Захария 7

Чөптүг чорук биле энерел шээрлээшкинден херектиг

1 # Зах. 1:1, 7 || Неем. 1:1Персияның хааны Дарийниң чагыргазының дөрткү чылында, Кислев деп тоску айның дөртте#7:1 Б. э. ч. 518 чылдың декабрь 7. Дээрги-Чаяакчы Бодунуң сөзүн Захарияга ажыткан. 2Ол үеде Вефилдиң чурттакчылары Сарецер биле Регем-Мелех деп ийи кижини боттарының улузу-биле кады Дээрги-Чаяакчыдан ээ көрүүшкүн дилеп мөргүзүн дээш чорудупкан. 3Олар Аг-шериглиг Дээрги-Чаяакчының өргээзинде турар Ооң бараалгакчызындан база Ооң медээчилеринден: «Хөй чылдар дургузунда кылып турарывыс дег, чылдың-на беш айда качыгдап ыглап-сыктап, шээрленирин уламчылаар бис бе?»#7:3 Бурганның өргээзин болгаш Иерусалимни үрегдеп, өрттеткенин демдеглээн шээрлээшкинни доктаадып каарга, чон ону Вавилонга туттуруушкун үезинде база оон ээп келгеш-даа, чылдың-на сагып кылып турган. – деп айтырар ужурлуг турган.

4Аг-шериглиг Дээрги-Чаяакчы Бодунуң сөзүн меңээ ажыткан: 5# Иер. 25:11; 29:10; Дан. 9:2; Зах. 1:12 || Иса. 58:5«Чурттуң бүгү чонундан база Бурганның бараалгакчыларындан айтырып көр: сөөлгү чеден чыл дургузунда беш айда база чеди айда шээрленип, качыгдап ыглап-сыктап тура, Мени дээш ынчаар кылып турган силер бе? 6А аштанып-чемненип тура, боттарыңар дээш дойлап турбаан силер бе? 7Дээрги-Чаяакчы ол-ла сөстерни, кажан Иерусалим болгаш ооң чоок-кавызында хоорай-суурлар чурттакчылыг, амыр-шөлээн турда, Негев болгаш Шефела деп девискээрлер чурттакчы чоннуг турда, биеэде турган медээчилерин дамчыштыр чугаалап турган эвес чүве бе?»

8Дээрги-Чаяакчы Бодунуң сөзүн Захарияга ажыткан: 9# Иса. 1:17; Иер. 21:12; Мих. 6:8«Аг-шериглиг Дээрги-Чаяакчының чугаалаан чүвези бо-дур: чөптүг-шынныг шииткелден кылыңар, бот-боттарыңарга энерелдиг, кээргээчел сеткилдиг болуңар. 10# Хост. 22:21-22; Ы. х. к. 27:19; У. ч. 22:22 || Зах. 8:17Дулгуяк херээженни, өскүс кижини, даштыкы кижини болгаш ядыы кижини кызагдаваңар, сеткил-чүрээңерге бот-боттарыңарга удур кара сагыш тывылбазын.

11Ынчалза-даа чонум Мени тооп дыңнаарындан ойталап, хая көрнү берген, дыңнавас дээш кулактарын дуглап алган. 12# Иез. 3:9Олар чүректерин алмаз ышкаш кадыг кылып алган, ыдыктыг хоойлуну база Аг-шериглиг Дээрги-Чаяакчының Бодунуң Сүлдези-биле биеэги медээчилерни дамчыштыр чорудуп турган сөстерин тооп дыңнавайн барган. Ынчангаш Аг-шериглиг Дээрги-Чаяакчы Мен оларже аажок килеңней берген мен.

13 # У. ч. 1:24-28; Иса. 1:15; Иер. 11:11Оларны кыйгырып турумда, тооп дыңнавас болду, ынчаарга олар кыйгырарга, Мен база дыңнаваан мен – деп, Аг-шериглиг Дээрги-Чаяакчы чугаалаан. – 14# Лев. 26:33Мен оларны билбес чорааны бүгү чоннарже тарадыр хадыдыптым. Оларның соонда чер-чурту ээнзиреп, ону тавартыр кым-даа ыңай-бээр чорбас апарган. Олар ынчалдыр боттарының кайгамчык чараш черин ээн куруг кылып алган».

Currently Selected:

Захария 7: Ы.Б.2025

Highlight

Copy