Матфей 19
19
Өг-бүле тудары база чарлыышкын дугайында
(Мк. 10:1-12)
1Чугаалап дооскаш, Иисус Галилеяны каггаш, Иордан хемниң ол чарыында Иудеяның черлеринче чорупкан. 2Мөөң чон Ону эдерип чораан, а Ол аңаа улусту экиртип турган.
3Чамдык фарисейлер Иисуска чедип келгеш, Ону шенээр сагыштыг, айтырыг салган: «Эр кижи кандыг-даа чылдагаан-биле кадайындан чарлып болур бе?»#19:3 Моисейниң хоойлузу чарлырын чөпшээрээн (Ы. х. к. 24:1), ынчалза-даа ыдыктыг хоойлунуң башкыларының аразынга чарлы берип болгу дег чылдагаан дугайында маргылдаа чоруп турган. Гиллелдиң школазы ашаа кандыг-даа чылдагаан-биле кадайындан чарлып болур деп санаан. А Шаммайның школазы чүгле кадайы ашак-кадайның шынчы чоруун үрээн таварылгада чарлып болур деп санап турган.
4 # Э. д. 1:27Харыызынга Ол мынча дээн: «А силер Чаяакчы эң эгезинде эр биле кыс кижини чаяаган дээнин номчувааныңар ол бе? 5# Э. д. 2:24; Эф. 5:31Оон мынча дээн болгай: „Эр кижи ада-иезин каапкаш, кадайы-биле катчы бээр, олар ам ийи эвес, а чаңгыс мага-бот апаар“. 6# 1 Кор. 6:16 || Мал. 2:16; 1 Кор. 7:10Ынчангаш олар ам ийи эвес, а чаңгыс мага-бот боор-дур. Бурганның каттыштырган чүвезин кижи чарып болбас ужурлуг».
7 # Ы. х. к. 24:1А олар Оон айтырыг салган: «Ынчаарга Моисей чүге эр кижиге кадайынга чарлыр дугайында бижик бергеш, ону чандырыптар деп чарлык үндүргенил?»
8«Чүректериңер доң дош боорга, Моисей силерге кадайларыңардан чарлырын чөпшээрээн-дир – деп, Иисус харыылаан. – Ынчалза-даа эгезинде ындыг эвес турган. 9# Мф. 5:32; 1 Кор. 7:10Кадайының самыыраанындан аңгыда, кандыг-бир чылдагаан-биле оон чарылгаш, өске кадай алган кижи ашак-кадайның шынчы чоруун үрээни ол болур деп тур мен»#19:9 Өске бурунгу сөзүглелдерде бо сөстерге «Ашаандан чарылган херээженни кадайланып алган кижи база ашак-кадайның шынчы чоруун үрээни ол болур» деп сөстерни немээн (Лк. 16:18 көр)..
10А өөреникчилери Аңаа мынча дээн: «Кадайының мурнунга эр кижиниң хүлээлгелери ындыг боор болза, шуут өгленмээни дээре-дир оң!»
11 # Мк. 4:11; 1 Кор. 7:7; 1 Тим. 5:14Иисус: «Мээң чугаалаан чүвемни шупту улус эвес, а чүгле Бурганның ындыг арга бергени улус хүлээп ап шыдаар – деп харыылаан. – 12Эр улустуң өг-бүле тудуп шыдавазында элээн каш чылдагаан бар: чамдык улус төрүмелинден эр чаяаны чок боор, чамдыктарын өске улус акталап каан боор, а чамдыызы Дээрниң Чагыргазы дээш өг-бүле тударындан ойталаар. Ону хүлээп ап шыдаар кижи хүлээп алгай аан!»
Иисустуң бичии уругларны алгап-йөрээгени
(Мк. 10:13-16; Лк. 18:15-17)
13Ол үеде Иисус оларга холун дегзип, мөргүзүн дээш, бир улус Аңаа бичии уруглар эккелген. А Ооң өөреникчилери оларны эккелген улусту эрттирбейн турганнар. 14# Мф. 18:3Иисус ынчан мынча дээн: «Бичии уруглар Меңээ кээп турзун, оларга шаптыктап, эртерин хоруваңар! Дээрниң Чагыргазы олар ышкаш улустуу боор». 15Иисус оларга холун дээскеш, ол черден чоруй барган.
