Mateo 12
12
Re xin'te'd Jesús mtop trig wiz ndryoxkwen men
(Mr. 2:23-28; Lc. 6:1-5)
1Tyemp ya, Jesús ndarid ndab xij tenꞌ nzobin trig, kon re xin'te'd Xaꞌ, lenꞌ wiz ndryoxkwen men. Zyasa re xin'te'd Jesús mziꞌb ndlyanꞌ xaꞌ nde mdobte xaꞌ mthop xaꞌ trig mda xaꞌ. 2Senꞌ lo mbwiꞌ re xaꞌ fariseo jwanꞌ na, nchab xaꞌ lo Jesús:
—Wiꞌ nea, re xin'te'd la ngeli jwanꞌ nandablod xaꞌ li xaꞌ wiz jwanꞌ ndryoxkwen men. 3Per Jesús mkab:
—¿Cho teraꞌ lab goꞌ jwanꞌ mbli David, senꞌ lo ndyanꞌ xaꞌ kon re men nda no xaꞌ? 4Ngote xaꞌ lenꞌ liz Dios nde mda xaꞌ re pan nayon jwanꞌ nandabloda wa xaꞌ, nek xaꞌ nde nek re men jwanꞌ ndano xaꞌ, benꞌta re xaꞌ nak nglweyꞌ ndablo way. 5¿O teraꞌ lab goꞌ ley chanꞌ Moisés, ke re xaꞌ nak nglweyꞌ ndli xaꞌ sinꞌ lo yodoꞌ wiz ndryoxkwen men nde nanakte yalke? 6Nde naya nin lo goꞌ ncheꞌya ndo thi Xaꞌ mas ndak ke yodoꞌ. 7Nde tez ngaka yen goꞌ kwan liy ta nchab xkiꞌs Dios: “Yalndlat lazoꞌ ncholas na li goꞌ, nancholasta na kuj goꞌ maꞌ taꞌ goꞌ lon”, nde tez yen goꞌy pa keꞌ goꞌ yalke xis men jwanꞌ ngen cho yalke nchap. 8Tak Xinꞌ Mbiꞌ, nak xwanꞌ wiz ta ndryoxkwen mena.
Thi mbiꞌ mbis yanꞌ
(Mr. 3:1-6; Lc. 6:6-11)
9Zyasa mbroꞌ Jesús nda Xaꞌ nde ngote Xaꞌ lenꞌ yo tenꞌ ndyop xaꞌ Israel. 10Nde tya ndo thi mbiꞌ mbis thi yaꞌ xaꞌ, zyasa re xaꞌ fariseo nkwanꞌ xaꞌ xa keꞌ xaꞌ yalke yek Jesús, jwanꞌ na mnab diꞌs xaꞌ lo Jesús, nchab xaꞌ:
—¿Cho tayal todanꞌ men ti xaꞌ yis lenꞌ wiz ta ndryoxkwen men?
11Leꞌ Jesús mkab:
—Tez xanya thi goꞌ ba, ngeno thi mbakxilꞌ nde gab maꞌ lenꞌ thi yeꞌr lenꞌ wis jwanꞌ ndryoxkwen men, ¿cho naꞌkoted goꞌ maꞌ? 12¡Choleta ti men plopa mas ntak ti men lo thi mbakxilꞌ! Jwanꞌ nasa, toyal li men jwanꞌ wen lenꞌ wis ndryoxkwen men.
13Zyasa nchab Jesús lo mbiꞌ ta mbis yanꞌ ya:
—Ptagaꞌ yaꞌa. Nde senꞌ mtagaꞌ xaꞌ yaꞌ xaꞌ, mdyanꞌ yaꞌ xaꞌ, mbyanꞌna xaja nak tadiba. 14Nde senꞌ mbrote re xaꞌ fariseo tya, mdobte xaꞌ mdodiꞌs xaꞌ xamod kuj xaꞌ Jesús.
