Римчилерге 8
8
Сүлдеге башкарткан амыдырал
1Ындыг болганда, Христос Иисуска башкарткан#8:1 Өске бурунгу сөзүглелдерде бо сөстерге «Боттарының кижи бүдүжүнүң аайы-биле эвес, а Сүлдениң аайы-биле амыдыраан» деп сөстерни немээн. улуска ам кандыг-даа буруудадыр шииткел чок. 2# 1 Кор. 15:45Чүге дээрге Христос Иисусту дамчыштыр мөңге амыдыралды берип турар Сүлдениң дүрүм-хоойлузу мени бачыттың база өлүмнүң хоойлузундан хостаан болгай. 3# Евр. 7:18 || Флп. 2:7 || Лев. 16:5; 2 Кор. 5:21Бачыттыг бүдүжүвүс хайындан күш чедип чадап каан ыдыктыг хоойлунуң кылып шыдаваан чүвезин Бурган Боду боттандырган. Бурган Бодунуң Оглун бачыттыг кижиге дөмей мага-боттуг кылдыр, бачыт дээш өргүл боору-биле чорудупкан. Ол ооң-биле кижи бүдүжүнүң бачыдын шииткен. 4# Гал. 5:16, 25Ынчангаш бис ам бачыттыг бүдүжүвүс эвес, а Сүлдениң аайы-биле амыдырай бергеш, ыдыктыг хоойлунуң чөптүг негелделерин күүседип шыдаар бис.
5 # Гал. 5:19-25Кижи бүдүжүнүң аайынче кирген улус ооң күзээшкиннери дээш сагыш човап, оларны бодап чоруур; а Сүлдениң аайынче кирген улус Ооң күзээн чүүлдерин бодап чоруур. 6Кижи бүдүжүнүң күзээшкиннерин бодаары – өлүм-дүр, а Сүлдениң күзээн чүүлдерин бодаары – мөңге амыдырал биле амыр-тайбың-дыр. 7# Иак. 4:4 || 1 Кор. 2:14Бодунуң бачыттыг бүдүжүнүң күзээшкиннерин бодаар кижи Бурганга удур боор. Ындыг кижи Бурганның хоойлузунга чагыртпас, оон туржук чагыртыр харыы-даа чок. 8Бачыттыг бүдүжүнүң аайынче кирген улус Бурганның сеткилинге кирип шыдавас.
9 # 1 Кор. 3:16; 6:19; 2 Кор. 6:16 || 1 Ин. 3:24 || 1 Пет. 1:11; Иуда 1:19Бир эвес Бурганның Сүлдези ылап-ла силер-биле кады амыдырай берген болза, кижи бүдүжүңерниң эвес, а Сүлдениң аайынче кире берген-дир силер. А кандыг-бир кижиде Христостуң Сүлдези чок болза, ол кижи Аңаа хамаарышпас. 10Бир эвес Христоска башкарткан болзуңарза, мага-бодуңар бачыдының ужун өлүг-даа болза, Бурганның мурнунга агарганыңар ужун Сүлде силерге мөңге амыдыралды хайырлаар. 11# Ин. 5:21; Аж.-ч. 2:24Иисус Христосту өлүглер аразындан катап диргискен Бурганның Сүлдези силер-биле кады амыдырай берген болза, Бурган ол-ла Сүлдезин дамчыштыр өлүр салымныг мага-бодуңарны тынгарыптар.
12Ындыг болганда, ха-дуңма, биеэги бачыттыг бүдүжүвүске өревис чок-тур, ооң күзээшкиннерин хандырары-биле амыдыравас ужурлуг бис. 13# Кол. 3:5 || Лев. 18:5Чүге дээрге бачыттыг бүдүжүңерниң кара аайы-биле амыдыраар болзуңарза, өлүрүнүң кырында силер, а бир эвес кижи бүдүжүңерниң ажыл-херээн Сүлдениң дузазы-биле өлүглендирер болзуңарза, амылыг артар силер.
