Захария 6
6
Сески көстүүшкүн: аъттар биле дайынчы тергелер
1 # Дан. 2:39 || 4 Хаан. 6:17; Ажыд. 6:4Мен катап база топтап көргеш, ийи хүлер даг аразындан үнүп орар дөрт дайынчы терге эскерип кагдым. 2Бирги тергени шилги аъттар сөөртүп чорду, ийигизин – дас кара аъттар, 3# Зах. 1:8; Ажыд. 6:2-4үшкүзүн – ак аъттар, дөрткүзүн – ала-шокар, күштүг аъттар. 4Мен ынчан мээң-биле чугаалажып турган дээрниң төлээзинден: «Бо чүү деп чүвел, дээргим?» – деп айтырдым.
5 # Иис. 3:11; Мих. 4:13; Зах. 4:14Дээрниң төлээзи меңээ: «Олар дээрге бүгү чер-делегейниң Чагырыкчызының турар черинден үнүп келген дөрт хат-тыр#6:5 Азы: «Дөрт сүлде-дир».. 6Дас кара аъттар соңгу чүкте чуртче#6:6 Израиль чонче Ассирия биле Вавилон соңгу чүктен халдап кээп турган. Ынчангаш эрте-бурунгу еврейлер ол чурттарны «соңгу чүктүң чурттары» деп адап турган. бар чыдары ол-дур, ак аъттар – оларның соо-биле#6:6 Азы: «Барыын чүкче»., ала-шокар аъттар – мурнуу чүкче» – деп харыылады.
7Күштүг аъттар үнүп келгеш, чер-делегейни эргий халыксап, чүткүп турду. Дээрниң төлээзи: «Барып, чер-делегейни эргип кезиңер!» – дээрге, олар халдып чорупту.
8Ол ынчан дыңзыдыр: «Көр даан, соңгу чүкте чуртче халдып чорупкан аъттар ол черге Дээрги-Чаяакчының Сүлдезин оожургадып кагды» – диди.
Дээди бараалгакчыга оваадайны кедиргени
9Дээрги-Чаяакчы меңээ Бодунуң сөзүн ажыткан: 10«Вавилонга туттуруушкундан ээп келген Хелдай, Товия болгаш Иедайя оларның белектерин ап ал. Ол-ла хүн Софонияның оглу Иосияның бажыңынче чорувут. 11# Зах. 3:1Алдын-мөңгүнден ап алгаш, оваадайдан кылгаш, Иоседектиң оглу, Бурганның дээди бараалгакчызы Иисустуң бажынга кедире салып каг. 12# Зах. 3:8 || Зах. 4:7, 9Аңаа Аг-шериглиг Дээрги-Чаяакчының чугаалаан чүвезин дамчыт: көр даан, Өзүм деп аттыг кижи бо-дур. Ооң өзүмү турар черинден өзүп үнгеш, Дээрги-Чаяакчының өргээзин тургузуп каар. 13Дээрги-Чаяакчының өргээзин ол тургузуп каар. Ол алдар-хүндүге бүргеттирер, Бодунуң дүжүлгезинге саадапкаш, чагырар. Ооң дүжүлгезиниң чанынга Бурганның бараалгакчызы турар#6:13 Азы: «Дүжүлгезинге ол Бурганның бараалгакчызы база болур»., олар аразында эп-найыралдыг болур. 14А ол оваадай Хелдай#6:14 Өске бурунгу сөзүглелде «Хелдай» эвес, «Хелем» деп бижээн., Товия, Иедайя болгаш Софонияның оглу Хен дугайында тураскаал демдек бооп, Дээрги-Чаяакчының өргээзинге артып калзын».
15 # Иса. 60:10 || Зах. 2:9; 4:9; Иез. 33:33Ыракта чурттап турар улус чедип келгеш, Дээрги-Чаяакчының өргээзин тударынга киржир, ынчан мени силерже Аг-шериглиг Дээрги-Чаяакчының чорутканын билип аар силер. Силерниң Бурганыңар Дээрги-Чаяакчының чугаалаан чүвезин чүткүлдүү-биле тооп дыңнаар болзуңарза, ол бүгү болдуна бээр.