Jesús Xaꞌ mtelꞌ Dios
15Senꞌ mne Jesús jwanꞌ na, mxen Xaꞌ ned nda Xaꞌ tedib lad, nde men toz mdonke xis Xaꞌ. Nde ntodanꞌ Xaꞌ reta men yis, 16nde mnabeꞌ Jesús lo re men sa naꞌtejta xaꞌ cho nak Jesús. 17Tamod sa ngok jwanꞌ mdej profet Isaías, senꞌ nchab xaꞌ:
18Wiꞌ goꞌ nea xaꞌ reꞌ mblín sa li xaꞌ sinꞌ lon,
xaꞌ reꞌ nkeꞌ toz lazonꞌ, nde xaꞌ ngo nale lazoꞌn.
Nde tan Mbi Nayon chanꞌ na tyono xaꞌ,
nde xaꞌ tej yalnyebeꞌ chanꞌ na lo reta yez nzi xis izyo.
19Naꞌyod xaꞌ men, nde naꞌkwesned Xaꞌ,
neꞌka kwes Xaꞌ re ned.
20Naꞌnge kwan lino xaꞌ re men jwanꞌ nak xaja nak yi jwanꞌ mer gas,
nde taga nge kwan lino xaꞌ men jwanꞌ nak xaja mech jwanꞌ benꞌta sen ndob,
axta kebeꞌ yanꞌ jwanꞌ galꞌ lo izyo.
21Nde reta men xis izyo kembed men Xaꞌ.
Nixin men xis Mbi Nayon
(Mr. 3:20-30; Lc. 11:14-23)
22Zyasa ngwano xaꞌ lo Jesús, thi xaꞌ biꞌ nkow lon' nde ngup, nzo mbi narax lenꞌ lazoꞌn. Nde Jesús mtodanꞌ mbiꞌ ya, mbwiꞌ mbiꞌ nde mni mbiꞌ. 23Zyasa reta men nzoyen toz xaꞌ, nde nchab xaꞌ:
—¿Cho Xaꞌ reꞌ nak Xaꞌ nde lo bin David?
24Lo senꞌ re xaꞌ fariseo senꞌ lo mbin xaꞌ jwanꞌ na nchab xaꞌ:
—Mbiꞌ reꞌ ngote mbi narax, tak Beelzebú xaꞌ nyebeꞌ lo reta mbi narax, mdaꞌ yalne lo xaꞌ.
25Leꞌ Jesús mnela cho xgab ndli re xaꞌ ya, nchab Jesús lo xaꞌ:
—Reta xaꞌ nyebeꞌ jwanꞌ ngeno byo tenꞌ nyebeꞌ xaꞌ, leꞌga leꞌ xaꞌ nchak rol xaꞌ, nde ti yez o ti lis men jwanꞌ leꞌga leꞌ xaꞌ ngyo xaꞌ nchak rol xaꞌ. 26Nde tez Maxuꞌ leꞌga leꞌ Maxuꞌ ngote xaꞌ xaꞌ, leꞌ ngeli rol xaꞌ yalnyebeꞌ chanꞌ xaꞌ, ¿Xomod kwebe yalnyebeꞌ chanꞌ xaꞌ sa? 27Tez na ngoten re mbi narax kon yalne ndaꞌ Beelzebú, ¿Cho ndaꞌ yalnyebeꞌ lo re men goꞌ sa ngote xaꞌ mbi narax? Jwanꞌ nasa leꞌga leꞌ men goꞌ loꞌ lo goꞌ ke ngan goꞌ. 28Per na kon Mbi Nayon chanꞌ Dios ngoten re mbi narax, jwanꞌ reꞌ ndloꞌ liga leꞌ yalnyebeꞌ chanꞌ Dios ndo la lo goꞌ.
29Tak ¿Xamod li men gan yote men lis thi xaꞌ mas ne nde we wanꞌ men re chanꞌ xaꞌ, tez ner naꞌtobod men xaꞌ? Zyara teyal we men re chanꞌ xaꞌ.
