Marcos 15
15
Mbeꞌ xaꞌ Jesús lo Pilat
(Mt. 27:1-2,11-14; Lc. 23:1-5; Jn. 18:28-38)
1Tedib wiz til' toz, sen' ngolo mdodi's reta xaꞌ nyebeꞌ lo re men Israel, re xa' nak ngwleyꞌ nyebe', re xaꞌ nak sinꞌ lo men Israel nde re maestr ndlo' ley xkiꞌs Dios, nago Jesus mbe' xa' Xaꞌ, nde mda'ya' xa' Jesus lo Pilat. 2Leꞌ Pilat mnabdiꞌs lo Jesús, nchab xaꞌ:
—¿Cho lu nak Rey lo re men Israel?
Jesús mkab nde nchab Xaꞌ:
—Lu ney.
3Leꞌ re xa' nak ngwleyꞌ nyebe' jwanꞌ toz mkeꞌ xaꞌ yalke yek Jesús. 4Bere mnabdiꞌs Pilat lo Jesús tedi gob, nchab xaꞌ:
—¿Cho ngen kwan kab la? ¡Bwiꞌ, plopa yalke nkeꞌ men yek la!
5Leꞌ Jesús nekla lo jwan' na naꞌnkabta Xaꞌ; zyasa nzoyen toz Pilat.
Mna'b re men gaj Jesús
(Mt. 27:15-31; Lc. 23:13-25; Jn. 18:38—19:16)
6Le' naya, senꞌ nchal ni chanꞌ Pask ndla' xa' ti xaꞌ nke liz yi'b, choja xaꞌ jwan' nchola's xa' ryoꞌte. 7Nde ngo ti xaꞌ ndole Barrabás, nke xa' liz yi'b kon tipla ta xaꞌ jwan' mbij xa' men lo byo. 8Nde lo mzin reta men, mdobte mna'b xaꞌ lo Pilat jwan' xa ndliga xa' re len' lin'. 9Leꞌ Pilat mkab, nchab Pilat lo reta xa':
—¿Cho ncholaꞌs goꞌ lan Xaꞌ ta nak Rey lo re men Israel?
10Tak mne Pilat ke re xa' nak ngwleyꞌ nyebe' ben' por ngiꞌno xaꞌ Jesús sa mdayaꞌ xaꞌ Jesús. 11Leꞌ re xa' nak ngwleyꞌ nyebe' mblo xaꞌ yek reta men sa mna'b xaꞌ mas jwin ryo'te Barrabás. 12Bere mkab Pilat nchab xa' lo reta men:
—¿Cho kwan ncholaꞌs goꞌ li non Xaꞌ ta mbez goꞌ nak Rey lo re men Israel?
13Nde reta men ne mbrez xa', nchab xa':
—¡Bkeꞌ Xaꞌ lo kruz!
14Leꞌ Pilat nchab lo xaꞌ:
—¿Cho yalke mbli Xa'?
Per masra' ne mbrez reta men, nchab xa':
—¡Bkeꞌ Xaꞌ lo kruz!
15Nde Pilat ndyen xa' li xa' jwan' nya'b reta men, mbloꞌte xa' Barrabás, nde mdaya' xa' Jesus, sen' mne mdin xa' Jesus, ke' xaꞌ Jesús lo kruz.
16Zyasa re soldad mbeꞌ xaꞌ Jesús len' yo, lo le chanꞌ yolow, nde mbrez xaꞌ reta soldad. 17Nde mxo'b xaꞌ ti lar konch nane xis Jesus,#15:17 Lar reꞌ nxyob xis xaꞌ nak rey. nde mdob xaꞌ ti koron naksa' yis yek Jesús, 18mdobte mni xaꞌ dyux lo Jesús, nchab xa':
—¡Naro nak Rey lo re men Israel!
19Nde mkeꞌ xaꞌy yek Jesus kon tible ya, nde mzuk xaꞌ lo Jesús, nde mdoxub xaꞌ lo Jesus xaga ti lo rey. 20Senꞌ mne mbloꞌs xaꞌ Jesús, mkib xaꞌ xab rey xis Jesús nde mxo'b xaꞌ le'ga xab Jesús xis Jesús, nde mbroꞌteno xaꞌ Jesús sa keꞌ xaꞌ Jesús lo kruz.
