Левит 12
12
Чаш уруг төрүттүнерге, иезиниң арыгланыры
1Дээрги-Чаяакчы Моисейге мынча деп чугаалаан: 2# Лев. 15:19«Израиль чонга дараазында чүүлдү чугаала. Бир эвес херээжен кижи иштелгеш, оол уруг божуп аар болза, боду чеди хүн дургузунда арыг эвес болур; ай демдээ көрүп турар үезинде дег, арыг эвес болур. 3# Э. д. 17:12А сески хүнде чаа төрүттүнген оолдуң дотаан кыртыжап демдектээр ужурлуг. 4# Лк. 2:22Оон демги херээжен төгүлген ханы дээш үжен үш хүн дургузунда арыгланыр ужурлуг. Ол бодунуң арыгланып турар үезинде, кандыг-даа ыдыктыг чүүлге дегбезин база ыдыктыг черже кирбезин.
5Бир эвес херээжен кижи кыс уруг божуп аар болза, ай демдээ көрүп турар үезинде дег, арыг эвес болур, чүгле ийи чеди хонук хуусаада; а ооң соонда ол херээжен төгүлген ханы дээш алдан алды хүн дургузунда арыгланыр ужурлуг.
6А бодунуң оглу азы кызы дээш арыгланыр хуусаазы эрте бээрге, демги херээжен бүрүн өрттедир өргүл кылдыр бир харлыг хурагандан база бачыт дээш өргүл кылдыр көге-буга азы көгээзинден Ужуражылга майгынынче кирер черге эккеп, Бурганның бараалгакчызынга бээр ужурлуг. 7А Бурганның бараалгакчызы ол өргүлдү Дээрги-Чаяакчының мурнунга эккеп салгаш, херээжен кижини арыглап каар. Оон ол херээжен төгүлген ханындан арыг апаар. Оол азы кыс божаан херээженге хамааржыр дүрүм-хоойлу шак ындыг боор-дур. 8# Лев. 1:14; Лк. 2:24А бир эвес херээжен кижиниң хураган өргүүр харыы чок болза, ийи көге-буганы азы ийи көгээзинни эккелгеш, бирээзин – бүрүн өрттедир, а өскезин – бачыт дээш өргүл кылдыр салзын. Ынчан Бурганның бараалгакчызы ону арыглап каарга, ол херээжен арыг апаар».
Currently Selected:
Левит 12: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
