Захария 1

Бурганче эглиринче кыйгырыг

1 # Эзра 4:24; Агг. 1:1 || Неем. 12:16 || Эзра 5:1; 6:14; Мф. 23:35Дарий хаанның чагыргазының ийи дугаар чылының сес айда#1:1 Б. э. ч. 520 чылдың октябрь-ноябрь. Дээрги-Чаяакчы Аддонуң оглунуң оглу, Берехияның оглу Захарияга Бодунуң сөзүн ажыткан: 2«Дээрги-Чаяакчы силерниң ада-өгбеңерге дыка килеңнээн турган-дыр. 3# Иса. 31:6; Мал. 3:7Ынчангаш бо чонга Аг-шериглиг Дээрги-Чаяакчының чугаалаан чүвезин дамчыт: Менче эглип келиңер, ынчан Мен база силерже эглип кээр мен. 4# Ыд. ыр. 77:8 || 2 Чыл. 36:15-16; Иер. 5:13; Дан. 9:6Ада-өгбеңер дег болбаңар. Оларны Бурганның биеэде турган медээчилери кыйгырып, Аг-шериглиг Дээрги-Чаяакчының: „Бузуттуг оруктарыңардан база багай үүлгедиглериңерден ойталаңар“ – деп чугаалаан чүвезин дамчыткан, а олар Мени тооп дыңнаваан, Менче кичээнгей салбаан болгай – деп, Дээрги-Чаяакчы медеглээн. – 5Ам ол ада-өгбеңер кайыл? Мээң медээчилерим-даа болза мөңге чурттаар деп бе? 6# Ы. х. к. 28:2 || Ыы. 2:17А Мээң чалча-медээчилеримге айыткаан сөстерим ада-өгбеңер-биле боттанмаан чүве бе? Олар ынчан бачыттарын миннип: „Аг-шериглиг Дээрги-Чаяакчы биске хамаарыштыр, Боду канчаар доктаадып кааныл, ынчаар кылды – бистиң оруктарывыс болгаш үүлгедиглеривис ёзугаар кылды“ – дээн болгай».

Бирги көстүүшкүн: аъттар

7Шеват дээр он бир айның чээрби дөртте, Дарийниң чагыргазының ийиги чылында#1:7 Б. э. чедир 519 чылдың февраль 15. Ол болза Иерусалимде Бурганның өргээзин катап тургузуп эгелээниниң соонда беш ай эрткенде болган (Агг. 1:14-15; 2:15 көр). Дээрги-Чаяакчы Аддонуң оглунуң оглу, Берехияның оглу Захария медээчиге Бодунуң сөзүн ажыткан. 8# Ажыд. 6:4 || 4 Хаан. 6:17; Зах. 6:2-7Дүне када көстүүшкүн көрдүм: шилги аът мунган кижи көстүп келди. Ол кижи ыйгыл черде мирт ыяштар аразында турду, а ооң артында шилги, доруг болгаш ак чүзүннүг аъттар көзүлдү.

9Мен: «Дээргим, бо чүү деп чүвел?» – деп айтырдым.

Мээң-биле чугаалажып турган дээрниң төлээзи: «Мен сеңээ ол чүү деп чүвел дээрзин айтып берейн» – диди.

10Мирт ыяштар аразында турар кижи: «Аъттыг улусту Дээрги-Чаяакчы черни эргий кезип эртсин дээш чоруткан-дыр» – деп харыылады.

11Демги улус мирт ыяштар аразында турган Дээрги-Чаяакчының төлээзинге: «Бис черни эргий кезээш келдивис, бүгү чер кыры оожум, амыр-тайбың-дыр» – диди.

12 # Ыд. ыр. 79:5; 88:47 || Иер. 25:11; 29:10; Дан. 9:2; Зах. 7:5Дээрги-Чаяакчының төлээзи ынчан: «Аг-шериглиг Дээрги-Чаяакчы, Сен Иерусалимге база Иудеяның хоорайларынга кээргел көргүзеринден кажанга чедир ойталаар сен? Оларга ам чеден чыл килеңнеп тур сен» – дээн.

13Дээрги-Чаяакчы мээң-биле чугаалажып турган Бодунуң төлээзинге ачы-буянныг, сагыш-сеткил оожургадыр сөстер-биле харыылады. 14# Иоил 2:18; Зах. 8:2Ынчан мээң-биле чугаалажып турган дээрниң төлээзи меңээ мынча дээн: «Аг-шериглиг Дээрги-Чаяакчының чугаалаан чүвезин улуска медеглеп дамчыт: Мен Иерусалим дээш, Сион дээш кедергей хүннеп тур мен, 15# Иса. 47:6а амыр-шөлээн чурттап турар чоннарже кедергей хорадап тур мен. Израильчилерге килеңнээним шоолуг эвес турда, ол чоннар хора халдадырын күштелдирген-дир.

16 # Эзра 6:14 || Зах. 2:2Ынчангаш Дээрги-Чаяакчының чугаалаан чүвези бо-дур: Мен Иерусалимче кээргээр сеткилдиг эглип келдим, аңаа Мээң өргээмни катап тудар. Иерусалимни катап база хемчээп, тудар.

17 # Иса. 40:1 || Иса. 14:1; Зах. 2:12Оон ыңай Аг-шериглиг Дээрги-Чаяакчының чугаалаан чүвезин улуска медеглеп, дамчыт: Мээң хоорайларымны катап база бай-байлак чыък дола бээр, Дээрги-Чаяакчы Сионну катап база аргалаар, Иерусалим катап база Мээң шилиттинген хоорайым боор».

Ийиги көстүүшкүн: мыйыстар биле ус-дарганнар

18Мен оон топтап көргеш, дөрт мыйысты эскерип кагдым. 19# 3 Хаан. 22:11Мээң-биле чугаалажып турган дээрниң төлээзинден: «Бо чүү боор?» – деп айтырдым.

Ол: «Бо дээрге Иудея, Израиль болгаш Иерусалимниң чонун тарадыр үзүпкен күштер-дир» – деп харыылады.

20Ооң соонда Дээрги-Чаяакчы меңээ дөрт ус-дарган кижини көргүстү. 21Мен: «Олар маңаа чүнү кылыр деп турары ол?» – деп айтырдым.

Ол: «Дуу мыйыстар дээрге Иудеяның чонун кым-даа бажын көдүрүп шыдавас кылдыр тарадыр октапкан чоннар-дыр. Олар иудей черге удур мыйызын көдүрген боорга, ус-дарганнар оларны барып коргудуп, мыйыстарын дүжүр шаап кааптар» – деп харыылады.

Currently Selected:

Захария 1: Ы.Б.2025

Highlight

Copy