30Xaꞌ jwanꞌ nandod kon na, xaꞌ ya narax nye na, nde xaꞌ jwanꞌ naꞌnthopta jwanꞌ kon na, xaꞌ ya nchaꞌs jwanꞌ.
31Jwanꞌ nasa nin lo goꞌ, reta yalke nde reta yalnixin toyal dyonꞌ na lo re mbiꞌ, per re xaꞌ nixin xis Mbi Nayon naꞌdyonꞌta xken xaꞌ. 32Nde choja men nixin xis Xinꞌ Mbiꞌ, tayal ndyonꞌ xken xaꞌ, per xaꞌ jwanꞌ nixin xis Mbi Nayon nadyonꞌta xken xaꞌ nek lo izyo reꞌ nde neka lo izyo nara yeꞌd. 33Goꞌ mne xa nak ti ya ba, ya wen ndaꞌy ngud wen, nde ya bsin nandade ngud wen. Tak re ya ncholo mena por ngud nke lo ney. 34¡Go' ba nya lo bin mzib ba nak goꞌ! ¿Xamod ryoꞌ diꞌs wen ro goꞌ, tak men xkap goꞌ? Tak re jwanꞌ nzo lenꞌ lazoꞌ men jwanꞌ na ndryoꞌ ro men. 35Xaꞌ wen, diꞌs wen ndodiꞌs xaꞌ tak jwanꞌ na nzo lazoꞌ xaꞌ, nde xaꞌ xkap diꞌs xkap ndodiꞌs xaꞌ tak jwanꞌ na nzo lazoꞌ xaꞌ. 36Leꞌ na nin lo goꞌ reta diꞌs jwanꞌ andoja ndye ndryoꞌ ro re men, reta diꞌs ya nyab Dios kwen lo men senꞌ sin wiz jwanꞌ tayaꞌ re men kwent lo Dios. 37Tak leꞌga leꞌ re diꞌs mnia koxoba nenꞌ cho nambi ndoa o nzo'b xken la.
Re xaꞌ xkap ncholas xaꞌ wiꞌ xaꞌ thi yalnaro
(Lc. 11:29-32)
38Zyasa nchab pla maestr nchak ley nde pla xaꞌ fariseo lo Jesús, nchab xaꞌ:
—Maestr, ncholas náꞌ wiꞌ náꞌ lia thi yalnaro.
39Leꞌ Jesús mkab:
—Re goꞌ men xkap nde men nkwinꞌ, nyab goꞌ wiꞌ goꞌ thi yalnaro, per naloꞌd nay lo goꞌ, benꞌta xa ngote profet Jonás wi goꞌ. 40Tak xa ngo Jonás lenꞌ mbel ro son wiz nde son yalꞌ, taga yo Xinꞌ Mbiꞌ lenꞌ izyo son wiz nde son yalꞌ. 41Nde wiz senꞌ koꞌxban Dios re men sa nyaꞌb Dios kwent, wiz ya re men yez Nínive gab liga nchap re xaꞌ nzi naya yalke, tak xaꞌ Nínive mblaꞌ xaꞌ re jwanꞌ narax mbli xaꞌ lo senꞌ mni Jonás lo xaꞌ. Nde naya ncheꞌ ndo thi Xaꞌ mas ndak ke Jonás. 42Nde noga ngol ta ngok rey lo yez Saba, ryo'to wiz senꞌ nyab Dios kwent lo re men, nde gab ngol nchap re xaꞌ tyemp reꞌ yalke, tak ngol ya mbroꞌ axta plo mdib ro izyo, mbyed yon xaꞌ yalnchak chanꞌ Salomón, nde naya ncheꞌ ndo thi xaꞌ mas ndak lo Salomón.