14 # Ы. х. к. 14:1; Мф. 5:9; Ин. 1:12; 1 Ин. 3:1; 5:1Бурганның Сүлдези башкарган бүгү улус Бурганның ажы-төлү боор. 15# 2 Тим. 1:7 || 1 Кор. 2:12Чүге дээрге силерни ам база коргуп-сүртеп амыдыраарынче албадап, кулдар болдуруп турар сүлдени эвес, а Бурганның азыраан ажы-төлү болдуруп турар Сүлдени хүлээп алган силер. Ол Сүлдениң ачызында Бурганче: «Авва!#8:15 Авва (арамей дылда) – ажы-төл ачазын ынчаар адаар турган, ынчангаш Иисус Христос база Бурганны ынчаар адап, кый деп турган (Мк. 14:36; Гал. 4:6 көр). Ачай!» – деп кыйгырар-дыр бис. 16# 1 Ин. 3:2; Гал. 3:26; Эф. 1:5 || 1 Ин. 3:24; 2 Кор. 1:22; Эф. 1:13Бурганның ажы-төлү болганывыс дугайында Сүлде Боду бистиң сагыш-сеткиливис-биле кады херечилеп турар. 17# Гал. 3:29; 4:7; Эф. 3:6 || Тит. 3:7 || 2 Кор. 1:5; Флп. 3:10; Кол. 1:24 || 1 Пет. 5:1; Рим. 5:2; Эф. 3:16; Флп. 3:21А ажы-төлү болганывыста, салгакчылар бис. Бурганның салгакчылары боорда, Христос-биле деңге салгакчылар боор бис, чүге дээрге Ооң хилинчээн үлежип турар болзувусса, Ооң өндүр-чаагайындан үлүг база алыр бис.
Өндүр бедик байдалга чедирер Сүлде
18 # 2 Кор. 4:17Бисти манап турар өндүр бедик байдалга көөрде, амгы түр када хилинчээвис чүү-даа эвес деп бодаар мен. 19Чүге дээрге бүгү өлүг, дириг бойдус, Бурган кажан-на Бодунуң ажы-төлүн илередип кээр ирги деп, күштүг идегел-биле четтикпейн манап турар. 20# Э. д. 3:17-19; Эккл. 1:2Бүгү бойдус эки туразы-биле эвес, а ону чагырган Бурганның күзел-соруу-биле үре-түңнел чок хоозун дүрүмнерге чагырткан болгай. Ынчалза-даа бойдуста идегел бар. 21Ооң боду бустуушкуннуң кулданыындан хосталгаш, Бурганның ажы-төлүнүң хосталгазы болгаш өндүр-чаагайындан үлүг алыр деп идегел ол-дур. 22# Иер. 12:4, 11Бүгү өлүг, дириг бойдус, божаан херээжен дег, бөгүнге чедир човууртап, хилинчек көрүп турарын билир бис. 23# 2 Кор. 5:2; Гал. 5:5Чүгле бойдус эвес, а Бурганның эге дүжүдү кылдыр Сүлдени алган улус бис база ишти-хөңнүвүсте човууртап чор бис, чүге дээрге Бурган бисти ажы-төлүн кылдыр азырап ап, мага-бодувусту бустуушкундан хостаарын четтикпейн манап тур бис. 24# 2 Кор. 4:18; Евр. 11:1Шак ол идегел-биле камгалалды алган бис. Ынчаарга идегеливис бүде берген болза, ол идегел эвес-тир. Бар деп көрүп турар чүвезинге кым идегээрил? 25А ам-даа көрбейн турар чүвевиске идегээн болзувусса, ону шыдамык манап алыр бис.
