Матфей 24

Келир үеде болур хөлзээшкиннер

(Мк. 13:1-13; Лк. 21:5-19)

1Иисус оон Бурганның өргээзиниң мурнундан үнгеш, бар чыдырда, өөреникчилери Аңаа чоокшулап келгеш: «Бурганның өргээзиниң тудугларының чаражын!» – деп барганнар.

2 # Лк. 19:44Иисус оларга мынча дээн: «Бо бүгүнү көрүп тур силер бе? Силерге алыс шынны чугаалап тур мен: маңаа туружундан шимчевээн даш безин артпас, шупту тудуглар үрегдеттирип-буступ каар».

3Иисус Елеон даанга чааскаан олурда, өөреникчилери Аңаа чедип келгеш, айтырыг салганнар: «Ол айыыл-халап кажан боорун биске чугаалаңарам. Силерниң чедип кээриңерни болгаш бо делегейниң төнчүзүн кандыг демдек бадыткаарыл?»

4 # 1 Ин. 3:7; Кол. 2:8; 2 Фес. 2:3Иисус оларга мынча деп харыылаан: «Кандыг-даа улуска дуурайладып аарындан кичээниңер. 5# Иер. 14:14Чүге дээрге хөй-ле кижи Мээң адым тудуп: „Мен – Христос-тур мен“ – деп келгеш, эңдерик улусту мегелеп кааптар. 6# Иер. 51:46Чоокта дайын-чааның шимээнин болгаш ыракта дайын-чаалар дугайында чугааларны дыңнап каар силер. Ындыг-даа болза, кортпаңар. Ол бүгү болур ужурлуг, ынчалза-даа бүгү чүвениң ылаптыг төнчүзү ол эвес-тир. 7# 2 Чыл. 15:6; Ажыд. 6:4 || Аж.-ч. 11:28; Ажыд. 6:8, 12Ийе, бир чонче өске чон, бир күрүнеже өске күрүне халдай бээр. Чер болганга аш-чут база чер шимчээшкиннери болур: 8ол бүгү, божаан херээжен улустуң эъдиниң аарыы дег, хилинчектиң чүгле эгези-дир.

9 # Мф. 10:22; Ин. 15:18Силерни ынчан хилинчектээр дээш, улуска тудуп берип, өлүрүп эгелээр. Мээң адым ужун бүгү кижи төрелгетен силерни көөр хөңнү чок апаар. 10# Мф. 10:21Эңдерик улус бо моондакты ажып шыдавастап, бот-боттарын сатчып база көрүшпестеп эгелээр. 11# Мф. 7:15Хөй меге медээчилер ынчан тыптып келгеш, эңмежок улусту мегелеп кааптар. 12Бузут ынчалдыр нептерээрге, эңдерик улустуң ынакшылы соой бээр. 13# Иак. 5:11; Ажыд. 2:10Ынчалза-даа ол бүгүнү эчизинге чедир шыдашкан кижи камгалалды алыр. 14# Мф. 28:19; Рим. 10:18; Кол. 1:6, 23Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар, бүгү чүвениң төнчүзү чүгле ооң соонда кээр».

Ам кээр коргунчуг айыыл-халап

(Мк. 13:14-23; Лк. 21:20-24)

