Матфей 5

Иисустуң даг кырынга чонга өөредиг бергени

1Мөөң чонну көрүп кааш, Иисус дагже үне берген. Ол орта олуруп аарга, өөреникчилери Ооң чанынга чедип келгеннер. 2Иисус оларны өөредип, мынча дээн:

Ылап шын амыр-чыргалдыг улус

(Лк. 6:20-23)

3 # Соф. 3:12«Сагыш-хөңнү ядарааннар амыр-чыргалдыг, чүге дээрге Дээрниң Чагыргазы оларныы боор.

4 # Эккл. 7:3; Иса. 61:2-3; 2 Кор. 7:10; Ажыд. 21:4Муңгарап ыглааннар амыр-чыргалдыг, чүге дээрге Бурган оларны аргалап каар.

5 # Ыд. ыр. 36:11; У. ч. 2:21Биче сеткилдиглер амыр-чыргалдыг, чүге дээрге чер-чуртту салгап алырлар.

6 # Ыд. ыр. 41:2; Иса. 55:1; Ин. 7:37Чөптүг-шынныг чорук кылыксааш, аштап-суксаан чүве дег, кызып чүткээннер амыр-чыргалдыг, чүге дээрге Бурган оларның ындыг күзелин бүрүнү-биле хандырар.

7 # У. ч. 19:17; Лк. 6:36Өскелерге өршээлдиглер амыр-чыргалдыг, чүге дээрге Бурган оларга өршээлдиг боор.

8 # Ыд. ыр. 23:4; 50:12 || 1 Ин. 3:2; Евр. 12:14; Ажыд. 22:4Арыг чүректиглер амыр-чыргалдыг, чүге дээрге Бурганны көөрлер.

9 # Иак. 3:18; 2 Тим. 2:22 || Ин. 1:12; 1 Ин. 3:1; 5:1; Рим. 8:14Амыр-тайбың нептередикчилери амыр-чыргалдыг, чүге дээрге Бурган оларны ажы-төлүм деп адаар.

10Чөптүг-шынныг чоруу дээш истедип сүрдүргеннер амыр-чыргалдыг, чүге дээрге Дээрниң Чагыргазы оларныы боор.

11 # Иак. 1:2; 1 Пет. 4:14Мени эдергениңер дээш улус силерни бак сөглээр, истеп сүрер болгаш канчаар-даа нүгүлдээр болза, амыр-чыргалдыг силер. 12# Аж.-ч. 5:41; Иак. 1:2; Рим. 5:3; 2 Кор. 12:10; Евр. 10:34Ол дээш өөрүп-байырлаңар! Чүге дээрге аажок улуг шаңнал силерни дээрге манаар. Силерниң мурнуңарда чурттап чораан Бурганның медээчилерин база ынчалдыр истеп сүрүп турганнар».

Дус биле чырык

(Мк. 9:50; Лк. 14:34-35)

13«Силер – кижи төрелгетенниң дузу силер. Дус ажыг эвес апарза, ооң амданын чүнүң-биле дедир эгидерил? Ол ам чүге-даа херек чок апаар, улус таптай бассын дээш, ону чүгле үндүр октаары артар. 14# Эф. 5:8Силер – бүгү делегейниң чырыы силер. Даг кырында турар хоорай ажытталып шыдавас. 15# Мк. 4:21; Лк. 8:16; 11:33Кым-даа болза чырыткыны кывыскаш, сава-биле дуй базырбас, харын бажыңда хамык улуска чырызын дээш, ону колдуга салып каар. 16# 1 Пет. 2:12; 2 Кор. 9:13Ачылыг ажыл-херээңер көзүлзүн база улус Дээрде Адаңарны алдаржытсын дээш, силерниң чырыыңар улус мурнунга база ынчалдыр чырызын».

