Иоанн 7
7
Иисустуң Чадырлар байырлалынче чорупканы
1 # Ин. 5:18; 8:37; 11:53Иисус ооң соонда Галилеяны эргип чорупкан. Иудейлер Ону өлүрер деп турар боорга, Ол Иудеяга барбас деп шиитпирлеп алган. 2# Лев. 23:34; Ы. х. к. 16:13-15Иудейлерниң Чадырлар байырлалы чоокшулап орган.
3 # Мк. 3:31; 6:3; Ин. 2:12; Аж.-ч. 1:14; 1 Кор. 9:5; Гал. 1:19Иисустуң дуңмалары#7:3 Болгу дег өске утказы мындыг: «Иисустуң акылары». ынчан Аңаа мынча дээннер: «Бо черни каггаш, Иудеяже чоруп көрем! Сээң кылып турар ажыл-херээңни өөреникчилериң база көрзүн. 4Чүге дээрге кым-даа бодунуң билдингир боорун күзээр болза, ажыл-херээн бүдүү кылбас. А Сен мындыг ажыл-херекти чаяап чоруур-дур сен, ынчангаш Бодуңну бо улус мурнунга көргүс!» 5Ооң дуңмалары безин Аңаа бүзүревейн турган чүве-дир.
6 # Мк. 14:41; Ин. 2:4; 8:20; 13:1Иисус оларга мынча дээн: «Меңээ доктаадып каан үе ам-даа келбээн-дир. А силерге кандыг-даа үе тааржыр-дыр. 7# Ин. 15:18 || Ин. 3:19Бо делегейниң улузу силерни көөр хөңнү чок болу берип шыдавас, а Мени көөр хөңнү чок-тур, чүге дээрге Мен ооң ажыл-херээ бузуттуг дээрзин херечилеп турар-дыр мен. 8А силер байырлалче барыңар. Мен амдыызында#7:8 Өске бурунгу сөзүглелдерде «Амдыызында» деп сөс таварышпайн турар. ол байырлалче барбаайн, чүге дээрге Меңээ доктаадып каан үе-шак ам-даа келбээн-дир».
9Ону чугаалааш, Иисус Галилеяга артып калган. 10Ынчалза-даа дуңмалары байырлалче чорупкан соонда, Иисус база ынаар чорупкан, чүгле ажыы-биле эвес, а бүдүү. 11Иудей чагырыкчылар байырлал үезинде Ону дилеп турган. Олар: «Ол Кижиңер кайдал?» – деп айтырар болганнар. 12Чон аразынга база-ла Ооң дугайында маргыштыг хөй чугаа-соот үнген. Чамдыызы Иисусту: «Буянныг кижи-дир» – дээннер. А өскелери: «Чок, Ол чонну мегелеп турар-дыр» – деп удурланыр болган. 13# Ин. 19:38Ындыг-даа болза, иудей эрге-чагыргадан корткаш, кым-даа Ооң дугайында ажыы-биле чугаалаваан.
14А байырлал орту кирип чорда, Иисус Бурганның өргээзинге кирип келгеш, өөредип эгелээн. 15Иудей чагырыкчылар: «Каяа-даа өөренмээн хирезинде, Ол ынча хөй чүвени кайыын билип алган чоор?» – дижип, элдепсинип турган.
16 # Ин. 8:28; 12:49; 14:10Иисус мынча деп харыылаан: «Мээң өөредиим – Мээңии эвес, а Мени айбылап чоруткан Адамныы чүве. 17Ооң күзел-соруун чогудар дээн кижи, ол өөредиг Бургандан-даа келген болза азы Мен Бодумнуң адымдан-даа чугаалаан болзумза, ооң дугайында билип аар.
18 # Ин. 5:41; 8:50Бодунуң адындан чугаалап чоруур кижи бодунга алдар-хүндү чедип алыксаар. А Ону айбылап чоруткан Адазынга алдар-хүндү чедип алыксаар Кижи алыс шынны чугаалаар болгаш, Ооң чүрээнде меге чок болур. 19# Ы. х. к. 33:4; Ин. 1:17Моисей силерге ыдыктыг хоойлуну берди чоп? Ынчалза-даа силерниң чаңгызыңар-даа ыдыктыг хоойлуну сагывайн чоруур-дур! Чүү дээш мени өлүрер деп бардыңар?»