Иисус биле бай кижи
(Мк. 10:17-31; Лк. 18:18-30)
16 # Лк. 10:25Бир кижи Иисуска чедип келгеш, айтырыг салган: «Башкы!#19:16 Өске бурунгу сөзүглелдерде «Башкы» эвес, «Буянныг Башкы» деп бижээн (Мк. 10:17; Лк. 18:17 көр). Мөңге амыдырал чедип аар дизимзе, мен кандыг буян кылыйн?»
17 # Ыд. ыр. 105:1; 118:68 || Лев. 18:5; Неем. 9:29; Иез. 20:11; Рим. 10:5; Гал. 3:12«Чүге буян дугайында Менден айтырдың? – деп, Иисус харыылаан. – Чаңгыс-ла Бурган буянныг. А мөңге амыдыралды алыр дизиңзе, Бурганның айтыышкыннарын сагып чор».
18«А кандыгларын?» – деп, демгизи айтырган.
Иисус мынча дээн: «Кижи өлүрбе, кады чурттаан эжиңге өскерилбе, оорлава, мегелеп херечилеве, 19# Хост. 20:12-16; Лев. 19:18ада-иеңни хүндүлеп чор, чаныңда кижиге бодуңга бодуң дег ынак бол».
20 # Флп. 3:6Аныяк эр Аңаа: «Мен ол бүгүнү сагып келдим#19:20 Өске бурунгу сөзүглелдерде «Бичиимден-не» деп сөстерни немээн.. Меңээ ам чүү четпейн турары ол?» – дээн.
21 # Мф. 5:48 || Лк. 12:33 || Мф. 6:20; 1 Пет. 1:4Иисус аңаа мынча деп харыылаан: «Четпес талазы чок кижи болуксазыңза, хамык эт-хөреңгиңни барып садыпкаш, акшазын ядыыларга үлеп беривит, ынчан дээрлерге эртине-байлактыг боор сен. А ооң соонда келгеш, Мени эдерип чорувут».
22Ол сөстерни дыңнааш, аныяк эр муңгаргай чорупкан, чүге дээрге ол аажок бай кижи турган. 23# Ыд. ыр. 48:7-8Иисус ынчан Бодунуң өөреникчилеринге мынча дээн: «Алыс шынны силерге чугаалап тур мен: бай кижиге Дээрниң Чагыргазынче кирери дыка-ла берге! 24База катап чугаалаайн: бай кижиниң Бурганның Чагыргазынче киреринден тевениң тевене үдүн өттүр өде бээри белен».
25Өөреникчилери ону дыңнааш, аажок кайгап: «Ынчаарга кым камгалалды ап шыдаарыл?» – деп айтырганнар.
26 # Э. д. 18:14; Иов 42:2; Иер. 32:17; Мк. 14:36Иисус оларже топтап көргеш, мынча дээн: «Кижи ону шыдавас, ынчалза-даа Бурганның шыдавас чүвези чок».
27 # Мф. 4:20-22Пётр ынчан Аңаа: «Көрүңер даан, бис хамык бар чүвевисти каапкаш, Силерни эдерип чоруптувус. Ынчаарга биске ол дээш чүү боорул?» – дээн.
28 # Мф. 16:27; 25:31 || Дан. 7:9; Лк. 22:30; 1 Кор. 6:2; Ажыд. 3:21А Иисус оларга мынча дээн: «Алыс шынны силерге чугаалап тур мен: ам кээр чаа делегейге Кижи амытан Оглу Бодунуң чайынналган дүжүлгезинге саадаптарга, силер – мени эдерген улус – Израильдиң он ийи аймаан шиидери-биле он ийи дүжүлгеге олургулаптар силер. 29# Мф. 16:25Мен дээш бажыңнарын, ха-дуңмазын, ада-иезин#19:29 Өске бурунгу сөзүглелдерде бо сөстерге «кадайын» деп сөстү немээн (Лк. 18:29-30 көр)., ажы-төлүн азы черин кааптар кижи бүрүзү оон чүс катап хөйнү алыр база мөңге амыдыралды салгап алыр.
30 # Мф. 20:16; Лк. 13:30Ынчалза-даа хөй ам баштайгылар бооп турарлар – сөөлгүлер апаар, а ам сөөлгүлер бооп турарлар – баштайгылар апаар».