15 # Дан. 9:27; 11:31; 12:11«Ол дугайында Даниил медээчиниң чугаалааны, ыдыктыг черде турар хоозуралдың бужар чудун көрүп кагзыңарза#24:15 Еврейлер Дээрги-Чаяакчыдан аңгы бүгү бурганнарга мөгеерин «бужар чут» деп санап турганнар. Хөй-ле шинчилекчилер Даниил медээчиниң өттүр билген сөстери (Дан. 9:27) б. э. чедир 167 ч. боттанган деп санап турганнар. Ол чылын Антиох Эпифан хаан Иерусалимде Бурганның өргээзинге Зевс бурганга өргүл бедигээжи тудуп каан. Ол чорук Бурганның өргээзин бужартадып, «хоозуралга» азы аңаа Бурганга бараан болуушкуннарны соксадырынга чедирген. (номчуп орар кижи шын угаазын!), 16Иудеяда чурттаан улус дагларже дезипсин. 17# Лк. 17:31Бажыңының кырынга#24:17 Бажың кыры – Иудеяда бажыңнар крышалары ийленчек эвес, а калбак болур турган, а чурттакчы чон оларны дыштаныр чер база үстүкү каът кылдыр ажыглап турган. турган кижи, эт-севин алыр дээш, бажыңынче дүжүп кирбезин. 18Шөлге ажылдап чораан кижи, идик-хевин алыр дээш, бажыңынче ээп келбезин. 19# Лк. 23:29Ол хүннерде иштиг-сааттыг болгаш эмер чаш уруг-дарыглыг улус ат болур! 20Кыжын азы амыр-дыш хүнүнде деспес дээш мөргүңер. 21# Иер. 30:7; Дан. 12:1; Ажыд. 16:18Бо делегейни чаяаганындан бээр, амдыгаа чедир кажан-даа болбаан база моон соңгаар кажан-даа болбас коргунчуг хилинчек ол үеде болур. 22# Иса. 65:8; Лк. 18:7Бурган ол хүннерниң санын кызырбаан болза, амылыг кижи бүрүзү менди үнмес ийик. Ынчалза-даа Бодунуң шилип алганы улус дээш, Бурган ол хүннерниң санын кызырар.

23 # Лк. 17:23Силерге ынчан кандыг-бир кижи: „Көр, Христос бо-дур!“ азы „Ол бо-дур!“ – дээр болза, аңаа бүзүревеңер! 24# Ы. х. к. 13:1; 2 Фес. 2:9; Ажыд. 13:13; 16:14Чүге дээрге боттарын „Христос мен“ дээр азы „Медээчи мен“ дээр улус тыптып келгеш, болдунар-ла болза, Бурганның шилип алган улузун безин мегелээр дээш, өндүр улуг бадыткал демдектери болгаш кайгамчык чүүлдер көргүзер. 25# Ин. 13:19; 14:29Дыңнаңар, Мен силерни баш бурунгаар сагындырдым.

26Ынчангаш силерге: „Көрүңер, Христос ээн кургаг ховуда-дыр!“ – дээр болза, ынаар барбаңар азы: „Көрүңер, Ол мында, дуу бажыңда чаштынып турар-дыр“ – дээр болза, бүзүревеңер. 27# Лк. 17:24Чөөн чүктен кызаш дээш, барыын чүкке чедир кызаңнаан чаңнык дег, Кижи амытан Оглу ынчалдыр ээп кээр. 28# Лк. 17:37Кайда сек чыдарыл, аңаа сек чиир куштар чыглып кээр».

Кижи амытан Оглунуң чедип кээри

(Мк. 13:24-27; Лк. 21:25-28)

29 # Ам. 8:9 || Иса. 13:10, 13; 34:4; Иоил 2:31; Агг. 2:6; Аж.-ч. 2:20; Ажыд. 6:13«Ол хүннерниң айыыл-халавы болуп эрткен дораан-на,

хүн караа өжер, ай чырытпастай бээр, сылдыстар дээрден кээп дүжер база дээрниң күчү-күштери сириңейнип, божаңнай бээр.

30 # Дан. 7:13; Мф. 16:27 || Зах. 12:10-12Кижи амытан Оглунуң кээриниң демдээ ол үеде дээрге көстүп кээр. Күчү-күжү биле өндүр чырыынга бүргеткен, дээрниң булуттарын кырлап кел чыдар Кижи амытан Оглун көрүп кааш, чер кырында хамык аймак-чон кажыыдап база ыглажып эгелээр. 31# Иса. 27:13; 1 Кор. 15:52; 1 Фес. 4:16; Ажыд. 11:15 || Мф. 13:41; 2 Фес. 2:1Ол, трубаны ыыткыр этсип, Бодунуң шилип алган улузун чырык черниң дөрт чүгүнден, өртемчейниң бир кыдыындан өске кыдыынга чедир чыып эккелзин дээш, Бодунуң төлээлерин чорудуптар».