20 # Мк. 3:22; Ин. 8:48; 10:20Чыылган чон: «Сен букшуурай бердиң бе? Кым Сени өлүрер дээн чүвел?» – деп харыылаан.
21Иисус улаштыр мынча дээн: «Мен чаңгыс-ла кайгамчык чүүл кылдым, а силер шупту кайгап калдыңар. 22Моисей силерге кыртыжап демдектээрин айтып берген (херек кырында ол Моисейни эвес, а бурунгу өгбелерни дамчып келген-даа болза), ынчангаш силер оолдарыңарны амыр-дыш хүнүнде-даа кыртыжап демдектээр-дир силер. 23# Мф. 12:2; Ин. 5:16Моисейниң хоойлузун хажытпас дээш, кижини амыр-дыш хүнүнде кыртыжап демдектеп болур турда, Мен кижини амыр-дыш хүнүнде бүдүн-бүрүнү-биле сегидип каарымга, чүге ол дээш Менче хорадап турарыңар ол? 24# Ин. 8:15Эреңгейлеп шиитпеңер, а чөптүг шииткел-биле шиидиңер».
Иисустуң дугайында аңгы-аңгы бодалдар
25Ынчан Иерусалимниң чамдык чурттакчылары мынча дээннер: «Даргаларывыстың өлүрер деп турар кижизи Ол эвес чүве бе? 26Ынчаарга көрүңер даан, Ол ажыы-биле өөредип тур, а кым-даа Аңаа удур чүве чугаалавас-тыр. Христос ылап-ла Бо-дур деп, бистиң даргаларывыс билир чадавас. 27# Ин. 8:14; 9:29; 19:9Ынчалза-даа бис Ону таныыр, Ооң кайыын келгенин билир-дир бис. А Христос чедип кээрге, Ооң кайыын кээрин кым-даа билбес болур дээн чүве болгай».#7:27 Хөй улус Иисустуң Галилеядан уктуунга бүзүрээр болгаш, Ол Бурганның шилип алган хааны бооп шыдавас деп санап турган (7:41-42; 7:52; 9:29 көр).
28Иисус ынчан Бурганның өргээзинге өөредиг берип тура, дыңзыдыр мынча дээн: «Мени таныыр база Мээң кайыын келгенимни билир-дир силер бе? Дөмей-ле Мен Бодумнуң адымдан келбээн мен. Мени айбылап чоруткан Адамга ылаптыы-биле бүзүреп боор, ынчалза-даа силер Ону билбес-тир силер. 29# Мф. 11:27; Ин. 8:55А Мен Ону билир мен, чүге дээрге Мен Ооң чанындан келген мен. Ол Мени айбылап чоруткан чүве».
30 # Ин. 10:39 || Мк. 14:41; Ин. 2:4; 7:6; 8:20; 13:1Ынчан олар Иисусту тудуп хоругдап алыр бодаан, ынчалза-даа кым-даа Олче хол көдүрбээн, чүге дээрге Аңаа доктаадып каан үе-шак ам-даа келбээн болган. 31# Ин. 8:30Чон аразындан хөй кижи Аңаа бүзүрей берген. Олар: «Христос чедип кээр болза, бо Кижиниң кылганындан хөй кайгамчык демдектер көргүзүп шыдаар бе кай?» – дижип турганнар.
32Чонда Ооң дугайында ындыг чугаалар чоруп турарын фарисейлер дыңнап кааннар. Ынчан фарисейлер болгаш Бурганның дээди бараалгакчылары Ону тудуп хоругдаары-биле Бурганның өргээзиниң таңныыл шериин чорудупканнар. 33# Мк. 14:7; Ин. 14:19 || Ин. 16:5Иисус ол өйде мынча деп турган: «Мен ам силер-биле ындыг-ла үр эвес кады турар мен, оон Мени айбылап чоруткан Адамче чоруптарым ол. 34# Ин. 8:21-22; 13:33Мени дилей бээр силер, ынчалза-даа тыппас силер. Мен каяа турар-дыр мен, силер ынаар чеде берип шыдавас силер».