26А ол ышкаш Сүлде биске, кошкак улуска, дузалаар. Чүнү дилээрин, канчаар болур-чогууру-биле мөргүүрүн билбес-тир бис, а Сүлде Боду сөс-биле дамчыттынмас чалбарыг-човуур-биле бисти дээш дилеп, болчур. 27# 1 Хаан. 16:7; 3 Хаан. 8:39; У. ч. 21:2; Иер. 11:20Ынчалза-даа эң-не чажыт бодал-сагыжывысты өттүр билир Бурган Сүлдениң чүү дээш мөргүл кылганын билир, чүге дээрге Сүлде Бурганның күзел-соруунуң аайы-биле Ооң чону дээш дилеп, болчуп турар.
28А бис билир бис: Бурганга ынак, Ооң бодалын ёзугаар кыйгырткан улуска шупту чүве ачы-буянныг боорунче угланган боор. 29# Мф. 28:10; Ин. 20:17; Кол. 1:15; Евр. 2:11 || 1 Ин. 3:2; 2 Кор. 3:18; Флп. 3:21Ооң Оглу хөй ха-дуңма улус аразынга эң улуу болзун дээш, өртемчейни чаяар бетинде-ле ынак апаргаш, шилип алган улузу Бодунуң Оглунуң овур-хевиринге дөмей боорун Бурган баш удур шилип каан. 30# Ин. 17:22Бурган кымнарны ындыг боору-биле баш удур шилээнил, оларны кыйгырып алган. А кыйгырып алган улузун актыг деп чарлааш, а ооң соонда өндүр бедик байдалга чедирген.
Бурганның ынакшылы Иисус Христоста боттанган
– 31# Сан. 14:9; Ыд. ыр. 117:6Бо бүгүге немептер чүвүс барыл? Бурган бистиң талавыста болза, кым биске удурланып шыдаарыл?
– 32# Ин. 3:16Кым-даа эвес! Бодунуң Оглун хайыралаваан, Ону бистиң шуптувус дээш өлүмге берипкен Бурган арткан бүгү чүүлдү Оглу-биле катай биске белек кылдыр бербес деп бе?
– 33# Мк. 13:20; Лк. 18:7; Кол. 3:12; Тит. 1:1 || Иса. 50:8Бурганның шилип алган улузун кым буруудадып шыдаарыл?
– Кым-даа эвес! Оларны Бурган актыг деп турар болганда, 34# Ыд. ыр. 109:1; Мк. 16:19; Аж.-ч. 7:55-56 || 1 Ин. 2:1; Рим. 8:34; Евр. 7:25кым буруу шаварыл?
– Кым-даа эвес! Чүге дээрге өлүп калган, оон туржук катап дирлип келген, Бурганның оң талазында барып олурупкан Христос – Ол бисти дээш дилеп, болчуп турар болгай.
– 35# Сол. ыр. 8:6Чүү чүве бисти Христостуң ынакшылындан чара кирип шыдаарыл? Аар-бергелер, кызып-кыйыышкыннар, истеп сүрүүшкүннер бе? Аш, чанагаш боору бе? Озал-ондактыг байдалдар азы шаажылал бе?
– 36# Ыд. ыр. 43:23; 1 Кор. 4:9Чүү-даа эвес! Бижилгеде мынчаар бижээн:
«Сени дээш хүннүң-не өлүм-биле арын көржүп тур бис, улус бисче, дөгерер дээн хойларже дег, көөр-дүр».
37 # Ин. 16:33; 1 Кор. 15:57Ындыг-даа болза, бо бүгүнү биске ханы ынак Бурганның ачызында бүрүнү-биле базып каан тиилекчилер бис. 38# 1 Пет. 3:22; 1 Кор. 15:24; Эф. 1:21Ыяк бүзүрээр мен: өлүм-даа, амыдырал-даа, дээрниң төлээлери-даа, делегейниң ээлери-даа, күштер-даа, амгы болгаш келир үелер-даа, 39үстүү, алдыы ораннар-даа – бүгү чаяалгадан чүү-даа чүве Бурганның Дээргивис Христос Иисусту дамчыштыр көргүскен ынакшылындан бисти чара кирип шыдавас.
