Лука 10

Иисустуң чеден ийи кижини чорутканы

(Мф. 10:7-16)

1Ооң соонда Дээрги Иисус баштайгыларынга немей чеден ийи#10:1, 17 Өске бурунгу сөзүглелдерде «чеден ийи» эвес, а «чеден» деп бижээн. өөреникчини шилип алган. Оларны ийи-ийилеп үскеш, Бодунуң чедер дээни бүгү хоорайлар болгаш чурттакчылыг черлерже Бодун мурнай чорудупкан. 2# Мф. 9:37-38; Ин. 4:35Оларга мынча дээн: «Ажаар дүжүт хөй, а ажылдаар улус эвээш-тир. Ынчангаш дүжүт ажаалдазының Ээзинден дилеңер: Ол шөлдерже ажылдаар улустан ам-даа чорутсун. 3# Мф. 10:16Барыңар! Мен силерни кокайлар аразынче хураганнарны дег чорудуп тур мен. 4# 4 Хаан. 4:29Шоодай, хап-сава, идик-даа албаңар база орукка кымның-биле-даа менди солчуп, чугаалашпаңар. 5Кандыг-бир бажыңга кирип келгеш, баштай: „Бо бажыңга амыр-тайбың доктаазын!“ – деп чугаалаңар. 6Бир эвес ында амыр-тайбыңга төлептиг кижи бар болза, күзээн амыр-тайбыңыңар аңаа боттанып артар, а бир эвес чок болза, аңаа күзээшкиниңер чогуп бүтпес. 7# Гал. 6:6; 1 Тим. 5:18Ол бажыңга туруп алыңар, ынчангаш ээлеринде кандыг аъш-чем бар болдур, ону ижип-чиңер, чүге дээрге ажылдаан кижи төлевир алырынга төлептиг болур. Бажыңнар кезип чоруп бербеңер.

8 # 1 Кор. 10:27Кандыг-бир хоорайже кирип кээриңерге, силерни аңаа хүлээп алыр болза, силерге чүнү салып бээр-дир, ону чиңер. 9# Мк. 1:15Ол хоорайда аарыг кижилерни экирткеш, оларга: „Бурганның Чагыргазы силерже чоокшулап келген-дир!“ – деп чоруңар. 10Кандыг-бир хоорайже кирип кээриңерге, силерни хүлээп албас болза, ол хоорайның кудумчуларынга мынча деп кылаштажыр силер: 11# Аж.-ч. 13:51„Силерниң хоорайыңарга бистиң будувуска чыпшынган довуракты безин силерге удурланып, кактап берип тур бис. Ындыг-даа болза, Бурганның Чагыргазы чоокшулап келгенин билип алыңар!“ 12# Э. д. 18:20; 19:24; Иер. 23:14; Иез. 16:48Шииткел хүнүнде ол хоорайга көөрде, Содом хоорайга безин өршээл улуг боорун силерге чугаалап тур мен».

Галилеяның хоорайларынга кеземче

(Мф. 11:20-24)

13 # Мк. 6:45; 8:21 || Мк. 3:7«Хоразин, ат болур сен! Вифсаида, ат болур сен! Силерге көргүскеним дег кайгамчык чүүлдер Тир, Сидон хоорайларга болгулаан болза, олар шагда-ла бачыттарын миннип, качыгдалдың самдар хевин кедип, баштарын хүл-биле бызап аарлар ийик#10:13 Хоразин биле Вифсаида – Капернаумдан ырак эвесте хоорайлар. Тир биле Сидон – Эрги Чагыг-керээде Бурганның медээчилери бо хоорайларның чурттакчыларын оларның Бургандан ойталааны дээш ажынып сойгалап турганнар.. 14# Иса. 23:1; Иер. 47:4; Иез. 26:2; Иоил 3:4; Ам. 1:9; Зах. 9:2Ынчангаш шииткел хүнүнде силерге көөрде, Тир биле Сидонга безин өршээл улуг болур. 15# Иса. 14:13, 15Капернаум, сен база-ла дээрге чедир көдүрлүрүн кордадың бе? Чок, тамыже дүңдерлип дүжер сен!