Currently Selected:
Матфей 19: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Матфей 19
19
Өг-бүле тудары база чарлыышкын дугайында
(Мк. 10:1-12)
1Чугаалап дооскаш, Иисус Галилеяны каггаш, Иордан хемниң ол чарыында Иудеяның черлеринче чорупкан. 2Мөөң чон Ону эдерип чораан, а Ол аңаа улусту экиртип турган.
3Чамдык фарисейлер Иисуска чедип келгеш, Ону шенээр сагыштыг, айтырыг салган: «Эр кижи кандыг-даа чылдагаан-биле кадайындан чарлып болур бе?»#19:3 Моисейниң хоойлузу чарлырын чөпшээрээн (Ы. х. к. 24:1), ынчалза-даа ыдыктыг хоойлунуң башкыларының аразынга чарлы берип болгу дег чылдагаан дугайында маргылдаа чоруп турган. Гиллелдиң школазы ашаа кандыг-даа чылдагаан-биле кадайындан чарлып болур деп санаан. А Шаммайның школазы чүгле кадайы ашак-кадайның шынчы чоруун үрээн таварылгада чарлып болур деп санап турган.
4 # Э. д. 1:27Харыызынга Ол мынча дээн: «А силер Чаяакчы эң эгезинде эр биле кыс кижини чаяаган дээнин номчувааныңар ол бе? 5# Э. д. 2:24; Эф. 5:31Оон мынча дээн болгай: „Эр кижи ада-иезин каапкаш, кадайы-биле катчы бээр, олар ам ийи эвес, а чаңгыс мага-бот апаар“. 6# 1 Кор. 6:16 || Мал. 2:16; 1 Кор. 7:10Ынчангаш олар ам ийи эвес, а чаңгыс мага-бот боор-дур. Бурганның каттыштырган чүвезин кижи чарып болбас ужурлуг».
7 # Ы. х. к. 24:1А олар Оон айтырыг салган: «Ынчаарга Моисей чүге эр кижиге кадайынга чарлыр дугайында бижик бергеш, ону чандырыптар деп чарлык үндүргенил?»
8«Чүректериңер доң дош боорга, Моисей силерге кадайларыңардан чарлырын чөпшээрээн-дир – деп, Иисус харыылаан. – Ынчалза-даа эгезинде ындыг эвес турган. 9# Мф. 5:32; 1 Кор. 7:10Кадайының самыыраанындан аңгыда, кандыг-бир чылдагаан-биле оон чарылгаш, өске кадай алган кижи ашак-кадайның шынчы чоруун үрээни ол болур деп тур мен»#19:9 Өске бурунгу сөзүглелдерде бо сөстерге «Ашаандан чарылган херээженни кадайланып алган кижи база ашак-кадайның шынчы чоруун үрээни ол болур» деп сөстерни немээн (Лк. 16:18 көр)..
10А өөреникчилери Аңаа мынча дээн: «Кадайының мурнунга эр кижиниң хүлээлгелери ындыг боор болза, шуут өгленмээни дээре-дир оң!»
11 # Мк. 4:11; 1 Кор. 7:7; 1 Тим. 5:14Иисус: «Мээң чугаалаан чүвемни шупту улус эвес, а чүгле Бурганның ындыг арга бергени улус хүлээп ап шыдаар – деп харыылаан. – 12Эр улустуң өг-бүле тудуп шыдавазында элээн каш чылдагаан бар: чамдык улус төрүмелинден эр чаяаны чок боор, чамдыктарын өске улус акталап каан боор, а чамдыызы Дээрниң Чагыргазы дээш өг-бүле тударындан ойталаар. Ону хүлээп ап шыдаар кижи хүлээп алгай аан!»
Иисустуң бичии уругларны алгап-йөрээгени
(Мк. 10:13-16; Лк. 18:15-17)
13Ол үеде Иисус оларга холун дегзип, мөргүзүн дээш, бир улус Аңаа бичии уруглар эккелген. А Ооң өөреникчилери оларны эккелген улусту эрттирбейн турганнар. 14# Мф. 18:3Иисус ынчан мынча дээн: «Бичии уруглар Меңээ кээп турзун, оларга шаптыктап, эртерин хоруваңар! Дээрниң Чагыргазы олар ышкаш улустуу боор». 15Иисус оларга холун дээскеш, ол черден чоруй барган.