Currently Selected:
Римчилерге 8: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Римчилерге 8
8
Сүлдеге башкарткан амыдырал
1Ындыг болганда, Христос Иисуска башкарткан#8:1 Өске бурунгу сөзүглелдерде бо сөстерге «Боттарының кижи бүдүжүнүң аайы-биле эвес, а Сүлдениң аайы-биле амыдыраан» деп сөстерни немээн. улуска ам кандыг-даа буруудадыр шииткел чок. 2# 1 Кор. 15:45Чүге дээрге Христос Иисусту дамчыштыр мөңге амыдыралды берип турар Сүлдениң дүрүм-хоойлузу мени бачыттың база өлүмнүң хоойлузундан хостаан болгай. 3# Евр. 7:18 || Флп. 2:7 || Лев. 16:5; 2 Кор. 5:21Бачыттыг бүдүжүвүс хайындан күш чедип чадап каан ыдыктыг хоойлунуң кылып шыдаваан чүвезин Бурган Боду боттандырган. Бурган Бодунуң Оглун бачыттыг кижиге дөмей мага-боттуг кылдыр, бачыт дээш өргүл боору-биле чорудупкан. Ол ооң-биле кижи бүдүжүнүң бачыдын шииткен. 4# Гал. 5:16, 25Ынчангаш бис ам бачыттыг бүдүжүвүс эвес, а Сүлдениң аайы-биле амыдырай бергеш, ыдыктыг хоойлунуң чөптүг негелделерин күүседип шыдаар бис.
5 # Гал. 5:19-25Кижи бүдүжүнүң аайынче кирген улус ооң күзээшкиннери дээш сагыш човап, оларны бодап чоруур; а Сүлдениң аайынче кирген улус Ооң күзээн чүүлдерин бодап чоруур. 6Кижи бүдүжүнүң күзээшкиннерин бодаары – өлүм-дүр, а Сүлдениң күзээн чүүлдерин бодаары – мөңге амыдырал биле амыр-тайбың-дыр. 7# Иак. 4:4 || 1 Кор. 2:14Бодунуң бачыттыг бүдүжүнүң күзээшкиннерин бодаар кижи Бурганга удур боор. Ындыг кижи Бурганның хоойлузунга чагыртпас, оон туржук чагыртыр харыы-даа чок. 8Бачыттыг бүдүжүнүң аайынче кирген улус Бурганның сеткилинге кирип шыдавас.
9 # 1 Кор. 3:16; 6:19; 2 Кор. 6:16 || 1 Ин. 3:24 || 1 Пет. 1:11; Иуда 1:19Бир эвес Бурганның Сүлдези ылап-ла силер-биле кады амыдырай берген болза, кижи бүдүжүңерниң эвес, а Сүлдениң аайынче кире берген-дир силер. А кандыг-бир кижиде Христостуң Сүлдези чок болза, ол кижи Аңаа хамаарышпас. 10Бир эвес Христоска башкарткан болзуңарза, мага-бодуңар бачыдының ужун өлүг-даа болза, Бурганның мурнунга агарганыңар ужун Сүлде силерге мөңге амыдыралды хайырлаар. 11# Ин. 5:21; Аж.-ч. 2:24Иисус Христосту өлүглер аразындан катап диргискен Бурганның Сүлдези силер-биле кады амыдырай берген болза, Бурган ол-ла Сүлдезин дамчыштыр өлүр салымныг мага-бодуңарны тынгарыптар.
12Ындыг болганда, ха-дуңма, биеэги бачыттыг бүдүжүвүске өревис чок-тур, ооң күзээшкиннерин хандырары-биле амыдыравас ужурлуг бис. 13# Кол. 3:5 || Лев. 18:5Чүге дээрге бачыттыг бүдүжүңерниң кара аайы-биле амыдыраар болзуңарза, өлүрүнүң кырында силер, а бир эвес кижи бүдүжүңерниң ажыл-херээн Сүлдениң дузазы-биле өлүглендирер болзуңарза, амылыг артар силер.