16 # Мф. 10:40; 25:45; Ин. 13:20; Гал. 4:14Силерни дыңнап турар кижи Мени база дыңнап турары ол, силерни хүлээп көрбейн турар кижи Мени база хүлээп көрбейн турары ол, а Мени хүлээп көрбейн турар кижи Мени айбылап чоруткан Бурганны база хүлээп көрбейн турары ол».

Чеден ийи өөреникчиниң ээп келгени

17 # Мк. 16:17; Аж.-ч. 5:16; 8:7; 16:18; 19:12Чеден ийи#10:17 10:1-де немелде тайылбырны көр. өөреникчи Иисуска өөрүшкүлүг ээп келгеш: «Дээрги! Силерниң адыңардан дужаарывыска, буктар безин биске чагыртып тур» – дээннер.

18 # Иса. 14:12; Ажыд. 9:1; 12:8-9Иисус оларга мынча дээн: «Мен дээрден чаңнык ышкаш кээп дүшкен эрликти көрдүм. 19# Ыд. ыр. 90:13; Мк. 16:18; Аж.-ч. 28:3-5Мен силерге чыланнарны, хоралыг скорпион курттарны таптай базар эргени база дайзыныңарның күжүн бүрүнү-биле чагырар эргени бердим, ол бүгү силерге хора чедирбес. 20# Хост. 32:32; Ыд. ыр. 68:29; Евр. 12:23; Ажыд. 3:5Ындыг-даа болза, буктарның силерге чагыртып турары дээш эвес, а силерниң аттарыңарның дээрде бижиттингени дээш амыраңар».

Иисустуң өөрүшкүзү

(Мф. 11:25-27; 13:16-17)

21 # Иов 37:24; Иса. 29:14Ол шакта Ыдыктыг Сүлде Иисусту өөрүшкү-биле бүргептерге, Ол мынча дээн: «Ачай, дээр биле черниң Дээргизи! Бо чүүлдерни мерген угаанныглар болгаш эртем-билиглиглерден чажыргаш, чаштарга көргүскениң дээш, Сени алдаржыдып тур мен! Ийе, Ачай, Сээң күзел-сорууң ындыг болган.

22 # Ин. 6:46; 7:29; 8:19; 10:15Бүгү чүүлдү Адам Меңээ хүлээдип берген#10:22 Өске бурунгу сөзүглелдерде «Бүгү чүүлдү Адам Меңээ бүзүреп дааскан» деп сөстерниң мурнунда «Өөреникчилеринче хая көрнүп келгеш, Ол мынча дээн» деп сөстерни киирген.. Оглу кым дээрзин Адазындан өске кым-даа билбес, а Адазы кым дээрзин Оглундан база Оглунуң ону айтып бээрин күзээн улузундан өске кым-даа билбес». 23# Мф. 13:16-17Оон өөреникчилеринче эргилип келгеш, чүгле олар дыңнаар кылдыр чугаалаан: «Силерниң көрүп турар чүвеңерни көрген карактар амыр-чыргалдыг-дыр! 24# Евр. 11:13; 1 Пет. 1:10-12Силерге чугаалап тур мен: Бурганның хөй медээчилери болгаш хааннар силерниң көрүп турар чүвеңерни көрүксээн-даа болза, көрбээннер база силерниң дыңнап турар чүвеңерни дыңнаксаан-даа болза, дыңнавааннар».

Самария чурттуг буянныг кижи дугайында

25 # Лк. 18:18Ном-хоойлу тайылбырлакчыларының бирээзи туруп келгеш, Иисусту шенээр сагыштыг: «Башкы! Мөңге амыдыралды салгап алыр дизимзе, чүнү кылзымза экил?» – дээн.

26Иисус оон мынча деп айтырган: «Ыдыктыг хоойлуда чүнү бижээнил? Канчаар номчуур-дур сен?»