Моисейниң берген хоойлузу

17 # Рим. 3:31; 10:4«Мени ыдыктыг хоойлуну азы Бурганның медээчилериниң өөредиин күш чок болдурар дээш келген деп бодаваңар. Мен оларның өөредиин күш чок болдурар эвес, а боттандырар дээш келген мен! 18# Лк. 16:17Алыс шынны чугаалап тур мен: дээр биле чер-ле хевээр турар болза, ол бүгү боттанмаан шаанда, ыдыктыг хоойлудан чаңгыс-даа эң хензиг үжүк, чаңгыс-даа шыйыг читпес. 19# Мф. 11:11; 18:4Ынчангаш айтыышкыннарның эң бичиизин-даа үрээр болгаш өскелерни база ынчаар кылырынга өөредир кижи Дээрниң Чагыргазынга адактың адаа боор. А айтыышкыннарны күүседир база өскелерни ынчаар өөредир кижи Дээрниң Чагыргазынга өндүр улуг боор. 20# Ин. 3:5Силерге чугаалап тур мен: фарисейлер болгаш ном-хоойлу тайылбырлакчыларындан артык чөптүг-шынныг чурттавас болзуңарза, Дээрниң Чагыргазынче кирбес силер».

Килең дугайында

21 # Хост. 20:13«Бурунгу өгбелеривиске: „Кижи өлүрбе! А өлүрүкчүнү шииткелге онаар-дыр“ – деп чугаалаанын дыңнаан силер. 22# 1 Ин. 3:15А Мен ам силерге: „Өске кижиже килеңнээн кижи#5:22 Өске бурунгу сөзүглелдерде «Хей черге килеңнээн кижи» деп бижээн. безин шииткелге төлептиг“ – деп тур мен. Кым өске кижиге: „Чөгенчиг хей!“ – дээрил, ону дээди иудей Чөвүлелге шиидип болур. Кым: „Мелегей!“ – дээрил, ону тамының оду-биле кезедип болур. 23Сен өргүл салыр бедигээшче Бурганга өргүлүң аппаргаш, өске кижиниң сеңээ бир-ле хомудалын сактып келзиңзе, 24өргүлүңнү бедигээш мурнунга каапкаш, баштай ол кижи-биле барып эптежип ал. Оон дедир келгеш, ам-на Бурганга өргүлүң кыл.

25 # У. ч. 25:8 || Лк. 12:58-59Сени буруудаткаш, шииткел черинче аппар чыдар кандыг-бир кижи бар болза, ооң-биле орук ара эрте дээре эптежип ал. Оон башка адаанчың сени шииткекчиге эккээр, а шииткекчи сени таңныылга хүлээдиптерге, ол сени кара-бажыңче киир октаптар. 26Алыс шынны сеңээ чугаалап тур мен: өреңни сөөлгү көпеекке чедир#5:26 Көпеек – үндезин сөзүглелде кодрант деп бижээн, ол болза 1 г. хире деңзилиг рим чес чоос болур. төлеп бербээн шааңда, оон үнүп шыдавас сен».

Кады чурттаан эжинге өскерилбезиниң дугайында

27 # Хост. 20:14«„Кады чурттаан эжиңге өскерилбе“ – деп чугаалаанын дыңнаан силер. 28# Иов 31:1; У. ч. 6:25А Мен силерге херээженче туралап кайгапкан кижи-ле ооң-биле сагыжында өскерлипкени ол деп чугаалап тур мен. 29Оң карааң сени бачытче чыгаар болза, ону ушта казып, октавыт! Бүгү мага-бодуңну тамыже киир октадырының орнунга, ооң бир кезээнден адырлыры сеңээ дээре. 30# Мф. 18:8-9; Мк. 9:43-44Оң холуң сени бачытче чыгаар болза, ону одура шаап, октавыт! Бүгү мага-бодуңну тамыже киир октадырының орнунга, ооң бир кезээнден адырлыры сеңээ дээре».

Чарлыышкын дугайында

(Мф. 19:9; Мк. 10:11-12; Лк. 16:18)

31 # Ы. х. к. 24:1-3«„Кадайы-биле чарлып турар кижи чарлыышкын херечилелин аңаа бээр ужурлуг“ – деп чугаалаан-дыр. 32# Рим. 7:3; 1 Кор. 7:10-11А Мен болза кадайының самыыраанындан өске кандыг-бир чылдагаан-биле оон чарлып турар кижи ону ашаанга өскерлиринче албадапкан боор деп чугаалап тур мен. А ол ышкаш бодунуң ашаандан чарылган херээженни кадайланып алган кижи база ашак-кадайның аразында шынчы чорукту үрээни ол».