Currently Selected:
Захария 6: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Захария 6
6
Сески көстүүшкүн: аъттар биле дайынчы тергелер
1 # Дан. 2:39 || 4 Хаан. 6:17; Ажыд. 6:4Мен катап база топтап көргеш, ийи хүлер даг аразындан үнүп орар дөрт дайынчы терге эскерип кагдым. 2Бирги тергени шилги аъттар сөөртүп чорду, ийигизин – дас кара аъттар, 3# Зах. 1:8; Ажыд. 6:2-4үшкүзүн – ак аъттар, дөрткүзүн – ала-шокар, күштүг аъттар. 4Мен ынчан мээң-биле чугаалажып турган дээрниң төлээзинден: «Бо чүү деп чүвел, дээргим?» – деп айтырдым.
5 # Иис. 3:11; Мих. 4:13; Зах. 4:14Дээрниң төлээзи меңээ: «Олар дээрге бүгү чер-делегейниң Чагырыкчызының турар черинден үнүп келген дөрт хат-тыр#6:5 Азы: «Дөрт сүлде-дир».. 6Дас кара аъттар соңгу чүкте чуртче#6:6 Израиль чонче Ассирия биле Вавилон соңгу чүктен халдап кээп турган. Ынчангаш эрте-бурунгу еврейлер ол чурттарны «соңгу чүктүң чурттары» деп адап турган. бар чыдары ол-дур, ак аъттар – оларның соо-биле#6:6 Азы: «Барыын чүкче»., ала-шокар аъттар – мурнуу чүкче» – деп харыылады.
7Күштүг аъттар үнүп келгеш, чер-делегейни эргий халыксап, чүткүп турду. Дээрниң төлээзи: «Барып, чер-делегейни эргип кезиңер!» – дээрге, олар халдып чорупту.
8Ол ынчан дыңзыдыр: «Көр даан, соңгу чүкте чуртче халдып чорупкан аъттар ол черге Дээрги-Чаяакчының Сүлдезин оожургадып кагды» – диди.
Дээди бараалгакчыга оваадайны кедиргени
9Дээрги-Чаяакчы меңээ Бодунуң сөзүн ажыткан: 10«Вавилонга туттуруушкундан ээп келген Хелдай, Товия болгаш Иедайя оларның белектерин ап ал. Ол-ла хүн Софонияның оглу Иосияның бажыңынче чорувут. 11# Зах. 3:1Алдын-мөңгүнден ап алгаш, оваадайдан кылгаш, Иоседектиң оглу, Бурганның дээди бараалгакчызы Иисустуң бажынга кедире салып каг. 12# Зах. 3:8 || Зах. 4:7, 9Аңаа Аг-шериглиг Дээрги-Чаяакчының чугаалаан чүвезин дамчыт: көр даан, Өзүм деп аттыг кижи бо-дур. Ооң өзүмү турар черинден өзүп үнгеш, Дээрги-Чаяакчының өргээзин тургузуп каар. 13Дээрги-Чаяакчының өргээзин ол тургузуп каар. Ол алдар-хүндүге бүргеттирер, Бодунуң дүжүлгезинге саадапкаш, чагырар. Ооң дүжүлгезиниң чанынга Бурганның бараалгакчызы турар#6:13 Азы: «Дүжүлгезинге ол Бурганның бараалгакчызы база болур»., олар аразында эп-найыралдыг болур. 14А ол оваадай Хелдай#6:14 Өске бурунгу сөзүглелде «Хелдай» эвес, «Хелем» деп бижээн., Товия, Иедайя болгаш Софонияның оглу Хен дугайында тураскаал демдек бооп, Дээрги-Чаяакчының өргээзинге артып калзын».
15 # Иса. 60:10 || Зах. 2:9; 4:9; Иез. 33:33Ыракта чурттап турар улус чедип келгеш, Дээрги-Чаяакчының өргээзин тударынга киржир, ынчан мени силерже Аг-шериглиг Дээрги-Чаяакчының чорутканын билип аар силер. Силерниң Бурганыңар Дээрги-Чаяакчының чугаалаан чүвезин чүткүлдүү-биле тооп дыңнаар болзуңарза, ол бүгү болдуна бээр.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025