Римчилерге 3
3
– 1# Ин. 4:22Ынчаарга иудей боорга азы кыртыжап демдектедирге, чүзү экил, ажыктыг чүүл бар бе?
– 2# Ы. х. к. 4:8; Ыд. ыр. 147:9Ийе, бүгү талазындан ап көөрге, ажыктыг. Хамыктың мурнунда, иудейлерге Бурганның сөстерин бүзүреп дааскан-дыр.
– 3# Рим. 9:6; 2 Тим. 2:13А иудейлерниң чамдыызы Аңаа шынчы эвес боор болза, чүү боорул? Оларның шынчы эвези Бурганның аазаан аксы-сөзүнге шынчызын күш чок болдурар бе?
– 4# Ыд. ыр. 50:6Черле чок! Бижилгеде Бурганның дугайында: «Шупту сөстериң дээш шынныг боор сен, чаргылдашсыңза, тиилеп алыр сен» деп бижээни дег, кижи бүрүзү-даа мегелээр болза, Бурган аазаан аксы-сөзүнге дөмей-ле шынчы.
– 5А бистиң шын эвес чоруувус Бурганның чөптүүн улам тода көргүзүп турар болза, чүү дээр бис? Бисче Бодунуң килеңин дүжүргеш, Бурган шын эвес кылып турар чадавас дивээн бе? (Кижиниң угаап шыдаар шаа-биле чугаалап тур мен.)
– 6Ындыг эвес болбайн канчаар! Оон башка Бурган бо делегейни канчап шиидип шыдаарыл?
– 7# Рим. 9:19А мээң мегем дамчыштыр Бурганның алыс шыны харын тода көстүп, Ооң алдары улам көвүдээр болза чүл? Ынчаарга мени, бачыттыг кижини дег, Ол чүге шиидип турарыл? 8# Рим. 6:1, 15 || 2 Кор. 6:8«Буян болзун дээш, бузут үүлгедирин өөредип турар силер» – деп, чамдык нүгүлчүлерниң бисти буруудадып турары шын эвес. Ындыг нүгүлчү улустуң шииттирери чөптүг!
Бурганның мурнунга актыг чаңгыс-даа кижи чок
– 9# Рим. 5:12; Гал. 3:22 || Рим. 1:18-32; 2:1-29Ынчаарга чүл? Бистиң, иудейлерниң, өскелерден арта берген чүвүс барыл?
– Чүвүс-даа чок. Иудейлер-даа, өске чоннар улузу-даа – шуптузу бачытка туттурган деп ооң мурнунда-ла буруудаткан болгай мен. 10Бижилгеде мынчаар бижээн:
«Чөптүг-шынныг чаңгыс-даа кижи чок. 11Бурганче чүткүп турар сарыылдыг кижи чок-тур. 12# Ыд. ыр. 13:1-3; Эккл. 7:20Шупту улус Бургандан ойталаан, кымның-даа ажык-дүжүү чок; буян кылып турар кижи тывылбаан – чаңгыс-даа кижи чок болган». 13# Ыд. ыр. 5:10 || Ыд. ыр. 139:4«Оларның өгү – ажык чевег-дир; аксы-дылы-биле авыяастаар хейлер-дир». «Оларның эриннеринде чылан хораны бар». 14# Ыд. ыр. 9:28«Оларның аастарын каргыш биле оо-хоран сөстер долган». 15«Оларның буттары кижи ханы төгер дээнде – далаш. 16Оларның эрткен оруунга хоозурал биле өлүм-чидим артып каар; 17# У. ч. 1:16; Иса. 59:7-8а амыр-тайбыңның оруун олар билбес». 18# Ыд. ыр. 35:2«Олар сеткилинде Бургандан шуут кортпас-тыр».
