Лука 21
21
Дулгуяк кадайның өргүлү
(Мк. 12:41-44)
1 # 4 Хаан. 12:9; Мф. 27:6; Ин. 8:20Иисус ыңай-бээр көрүнгеш, Бурганның өргээзиниң акша-мөңгүн чыыр аптаразынче өргүлдерин салып турган бай улусту көрүп каан. 2Ийи эң үүрмек чоос салып чыткан ядыы дулгуяк кадайны база көрүп каан. 3Ол мынча дээн: «Алыс шынны силерге чугаалап тур мен, бо ядыы дулгуяк херээжен шупту улустан хөйнү салды. 4# 2 Кор. 8:1-3, 12Чүге дээрге шупту улус боттарының артыкшылдыг байындан Бурганга өргүл салып турду, а ол кадай, ындыг ядыы хирезинде, бодунуң амыдыраарынга херек бүгү кошкулун салып кагды».
Бадыткал демдектери биле истеп сүрүүшкүннер
(Мф. 24:1-14; Мк. 13:1-13)
5Чамдык улус Бурганның өргээзиниң дугайында, ооң кайы хире чараш даштар болгаш Бурганга өргүп салган белектер-биле каастаттынганының дугайында чугаалажы бергеннер. Ынчалза-даа Иисус мынча дээн: 6# Лк. 19:44«Силерниң мында магадап көрүп турарыңар бүгү чүвени шуптузун үрегдеп-бузуп кааптар. Маңаа туружундан шимчевээн даш безин артпас – ындыг үе чедип кээр».
7Иисустан мынча деп айтырганнар: «Башкы, а ол бүгү кажан болу бээрил? Ук болуушкуннар чоокшулап келгениниң кандыг бадыткал демдектери турарыл?»
8 # 1 Ин. 3:7; Кол. 2:8; 2 Фес. 2:3 || Иер. 14:14Ол мынча деп харыылаан: «Силерни дуурайлап кааптарындан кичээниңер, Мээң адым тудуп: „Христос – мен-дир мен“ – деп база „Ол үе келген-дир“ – дижип, хөй кижи чедип кээр. Оларны эдере бербеңер. 9А дайын-чаалар болгаш үймээн-хөлзээзиннер дугайында дыңнааш, кортпаңар, баштай ол бүгү болур ужурлуг, ынчалза-даа бүгү чүвениң ылап төнчүзү ындыг дораан келбес».
10 # 2 Чыл. 15:6; Ажыд. 6:4Оон Иисус улаштыр мынча дээн: «Бир чонче өске чон база күрүнеже күрүне халдай бээр. 11# Аж.-ч. 11:28 || Ажыд. 6:8, 12Күштүг чер шимчээшкиннери, чер болганга аш-чут, аарыг-аржык, коргунчуг болуушкуннар болгаш дээрден келген өндүр улуг, кайгамчык демдектер болгулаар. 12# Аж.-ч. 4:3; 17:6; 18:12; 24:1; 25:6Ынчалза-даа ол бүгү болур бетинде, силерни тудуп хоругдап, истеп сүрүп эгелээр. Мээң адым дээш силерни хааннар болгаш чагырыкчыларның холунга тудуп берип, синагогаларга шиидип, кара-бажыңнарже киир октап эгелээр. 13Ынчан силерге Мээң дугайымда херечилээр арга тыптып кээр. 14Ынчангаш боттарыңарны камгалаары-биле чүнү чугаалаарыл деп, баш бурунгаар ажаанзыраваңар. 15# Аж.-ч. 6:10Чүге дээрге Мен силерге удурланыкчыларыңарның кайызы-даа удур туржуп база чаргылдажып шыдавазы чечен дыл болгаш мерген угаанны бээр мен. 16Ада-иеңер-даа, акы-дуңмаңар-даа, дөргүл-төрелиңер-даа, эш-өөрүңер-даа силерге өскерли бээр, харын-даа силерниң чамдыыңарны өлүрүп каар. 17Мээң адым ужун бүгү улус силерни көөр хөңнү чок апаар. 18# 1 Хаан. 14:45; 2 Хаан. 14:11; Аж.-ч. 27:34Ынчалза-даа бажыңардан чаңгыс дүк безин кээп дүжүп читпес. 19Ол бүгүнү шыдажып эртер болзуңарза, амы-тыныңарны камгалап алыр силер».