Mbi narax mbere
(Lc. 11:24-26)
43Senꞌ ndryote thi mbi narax lenꞌ lazoꞌ thi men, nketey re izyo biz ngete kwanꞌ na plo ryoxkwen na, per lo nazyaltay plo ryoxkwen na, zyasa ndliy xgab: 44“Beren tenꞌ mbroꞌteꞌn.” Lo senꞌ mbere mbi narax tenꞌ mbroꞌy nchosiba men ya, xaja thi yo mblyoba nde nzi re jwanꞌ nawe nyay nde ngen cho nzoy. 45Zyasa mbi narax ya nda thop thi gas mbi narax mas nakap nak ke lo mbi narax ya, nde ndyenta reta mbi narax nde ndlyay lenꞌ lazoꞌ men ya nde nchanꞌna nchoy tya, zyasa mas ndryo jwanꞌ ndyak men ya ke lo jwanꞌ mxak ner xaꞌ. Taga yate re xaꞌ xkap nzo nal tyemp reꞌ.
Xnaꞌ Jesús nde kon re wes Xaꞌ
(Mr. 3:31-35; Lc. 8:19-21)
46Laja benꞌ ndo ni Jesús lo re men, mzin xnaꞌ Jesús nde kon re wes Xaꞌ nzi mbed re xaꞌ le, tak ncholas xaꞌ todiꞌsno xaꞌ Jesús 47Nde ngwa thi xaꞌ ngwayab lo Jesús:
—Leꞌ xnaꞌa nde kon re wes la nzi le ba, ncholas xaꞌ todiꞌsno xaꞌ lu. 48Per leꞌ Jesús mkab lo xaꞌ ta ngwayaba lo Jesús:
—¿Cho nak xnaꞌn, nde cho nak re wes na? 49Zyasa mbloꞌ yaꞌ Jesús re xin'te'd xaꞌ nde nchab xaꞌ:
—Re xaꞌ reꞌ nak xnaꞌn, nak re wes na nde re btan na. 50Tak reta xaꞌ ndli jwanꞌ ncholas Xud na jwanꞌ ndob lo beꞌ, xaꞌ ya nak wes na, btanꞌ na nde xnaꞌn.
Currently Selected:
Mateo 12: zpt
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
Mateo 12
12
Re xin'te'd Jesús mtop trig wiz ndryoxkwen men
(Mr. 2:23-28; Lc. 6:1-5)
1Tyemp ya, Jesús ndarid ndab xij tenꞌ nzobin trig, kon re xin'te'd Xaꞌ, lenꞌ wiz ndryoxkwen men. Zyasa re xin'te'd Jesús mziꞌb ndlyanꞌ xaꞌ nde mdobte xaꞌ mthop xaꞌ trig mda xaꞌ. 2Senꞌ lo mbwiꞌ re xaꞌ fariseo jwanꞌ na, nchab xaꞌ lo Jesús:
—Wiꞌ nea, re xin'te'd la ngeli jwanꞌ nandablod xaꞌ li xaꞌ wiz jwanꞌ ndryoxkwen men. 3Per Jesús mkab:
—¿Cho teraꞌ lab goꞌ jwanꞌ mbli David, senꞌ lo ndyanꞌ xaꞌ kon re men nda no xaꞌ? 4Ngote xaꞌ lenꞌ liz Dios nde mda xaꞌ re pan nayon jwanꞌ nandabloda wa xaꞌ, nek xaꞌ nde nek re men jwanꞌ ndano xaꞌ, benꞌta re xaꞌ nak nglweyꞌ ndablo way. 5¿O teraꞌ lab goꞌ ley chanꞌ Moisés, ke re xaꞌ nak nglweyꞌ ndli xaꞌ sinꞌ lo yodoꞌ wiz ndryoxkwen men nde nanakte yalke? 6Nde naya nin lo goꞌ ncheꞌya ndo thi Xaꞌ mas ndak ke yodoꞌ. 7Nde tez ngaka yen goꞌ kwan liy ta nchab xkiꞌs Dios: “Yalndlat lazoꞌ ncholas na li goꞌ, nancholasta na kuj goꞌ maꞌ taꞌ goꞌ lon”, nde tez yen goꞌy pa keꞌ goꞌ yalke xis men jwanꞌ ngen cho yalke nchap. 8Tak Xinꞌ Mbiꞌ, nak xwanꞌ wiz ta ndryoxkwen mena.