Mke Jesus lo kruz nde nguj Xa'
(Mt. 27:32-44; Lc. 23:26-43; Jn. 19:17-27)
21Nde mna'b xa ti lo mbiꞌ jwan' ndarid tya, Simon xa' yez Ciren, xud Lejantr nde xud Ruf, mbro' xa' lo sin' wan, nde mnabeꞌ xaꞌ lo Simón sa we xaꞌ kruz Jesús. 22Nde mbe' xaꞌ Jesús ti tenꞌ ndole Gólgota. (Diꞌs reꞌ nak: Cho yek men.)#15:22 Gólgota ndole tib kox ke, nde xanya yek men tamod naksaꞌ ke, jwanꞌ nasa mblole xaꞌ tya “Sij yek men”. 23Nde mdaꞌ xaꞌ nit ub nos mirra#15:23 Nit ub nos kon mirra, nit ya nchuꞌ xaꞌ par yib nchow xaꞌ. gu Jesús, per na'ngud Xaꞌy. 24Senꞌ ngolo mkeꞌ xa' Jesús lo kruz, ndolo mdij xaꞌ sa nyenꞌ xanya xab Jesús dinꞌ tiba xaꞌ.#15:24 Salmos 22:18.
25Senꞌ ndyekela wiz mkeꞌ xaꞌ Jesús lo kruz. 26Nde yalke jwan' mke' xa' yek Jesus, nchaba: “REY LO RE MEN JUDIO.” 27Nde noga chop xaꞌ wanꞌ mke' xa' cho Jesus, tib xaꞌ mke lad ban nde tedib xaꞌ mke lad beg. 28Nde ngok jwanꞌ nchab lo xkiꞌs Dios: “Thipta mblo' men kwent Xa' kon re men nzo'b xkenꞌ.”#15:28 Tib ned versión nangenta versículo 28 per diꞌs reꞌ mbroꞌ lo libr chanꞌ Isaías 53:12.
29Nde re men ndarid tya mbloꞌs xaꞌ Jesús, nkwin xaꞌ yek xaꞌ, nchab xaꞌ lo Jesús:
—Maga lu mbez, sil la yodoꞌ chanꞌ Dios nde lenꞌ son wiz tokub lay, 30ptolaꞌ lega lu, nde bla lo kruz.
31Nde noga re xa' nak ngwleyꞌ nyebe' nde re xaꞌ nak maestr ndlo' ley xkiꞌs Dios, taga' mbloꞌs xaꞌ Jesús, nchab xaꞌ lo ta xaꞌ:
—Xaga xaꞌla re men mtola' Xa' nde le'ga Xa' naꞌakta tolaꞌ Xaꞌ lazo' Xaꞌ.
32Crist, Rey lo men Israel, bla lo kruz naya, sa wiꞌ ná' nde li lazoꞌ ná' lu. Nde noga xaꞌ jwanꞌ nke lo kruz cho Jesús, mbloꞌs xaꞌ Jesús.
Nguj Jesús
(Mt. 27:45-56; Lc. 23:44-49; Jn. 19:28-30)
33Senꞌ rolja wiz, mblato yalꞌkow dib nax izyo axta bzye. 34Nde bzye ya mbrez yaj Jesús nchab Xaꞌ:
—Eloi, Eloi, ¿lama sabaktani? (Diꞌs ya nak: Dios na, Dios na, ¿Cho kwan liy mblaꞌ ya'a na?)#15:34 Salmos 22:11.
35Nde pla xaꞌ nzi tya, lo mbin xaꞌ ta mbrez Jesus, nchab xaꞌ:
—Bwiꞌ goꞌ, ngebez Xaꞌ Elias.#15:35 Jesús mni Xaꞌ xkiꞌs Xaꞌ Hebreo nchab Xaꞌ “Eloi”, diꞌs reꞌ nak “Xud na Dios”, nde re men nzi tya xaꞌla mbyen xaꞌy, leꞌ xaꞌ mbyena leꞌ Jesús ngebez Elías xaꞌ mbrid xkiꞌs Dios pola.
36Nde mke' ti xaꞌ karel, mbwaz xa' ti xilꞌ lo nit ub mbyál nde mtob xaꞌy ti lo ya, mda' xaꞌy ngu' Jesús, nchab xaꞌ:
—Naa sa win' nyenꞌ cho tye'd la Elías Xaꞌ lo kruz.
37Le' Jesus, mbrez yaj Xa', nguj Xaꞌ. 38Zyasa lar nge tenꞌ Nayon lenꞌ yodoꞌ, chop mble ngoka, xata gap nde axta la. 39Leꞌ xaꞌ nyebeꞌ lo tib ayoꞌ sondad ta ndo xa' gax lo Jesus, ndowiꞌ xa' senꞌ mbrez Jesús nde nguj Jesus, nchab xaꞌ:
—Lipa liga mbi' reꞌ nak Xinꞌ Dios.
