Захария 9
9
Бурганның караа бүгү чоннарже көрүп турар
1 # Иса. 17:1; Иер. 49:23; Ам. 1:3 || 2 Чыл. 16:9; У. ч. 15:3; Зах. 4:10Өттүр билген медеглел бо-дур. Дээрги-Чаяакчының сөзү бо-дур.
Ол Хадрах деп черге удур болур база Дамаск хоорайга турумчуп алыр, чүге дээрге Дээрги-Чаяакчының караа, Израильдиң шупту аймактарынче дег, бүгү улус-чоннарже көрүп турар#9:1 Азы: «Дээрги-Чаяакчыже, Израильдиң шупту аймактары дег, бүгү улус-чоннар көрүп турар». – 2Дамаск-биле кызыгаарлашкак черлиг Хамат хоорайже-даа, улуг мергежилдиг Тир, Сидон хоорайларже-даа көрүп турар. 3# Иов 27:16; Иез. 28:4Тир бодунга шивээ тудуп алган, мөңгүннү доозун дег хөй кылдыр, алдынны – малгаш дег эңдерик кылдыр чыып алган. 4# Иса. 23:1; Иер. 47:4; Иез. 26:2; Иоил 3:4; Ам. 1:9Көрүңер, Дээрги ооң байлаан былаап аар, күчү-күжүн далайга узуткап каар. Тир боду отка өрттенип каар. 5Ол бүгүнү көргеш, Аскалон хоорай коргуушкунга алзыптар, Газа хоорай кортканындан сириңейни бээр, Экрон хоорай база, чүге дээрге ооң идегели ышкындырган-дыр. Газага хаан турбас апаар, Аскалон ээнзирээр#9:5 Ол хоорайлар филистим чонга хамааржып турган (Ам. 1:6-8; Соф. 2:4 көр).. 6Азот хоорайга сурас өгбеден укталган улус-чон кээп чурттай бээр. Мен филистимнерниң турамыын сый шавар мен. 7# Лев. 3:17Оларның аксындан ханныг эът-чемни, диштеринден – чүдек-бужар аъш-чемни ушта тыртар мен.
Филистимнерниң артынчызы база бистиң Бурганывыска хамааржып, Иудеяның бир аймаа дег#9:7 Азы: «Иудеяда баштыңчы дег». апаар, а Экрон хоорай иевус чон дег апаар#9:7 Давид хаан иевустарның хоорайын эжелеп алган соонда, олар иудейлер-биле холужуп калган чадавас (2 Хаан. 5:6-9 көр)..
8Мен Бодумнуң чуртумну таварты эртип турар аг-шеригге удур камгалал бооп туруп аар мен. Моон соңгаар кандыг-даа кызагдакчы олап эртпес, чүге дээрге Мээң караам ол бүгүже көрүп турар.
Келир үедеги хаан биле камгалал
9 # Соф. 3:14; Зах. 2:10 || Мф. 21:5; Ин. 12:15Сион-кыс, өөрүп-хөгле, Иерусалим-кыс, амырап-байырла-ла! Көр даан, хааның сенче кел чыдыр: чөптүг, тиилелгелиг#9:9 Өске бурунгу сөзүглелде «Камгалакчы» деп бижээн., биче сеткилдиг хаан элчиген, кыс элчиген оглу мунуп алган кел чыдыр. 10# Иса. 2:4; Мих. 5:10; Агг. 2:22 || Ыд. ыр. 71:8; Мих. 5:4Мен Израильде дайынчы тергелерни, Иерусалимде дайынчы аъттарны узуткап каар мен, дайынчы ча-согун база узуткаттырар. Ол хаан өске чоннарга амыр-тайбыңны медеглээр, бир далайдан өске далайга чедир, Евфрат хемден чер-делегейниң ужу-кыдыынга чедир чагырар.
11 # Хост. 24:8; Евр. 13:20 || Э. д. 37:24; Иса. 42:7; 51:14; 61:1; Иер. 38:6Сион-кыс, сеңээ хамаарыштыр чугаалаайн. Мээң сээң-биле чарып, хан-биле күштүг болдурган чагыг-керээмни бодааш, сээң туттурган улузуңну суг чок оңгардан хостаар мен. 12# Иса. 61:7Ам идегели бар апарган туттурган улус, шивээңерже чана бериңер, чидирииңерни ийи катап хөй кылдыр эгидип бээримни бөгүн силерге медеглеп тур мен. 13# Э. д. 10:4Иудеяны ча дег кылдыр хере тырткаш, Израильди согун кылдыр салып аар мен. Сион, сээң оолдарыңны дайынчы хылыш дег көдүрер мен; грек чон, оларны сээң оолдарыңга удур көдүрер мен#9:13 Бо болза б. э. чедир 167–160 чч. Маккавейлерниң тура халыышкынының дугайында баш бурунгаар чугаалааны бооп чадавас.. 14# 2 Хаан. 22:15; Ыд. ыр. 17:15; Авв. 3:11 || Иов 38:1Дээрги-Чаяакчы чонунуң кырынга көстүп кээр, Ооң согуну чаңнык дег кызаш дээр. Дээрги-Бурган-Чаяакчы труба этсир, мурнуу чүктен хадаан шуурган-биле чедип кээр. 15Аг-шериглиг Дээрги-Чаяакчы чонунга дозуг-камгалал дег боор; олар дайзыннарынче даш шывадаар, өжээтеннерин сыырыптар; олар арага ишкен улус дег шимээргээр#9:15 Өске бурунгу сөзүглелде «Олар дайзыннарының ханын арага дег ижер» деп бижээн. база хан кудар аяктар дег, өргүл бедигээжиниң азыглары дег, дола бээрлер. 16# Ыд. ыр. 99:3 || Иса. 62:3Израильчилерниң Бурганы Дээрги-Чаяакчы ол хүн оларны камгалаар, Бодунуң чонун, кодан хою дег, камгалаар. Олар Ооң черинге оваадайда улуг үнелиг даштар дег чайынналыр. 17Ооң чону кайы хире ачылыг, кайгамчык чараш бооп көстүрүл! Далган-тараадан, виноград чулуундан аныяк оолдар-кыстар чечектелир.
Currently Selected:
Захария 9: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
