Левит 20
20
Бачыт үүлгедиишкиннери дээш кеземче
1Дээрги-Чаяакчы Моисейге мынча деп чугаалаан: 2# Лев. 18:21«Израиль чонга мону чугаала. Израильдиң чонундан ийикпе, азы израильчилер аразында чурттап чоруур даштыкы улустан бодунуң ажы-төлүнүң кайы-бирээзин Молох бурганга бээр кижини өлүрүп каар херек: чурттуң чону ону даштар-биле соп каапсын. 3# Лев. 17:10 || Иез. 5:11Мен Бодум ол кижиге удур боор мен. Мээң ыдыктыг черимни бужартадыры-биле база Мээң адымны дора көөрү-биле ажы-төлүнүң кайы-бирээзин Молохка бергени дээш, Мен ону чонунуң аразынга амылыг арттырбас мен. 4# Ы. х. к. 17:2-5Бир эвес чурттуң чону ажы-төлүнүң кайы-бирээзин Молохка берген кижини өлүрбес дээш, ооң үүлгедиин тоомча чок арттырар болза, 5Мен Бодум ол кижиге база ооң өг-бүлезинге удур боор мен! Ооң бодун база Молохту эдерип, самыыраар кылдыр чонунуң аразындан дуурайлап алганы бүгү улузун амылыг арттырбас мен.
6 # Лев. 19:31Өлүг улустуң сүнезиннерин кый дээр база караң көрнүр улустан арга-сүме айтырып, оларны эдерип, самыыраар кижиге Мен Бодум удур боор мен, ону чонунуң аразынга амылыг арттырбас мен.
7 # Лев. 11:44Бодуңарны ыдыктаңар база ыдыктыг болуңар, чүге дээрге Мен – Дээрги-Чаяакчы Бурганыңар-дыр мен! 8Мээң дүрүмнеримни сагып, күүседиңер, чүге дээрге Мен – силерни ыдыктап турар Дээрги-Чаяакчы-дыр мен!
9 # Хост. 21:17Ачазы биле авазын бак сөглээр кижи бүрүзүн өлүрүп каар херек. Ол кижи ачазы биле авазын бак сөглеп турган-дыр: өлүмү дээш боду буруулуг-дур.
10 # Хост. 20:14; Лев. 18:20; Ы. х. к. 22:22; Ин. 8:5Ашактыг херээжен-биле – өске кижиниң кадайы-биле самыырап турар эр кижи бар болза, ол эр кижини база ол херээженни өлүрүп каар херек.
11 # Лев. 18:7-16; Ы. х. к. 22:30; Э. д. 35:22Ачазының өске кадайы – соңгу иези-биле хойгажыр кижи ачазының мага-бодунуң тудуш кезээ-биле холбашкан дег болган-дыр. Ол кижини-даа, соңгу иезин-даа өлүрүп каар херек: өлүмү дээш олар боттары буруулуг-дур.
12 # Э. д. 38:26Оглунуң кадайы – кенни-биле хойгажыр кижи бар болза, ооң бодун-даа, кеннин-даа өлүрүп каар херек: олар бужар чүүлдү үүлгеткен-дир, өлүмү дээш боттары буруулуг-дур.
13 # Лев. 18:22; Рим. 1:27Эр кижи өске эр кижи-биле, херээжен кижи-биле дег, холбажыр болза, олар бужар чүүлдү үүлгеткен-дир. Оларның иелдирзин өлүрүп каар херек: өлүмү дээш олар боттары буруулуг-дур.
14 # Лев. 18:17; Ы. х. к. 27:23; Иис. 7:25Эр кижи херээжен кижини болгаш ооң авазын иелдирзин ап алгаш, кады чурттай бээр болза, бужар чүүл-дүр. Силерниң араңарга бужар чүүл турбазын дээш, эрниң-даа, херээженнерниң-даа мага-боттарын отка өрттедир херек.
15 # Хост. 22:19Эр кижи мал-маган-биле холбажыр болза, ол кижини өлүрер, а малды согар херек.