40Noga tij nzi pla ngol nzi wi' tya; xija nzo Marí Magdalen,#15:40 María Magdalen, ta ndole xaꞌ tak leꞌ xaꞌ nak men yez Magdala. Marí reꞌ nchaj lo versículo 15:47, 16:1,8,9. nde Marí xnaꞌ Jakob or yenꞌ, wes José nde Salome. 41Re ngol reꞌ mketenke xis Jesús, nde mbli ngol sinꞌ lo Xaꞌ sen' ngwa xa' Galilea; nde tipla ngol mketenke xis Jesus senꞌ ngwa Xaꞌ Jerusalén.
Mbwaꞌs Jesús
(Mt. 27:57-61; Lc. 23:50-56; Jn. 19:38-42)
42Sen' ndela yal', tak wiz yaja nak par toxkwaꞌ xaꞌ re chan' xaꞌ, tedib wiz nakla wiz ndryoxkwen men. 43Jose xaꞌ yez Arimatea nak xa' ti xa' nakaya' sinꞌ ro lo yolow, no xa' ngembed ye'd Yalnyebeꞌ chanꞌ Dios, jwan' nasa na'nzyebta xa' mbike xa' lo Pilat, nde mna'b xa' thobol Jesús lo kruz. 44Leꞌ Pilat nzoyen toz senꞌ mbin xaꞌ ngujla Jesús; nde mbrez Pilat xaꞌ nyebeꞌ lo sondad, sa mnabdiꞌs Pilat lo xaꞌ nyen' cho nguj la Jesús?
45Sen' lo mdej xa' nyebe' lo sondad ke nguj la Jesus, zyasa mdaꞌya Pilat thobol lo José, 46le' Jose mxi' xa' lar nakis lar lan, nde mbla xaꞌ thabol lo kruz, mchal lar xaꞌ Xaꞌ nde mkaꞌs xaꞌ Jesus lenꞌ ti baꞌ nadenꞌ lenꞌ ke nde mdub xa' ti ke ro mtowꞌ xaꞌ ro baꞌ. 47Leꞌ Marí Magdalen nde Marí xnaꞌ José mbwiꞌ xaꞌ plo mkaꞌs xaꞌ Jesús.
Currently Selected:
Marcos 15: zpt
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
Marcos 15
15
Mbeꞌ xaꞌ Jesús lo Pilat
(Mt. 27:1-2,11-14; Lc. 23:1-5; Jn. 18:28-38)
1Tedib wiz til' toz, sen' ngolo mdodi's reta xaꞌ nyebeꞌ lo re men Israel, re xa' nak ngwleyꞌ nyebe', re xaꞌ nak sinꞌ lo men Israel nde re maestr ndlo' ley xkiꞌs Dios, nago Jesus mbe' xa' Xaꞌ, nde mda'ya' xa' Jesus lo Pilat. 2Leꞌ Pilat mnabdiꞌs lo Jesús, nchab xaꞌ:
—¿Cho lu nak Rey lo re men Israel?
Jesús mkab nde nchab Xaꞌ:
—Lu ney.
3Leꞌ re xa' nak ngwleyꞌ nyebe' jwanꞌ toz mkeꞌ xaꞌ yalke yek Jesús. 4Bere mnabdiꞌs Pilat lo Jesús tedi gob, nchab xaꞌ:
—¿Cho ngen kwan kab la? ¡Bwiꞌ, plopa yalke nkeꞌ men yek la!
5Leꞌ Jesús nekla lo jwan' na naꞌnkabta Xaꞌ; zyasa nzoyen toz Pilat.
Mna'b re men gaj Jesús
(Mt. 27:15-31; Lc. 23:13-25; Jn. 18:38—19:16)
6Le' naya, senꞌ nchal ni chanꞌ Pask ndla' xa' ti xaꞌ nke liz yi'b, choja xaꞌ jwan' nchola's xa' ryoꞌte. 7Nde ngo ti xaꞌ ndole Barrabás, nke xa' liz yi'b kon tipla ta xaꞌ jwan' mbij xa' men lo byo. 8Nde lo mzin reta men, mdobte mna'b xaꞌ lo Pilat jwan' xa ndliga xa' re len' lin'. 9Leꞌ Pilat mkab, nchab Pilat lo reta xa':
—¿Cho ncholaꞌs goꞌ lan Xaꞌ ta nak Rey lo re men Israel?