Thi mbiꞌ mbis yanꞌ
(Mr. 3:1-6; Lc. 6:6-11)
9Zyasa mbroꞌ Jesús nda Xaꞌ nde ngote Xaꞌ lenꞌ yo tenꞌ ndyop xaꞌ Israel. 10Nde tya ndo thi mbiꞌ mbis thi yaꞌ xaꞌ, zyasa re xaꞌ fariseo nkwanꞌ xaꞌ xa keꞌ xaꞌ yalke yek Jesús, jwanꞌ na mnab diꞌs xaꞌ lo Jesús, nchab xaꞌ:
—¿Cho tayal todanꞌ men ti xaꞌ yis lenꞌ wiz ta ndryoxkwen men?
11Leꞌ Jesús mkab:
—Tez xanya thi goꞌ ba, ngeno thi mbakxilꞌ nde gab maꞌ lenꞌ thi yeꞌr lenꞌ wis jwanꞌ ndryoxkwen men, ¿cho naꞌkoted goꞌ maꞌ? 12¡Choleta ti men plopa mas ntak ti men lo thi mbakxilꞌ! Jwanꞌ nasa, toyal li men jwanꞌ wen lenꞌ wis ndryoxkwen men.
13Zyasa nchab Jesús lo mbiꞌ ta mbis yanꞌ ya:
—Ptagaꞌ yaꞌa. Nde senꞌ mtagaꞌ xaꞌ yaꞌ xaꞌ, mdyanꞌ yaꞌ xaꞌ, mbyanꞌna xaja nak tadiba. 14Nde senꞌ mbrote re xaꞌ fariseo tya, mdobte xaꞌ mdodiꞌs xaꞌ xamod kuj xaꞌ Jesús.
Jesús Xaꞌ mtelꞌ Dios
15Senꞌ mne Jesús jwanꞌ na, mxen Xaꞌ ned nda Xaꞌ tedib lad, nde men toz mdonke xis Xaꞌ. Nde ntodanꞌ Xaꞌ reta men yis, 16nde mnabeꞌ Jesús lo re men sa naꞌtejta xaꞌ cho nak Jesús. 17Tamod sa ngok jwanꞌ mdej profet Isaías, senꞌ nchab xaꞌ:
18Wiꞌ goꞌ nea xaꞌ reꞌ mblín sa li xaꞌ sinꞌ lon,
xaꞌ reꞌ nkeꞌ toz lazonꞌ, nde xaꞌ ngo nale lazoꞌn.
Nde tan Mbi Nayon chanꞌ na tyono xaꞌ,
nde xaꞌ tej yalnyebeꞌ chanꞌ na lo reta yez nzi xis izyo.
19Naꞌyod xaꞌ men, nde naꞌkwesned Xaꞌ,
neꞌka kwes Xaꞌ re ned.
20Naꞌnge kwan lino xaꞌ re men jwanꞌ nak xaja nak yi jwanꞌ mer gas,
nde taga nge kwan lino xaꞌ men jwanꞌ nak xaja mech jwanꞌ benꞌta sen ndob,
axta kebeꞌ yanꞌ jwanꞌ galꞌ lo izyo.
21Nde reta men xis izyo kembed men Xaꞌ.
Nixin men xis Mbi Nayon
(Mr. 3:20-30; Lc. 11:14-23)
22Zyasa ngwano xaꞌ lo Jesús, thi xaꞌ biꞌ nkow lon' nde ngup, nzo mbi narax lenꞌ lazoꞌn. Nde Jesús mtodanꞌ mbiꞌ ya, mbwiꞌ mbiꞌ nde mni mbiꞌ. 23Zyasa reta men nzoyen toz xaꞌ, nde nchab xaꞌ:
—¿Cho Xaꞌ reꞌ nak Xaꞌ nde lo bin David?
