Марк Киирилде
Киирилде
Бурунгу христиан төөгүчүлернии-биле алырга, бо номнуң автору – Варнава элчинниң төрел дуңмазы Иоанн Марк. Христиан өөредигни нептередир херекке Марк баштай Павел-биле, а ооң соонда (бистиң эраның 60 чылдарында) Римге Пётр-биле кады ажылдап турган.
Бо ном дөрт Буянныг Медээниң эң кысказы болур. Амгы үениң шинчилекчилериниң хөй кезии ол баштай бижиттинген деп база Матфей биле Лука боттарының Буянныг Медээлерин бижип тура, ону ажыглап турган деп санап турар. Марк Иисус Христостуң Галилеяга бараан болуушкунунуң үезинде кылган ажыл-херээнче болгаш Иисустуң амыдыралының Иерусалимге эрткен сөөлгү неделязынче кол кичээнгейни салган. Иисус дээрге Бурганның Оглу дээрзин база Ол кандыг-даа аарыг-аржык, хилинчек болгаш өлүмнү чагырар эргелиг дээрзин көргүзерин Марк кыскан. Ол Иисустуң төрүттүнгенин-даа, Ооң катап дирилгениниң соонда болган чүүлдерниң хөгжүлдезин-даа тодарадып биживээн.
Марк бодунуң Буянныг Медээзинде чамдыкта грек дылче үлегерлеп алган латин сөстерни ажыглап турар база ооң тоожулалында таваржып кээр арамей сөстерни номчукчуларга тайылбырлаарын оралдажып турар. Ол чорук Марк Буянныг Медээни еврейлерге эвес, а өске чоннарга бижээнин айтып турар чадапчок.
Currently Selected:
Марк Киирилде: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025