10Tak mne Pilat ke re xa' nak ngwleyꞌ nyebe' ben' por ngiꞌno xaꞌ Jesús sa mdayaꞌ xaꞌ Jesús. 11Leꞌ re xa' nak ngwleyꞌ nyebe' mblo xaꞌ yek reta men sa mna'b xaꞌ mas jwin ryo'te Barrabás. 12Bere mkab Pilat nchab xa' lo reta men:
—¿Cho kwan ncholaꞌs goꞌ li non Xaꞌ ta mbez goꞌ nak Rey lo re men Israel?
13Nde reta men ne mbrez xa', nchab xa':
—¡Bkeꞌ Xaꞌ lo kruz!
14Leꞌ Pilat nchab lo xaꞌ:
—¿Cho yalke mbli Xa'?
Per masra' ne mbrez reta men, nchab xa':
—¡Bkeꞌ Xaꞌ lo kruz!
15Nde Pilat ndyen xa' li xa' jwan' nya'b reta men, mbloꞌte xa' Barrabás, nde mdaya' xa' Jesus, sen' mne mdin xa' Jesus, ke' xaꞌ Jesús lo kruz.
16Zyasa re soldad mbeꞌ xaꞌ Jesús len' yo, lo le chanꞌ yolow, nde mbrez xaꞌ reta soldad. 17Nde mxo'b xaꞌ ti lar konch nane xis Jesus,#15:17 Lar reꞌ nxyob xis xaꞌ nak rey. nde mdob xaꞌ ti koron naksa' yis yek Jesús, 18mdobte mni xaꞌ dyux lo Jesús, nchab xa':
—¡Naro nak Rey lo re men Israel!
19Nde mkeꞌ xaꞌy yek Jesus kon tible ya, nde mzuk xaꞌ lo Jesús, nde mdoxub xaꞌ lo Jesus xaga ti lo rey. 20Senꞌ mne mbloꞌs xaꞌ Jesús, mkib xaꞌ xab rey xis Jesús nde mxo'b xaꞌ le'ga xab Jesús xis Jesús, nde mbroꞌteno xaꞌ Jesús sa keꞌ xaꞌ Jesús lo kruz.
Mke Jesus lo kruz nde nguj Xa'
(Mt. 27:32-44; Lc. 23:26-43; Jn. 19:17-27)
21Nde mna'b xa ti lo mbiꞌ jwan' ndarid tya, Simon xa' yez Ciren, xud Lejantr nde xud Ruf, mbro' xa' lo sin' wan, nde mnabeꞌ xaꞌ lo Simón sa we xaꞌ kruz Jesús. 22Nde mbe' xaꞌ Jesús ti tenꞌ ndole Gólgota. (Diꞌs reꞌ nak: Cho yek men.)#15:22 Gólgota ndole tib kox ke, nde xanya yek men tamod naksaꞌ ke, jwanꞌ nasa mblole xaꞌ tya “Sij yek men”. 23Nde mdaꞌ xaꞌ nit ub nos mirra#15:23 Nit ub nos kon mirra, nit ya nchuꞌ xaꞌ par yib nchow xaꞌ. gu Jesús, per na'ngud Xaꞌy. 24Senꞌ ngolo mkeꞌ xa' Jesús lo kruz, ndolo mdij xaꞌ sa nyenꞌ xanya xab Jesús dinꞌ tiba xaꞌ.#15:24 Salmos 22:18.
25Senꞌ ndyekela wiz mkeꞌ xaꞌ Jesús lo kruz. 26Nde yalke jwan' mke' xa' yek Jesus, nchaba: “REY LO RE MEN JUDIO.” 27Nde noga chop xaꞌ wanꞌ mke' xa' cho Jesus, tib xaꞌ mke lad ban nde tedib xaꞌ mke lad beg. 28Nde ngok jwanꞌ nchab lo xkiꞌs Dios: “Thipta mblo' men kwent Xa' kon re men nzo'b xkenꞌ.”#15:28 Tib ned versión nangenta versículo 28 per diꞌs reꞌ mbroꞌ lo libr chanꞌ Isaías 53:12.
29Nde re men ndarid tya mbloꞌs xaꞌ Jesús, nkwin xaꞌ yek xaꞌ, nchab xaꞌ lo Jesús:
—Maga lu mbez, sil la yodoꞌ chanꞌ Dios nde lenꞌ son wiz tokub lay, 30ptolaꞌ lega lu, nde bla lo kruz.
31Nde noga re xa' nak ngwleyꞌ nyebe' nde re xaꞌ nak maestr ndlo' ley xkiꞌs Dios, taga' mbloꞌs xaꞌ Jesús, nchab xaꞌ lo ta xaꞌ:
—Xaga xaꞌla re men mtola' Xa' nde le'ga Xa' naꞌakta tolaꞌ Xaꞌ lazo' Xaꞌ.