Иерусалимниң буурап дүжериниң дугайында
(Мф. 24:15-21; Мк. 13:14-19)
20«Иерусалимни аг-шериг бүзээлеп алган турарын көрүп кагзыңарза, ооң буурап дүжери удавас дээрзин билип алыңар. 21Ынчан Иудеяда чурттаан улус дагларже дезипсин; а хоорайның бодунда турар улус оон үнүп чорупсун; а чоок-кавы суурларга турган улус хоорайже дедир барбазын. 22Чүге дээрге Бижилгеде бижиттинген бүгү чүвениң боттаныр ужурлуу кеземче үезиниң келгени ол-дур. 23# Мф. 27:25; 1 Фес. 2:16Ол үеде иштиг-сааттыг болгаш эмер чаш уруг-дарыглыг улус ат болур! Бүгү чуртту улуг айыыл-халап хөме алыр, бо чонну Бурганның килеңи таварыыр. 24# Ажыд. 11:2Улустуң чамдыызы хылыштың чидиг бажындан калыр, а чамдыызын өске чоннарже тудуп алгаш баар. Өске чоннар улузу, тергиидээр үези төнгүжеге чедир, Иерусалимни таптай базып кээр».
Кижи амытан Оглунуң чедип кээри
(Мф. 24:29-31; Мк. 13:24-27)
25«Хүнге, айга болгаш сылдыстарга кайгамчык демдектер көстүр, а далайның шимээргеп, хөлзээринден аймаараан чоннар чер кырынга сүрээдеп, мөгүдей бээрлер. 26Чер бөмбүрзээнче кел чыдар айыыл-халапты манааш, корткан улустуң тыны үстүп эгелээр, чүге дээрге дээрниң аг-шерии сириңейнип, божаңнай бээр. 27# Дан. 7:13Олар ынчан улуг күчү-күжү-биле база өндүр чырыы-биле булут кырлап кел чыдар Кижи амытан Оглун көрүп каарлар. 28А ол бүгү боттанып эгелээрге, саң дорт туруп алгаш, баштарыңар өрү көдүрүңер, чүге дээрге хосталгаңар чоокшулап келген-дир».
Фига ыяжының чижээ-биле кичээндириг
(Мф. 24:32-35; Мк. 13:28-31)
29Оон Иисус оларга угаадыглыг чугаа чугаалаан: «Фига ыяжынче база шупту-ла өске ыяштарже топтап көрүңер даан: 30оларның бүрүлери частып эгелээрге, чай удавас дээрзин эндевес болгай силер. 31Шак ынчалдыр, ол бүгүнүң боттанып эгелээнин көрүп кагзыңарза, Бурганның Чагыргазы чоокшулап келгенин билип алыңар. 32# Лк. 9:27Алыс шынны силерге чугаалап тур мен: ол бүгү чүве боттанмаан шаанда, бо салгалдың улузу өлүп читпес. 33# Ыд. ыр. 101:26-27; Иса. 51:6; 2 Пет. 3:10Дээр биле чер эстип-хайлы бээр, а Мээң сөстерим эстип-хайлы бербес».
Удувайн, белен болуңар
34-35 # Иса. 24:17«Оваарымчалыг болуңар: силерниң чүректериңер үен-даян хөглээшкинге, арагалаашкынга болгаш амыдыралдың сагышсыралдарынга алзып, дашталбазын база ол хүн хенертен, какпа дег, кырыңарга келбезин. Чүге дээрге ол хүн чер кырын ээлей чурттаан бүгү улуска чедип кээр. 36# Мф. 25:13; 1 Фес. 5:6 || Лк. 18:1; Рим. 12:12; Эф. 6:18; Кол. 4:2; 1 Фес. 5:17Ынчангаш бо бүгү кел чыдар айыыл-халаптардан чайлай бээр харыктыг болур дээш база Кижи амытан Оглунуң мурнунга бараалгаар дээш, үргүлчү серемчилелдиг болуңар, а ол ышкаш мөргүңер».
37 # Мф. 21:23; 26:55Иисус хүннүң-не Бурганның өргээзинге өөредип турган, а кежээ дүжерге, Елеон даанче чоруткаш, аңаа хонуп ап турган. 38А бүгү чон, Ону дыңнаары-биле, даң бажында-ла Бурганның өргээзинге чыглып кээр болган.
