Римчилерге 12
12
Христоска башкарткан чаа амыдырал
1 # Рим. 6:13Ха-дуңма, ынчангаш силерден аажок дилеп тур мен: Бурганның биске өршээлдииниң ачызында, дириг, ыдыктыг база Аңаа таарымчалыг өргүл кылдыр, мага-боттарыңарны Бурганга бүрүнү-биле бериптиңер. Силерниң ындыг бараан болуушкунуңар угаан-сарыылдыг боор. 2# Эф. 5:17; 1 Фес. 4:3 || 2 Кор. 4:16; Эф. 4:23Бо делегейниң амыдыралының аян-шинчизинге чаңчыгып, аңаа дөмей болбаңар, а Бурганның силерден чүнү күзээнин, кандыг чүүлдер Ооң мурнунга эки, таарымчалыг база четпес чүве чок боорун билип аар дээш, угааныңар чаартып, бодуңар бүрүнү-биле эде тургустунуп алыңар.
3 # Эф. 3:2 || Эккл. 7:16Меңээ хайырлаан элчин боор авыралды ажыглап, силерниң кижи бүрүзүнге чугаалап тур мен: боттарыңарны чогуур деңнелден өрү көрбеңер. Силерниң кижи бүрүзүнге Бурганның хайырлааны бүзүрелди барымдаалап, боттарыңар дугайында сарыылдыг бодап көрүңер, биче сеткилдиг болуңар. 4# 1 Кор. 12:12-14; Эф. 4:16Чижек кылдыр мага-бодувусту алыылы: ол чаңгыс болгай, ынчалза-даа хөй кезектерден бүткен (а ол кезектерниң хүлээлгелери база аңгы-аңгы). 5# 1 Кор. 10:17; 12:27; Эф. 4:25Бис база ындыг бис: хөй-даа болзувусса, Христоска башкарты бергеш, чаңгыс мага-ботту тургускан бис, а ол мага-боттуң кезектери боор боттарывыс аравыста харылзаалыг бис. 6# 1 Пет. 4:10; 1 Кор. 12:4Бурган авыралында янзы-бүрү ачы-буянныг белектерни Оон алган бис: Бурганның күзел-соруун медеглээр болган кижи ону бүзүрелиниң аайы-биле кылып чорзун; 7# 1 Кор. 12:5улуска бараан боор болган кижи – бараан бооп чорзун; өөредиг берип, башкылаар болган кижи – өөредиг берип чорзун; 8# 1 Тим. 5:17 || 2 Кор. 9:7аргалал бээр болган кижи – аргалал берип чорзун; улуска дузалап, бодунуң эт-хөреңгизин үлеп бээр болган кижи – элбээ-биле дузалап чорзун; сагыш човап, удуртур болган кижи – кызымак удуртуп чорзун; буян чедирер болган кижи – ону чазык-чаагай кылып чорзун.
9 # 1 Пет. 1:22; 1 Тим. 1:5 || Ыд. ыр. 96:10; Ам. 5:15Ынакшылыңар ажыт-чажыт чок, шынчы болзун. Бузутту көөр хөөн чок, буянга бердинген болуңар. 10# Ин. 13:34; 1 Пет. 1:22; 2 Пет. 1:7; 1 Фес. 4:9; Евр. 13:1 || Флп. 2:3Бот-боттарыңарга, ха-дуңмашкы улус дег, эрге-чассыг ынак болуңар; бирээңер өскеңерни бодундан артык хүндүлеп көрзүн. 11Дээрги-Чаяакчыга кошкаш дивес чүткүл-сорук-биле, Ыдыктыг Сүлдеден кыптыгып, бараан болуңар. 12# Лк. 18:1; 21:36; Эф. 6:18; Кол. 4:2; 1 Фес. 5:17Идегелиңер силерге өөрүшкүнү эккелзин, аар-бергелерге таварышкаш, туруштуг болуңар; мөргүлден черле салдынмаңар; 13# Рим. 15:25; 1 Кор. 16:1; 1 Тим. 6:18Бурганның улузу түрегдел көрүп турар болза, дузадан кадыңар. Хүндүлээчел ээлер болуңар. 14# Иов 31:29-30; Мф. 5:44; 1 Пет. 3:9Силерни истеп сүрген улусту алгап-йөрээңер, каргыш салбайн, алгап-йөрээңер. 15# 1 Кор. 12:26Өөрүп турарларның өөрүшкүзүн-даа, качыгдап ыглааннарның качыгдалын-даа үлежиңер. 16# 1 Пет. 3:8; Флп. 2:2Араңарда чаңгыс эп-сеткилдиг амыдыраңар. Улуургак болбаңар, бөдүүн улус аразынче кириңер, бодуңарны өрү көрдүнмеңер.
17 # Лев. 19:18; 1 Пет. 3:9; 1 Фес. 5:15Кымдан-даа чедирген хоразы дээш хора-биле орнун негевеңер. Бүгү улустуң эки деп санаар чүвезин кылыр дээш сагыш човаңар. 18# Мк. 9:50; 2 Кор. 13:11; 1 Фес. 5:13Силерниң талаңардан, болдунар-ла болза, бүгү улус-биле эп-найыралдыг амыдыраңар. 19# У. ч. 20:22 || Ы. х. к. 32:35; Евр. 10:30Ханы ынак эш-өөр, улустан өжээн негевеңер, ооң орнунга Бурганның килеңинге орук чайлаңар. Бижилгеде мынча деп бижээн болгай: «„Улустан өжээн негеп, кезедир арга Менде бар“ – деп, Дээрги-Чаяакчы чугаалаан». 20# 4 Хаан. 6:22; 2 Чыл. 28:15; Мф. 5:44 || У. ч. 25:21-22Харын
«дайзының аштаан болза, чемгерип каг; суксаан болза, сугдан ижиртип каг. Ынчаар кылгаш, оттуг көстерни ооң бажынга чыып бээр сен».
21Бузутка бодуңну бастыртпа, а ону буян-биле бас.
Currently Selected:
Римчилерге 12: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
