Левит 17
17
Ханга хамаарышкан дүрүм-хоойлу
1Дээрги-Чаяакчы Моисейге мынча деп чугаалаан: 2«Ааронга болгаш ооң оолдарынга база бүгү израиль чонга мону чугаалап көр, Дээрги-Чаяакчының оларга чугаалазын дээн айтыышкынын дамчыт.
3Израильчилер аразындан инек, хой, өшкү малын чоннуң турлаанга азы чоннуң турлааның даштынга дөгерген кижи бүрүзү 4малын Ужуражылга майгынынче кирер черге Дээрги-Чаяакчыга өргүлге эккеп салбас болза, хан төгүүшкүнү дээш буруудаар: а хан төпкен болганда, ону бодунуң чонунуң аразынга амылыг арттырбас. 5# Ы. х. к. 12:15-20Израиль чон шөлге дөгерип турары өргүл малын Дээрги-Чаяакчыга – Ужуражылга майгынынче кирер черге, Бурганның бараалгакчызынга эккелзин база оларны Дээрги-Чаяакчыга салган эп-найырал өргүлү кылдыр дөгерип салзын дээш, бо дүрүмнү берген. 6# Э. д. 8:21; Лев. 1:9Бурганның бараалгакчызы Ужуражылга майгынынче кирер чер чанында Дээрги-Чаяакчыга өргүл салыр бедигээшче малдың ханын төпсүн база чагны Дээрги-Чаяакчыга таарымчалыг чаагай чыт кылдыр өрттетсин. 7# 2 Чыл. 11:15Израиль чон самыыралга алзып, сүрүп халып турары хуназыг дүрзү-бурганнарынга моон соңгаар өргүлдер эккеп салбазын дээш, ындыг болзун. Бо дүрүм-хоойлуну оларның бүгү салгалдарынга кезээ-мөңгеде доктаадып каан болзун!
8Чонга оон ыңай мону чугаала. Израильчи ийикпе, азы израиль чоннуң аразында чурттап турар даштыкы кижи бүрүн өрттедир өргүлдү азы черле кандыг-бир өргүлдү кылгаш, 9# Ы. х. к. 12:20Дээрги-Чаяакчыга өргүлге салыры-биле Ужуражылга майгынынче кирер черге эккелбес болза, ону чонунуң аразынга амылыг арттырбас.
10 # Э. д. 9:4-6; Лев. 3:17Израильчи ийикпе, азы израиль чоннуң аразында чурттап турар даштыкы кижи кандыг-бир хан чиир болза, Мен ол кижиге удур боор мен база ону чонунуң аразынга амылыг арттырбас мен. 11# Евр. 9:22Мага-боттуң амы-тыны – ханында болгай, ынчангаш Мен силерни арыглаар дээш, өргүл салыр бедигээшке ханны ажыглаарын доктааткан мен, чүге дээрге шак ол хан кижини арыглап турар. 12Ынчангаш израиль чонга: „Силерниң кайыңар-даа хан чивезин, ол ышкаш араңарда чурттап турар даштыкы кижи база хан чивезин“ – деп чугаалаан ужурум ол.
13 # Ы. х. к. 12:16, 24Израильчи ийикпе, азы израиль чоннуң аразында чурттап турар даштыкы кижи чиирин хоруваан черлик аң азы куш тудуп алза, ханын черже аксып каапкаш, довурак-биле хөөп каар ужурлуг. 14Чүге дээрге кандыг-даа дириг амытанның амы-тыны ханында болур. Ынчангаш израиль чонга: „Кандыг-даа эъттиң ханын чивеңер, чүге дээрге кандыг-даа эът-ботту хан амы-тынныг кылыр болгай. Хан чиир кижи бүрүзү амылыг артпас ужурлуг“ – деп чугаалаан мен.
15 # Лев. 11:25, 40Бодунуң өлүмү-биле өлген азы араатан аңга өлүрткен дириг амытанның эъдин чиир кижи бүрүзү: үндезин чурттакчы-даа, араңарга чурттай берген даштыкы кижи-даа хевин чуп алыр база сугга чунуп алыр ужурлуг, ол кижи кежээге чедир арыг эвес болур, а оон арыг болу бээр. 16А бир эвес хевин база мага-бодун чуп албас болза, буруузун боду чүктээр».
Currently Selected:
Левит 17: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