27 # Ы. х. к. 6:5; 11:13; Иис. 22:5 || Лев. 19:18; Мф. 22:37; Мк. 12:30Демгизи мынча деп харыылаан: «Бодуңнуң Бурганың Дээрги-Чаяакчыга бүгү-ле чүлдү-чүрээң-биле, бүгү-ле сеткил-сагыжың-биле, шыдаар-ла шааң-биле, бүгү-ле угаан-сарыылың-биле ынак бол», а оон ыңай: «Чаныңда кижиге бодуңга бодуң дег ынак бол».

28 # Лев. 18:5; Рим. 10:5; Гал. 3:12Иисус аңаа мынча дээн: «Сен шын харыыладың, ынчалдыр кылып чоруур болзуңза, кезээ-мөңгеде амылыг артар сен».

29Ынчалза-даа демгизи, бодун агартынар дээш, Иисустан айтырган: «А мээң ынак болур ужурлуум чанымда кижим деп кымыл?»

30Харыызынга Иисус мынча дээн: «Бир кижи Иерусалимден Иерихонче бар чыткаш, орук ара дээрбечилер холунга кире берген. Олар ооң идик-хевин уштуп алгаш, эттеп-эттеп, ишти тынныг чыттырзын каапкаш барганнар. 31Таварылга бооп, ол орук-биле Бурганның бир бараалгакчызы кел чыткаш, демги кижини көрүп кааш, оруктуң өске кыдыы-биле оюп эрте берген. 32# Сан. 8:19Бир левит кижи база-ла ол черге чедип келгеш, ону көрүп кааш, оруктуң өске кыдыы-биле оюп эрте берген. 33# 4 Хаан. 17:34; Ин. 4:9; 8:48Оон Самария чурттуг бир кижи чорук кылып чорааш, чыткан кижиге база таваржы берген. Ол ону көрүп кааш, кээргей берип, 34# Иса. 1:6аңаа чеде бергеш, балыгларын эм үс болгаш арага-биле чуггаш, шарып берген. Оон бодунуң элчигенинге олурткаш, аалчылар бажыңынга эккеп, ону аңаа ажаап-карактап турган. 35А даартазында чоруп тура, аалчылар бажыңының эргелекчизинге ийи мөңгүн чоос бергеш, мынча дээн: „Бо кижини ажаап-карактап туруп көрем, бир эвес чарыгдалың моон көвүдей берзе, дедир кел чыткаш, сеңээ төлеп бээр мен“. 36Чүү деп бодаар сен, ол үш кижиниң кайызы дээрбечилер холунга кирген кижиниң эң ынак, чанында кижизи болганыл?»

37Ном-хоойлу тайылбырлакчызы: «Аңаа энерелин көргүскен кижи» – деп харыылаан.

Иисус ынчан аңаа: «Сен база ынчаар кылып чор» – дээн.

Мария биле Марфаның бажыңында

38 # Ин. 11:1; 12:2Өөреникчилери-биле кады оруун уламчылап чорупкаш, Иисус бир-ле суурга чедип келген. Аңаа Марфа деп аттыг херээжен кижи Ону бажыңынче чалап алган. 39# Лк. 8:35Марфа Мария деп дуңмалыг турган. Ол Дээрги Иисустуң буттарының чанынга олуруп алгаш, Ооң чугаазын дыңнап эгелээн. 40А Марфа аъш-чемин салып, дүвүреп турган болгаш, Аңаа чоокшулай бергеш, мынча дээн: «Дээрги! Дуңмамның хамык ажылды менче чууй каапкаш олурары Силерге сагыш чованчыг эвес-тир бе? Меңээ дузалашсын деп аңаа чугаалап көрүңерем».

41 # Лк. 12:25Дээрги Иисус мынча деп харыылаан: «Марфа, Марфа! Сен хөй-ле чүве дээш сагыш човап, дүвүрээр-дир сен. 42# Ыд. ыр. 15:5А херектиг чүве чүгле чаңгыс. Мария эки үлүгнү шын шилип алган-дыр, ону ам оон хунаап аары болдунмас».

Currently Selected:

Лука 10: Ы.Б.2025

Highlight

Copy