Фига ыяжының чижээ-биле кичээндириг

(Мк. 13:28-31; Лк. 21:29-33)

32«Фига ыяжындан үлегер-чижектен алыңар: ооң будуктары хөөп, бүрүлери частып кээрге, чай удавас дүжер дээрзин эндевес болгай силер. 33Шак ынчалдыр, ол бүгүнү көргеш, Кижи амытан Оглу мырыңай бо, эжик аксында келген дээрзин билип алыңар. 34# Мф. 16:28Алыс шынны силерге чугаалап тур мен: ол бүгү чүве боттанмаан шаанда, бо салгалдың улузу өлүп читпес. 35# Ыд. ыр. 101:26-27; Иса. 51:6; 2 Пет. 3:10Дээр биле чер эстип-хайлы бээр, а Мээң сөстерим эстип-хайылбас».

Шагы, хүнү билдинмес

(Мк. 13:32-37; Лк. 12:38-40; 17:26-30, 34-36)

36 # Зах. 14:7«А ол хүннүң база шактың кажан кээрин кым-даа: дээрниң төлээлери-даа, Оглу-даа билбес#24:36 Өске бурунгу сөзүглелдерде «Оглу-даа» деп сөс таварышпайн турар. – чүгле Бурган Ада Боду билир. 37# Э. д. 6:5Нойнуң үезинде болуп турганы дег, Кижи амытан Оглунуң чедип кээр хүнүнде база ындыг боор. 38Ол хүннерде, суг халавының мурнуу чарыында, Нойнуң бажың-хемезинге олурупканы хүнге чедир, улус-чон ижип-чип, кадай ап база ашакка барып келген болгай. 39# Э. д. 7:21Суг халап келгеш, оларның шуптузун узуткап каггыжеге чедир, олар чүнү-даа угаап бодавааннар. Кижи амытан Оглу чедип кээрге, база шак ындыг боор. 40# Зах. 14:2Ийи кижи ынчан шөлде ажылдап турар болза, бирээзин алгаш баар, а өскезин арттырып каар. 41Ийи херээжен кижи дээрбеге тараа дээрбелеп турар болза, бирээзин алгаш баар, а өскезин арттырып каар.

42 # Мф. 25:13Ынчангаш одуг-сергек болуңар, чүге дээрге Дээргиңерниң кандыг хүнде чедип кээрин билир эвес силер. 43# 2 Пет. 3:10; 1 Фес. 5:2Мону база билип алыңар: бажың ээзи дүнекиниң каш шакта оор кээрин билир турган болза, ол удувас ийик база бодунуң бажыңын оорлаттырбас ийик. 44# Ажыд. 3:3; 16:15Ынчангаш силер база белен болуңар, чүге дээрге Кижи амытан Оглу силерниң манаваан шагыңарда чедип кээр».

Шынчы база шынчы эвес ийи чалча

(Лк. 12:42-48)

45«Шынчы болгаш сарыылдыг чалча кандыг болурул? Бажың ээзи бир чалчазын өскелериниң бажынга салгаш, оларга аъш-чемни чогуур үезинде бээр кылдыр томуйлап каан дижик. 46# Мф. 25:21; Ин. 13:17Ээзи чедип келгеш, ооң ынчалдыр ажылдап турарын көрүп каар болза, ол чалча амыр-чыргалдыг. 47Алыс шынны силерге чугаалап тур мен: ээзи ону бүгү ээлээн чүвезиниң бажынга олуртуп каар. 48# Мф. 25:5А ол чалча ойлук чок болуп, бүдүү иштинде: „Мээң Дээргим ам дораан келбес-ле болгай“ – дээш, 49өске чалчаларны эттеп-соп, а боду чилбиленип, арагачылар-биле пактай берген дижик. 50Ындыг чалчаның ээзи ооң манавааны хүнде база бодавааны шакта чедип келгеш, 51# Мф. 8:12ону чула кезеткеш, ийи арынныг улус-биле дөмей кылдыр аажылаар. Аңаа ыы-сыы үнер база диштер кыжыраажы дыңналыр».

Currently Selected:

Матфей 24: Ы.Б.2025

Highlight

Copy