35Ынчан иудейлер боттарының аразында: «Биске тывылбайн баар кылдыр, Ооң кайнаар баар деп турары ол? Гректер аразында тоо быдаргай чурттаан бистиң чонче чоруткаш, гректерни өөредир дивээн бе? 36Ооң: „Мени дилей бээр силер, ынчалза-даа тыппас силер“ база „Мен каяа турар-дыр мен, силер ынаар чеде берип шыдавас силер“ – деп чугаазының ужур-утказы чүл?» – дижи бергеннер.
37 # Лев. 23:36; Сан. 29:35; Неем. 8:18 || Мф. 11:28 || Ыд. ыр. 41:2; Иса. 55:1; Мф. 5:6; Ин. 4:14; 6:35Байырлалдың адак сөөлгү, эң өндүр улуг хүнүнде Иисус туруп келгеш, дыңзыг үн-биле мынча дээн: «Кым суксай-дыр, Меңээ чедип келзин база суксунун хандырып алзын! 38# Ыд. ыр. 35:10; Иса. 58:11; Иер. 2:13; 17:13; Зах. 14:8Бижилгеде айтып каанын ёзугаар, кым Меңээ бүзүрээрил, ооң чүрээнден тынгарар суглуг хемнер агып бадар». 39# Иса. 44:3 || Иоил 2:28; Аж.-ч. 2:4Иисуска бүзүрей берген улустуң алыр ужурлуу Ыдыктыг Сүлдениң дугайында Ооң ынчаар чугаалааны ол. Ынчан Бурган Бодунуң Сүлдезин оларга ам-даа бербээн турган, чүге дээрге Иисус Адазынче ам-даа өрү көдүрүлбээн болган.
40 # Ы. х. к. 18:15, 18-19; Ин. 1:21Иисустуң ол сөстерин дыңнааш, чамдык улус: «Манаанывыс Медээчи Ол дээрзи ылап-тыр!» – дишкен.
41Өскелери мынча дээннер: «Ол Христос-тур!»
А бир чамдыызы: «Христос канчап Галилеядан чедип кээр чүвел? – дижип, удурланыр болган. – 42# 2 Хаан. 7:12, 16 || 1 Хаан. 16:1 || Мих. 5:2; Мф. 2:1; Лк. 2:4-7Христос Давид хаанның үре-салгалы болур болгаш Давидтиң чурттап чораан хоорайы Вифлеемге төрүттүнер деп Бижилгеде чугаалаан-на болгай». 43# Ин. 9:16; 10:19Чон аразынга Иисус дээш алгыш-кырыштыг маргылдаа үнген. 44Чамдык улус Ону тудуп хоругдаар дей берген, ынчалза-даа кым-даа Олче хол көдүрбейн барган.
Иудей даргаларның бүзүревээни
45А Бурганның өргээзиниң таңныыл шерии дээди бараалгакчылар болгаш фарисейлерже ээп чедип кээрге, демгилери оларга: «Чүге силер Ону тудуп эккелбедиңер?» – дээр болган.
46Бурганның өргээзиниң таңныыл шерии: «Ол кижи дег кылдыр кым-даа, кажан-даа чугаалап көрбээн» – деп харыылаан.
47Фарисейлер оларга мынча дээн: «Таанда-ла силер база мегеледип алдыңар бе? 48# 1 Кор. 1:20; 2:8А эрге-чагырга тутканнарның азы фарисейлерниң аразындан Аңаа бүзүрей берген чаңгыс-даа кижи бар-дыр бе? 49Чүгле бо, Моисейниң хоойлузун билбес, бүдүүлүк улус ынчалды, Бурганның каргыжы оларга четкен-дир!»
50 # Ин. 3:1; 19:39Фарисейлерниң бирээзи болур, Иисуска дүне када кээп турган Никодим дээрзи олардан: 51# Сан. 35:30; Ы. х. к. 17:6; 19:15«Баштай Ооң өчүүн дыңнап албайн база ооң чүнү үүлгедип каанын билип албайн чыда, ол Кижиге шииткел онаарын бистиң ыдыктыг хоойлувус чөпшээрээр чүве бе?» – деп айтырган.
