondo-mbup a koya nkanggaria. 31Amur koya waru-ramggite ka, fourong ban na kam, kúní na gbuluk ace tamsǝ nkenye; eapi múr waru-ramggite nǝ ɓakusǝu mwashat-nǝ-gauwa-tsùrú (1 ½); mbúr-kúní na tǝkrǝk sǝ nda ɓiktik; tangŋa mala kúní ka, ɓakusǝu ɓari nǝ gauwa-ɓǝnggǝt (2 ¼) na; mbakigir mala nyoulǝa-pa mala apwasǝo'bondo-mbup nakam arǝì. Alǝpi mala awaru-ramggite ka, à nda kàlkàl; à pà tǝkrǝk ɗàng. 32Akusǝu-pǝlǝkya mǝnia ine ka, à sùlǝî alǝpi a nzali. Agara-pǝlǝkya mala akusǝu-pǝlǝkya ka à kpapia arǝ waru-ramggite. Dāh'rya mala koya kusǝu-pǝlǝkya ka, ɓakusǝu ɓari nǝ gauwa-ɓǝnggǝt (2 ¼) na. 33À pàk akusǝu-pǝlǝkyanì kǝla akusǝu-pǝlǝkya mala waru-pǝr; agara-pǝlǝkya malea, andǝ agaregare malea, andǝ amundi malea, andǝ ankpako-tsuru malea ka, à ɓeǎ nǝ bolo-bángŋá. 34Akusǝ-pira nakam ine arǝ abankara ine mala koya waru-ramggite; akusǝ-piranì ka à ɓeǎ arǝ waru-ramggite. 35A múrbân mala koya waru-ramggite ka, ɓegìr na kam tǝkrǝk, sǝ dāh'rya male ka gauwa-ɓǝkǝt (¾) mala ɓakusǝu mwashat na; anggunì andǝ alǝpi ka à kpapia arǝ waru-ramggite. 36Amur alǝpi mǝnana arǝ abumban andǝ anggunia ka, nyoulǝa-pa mala acerup, andǝ a'im, andǝ anggun-nkangga na kam, komǝye ka a male yì bân; sǝ à gumbǝlia nǝ mbakigir mala apwasǝo'bondo-mbup-mbup. 37Anggo sǝ Hiram pàk awaru-ramggite mǝno lum ngga; peǎ kat a pě mǝ'mwashati; à nda mwashat a gulo malea andǝ pǎ malea.
38Ɗǝm ngga Hiram pàk ankenye lum nǝ bolo-bángŋá; mwashat ace koya waru-ramggite. Tangŋa mala koya nkenye ka ɓakusǝu tongno-nong-mwashat na, sǝ nǝ̀ gandǝ twal mùr galon gbǝman-ɓari nǝ lumi-ɓari. 39Tsǝk awaru-ramggite tongno a bù njar-kúnmur mala ndàmǝgule, sǝ tongno a bù njar-nza; sǝ tamsǝ kaɓa-nkenyenì a bankara mala ndàmǝgule a tsùrú mala njar-kúnmur andǝ takuli.
40Hiram nyare pàk ankwaring-bolo, andǝ ashebǝl, andǝ amuna-nkenye. Nǝ amǝno ka sǝ masǝlǝ túró mǝnana kat Solomon tsǝki wi ɓǝ̀ pè ace ɓala mala Yahweh ka:
41anggun-gbasha ɓari;
agumtǝli bolo-bángŋá ɓari mǝnana pǎ malea na kǝla nkenye a ɓong anggun-gbasha man;
azanzǝa ndāmbú mala nsolo bolo-bángŋá mana à teǎ a nkanggariarǝia ace kùmsǝ múr agumtǝli bolo-bángŋá mǝnana pǎ malea na kǝla nkenye a ɓong anggun-gbasha;
42anlang mala aɓǝla mɓǝring gbǝman-ine ace azanzǝa ndāmbú ɓari; anlang ɓari mala aɓǝla mɓǝring ace koya zanzǝa ndámbú mǝnana à kùmsǝ múr agumtǝli bolo-bángŋá ka, mǝnana pǎ malea na kǝla nkenye a ɓong anggun-gbasha ka;
43awaru-ramggite lum andǝ ankenye malea lum;
44kaɓa-nkenye andǝ ajamnda bolo-bángŋá lum-nong-ɓari aɓate;
45ankwaring-bolo, andǝ ashebǝl, andǝ amuna-nkenye.
Atanggǝla mǝnia kat aɓa ɓala mala Yahweh mǝnana Hiram peǎ ace Murǝm Solomon ngga, peǎ nǝ bolo-bángŋá mǝnana à kolǝ rǝi sǝ kǝ tâ'nzama ka. 46Murǝm tsǝk amǝ'túró à peǎ ani: bolo-bángŋá mǝnana panzǝ a bǝsa ka, à solǝi aɓalǝ ankpoulo agirnì mǝnana à ɓeǎ nǝ dǝɓang ngga. À pàk túrè a Ɓangŋaban mala Nggeasala Jodan, a nre ka anggea-là Sukkot andǝ Zaretan.
47Solomon nying atanggǝla mǝnia ka anggo, karǝki dǝmbǝrya malea ɗàng, acemǝnana à làkkì pas. À súrǝ̀ dǝmbǝrya mala bolo-bángŋá mǝnana à pàngŋǝ̀nà-túró nǝi ka ɗàng. 48Ɗǝm ngga Solomon banggi amǝ'túró ɓǝà pàk amǝnia yì agir mala ɓá ɓala mala Yahweh ka nǝ bolo-njengǝlan:
gyangŋan bolo-njengǝlan;
kpamgbang bolo-njengǝlan mǝnana à kǝ tsǝk Bǝredi mala Ɓadǝm Yahweh amurì ka;
49agir-tàmsǝ apitǝla mala bolo-njengǝlan mǝɓoarne (tongno a bù-mǝlì sǝ tongno a bu-mǝnggare a ɓadǝm Ban Nggea Mǝfele);
andǝ mbakigir mala apwasǝo-bondo, andǝ apitǝla, andǝ a-mǝmyál, mǝnana à peǎ nǝ bolo-njengǝlan ngga;
50amuna-bàng, amǝmyal, amuna-nkenye, andǝ acembe, andǝ atasau-bǝsa, mǝnana à peǎ nǝ bolo-njengǝlan ngga;
ankpako ace gyar alǝpikúnkurǝm mala kurǝm mǝ'ɓaɓalǝuî, yì Ban Nggea Mǝfele, andǝ mala alǝpikúnkurǝm mala kaɓa-jamloro mala ɓalae.
51Lang Murǝm Solomon malna pàk túró mǝnana pè ace ɓala mala Yahweh ka, pǝlǝa yinǝ agir mǝnana tárrí Dauda tària ace Ɓakuli ka: bolo-azǝrfa, bolo-njengǝlan andǝ atanggǝla, sǝ tsǝia aɓalǝ andà-tsǝk agir-ɓoarna mala ɓala mala Yahweh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company