14 # Ы. х. к. 14:1; Мф. 5:9; Ин. 1:12; 1 Ин. 3:1; 5:1Бурганның Сүлдези башкарган бүгү улус Бурганның ажы-төлү боор. 15# 2 Тим. 1:7 || 1 Кор. 2:12Чүге дээрге силерни ам база коргуп-сүртеп амыдыраарынче албадап, кулдар болдуруп турар сүлдени эвес, а Бурганның азыраан ажы-төлү болдуруп турар Сүлдени хүлээп алган силер. Ол Сүлдениң ачызында Бурганче: «Авва!#8:15 Авва (арамей дылда) – ажы-төл ачазын ынчаар адаар турган, ынчангаш Иисус Христос база Бурганны ынчаар адап, кый деп турган (Мк. 14:36; Гал. 4:6 көр). Ачай!» – деп кыйгырар-дыр бис. 16# 1 Ин. 3:2; Гал. 3:26; Эф. 1:5 || 1 Ин. 3:24; 2 Кор. 1:22; Эф. 1:13Бурганның ажы-төлү болганывыс дугайында Сүлде Боду бистиң сагыш-сеткиливис-биле кады херечилеп турар. 17# Гал. 3:29; 4:7; Эф. 3:6 || Тит. 3:7 || 2 Кор. 1:5; Флп. 3:10; Кол. 1:24 || 1 Пет. 5:1; Рим. 5:2; Эф. 3:16; Флп. 3:21А ажы-төлү болганывыста, салгакчылар бис. Бурганның салгакчылары боорда, Христос-биле деңге салгакчылар боор бис, чүге дээрге Ооң хилинчээн үлежип турар болзувусса, Ооң өндүр-чаагайындан үлүг база алыр бис.
Өндүр бедик байдалга чедирер Сүлде
18 # 2 Кор. 4:17Бисти манап турар өндүр бедик байдалга көөрде, амгы түр када хилинчээвис чүү-даа эвес деп бодаар мен. 19Чүге дээрге бүгү өлүг, дириг бойдус, Бурган кажан-на Бодунуң ажы-төлүн илередип кээр ирги деп, күштүг идегел-биле четтикпейн манап турар. 20# Э. д. 3:17-19; Эккл. 1:2Бүгү бойдус эки туразы-биле эвес, а ону чагырган Бурганның күзел-соруу-биле үре-түңнел чок хоозун дүрүмнерге чагырткан болгай. Ынчалза-даа бойдуста идегел бар. 21Ооң боду бустуушкуннуң кулданыындан хосталгаш, Бурганның ажы-төлүнүң хосталгазы болгаш өндүр-чаагайындан үлүг алыр деп идегел ол-дур. 22# Иер. 12:4, 11Бүгү өлүг, дириг бойдус, божаан херээжен дег, бөгүнге чедир човууртап, хилинчек көрүп турарын билир бис. 23# 2 Кор. 5:2; Гал. 5:5Чүгле бойдус эвес, а Бурганның эге дүжүдү кылдыр Сүлдени алган улус бис база ишти-хөңнүвүсте човууртап чор бис, чүге дээрге Бурган бисти ажы-төлүн кылдыр азырап ап, мага-бодувусту бустуушкундан хостаарын четтикпейн манап тур бис. 24# 2 Кор. 4:18; Евр. 11:1Шак ол идегел-биле камгалалды алган бис. Ынчаарга идегеливис бүде берген болза, ол идегел эвес-тир. Бар деп көрүп турар чүвезинге кым идегээрил? 25А ам-даа көрбейн турар чүвевиске идегээн болзувусса, ону шыдамык манап алыр бис.