52 # 4 Хаан. 14:25Олар Никодимге харыы кылдыр: «Бо чүү болду? Сен база Галилеядан келген сен бе?! Бижилгени өөрен, ынчан Бурганның медээчизи Галилеядан келбес дээрзин билип каар сен» – дээннер.
Ашаанга өскерилген херээжен кижи
53[Оон олар шупту бажыңнарынче тарап чангылай бергеннер.
Currently Selected:
Иоанн 7: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Иоанн 7
7
Иисустуң Чадырлар байырлалынче чорупканы
1 # Ин. 5:18; 8:37; 11:53Иисус ооң соонда Галилеяны эргип чорупкан. Иудейлер Ону өлүрер деп турар боорга, Ол Иудеяга барбас деп шиитпирлеп алган. 2# Лев. 23:34; Ы. х. к. 16:13-15Иудейлерниң Чадырлар байырлалы чоокшулап орган.
3 # Мк. 3:31; 6:3; Ин. 2:12; Аж.-ч. 1:14; 1 Кор. 9:5; Гал. 1:19Иисустуң дуңмалары#7:3 Болгу дег өске утказы мындыг: «Иисустуң акылары». ынчан Аңаа мынча дээннер: «Бо черни каггаш, Иудеяже чоруп көрем! Сээң кылып турар ажыл-херээңни өөреникчилериң база көрзүн. 4Чүге дээрге кым-даа бодунуң билдингир боорун күзээр болза, ажыл-херээн бүдүү кылбас. А Сен мындыг ажыл-херекти чаяап чоруур-дур сен, ынчангаш Бодуңну бо улус мурнунга көргүс!» 5Ооң дуңмалары безин Аңаа бүзүревейн турган чүве-дир.
6 # Мк. 14:41; Ин. 2:4; 8:20; 13:1Иисус оларга мынча дээн: «Меңээ доктаадып каан үе ам-даа келбээн-дир. А силерге кандыг-даа үе тааржыр-дыр. 7# Ин. 15:18 || Ин. 3:19Бо делегейниң улузу силерни көөр хөңнү чок болу берип шыдавас, а Мени көөр хөңнү чок-тур, чүге дээрге Мен ооң ажыл-херээ бузуттуг дээрзин херечилеп турар-дыр мен. 8А силер байырлалче барыңар. Мен амдыызында#7:8 Өске бурунгу сөзүглелдерде «Амдыызында» деп сөс таварышпайн турар. ол байырлалче барбаайн, чүге дээрге Меңээ доктаадып каан үе-шак ам-даа келбээн-дир».
9Ону чугаалааш, Иисус Галилеяга артып калган. 10Ынчалза-даа дуңмалары байырлалче чорупкан соонда, Иисус база ынаар чорупкан, чүгле ажыы-биле эвес, а бүдүү. 11Иудей чагырыкчылар байырлал үезинде Ону дилеп турган. Олар: «Ол Кижиңер кайдал?» – деп айтырар болганнар. 12Чон аразынга база-ла Ооң дугайында маргыштыг хөй чугаа-соот үнген. Чамдыызы Иисусту: «Буянныг кижи-дир» – дээннер. А өскелери: «Чок, Ол чонну мегелеп турар-дыр» – деп удурланыр болган. 13# Ин. 19:38Ындыг-даа болза, иудей эрге-чагыргадан корткаш, кым-даа Ооң дугайында ажыы-биле чугаалаваан.
14А байырлал орту кирип чорда, Иисус Бурганның өргээзинге кирип келгеш, өөредип эгелээн. 15Иудей чагырыкчылар: «Каяа-даа өөренмээн хирезинде, Ол ынча хөй чүвени кайыын билип алган чоор?» – дижип, элдепсинип турган.
16 # Ин. 8:28; 12:49; 14:10Иисус мынча деп харыылаан: «Мээң өөредиим – Мээңии эвес, а Мени айбылап чоруткан Адамныы чүве. 17Ооң күзел-соруун чогудар дээн кижи, ол өөредиг Бургандан-даа келген болза азы Мен Бодумнуң адымдан-даа чугаалаан болзумза, ооң дугайында билип аар.