Даңгырактар дугайында

33 # Сан. 30:3; Ы. х. к. 23:21«Бурунгу өгбелеривиске: „Аксы-даңгырааңны сагып чор. Дээрги-Чаяакчының мурнунга аашкынган чүвеңни күүсет“ – деп чугаалаанын дыңнаан силер. 34# Иса. 66:1; Аж.-ч. 7:49А Мен силерге шуут-ла даңгыраглаваңар деп чугаалап тур мен: дээр-биле-даа, чүге дээрге ол Бурганның дүжүлгези-дир; 35# Ыд. ыр. 98:5 || Ыд. ыр. 47:3чер-биле-даа, чүге дээрге ол болза Бурганның бут салыр ширтээ-дир; Иерусалим-биле-даа, чүге дээрге ол өндүр улуг Хаанның хоорайы-дыр; 36бодуңнуң бажың-биле-даа, чүге дээрге чаңгыс-даа дүгүңнү ак азы кара кылып шыдаар эвес сен. 37# Иак. 5:12Чүгле ылап „ийе“ болза, „ийе“ деп, ылап „чок“ болза, „чок“ деп чоруңар. А аңаа немей чугаалаан бүгү чүве – эрликтен келген боор».

Дайзыннарыңарга ынак болуңар

(Лк. 6:27-36)

38 # Хост. 21:23-25; Лев. 24:19-20; Ы. х. к. 19:21«„Карак дээш карак, диш дээш диш“ – дээнин дыңнаан силер. 39# Ыы. 3:30; 1 Пет. 2:23; Рим. 12:17; 1 Кор. 6:7А Мен силерге мынча деп тур мен: бузуттуг кижиге удурланма. Оң талакы чаагыңче дажыпкан кижиге солагай талазын база дөгеп бер. 40Хөйлеңиң хунаап алыр дээш, чаргы-чаалы үндүрген кижиге тонуңну база уштуп бер. 41Сени ооң-биле кады муң базым эртип, аңаа дузалаарынче албадапкан кижи-биле кады немей база бир муң базымны эрт.#5:41 Рим шериглер чагырганы девискээрге кандыг-даа кижини оларның чүъгүн 1 миля (1,5 хире км) черге көдүреринче албадап болур эргелиг турган. 42# Ы. х. к. 15:7-8; У. ч. 21:26Сенден диленген кижиге бер, сенден чегдинген кижиге бербес мен диве.

43 # Лев. 19:18 „Чаныңда кижиге ынак бол, а дайзыныңны көөр хөңнүң чок бол“ – деп чугаалаанын дыңнаан силер. 44# Рим. 12:20 || Лк. 23:34; Аж.-ч. 7:60; 1 Пет. 3:9; Рим. 12:14А Мен ам силерге мынча деп тур мен: дайзыннарыңарга ынак болуңар, силерни истеп сүргеннер дээш мөргүңер#5:44 Өске бурунгу сөзүглелдерде бо сөстерге «Силерни каргап турарларны алгап-йөрээңер, силерни көөр хөңнү чок улуска буяндан кылып чоруңар, силерни дорамчылап турарлар дээш мөргүңер» деп сөстерни немээн (Лк. 6:28 көр).. 45# Иов 25:3 || Аж.-ч. 14:17Ынчан силер Дээрде Адаңарның ажы-төлү боор силер. Ол Бодунуң хүнүнге бузуттуг-даа, буянныг-даа улустуң кырынга деңге хүннезин деп чарлык үндүрүп, эки-даа, бак-даа улусче чаъзын деңге чагдырып турар болгай. 46Чүгле силерге ынак улуска ынак болзуңарза, чүү дээш шаңнал алыр силер? Үндүрүг хавырыкчылары база ынчалдыр кылып турар эвес бе? 47Чүгле боттарыңарның чоок улузуңар-биле мендилежип чоруур болзуңарза, онзагай чүнү кылып чорууруңар ол? Өске чоннар улузу база ынчалдыр кылып турар эвес бе?

48 # Лев. 19:2; Ы. х. к. 18:13; 32:4; Ыд. ыр. 17:31; Мф. 19:21; Иак. 1:4; Эф. 5:1; Кол. 1:28Ынчангаш Дээрде Адаңарның четпес тала чогу дег, силер база четпес тала чок бооп көрүңер».

Currently Selected:

Матфей 5: Ы.Б.2025

Highlight

Copy