24Lo senꞌ re xaꞌ fariseo senꞌ lo mbin xaꞌ jwanꞌ na nchab xaꞌ:
—Mbiꞌ reꞌ ngote mbi narax, tak Beelzebú xaꞌ nyebeꞌ lo reta mbi narax, mdaꞌ yalne lo xaꞌ.
25Leꞌ Jesús mnela cho xgab ndli re xaꞌ ya, nchab Jesús lo xaꞌ:
—Reta xaꞌ nyebeꞌ jwanꞌ ngeno byo tenꞌ nyebeꞌ xaꞌ, leꞌga leꞌ xaꞌ nchak rol xaꞌ, nde ti yez o ti lis men jwanꞌ leꞌga leꞌ xaꞌ ngyo xaꞌ nchak rol xaꞌ. 26Nde tez Maxuꞌ leꞌga leꞌ Maxuꞌ ngote xaꞌ xaꞌ, leꞌ ngeli rol xaꞌ yalnyebeꞌ chanꞌ xaꞌ, ¿Xomod kwebe yalnyebeꞌ chanꞌ xaꞌ sa? 27Tez na ngoten re mbi narax kon yalne ndaꞌ Beelzebú, ¿Cho ndaꞌ yalnyebeꞌ lo re men goꞌ sa ngote xaꞌ mbi narax? Jwanꞌ nasa leꞌga leꞌ men goꞌ loꞌ lo goꞌ ke ngan goꞌ. 28Per na kon Mbi Nayon chanꞌ Dios ngoten re mbi narax, jwanꞌ reꞌ ndloꞌ liga leꞌ yalnyebeꞌ chanꞌ Dios ndo la lo goꞌ.
29Tak ¿Xamod li men gan yote men lis thi xaꞌ mas ne nde we wanꞌ men re chanꞌ xaꞌ, tez ner naꞌtobod men xaꞌ? Zyara teyal we men re chanꞌ xaꞌ.
30Xaꞌ jwanꞌ nandod kon na, xaꞌ ya narax nye na, nde xaꞌ jwanꞌ naꞌnthopta jwanꞌ kon na, xaꞌ ya nchaꞌs jwanꞌ.
31Jwanꞌ nasa nin lo goꞌ, reta yalke nde reta yalnixin toyal dyonꞌ na lo re mbiꞌ, per re xaꞌ nixin xis Mbi Nayon naꞌdyonꞌta xken xaꞌ. 32Nde choja men nixin xis Xinꞌ Mbiꞌ, tayal ndyonꞌ xken xaꞌ, per xaꞌ jwanꞌ nixin xis Mbi Nayon nadyonꞌta xken xaꞌ nek lo izyo reꞌ nde neka lo izyo nara yeꞌd. 33Goꞌ mne xa nak ti ya ba, ya wen ndaꞌy ngud wen, nde ya bsin nandade ngud wen. Tak re ya ncholo mena por ngud nke lo ney. 34¡Go' ba nya lo bin mzib ba nak goꞌ! ¿Xamod ryoꞌ diꞌs wen ro goꞌ, tak men xkap goꞌ? Tak re jwanꞌ nzo lenꞌ lazoꞌ men jwanꞌ na ndryoꞌ ro men. 35Xaꞌ wen, diꞌs wen ndodiꞌs xaꞌ tak jwanꞌ na nzo lazoꞌ xaꞌ, nde xaꞌ xkap diꞌs xkap ndodiꞌs xaꞌ tak jwanꞌ na nzo lazoꞌ xaꞌ. 36Leꞌ na nin lo goꞌ reta diꞌs jwanꞌ andoja ndye ndryoꞌ ro re men, reta diꞌs ya nyab Dios kwen lo men senꞌ sin wiz jwanꞌ tayaꞌ re men kwent lo Dios. 37Tak leꞌga leꞌ re diꞌs mnia koxoba nenꞌ cho nambi ndoa o nzo'b xken la.