32Crist, Rey lo men Israel, bla lo kruz naya, sa wiꞌ ná' nde li lazoꞌ ná' lu. Nde noga xaꞌ jwanꞌ nke lo kruz cho Jesús, mbloꞌs xaꞌ Jesús.
Nguj Jesús
(Mt. 27:45-56; Lc. 23:44-49; Jn. 19:28-30)
33Senꞌ rolja wiz, mblato yalꞌkow dib nax izyo axta bzye. 34Nde bzye ya mbrez yaj Jesús nchab Xaꞌ:
—Eloi, Eloi, ¿lama sabaktani? (Diꞌs ya nak: Dios na, Dios na, ¿Cho kwan liy mblaꞌ ya'a na?)#15:34 Salmos 22:11.
35Nde pla xaꞌ nzi tya, lo mbin xaꞌ ta mbrez Jesus, nchab xaꞌ:
—Bwiꞌ goꞌ, ngebez Xaꞌ Elias.#15:35 Jesús mni Xaꞌ xkiꞌs Xaꞌ Hebreo nchab Xaꞌ “Eloi”, diꞌs reꞌ nak “Xud na Dios”, nde re men nzi tya xaꞌla mbyen xaꞌy, leꞌ xaꞌ mbyena leꞌ Jesús ngebez Elías xaꞌ mbrid xkiꞌs Dios pola.
36Nde mke' ti xaꞌ karel, mbwaz xa' ti xilꞌ lo nit ub mbyál nde mtob xaꞌy ti lo ya, mda' xaꞌy ngu' Jesús, nchab xaꞌ:
—Naa sa win' nyenꞌ cho tye'd la Elías Xaꞌ lo kruz.
37Le' Jesus, mbrez yaj Xa', nguj Xaꞌ. 38Zyasa lar nge tenꞌ Nayon lenꞌ yodoꞌ, chop mble ngoka, xata gap nde axta la. 39Leꞌ xaꞌ nyebeꞌ lo tib ayoꞌ sondad ta ndo xa' gax lo Jesus, ndowiꞌ xa' senꞌ mbrez Jesús nde nguj Jesus, nchab xaꞌ:
—Lipa liga mbi' reꞌ nak Xinꞌ Dios.
40Noga tij nzi pla ngol nzi wi' tya; xija nzo Marí Magdalen,#15:40 María Magdalen, ta ndole xaꞌ tak leꞌ xaꞌ nak men yez Magdala. Marí reꞌ nchaj lo versículo 15:47, 16:1,8,9. nde Marí xnaꞌ Jakob or yenꞌ, wes José nde Salome. 41Re ngol reꞌ mketenke xis Jesús, nde mbli ngol sinꞌ lo Xaꞌ sen' ngwa xa' Galilea; nde tipla ngol mketenke xis Jesus senꞌ ngwa Xaꞌ Jerusalén.
Mbwaꞌs Jesús
(Mt. 27:57-61; Lc. 23:50-56; Jn. 19:38-42)
42Sen' ndela yal', tak wiz yaja nak par toxkwaꞌ xaꞌ re chan' xaꞌ, tedib wiz nakla wiz ndryoxkwen men. 43Jose xaꞌ yez Arimatea nak xa' ti xa' nakaya' sinꞌ ro lo yolow, no xa' ngembed ye'd Yalnyebeꞌ chanꞌ Dios, jwan' nasa na'nzyebta xa' mbike xa' lo Pilat, nde mna'b xa' thobol Jesús lo kruz. 44Leꞌ Pilat nzoyen toz senꞌ mbin xaꞌ ngujla Jesús; nde mbrez Pilat xaꞌ nyebeꞌ lo sondad, sa mnabdiꞌs Pilat lo xaꞌ nyen' cho nguj la Jesús?
45Sen' lo mdej xa' nyebe' lo sondad ke nguj la Jesus, zyasa mdaꞌya Pilat thobol lo José, 46le' Jose mxi' xa' lar nakis lar lan, nde mbla xaꞌ thabol lo kruz, mchal lar xaꞌ Xaꞌ nde mkaꞌs xaꞌ Jesus lenꞌ ti baꞌ nadenꞌ lenꞌ ke nde mdub xa' ti ke ro mtowꞌ xaꞌ ro baꞌ. 47Leꞌ Marí Magdalen nde Marí xnaꞌ José mbwiꞌ xaꞌ plo mkaꞌs xaꞌ Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.