26А ол ышкаш Сүлде биске, кошкак улуска, дузалаар. Чүнү дилээрин, канчаар болур-чогууру-биле мөргүүрүн билбес-тир бис, а Сүлде Боду сөс-биле дамчыттынмас чалбарыг-човуур-биле бисти дээш дилеп, болчур. 27# 1 Хаан. 16:7; 3 Хаан. 8:39; У. ч. 21:2; Иер. 11:20Ынчалза-даа эң-не чажыт бодал-сагыжывысты өттүр билир Бурган Сүлдениң чүү дээш мөргүл кылганын билир, чүге дээрге Сүлде Бурганның күзел-соруунуң аайы-биле Ооң чону дээш дилеп, болчуп турар.
28А бис билир бис: Бурганга ынак, Ооң бодалын ёзугаар кыйгырткан улуска шупту чүве ачы-буянныг боорунче угланган боор. 29# Мф. 28:10; Ин. 20:17; Кол. 1:15; Евр. 2:11 || 1 Ин. 3:2; 2 Кор. 3:18; Флп. 3:21Ооң Оглу хөй ха-дуңма улус аразынга эң улуу болзун дээш, өртемчейни чаяар бетинде-ле ынак апаргаш, шилип алган улузу Бодунуң Оглунуң овур-хевиринге дөмей боорун Бурган баш удур шилип каан. 30# Ин. 17:22Бурган кымнарны ындыг боору-биле баш удур шилээнил, оларны кыйгырып алган. А кыйгырып алган улузун актыг деп чарлааш, а ооң соонда өндүр бедик байдалга чедирген.
Бурганның ынакшылы Иисус Христоста боттанган
– 31# Сан. 14:9; Ыд. ыр. 117:6Бо бүгүге немептер чүвүс барыл? Бурган бистиң талавыста болза, кым биске удурланып шыдаарыл?
– 32# Ин. 3:16Кым-даа эвес! Бодунуң Оглун хайыралаваан, Ону бистиң шуптувус дээш өлүмге берипкен Бурган арткан бүгү чүүлдү Оглу-биле катай биске белек кылдыр бербес деп бе?
– 33# Мк. 13:20; Лк. 18:7; Кол. 3:12; Тит. 1:1 || Иса. 50:8Бурганның шилип алган улузун кым буруудадып шыдаарыл?
– Кым-даа эвес! Оларны Бурган актыг деп турар болганда, 34# Ыд. ыр. 109:1; Мк. 16:19; Аж.-ч. 7:55-56 || 1 Ин. 2:1; Рим. 8:34; Евр. 7:25кым буруу шаварыл?
– Кым-даа эвес! Чүге дээрге өлүп калган, оон туржук катап дирлип келген, Бурганның оң талазында барып олурупкан Христос – Ол бисти дээш дилеп, болчуп турар болгай.
– 35# Сол. ыр. 8:6Чүү чүве бисти Христостуң ынакшылындан чара кирип шыдаарыл? Аар-бергелер, кызып-кыйыышкыннар, истеп сүрүүшкүннер бе? Аш, чанагаш боору бе? Озал-ондактыг байдалдар азы шаажылал бе?
– 36# Ыд. ыр. 43:23; 1 Кор. 4:9Чүү-даа эвес! Бижилгеде мынчаар бижээн:
«Сени дээш хүннүң-не өлүм-биле арын көржүп тур бис, улус бисче, дөгерер дээн хойларже дег, көөр-дүр».
37 # Ин. 16:33; 1 Кор. 15:57Ындыг-даа болза, бо бүгүнү биске ханы ынак Бурганның ачызында бүрүнү-биле базып каан тиилекчилер бис. 38# 1 Пет. 3:22; 1 Кор. 15:24; Эф. 1:21Ыяк бүзүрээр мен: өлүм-даа, амыдырал-даа, дээрниң төлээлери-даа, делегейниң ээлери-даа, күштер-даа, амгы болгаш келир үелер-даа, 39үстүү, алдыы ораннар-даа – бүгү чаяалгадан чүү-даа чүве Бурганның Дээргивис Христос Иисусту дамчыштыр көргүскен ынакшылындан бисти чара кирип шыдавас.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025