Re xaꞌ xkap ncholas xaꞌ wiꞌ xaꞌ thi yalnaro
(Lc. 11:29-32)
38Zyasa nchab pla maestr nchak ley nde pla xaꞌ fariseo lo Jesús, nchab xaꞌ:
—Maestr, ncholas náꞌ wiꞌ náꞌ lia thi yalnaro.
39Leꞌ Jesús mkab:
—Re goꞌ men xkap nde men nkwinꞌ, nyab goꞌ wiꞌ goꞌ thi yalnaro, per naloꞌd nay lo goꞌ, benꞌta xa ngote profet Jonás wi goꞌ. 40Tak xa ngo Jonás lenꞌ mbel ro son wiz nde son yalꞌ, taga yo Xinꞌ Mbiꞌ lenꞌ izyo son wiz nde son yalꞌ. 41Nde wiz senꞌ koꞌxban Dios re men sa nyaꞌb Dios kwent, wiz ya re men yez Nínive gab liga nchap re xaꞌ nzi naya yalke, tak xaꞌ Nínive mblaꞌ xaꞌ re jwanꞌ narax mbli xaꞌ lo senꞌ mni Jonás lo xaꞌ. Nde naya ncheꞌ ndo thi Xaꞌ mas ndak ke Jonás. 42Nde noga ngol ta ngok rey lo yez Saba, ryo'to wiz senꞌ nyab Dios kwent lo re men, nde gab ngol nchap re xaꞌ tyemp reꞌ yalke, tak ngol ya mbroꞌ axta plo mdib ro izyo, mbyed yon xaꞌ yalnchak chanꞌ Salomón, nde naya ncheꞌ ndo thi xaꞌ mas ndak lo Salomón.
Mbi narax mbere
(Lc. 11:24-26)
43Senꞌ ndryote thi mbi narax lenꞌ lazoꞌ thi men, nketey re izyo biz ngete kwanꞌ na plo ryoxkwen na, per lo nazyaltay plo ryoxkwen na, zyasa ndliy xgab: 44“Beren tenꞌ mbroꞌteꞌn.” Lo senꞌ mbere mbi narax tenꞌ mbroꞌy nchosiba men ya, xaja thi yo mblyoba nde nzi re jwanꞌ nawe nyay nde ngen cho nzoy. 45Zyasa mbi narax ya nda thop thi gas mbi narax mas nakap nak ke lo mbi narax ya, nde ndyenta reta mbi narax nde ndlyay lenꞌ lazoꞌ men ya nde nchanꞌna nchoy tya, zyasa mas ndryo jwanꞌ ndyak men ya ke lo jwanꞌ mxak ner xaꞌ. Taga yate re xaꞌ xkap nzo nal tyemp reꞌ.
Xnaꞌ Jesús nde kon re wes Xaꞌ
(Mr. 3:31-35; Lc. 8:19-21)
46Laja benꞌ ndo ni Jesús lo re men, mzin xnaꞌ Jesús nde kon re wes Xaꞌ nzi mbed re xaꞌ le, tak ncholas xaꞌ todiꞌsno xaꞌ Jesús 47Nde ngwa thi xaꞌ ngwayab lo Jesús:
—Leꞌ xnaꞌa nde kon re wes la nzi le ba, ncholas xaꞌ todiꞌsno xaꞌ lu. 48Per leꞌ Jesús mkab lo xaꞌ ta ngwayaba lo Jesús:
—¿Cho nak xnaꞌn, nde cho nak re wes na? 49Zyasa mbloꞌ yaꞌ Jesús re xin'te'd xaꞌ nde nchab xaꞌ:
—Re xaꞌ reꞌ nak xnaꞌn, nak re wes na nde re btan na. 50Tak reta xaꞌ ndli jwanꞌ ncholas Xud na jwanꞌ ndob lo beꞌ, xaꞌ ya nak wes na, btanꞌ na nde xnaꞌn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.