19Билир бис: ыдыктыг хоойлуда чугаалап турар бүгү чүүл ооң чагыргазының адаанда турар улуска хамааржыр, ынчангаш кым-даа бодун агартырын семевес, харын бүгү кижи төрелгетен Бурганның мурнунга харыы тудар. 20# Ыд. ыр. 142:2; Аж.-ч. 13:39; Гал. 2:16; 3:11 || Рим. 7:7Ооң уржуунда ыдыктыг хоойлуну сагааны-биле Ооң мурнунга кандыг-даа кижи актыг бооп шыдавас. Чүге дээрге ыдыктыг хоойлу дамчыштыр кижи бачытты медереп билип боор.
Агартыышкын бүзүрел дамчып кээр
21 # Рим. 1:17; Гал. 2:16 || Лк. 24:27; Аж.-ч. 10:43А ам, ыдыктыг хоойлудан хамаарылга чокка, Бурганның улусту кем-буруудан агартыр оруу ажыттынган-дыр, ол дугайында ыдыктыг хоойлу биле медээчилер номнары база херечилеп турар. 22Ол дээрге Бурганның Иисус Христоска бүзүрээн улустуң шуптузунга хайырлаар агартыышкыны-дыр. Бурганның мурнунга улуста кандыг-даа ылгал чок: 23# 3 Хаан. 8:46; 2 Чыл. 6:36; Ыд. ыр. 142:2; У. ч. 20:9; Эккл. 7:20; 1 Ин. 1:8-10олар шупту бачыт үүлгеткеш, Бурганның чайынналчак чырыынга четпейн турар болгай. 24# Тит. 3:7Ындыг-даа болза, улус шупту Бурганның авыралы-биле, оларны хостаар дээн Христос Иисусту дамчыштыр, агартыышкынны халаска ап шыдаар. 25-26# Ин. 1:29; 1 Ин. 2:2 || Аж.-ч. 17:30; Рим. 2:4Христоска бүзүрээн бүгү улус Ооң өлүмүнүң ачызында Бурганның килеңин чайладып шыдазын дээш, Бурган Христосту өргүл чижи кылдыр салган. Бурган шыдамыккай манап, улустуң биеэде үүлгеткен бачыттарын тоовайн эрттирипкеш, Бодунуң чөптүүн ынчалдыр көргүскен. Ол ышкаш Бурган амгы үеде база чөптүүн көргүзер бодаан. Ынчангаш Бурган Боду чөптүг-шынныг артар-даа-дыр, а Иисуска бүзүрээн улусту агарткаш, чөптүг-шынныг деп санаар-даа-дыр.
– 27# Рим. 2:17; 1 Кор. 1:29; Эф. 2:9Ынчаарга ам чүнүң-биле мактаныр бис?
– Чүнүң-биле-даа эвес.
– А чүге? Ажыл-херектер негээр ыдыктыг хоойлуну сагаанывыс дээш мактанып болбас бис бе?
– Чок! Чүгле бүзүрелдиң дүрүмү дээш. 28# Аж.-ч. 13:39Чүге дээрге кижи чүгле бүзүрелиниң ачызында, ыдыктыг хоойлуну сагаанындан хамаарылга чокка, актыг боор деп бадыткап турар бис.
– 29# Рим. 9:24; 10:12А Бурган? Таанда Ол чүгле иудейлерниң Бурганы бе? Өске чоннар улузунга база Бурган болбас бе?
– Ийе, Ол өске чоннар улузунга база Бурган боор. 30# Ы. х. к. 6:4-5; Гал. 3:20 || Гал. 3:8Бурган чаңгыс. Ол кыртыжап демдектеткен-даа, кыртыжап демдектетпээн-даа улусту бүзүрели дээш бир дөмей агартыр.
– 31# Мф. 5:17Ынчаарга бүзүреливис дээш ыдыктыг хоойлуну күш чок болдуруп турарывыс ол бе?
– Черле чок! Харын ону быжыглап турар-дыр бис.
Currently Selected:
Римчилерге 3: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
