Малахия 1
1
1Өттүр билген медеглел бо-дур. Дээрги-Чаяакчының израиль чонга Малахияны дамчыштыр ажыткан сөзү.
Бурганның Израильге онза ынаа
2 # Ы. х. к. 7:8; Иер. 31:3Дээрги-Чаяакчы: «Мен силерге ынак мен» – деп чугаалады.
А силер: «Сээң биске ынакшылың чүден көстүп турарыл?» – дээр-дир силер.
«Иаков биле Исав ийистер эвес чүве бе? – деп, Дээрги-Чаяакчы харыылады. – Ындыг-даа болза, Иаковка ынак мен, 3# Рим. 9:13 || Иса. 34:5; Иер. 49:10; Иез. 35:3; Иоил 3:19; Ам. 1:11; Авд. 1:1а Исавка хөңнүм чок. Мен Исавтың даглыг чуртун хоозурадып кагдым#1:3 Исавтың даглыг чурту – Эдом. Бо болза Эдомче б. э. чедир 312 ч. набатейлерниң халдап киргениниң дугайында баш бурунгаар чугаалааны хире., ооң ээлээн черин ээн кургаг хову кылдыр хуулдуруп, шөө-бөрүлерге бериптим».
4 # Иса. 34:5; 63:1; Иер. 49:7-22; Иез. 25:12-14; 35:1-15; Ам. 1:11-12; Авд. 1:1-16Эдом чурттуглар: «Бис чылча шаптыртывыс, ынчалза-даа хоозураан чуртувусту катап тургузуп аар бис» – деп тургай аан. А Аг-шериглиг Дээрги-Чаяакчы: «Олар катап тудуп аар-даа болза, Мен үрегдеп каар мен. Оларның чуртун бузуттуг чер деп адаар, а боттарын Дээрги-Чаяакчының кезээ шагда килеңнээни чон деп адаар. 5Силер боттарыңар ону көрүп кааш: „Дээрги-Чаяакчы Израильдиң кызыгаарларындан дашкаар-даа өндүр бедик!“#1:5 Азы: «Израиль черниң кырында турар Дээрги-Чаяакчы өндүр бедик!» – деп чугаалаар силер» – диди.
Бурганга төлеп чок өргүлдер
6 # Хост. 4:22; Иер. 31:9; Ос. 11:1 || Мал. 2:1«Оглу адазын, а чалча кижи – дээргизин хүндүлээр. Бир эвес Мен Адаңар болзумза, Меңээ хүндүлелиңер кайыл? Бир эвес Мен Дээргиңер болзумза, чүге Мени хүндүлевес силер?» Бурганның адын баксырадып чоруур бараалгакчылар, Аг-шериглиг Дээрги-Чаяакчының силерге чугаалаан чүвези ол-дур.
А силер: «Сээң адыңны канчаар баксыраттывыс?» – деп тур силер.
7 # Лев. 3:11«Силер Мээң өргүл салыр бедигээжимче бужартадып каан аъш-чем эккеп салыр-дыр силер».
А силер: «Бис Сени чүнүң-биле бужартадып кагдывыс?» – деп тур силер.
«Дээрги-Чаяакчыга өргүл салыр бедигээшти херекке албайн барып болур деп санаар-дыр силер. 8# Лев. 22:20, 22; Ы. х. к. 15:21Өргүл кылыры-биле согур малдар эккээр-дир силер, ол кем-буруу эвес бе?! Аскак-бүскек, аарыг мал эккээр-дир силер, ол кем-буруу эвес бе?! Ындыг малды чагырыкчыга аппарып бээрин шенеп көр даан! Ол таарзынар деп бе, сенче ээ көрнүр деп бе?» Аг-шериглиг Дээрги-Чаяакчының чугаалаан чүвези ол-дур.
9«„Бурган чонувусту өршээр кылдыр, Аңаа чаннып, мөргүңер че“ – деп турар-дыр силер. Ынчалза-даа силерниң холуңардан ындыг өргүлдер кээп турда, Ол силерже ээ көрнүр деп бе?» Аг-шериглиг Дээрги-Чаяакчының чугаалаан чүвези ол-дур.
10 # Иса. 1:11-13; Иер. 6:20; Ам. 5:21«Силерниң кайы-бирээңер Бурганның өргээзиниң хаалгазын хаап каан болза эки боор. Ынчан Меңээ өргүл салыр бедигээшке хей черге от кывыскан херээ чок боор ийик. Силер Мээң сеткилимге кирбес-тир силер – деп, Аг-шериглиг Дээрги-Чаяакчы чугаалаан. – Мен силерниң холуңар салган өргүлге таарзынмас мен. 11# Ыд. ыр. 112:3 || Иса. 2:2-3; 56:7; 60:3; 66:19Мээң адым хүн үнер чүктен хүн ажар чүкке чедир өске чоннар аразынга өндүр бедик. Каяа-даа Мээң адымга тураскааткан чаагай чыттыг чүүлдер кыпсыр, арыг өргүлдер кылыр, чүге дээрге Мээң адым ол чоннар аразынга өндүр бедик». Аг-шериглиг Дээрги-Чаяакчының чугаалаан чүвези ол-дур.
12«А силер Мээң адымны баксырадып: „Дээргиге өргүл салыр бедигээш чаржынчыг-дыр“ – деп турар-дыр силер, аңаа салган аъш-чемни херекке албайн барып болур деп санаар-дыр силер. 13Силер: „Кандыг кончуг берге үүле боор!“ – дээш, Мени херекке албас-тыр силер – деп, Аг-шериглиг Дээрги-Чаяакчы чугаалаан. – Оорлап алган#1:13 Азы: «Чазарлаттырган»., аскак азы аарыг малды өргүл кылдыр эккеп салырыңарга, ындыг өргүлдү Мен силерниң холуңардан хүлээп аар мен бе? – деп, Дээрги-Чаяакчы чугаалаан. – 14# Хост. 12:5 || Ыд. ыр. 23:10 || Ыд. ыр. 46:2-3; 75:12Коданында эки эр малдыг, оозун Дээргиге өргүүр бооп даңгыраглапкан, а оон өргүл кылдыр четпес-дудуу мал эккеп салган кара сагыштыг кижи каргаттырар! Мен – өндүр улуг Хаан болгай мен, бүгү чоннар аразында Мээң адым ханы хүндүлүг».
Аг-шериглиг Дээрги-Чаяакчының чугаалаан чүвези ол-дур.
Currently Selected:
Малахия 1: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