16Херээжен кижи мал-маган-биле холбажыр болза, ол херээженни-даа, малды-даа өлүрүп каг. Оларны өлүрер ужурлуг: өлүмү дээш олар боттары буруулуг-дур.
17 # Лев. 18:9; 2 Хаан. 13:12Эр кижи ачазының ийикпе, азы авазының уруу болур кыс угба-дуңмазын ап алгаш, холбажыр болза, бужар чүүл үүлгеттинген-дир. Оларны боттарының чону көрүп турда, узуткап каар херек. Ол эр кижи угба-дуңмазы-биле холбашкан-дыр: буруузун боду чүктээр-дир.
18 # Лев. 15:24; 18:19Эр кижи ай демдээ көрүп турар кадайы-биле холбажыр болза, херээжен кижиниң төктүп турар ханын ажытканы дээш, оларның иелдирзин чонунуң аразынга амылыг арттырбас херек.
19 # Лев. 18:12-13Аваңның угбазы азы дуңмазы – даай-аваң-биле, ачаңның угбазы азы дуңмазы – угбаң-биле холбашпа. Ынчап турар кижи авазының азы ачазының кады төрээни-биле хойгажып турар-дыр, олар буруузун боттары чүктээр.
20 # Лев. 18:14Бодунуң чеңгези-биле холбажыр кижи төрел акызының мага-бодунуң тудуш кезээ-биле холбашкан дег болган-дыр. Олар бачыдын боттары чүктээрлер, ажы-төл чокка өлүп каарлар.
21 # Лев. 18:16; Мф. 14:4; Мк. 6:18Эр кижи акызының азы дуңмазының кадайын ап алыр болза, бужар чүүл үүлгеттинген-дир, акызы азы дуңмазының мага-бодунуң тудуш кезээ-биле холбашкан дег болган-дыр#20:21 Бодап көөрге, акызы азы дуңмазы ам-даа дириг турда, ындыг харылзаа тударын бодап турар хире. Ы. х. к. 25:5-те мөчээн акызы азы дуңмазының дулгуяк кадайын ап алыр деп дужаал бар.. Олар ажы-төл чок болурлар.
22Мээң бүгү дүрүмнерим болгаш хоойлуларымны сагып, күүседиңер. Оон башка Мээң аңаа чурттазыннар дээш аппар чоруурум чурт силерни үндүр кыза бээр. 23Силерниң мурнуңардан үндүр сывырып турарым чоннуң чаңчылдарын эдербеңер: олар бо бүгүнү үүлгедип турганнар, ынчангаш Мээң олардан ческингеним ол-дур. 24# Хост. 3:17Ынчан силерге аазаан мен: „Оларның черин ээлеп алыр силер. Мен силерге сүт биле ары чигири агып чыдар байлак черни өнчү кылдыр бээр мен“. Мен дээрге силерни бүгү чоннардан тускайлап ылгап каан Дээрги-Чаяакчы Бурганыңар-дыр мен. 25# Лев. 11:2-47; Ы. х. к. 14:4-20А силер база арыг мал-маган биле кушту арыг эвезинден ылгап чоруңар. Мээң арыг эвес деп тускайлап кааным мал-маган, куш болгаш чер кырында көжүп-шимчээн үүрмек дириг амытаннар-биле бодуңарны бужартатпаңар. 26# Лев. 11:44Меңээ хамааржыр дээш ыдыктыг болуңар, чүге дээрге Дээрги-Чаяакчы болур Мен ыдыктыг-дыр мен. Мен силерни Мээң улузум болзун дээш өске чоннардан тускайлап ылгап каан мен.
27 # Лев. 19:31 || Хост. 22:18Бир эвес эр азы херээжен кижи өлүг улустуң сүнезиннерин кый дээр азы караң көрнүр болза, оларны өлүрүп каар херек; ындыг улусту даштар-биле соп каапсын: өлүмү дээш олар боттары буруулуг-дур».
Currently Selected:
Левит 20: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