Иисус биле бай кижи
(Мк. 10:17-31; Лк. 18:18-30)
16 # Лк. 10:25Бир кижи Иисуска чедип келгеш, айтырыг салган: «Башкы!#19:16 Өске бурунгу сөзүглелдерде «Башкы» эвес, «Буянныг Башкы» деп бижээн (Мк. 10:17; Лк. 18:17 көр). Мөңге амыдырал чедип аар дизимзе, мен кандыг буян кылыйн?»
17 # Ыд. ыр. 105:1; 118:68 || Лев. 18:5; Неем. 9:29; Иез. 20:11; Рим. 10:5; Гал. 3:12«Чүге буян дугайында Менден айтырдың? – деп, Иисус харыылаан. – Чаңгыс-ла Бурган буянныг. А мөңге амыдыралды алыр дизиңзе, Бурганның айтыышкыннарын сагып чор».
18«А кандыгларын?» – деп, демгизи айтырган.
Иисус мынча дээн: «Кижи өлүрбе, кады чурттаан эжиңге өскерилбе, оорлава, мегелеп херечилеве, 19# Хост. 20:12-16; Лев. 19:18ада-иеңни хүндүлеп чор, чаныңда кижиге бодуңга бодуң дег ынак бол».
20 # Флп. 3:6Аныяк эр Аңаа: «Мен ол бүгүнү сагып келдим#19:20 Өске бурунгу сөзүглелдерде «Бичиимден-не» деп сөстерни немээн.. Меңээ ам чүү четпейн турары ол?» – дээн.
21 # Мф. 5:48 || Лк. 12:33 || Мф. 6:20; 1 Пет. 1:4Иисус аңаа мынча деп харыылаан: «Четпес талазы чок кижи болуксазыңза, хамык эт-хөреңгиңни барып садыпкаш, акшазын ядыыларга үлеп беривит, ынчан дээрлерге эртине-байлактыг боор сен. А ооң соонда келгеш, Мени эдерип чорувут».
22Ол сөстерни дыңнааш, аныяк эр муңгаргай чорупкан, чүге дээрге ол аажок бай кижи турган. 23# Ыд. ыр. 48:7-8Иисус ынчан Бодунуң өөреникчилеринге мынча дээн: «Алыс шынны силерге чугаалап тур мен: бай кижиге Дээрниң Чагыргазынче кирери дыка-ла берге! 24База катап чугаалаайн: бай кижиниң Бурганның Чагыргазынче киреринден тевениң тевене үдүн өттүр өде бээри белен».
25Өөреникчилери ону дыңнааш, аажок кайгап: «Ынчаарга кым камгалалды ап шыдаарыл?» – деп айтырганнар.
26 # Э. д. 18:14; Иов 42:2; Иер. 32:17; Мк. 14:36Иисус оларже топтап көргеш, мынча дээн: «Кижи ону шыдавас, ынчалза-даа Бурганның шыдавас чүвези чок».
27 # Мф. 4:20-22Пётр ынчан Аңаа: «Көрүңер даан, бис хамык бар чүвевисти каапкаш, Силерни эдерип чоруптувус. Ынчаарга биске ол дээш чүү боорул?» – дээн.
28 # Мф. 16:27; 25:31 || Дан. 7:9; Лк. 22:30; 1 Кор. 6:2; Ажыд. 3:21А Иисус оларга мынча дээн: «Алыс шынны силерге чугаалап тур мен: ам кээр чаа делегейге Кижи амытан Оглу Бодунуң чайынналган дүжүлгезинге саадаптарга, силер – мени эдерген улус – Израильдиң он ийи аймаан шиидери-биле он ийи дүжүлгеге олургулаптар силер. 29# Мф. 16:25Мен дээш бажыңнарын, ха-дуңмазын, ада-иезин#19:29 Өске бурунгу сөзүглелдерде бо сөстерге «кадайын» деп сөстү немээн (Лк. 18:29-30 көр)., ажы-төлүн азы черин кааптар кижи бүрүзү оон чүс катап хөйнү алыр база мөңге амыдыралды салгап алыр.
30 # Мф. 20:16; Лк. 13:30Ынчалза-даа хөй ам баштайгылар бооп турарлар – сөөлгүлер апаар, а ам сөөлгүлер бооп турарлар – баштайгылар апаар».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025