Currently Selected:
Лука 21: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Лука 21
21
Дулгуяк кадайның өргүлү
(Мк. 12:41-44)
1 # 4 Хаан. 12:9; Мф. 27:6; Ин. 8:20Иисус ыңай-бээр көрүнгеш, Бурганның өргээзиниң акша-мөңгүн чыыр аптаразынче өргүлдерин салып турган бай улусту көрүп каан. 2Ийи эң үүрмек чоос салып чыткан ядыы дулгуяк кадайны база көрүп каан. 3Ол мынча дээн: «Алыс шынны силерге чугаалап тур мен, бо ядыы дулгуяк херээжен шупту улустан хөйнү салды. 4# 2 Кор. 8:1-3, 12Чүге дээрге шупту улус боттарының артыкшылдыг байындан Бурганга өргүл салып турду, а ол кадай, ындыг ядыы хирезинде, бодунуң амыдыраарынга херек бүгү кошкулун салып кагды».
Бадыткал демдектери биле истеп сүрүүшкүннер
(Мф. 24:1-14; Мк. 13:1-13)
5Чамдык улус Бурганның өргээзиниң дугайында, ооң кайы хире чараш даштар болгаш Бурганга өргүп салган белектер-биле каастаттынганының дугайында чугаалажы бергеннер. Ынчалза-даа Иисус мынча дээн: 6# Лк. 19:44«Силерниң мында магадап көрүп турарыңар бүгү чүвени шуптузун үрегдеп-бузуп кааптар. Маңаа туружундан шимчевээн даш безин артпас – ындыг үе чедип кээр».
7Иисустан мынча деп айтырганнар: «Башкы, а ол бүгү кажан болу бээрил? Ук болуушкуннар чоокшулап келгениниң кандыг бадыткал демдектери турарыл?»
8 # 1 Ин. 3:7; Кол. 2:8; 2 Фес. 2:3 || Иер. 14:14Ол мынча деп харыылаан: «Силерни дуурайлап кааптарындан кичээниңер, Мээң адым тудуп: „Христос – мен-дир мен“ – деп база „Ол үе келген-дир“ – дижип, хөй кижи чедип кээр. Оларны эдере бербеңер. 9А дайын-чаалар болгаш үймээн-хөлзээзиннер дугайында дыңнааш, кортпаңар, баштай ол бүгү болур ужурлуг, ынчалза-даа бүгү чүвениң ылап төнчүзү ындыг дораан келбес».
10 # 2 Чыл. 15:6; Ажыд. 6:4Оон Иисус улаштыр мынча дээн: «Бир чонче өске чон база күрүнеже күрүне халдай бээр. 11# Аж.-ч. 11:28 || Ажыд. 6:8, 12Күштүг чер шимчээшкиннери, чер болганга аш-чут, аарыг-аржык, коргунчуг болуушкуннар болгаш дээрден келген өндүр улуг, кайгамчык демдектер болгулаар. 12# Аж.-ч. 4:3; 17:6; 18:12; 24:1; 25:6Ынчалза-даа ол бүгү болур бетинде, силерни тудуп хоругдап, истеп сүрүп эгелээр. Мээң адым дээш силерни хааннар болгаш чагырыкчыларның холунга тудуп берип, синагогаларга шиидип, кара-бажыңнарже киир октап эгелээр. 13Ынчан силерге Мээң дугайымда херечилээр арга тыптып кээр. 14Ынчангаш боттарыңарны камгалаары-биле чүнү чугаалаарыл деп, баш бурунгаар ажаанзыраваңар. 15# Аж.-ч. 6:10Чүге дээрге Мен силерге удурланыкчыларыңарның кайызы-даа удур туржуп база чаргылдажып шыдавазы чечен дыл болгаш мерген угаанны бээр мен. 16Ада-иеңер-даа, акы-дуңмаңар-даа, дөргүл-төрелиңер-даа, эш-өөрүңер-даа силерге өскерли бээр, харын-даа силерниң чамдыыңарны өлүрүп каар. 17Мээң адым ужун бүгү улус силерни көөр хөңнү чок апаар. 18# 1 Хаан. 14:45; 2 Хаан. 14:11; Аж.-ч. 27:34Ынчалза-даа бажыңардан чаңгыс дүк безин кээп дүжүп читпес. 19Ол бүгүнү шыдажып эртер болзуңарза, амы-тыныңарны камгалап алыр силер».
