Софония 2
2
1-2 # Иер. 6:15; Соф. 3:5Арын-нүүр чок чон! Тодарадып каан хүн келбээнде, силерни хатка сүрдүрген тараа саваңы ышкаш өскээр сүрүп аппарбаанда, Дээрги-Чаяакчының кыптыккан килеңи силерни чиртип кааптаанда, Ооң килеңиниң хүнү силерни таварбаанда, чыглып, бөлдүнчүңер-ле! 3# Иса. 55:6; Ам. 5:4, 6 || Иса. 2:10; 26:20Дээрги-Чаяакчыже чүткүңер, черниң бүгү томаанныг улузу, Ооң күзел-соруун күүседип турар улус! Чөптүг-шынныг чорукче чүткүңер, чөпшүл боорун кызыңар – Дээрги-Чаяакчының килеңиниң хүнүнде чаштынар аргалыг боор чадавас силер».
Иудея-биле кожа чоннарны Дээрги-Чаяакчының кезедири
4«Газа хоорайны чурттакчылары каапкаш баар, Аскалон хоорай ээнзирээр, Азот хоорайның чурттакчыларын чартык хүн иштинде үндүр сывырып аппаар, Экрон хоорайны черден тура тыртар#2:4 Ол хоорайлар филистим чонга хамааржып турган (Ам. 1:6-8; Зах. 9:5 көр).. 5# 1 Хаан. 30:14; 2 Хаан. 8:18 || Иер. 47:7; Иез. 25:16Далай эрии черниң чурттакчылары, керет аймак#2:5 Керет аймак филистимнер турган хире (Иер. 47:4; Иез. 25:16; Ам. 9:7 көр). Ол ат филистимнерниң оон келгени Крит (азы Кафтор) ортулуктуң адындан үнген., ат болур силер! Ханаан чер, филистимнер чурту, Дээрги-Чаяакчы сеңээ үндүрген шииткелин дыңнадып тур: Мен сени узуткап каар мен, чурттакчы чон чок артар сен! 6# Иса. 65:10Далай эрииниң кыдыы кадарчылар казанактары биле мал кажаалары турар одар-белчиир апаар. 7Ол девискээр Иудеяның арткан чонунга онаажыр. Олар аңаа сүрүг малын кадарар, Аскалоннуң бажыңнарынга кежээ удуп дыштаныр – оларның Бурганы Дээрги-Чаяакчы оларже сагыш салып, эки чолду эгидер#2:7 Азы: «Туттурган улузун дедир чандырар»..
8 # Иса. 15:1; 25:10; Иер. 48:1; Иез. 25:8; Ам. 2:1-3 || Иер. 49:1; Иез. 21:28; 25:2; Ам. 1:13-15Моав чоннуң бак сөгленгенин, аммон чоннуң кочуургаанын – оларның Мээң чонумну дорамчылап-кочулаанын, ооң черинге кыжанганын дыңнап кагдым. 9# Иса. 49:18; Иез. 16:48 || Э. д. 19:24; Ы. х. к. 29:23; Иса. 13:19; Иер. 49:18Ынчангаш дириг Бодумнуң адым-биле даңгыраглап тур мен – деп, Аг-шериглиг Дээрги-Чаяакчы, Израильдиң Бурганы медеглээн. – Моав Содом ышкаш, аммон чон – Гоморра ышкаш апаар. Оларның чери кезээ-мөңгеде шагар-оът дуй үнген, кужурланчак девискээр, ээн кургаг хову апаар. Мээң чонумнуң дириг арткан улузу оларны олчалап аар, Мээң улузумнуң артынчызы оларның черин өнчү кылдыр алыр.
10 # Иса. 16:6; Иер. 48:29Ол бүгү хуу-салым оларга улуургаа дээш, Аг-шериглиг Дээрги-Чаяакчының чонун дорамчылап кочулап, оон өрү көрдүнүп турганы дээш онаажыр. 11# Ыд. ыр. 21:28Дээрги-Чаяакчы оларга коргунчуг болур, черниң бүгү дүрзү-бурганнарын Ол чөгенчиг кылып каар. Ырак чурттарда бүгү чоннар, кайызы-даа бодунуң девискээринге, Аңаа мөгеер.
12 # Иса. 18:1-7Силер база, эфиоптар, Мээң хылыжымга кыргыдып-хыдыдар силер.
13 # Иса. 10:5; 14:25; Наум 2:10; 3:7Дээрги-Чаяакчы Бодунуң холун соңгу чүкче сунгаш, Ассирияны узуткап каар. Ниневия хоорай буступ каар, ону кургаг куруг хову ышкаш ээн чер болдурар. 14# Иса. 13:21-22; 34:11, 14Аңаа сүрүг мал, янзы-бүрү черлик дириг амытаннар дыштанып чыдар; үгүлер биле каарганнар хоорайның бузундуларынга дүннээр, оларның эткен үннери бажыңнар иштинден дыңналыр, эргинде хоозураашкын көстүр, эжик-хаалганың пөш шагыглары картталып калган боор. 15# Иса. 47:8 || Иер. 19:8Ол-дур, өөрүп-байырлап, сагыш амыр чурттап турар, чурттакчылары сеткил-чүрээнде: „Бо хоорай өндүр улуг, ол ышкаш хоорай чок!“ – деп турган Ниневия хоорай ынчап баар-дыр. Ол хоозуралга алзып, аң-мең чурттаар чер апаар! Ооң чаны-биле эрткен кижи бүрүзү кайгап-харап, кочулап сыгырар база олче холун чаңгыыр».#2:15 Ниневия хоорай б. э. чедир 612 чылда вавилон-мидий аг-шеригге дүжүп берген.
Currently Selected:
Софония 2: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