Иерусалимниң буурап дүжериниң дугайында
(Мф. 24:15-21; Мк. 13:14-19)
20«Иерусалимни аг-шериг бүзээлеп алган турарын көрүп кагзыңарза, ооң буурап дүжери удавас дээрзин билип алыңар. 21Ынчан Иудеяда чурттаан улус дагларже дезипсин; а хоорайның бодунда турар улус оон үнүп чорупсун; а чоок-кавы суурларга турган улус хоорайже дедир барбазын. 22Чүге дээрге Бижилгеде бижиттинген бүгү чүвениң боттаныр ужурлуу кеземче үезиниң келгени ол-дур. 23# Мф. 27:25; 1 Фес. 2:16Ол үеде иштиг-сааттыг болгаш эмер чаш уруг-дарыглыг улус ат болур! Бүгү чуртту улуг айыыл-халап хөме алыр, бо чонну Бурганның килеңи таварыыр. 24# Ажыд. 11:2Улустуң чамдыызы хылыштың чидиг бажындан калыр, а чамдыызын өске чоннарже тудуп алгаш баар. Өске чоннар улузу, тергиидээр үези төнгүжеге чедир, Иерусалимни таптай базып кээр».
Кижи амытан Оглунуң чедип кээри
(Мф. 24:29-31; Мк. 13:24-27)
25«Хүнге, айга болгаш сылдыстарга кайгамчык демдектер көстүр, а далайның шимээргеп, хөлзээринден аймаараан чоннар чер кырынга сүрээдеп, мөгүдей бээрлер. 26Чер бөмбүрзээнче кел чыдар айыыл-халапты манааш, корткан улустуң тыны үстүп эгелээр, чүге дээрге дээрниң аг-шерии сириңейнип, божаңнай бээр. 27# Дан. 7:13Олар ынчан улуг күчү-күжү-биле база өндүр чырыы-биле булут кырлап кел чыдар Кижи амытан Оглун көрүп каарлар. 28А ол бүгү боттанып эгелээрге, саң дорт туруп алгаш, баштарыңар өрү көдүрүңер, чүге дээрге хосталгаңар чоокшулап келген-дир».
Фига ыяжының чижээ-биле кичээндириг
(Мф. 24:32-35; Мк. 13:28-31)
29Оон Иисус оларга угаадыглыг чугаа чугаалаан: «Фига ыяжынче база шупту-ла өске ыяштарже топтап көрүңер даан: 30оларның бүрүлери частып эгелээрге, чай удавас дээрзин эндевес болгай силер. 31Шак ынчалдыр, ол бүгүнүң боттанып эгелээнин көрүп кагзыңарза, Бурганның Чагыргазы чоокшулап келгенин билип алыңар. 32# Лк. 9:27Алыс шынны силерге чугаалап тур мен: ол бүгү чүве боттанмаан шаанда, бо салгалдың улузу өлүп читпес. 33# Ыд. ыр. 101:26-27; Иса. 51:6; 2 Пет. 3:10Дээр биле чер эстип-хайлы бээр, а Мээң сөстерим эстип-хайлы бербес».
Удувайн, белен болуңар
34-35 # Иса. 24:17«Оваарымчалыг болуңар: силерниң чүректериңер үен-даян хөглээшкинге, арагалаашкынга болгаш амыдыралдың сагышсыралдарынга алзып, дашталбазын база ол хүн хенертен, какпа дег, кырыңарга келбезин. Чүге дээрге ол хүн чер кырын ээлей чурттаан бүгү улуска чедип кээр. 36# Мф. 25:13; 1 Фес. 5:6 || Лк. 18:1; Рим. 12:12; Эф. 6:18; Кол. 4:2; 1 Фес. 5:17Ынчангаш бо бүгү кел чыдар айыыл-халаптардан чайлай бээр харыктыг болур дээш база Кижи амытан Оглунуң мурнунга бараалгаар дээш, үргүлчү серемчилелдиг болуңар, а ол ышкаш мөргүңер».
37 # Мф. 21:23; 26:55Иисус хүннүң-не Бурганның өргээзинге өөредип турган, а кежээ дүжерге, Елеон даанче чоруткаш, аңаа хонуп ап турган. 38А бүгү чон, Ону дыңнаары-биле, даң бажында-ла Бурганның өргээзинге чыглып кээр болган.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025