18 # Ин. 5:41; 8:50Бодунуң адындан чугаалап чоруур кижи бодунга алдар-хүндү чедип алыксаар. А Ону айбылап чоруткан Адазынга алдар-хүндү чедип алыксаар Кижи алыс шынны чугаалаар болгаш, Ооң чүрээнде меге чок болур. 19# Ы. х. к. 33:4; Ин. 1:17Моисей силерге ыдыктыг хоойлуну берди чоп? Ынчалза-даа силерниң чаңгызыңар-даа ыдыктыг хоойлуну сагывайн чоруур-дур! Чүү дээш мени өлүрер деп бардыңар?»
20 # Мк. 3:22; Ин. 8:48; 10:20Чыылган чон: «Сен букшуурай бердиң бе? Кым Сени өлүрер дээн чүвел?» – деп харыылаан.
21Иисус улаштыр мынча дээн: «Мен чаңгыс-ла кайгамчык чүүл кылдым, а силер шупту кайгап калдыңар. 22Моисей силерге кыртыжап демдектээрин айтып берген (херек кырында ол Моисейни эвес, а бурунгу өгбелерни дамчып келген-даа болза), ынчангаш силер оолдарыңарны амыр-дыш хүнүнде-даа кыртыжап демдектээр-дир силер. 23# Мф. 12:2; Ин. 5:16Моисейниң хоойлузун хажытпас дээш, кижини амыр-дыш хүнүнде кыртыжап демдектеп болур турда, Мен кижини амыр-дыш хүнүнде бүдүн-бүрүнү-биле сегидип каарымга, чүге ол дээш Менче хорадап турарыңар ол? 24# Ин. 8:15Эреңгейлеп шиитпеңер, а чөптүг шииткел-биле шиидиңер».
Иисустуң дугайында аңгы-аңгы бодалдар
25Ынчан Иерусалимниң чамдык чурттакчылары мынча дээннер: «Даргаларывыстың өлүрер деп турар кижизи Ол эвес чүве бе? 26Ынчаарга көрүңер даан, Ол ажыы-биле өөредип тур, а кым-даа Аңаа удур чүве чугаалавас-тыр. Христос ылап-ла Бо-дур деп, бистиң даргаларывыс билир чадавас. 27# Ин. 8:14; 9:29; 19:9Ынчалза-даа бис Ону таныыр, Ооң кайыын келгенин билир-дир бис. А Христос чедип кээрге, Ооң кайыын кээрин кым-даа билбес болур дээн чүве болгай».#7:27 Хөй улус Иисустуң Галилеядан уктуунга бүзүрээр болгаш, Ол Бурганның шилип алган хааны бооп шыдавас деп санап турган (7:41-42; 7:52; 9:29 көр).
28Иисус ынчан Бурганның өргээзинге өөредиг берип тура, дыңзыдыр мынча дээн: «Мени таныыр база Мээң кайыын келгенимни билир-дир силер бе? Дөмей-ле Мен Бодумнуң адымдан келбээн мен. Мени айбылап чоруткан Адамга ылаптыы-биле бүзүреп боор, ынчалза-даа силер Ону билбес-тир силер. 29# Мф. 11:27; Ин. 8:55А Мен Ону билир мен, чүге дээрге Мен Ооң чанындан келген мен. Ол Мени айбылап чоруткан чүве».
30 # Ин. 10:39 || Мк. 14:41; Ин. 2:4; 7:6; 8:20; 13:1Ынчан олар Иисусту тудуп хоругдап алыр бодаан, ынчалза-даа кым-даа Олче хол көдүрбээн, чүге дээрге Аңаа доктаадып каан үе-шак ам-даа келбээн болган. 31# Ин. 8:30Чон аразындан хөй кижи Аңаа бүзүрей берген. Олар: «Христос чедип кээр болза, бо Кижиниң кылганындан хөй кайгамчык демдектер көргүзүп шыдаар бе кай?» – дижип турганнар.
32Чонда Ооң дугайында ындыг чугаалар чоруп турарын фарисейлер дыңнап кааннар. Ынчан фарисейлер болгаш Бурганның дээди бараалгакчылары Ону тудуп хоругдаары-биле Бурганның өргээзиниң таңныыл шериин чорудупканнар. 33# Мк. 14:7; Ин. 14:19 || Ин. 16:5Иисус ол өйде мынча деп турган: «Мен ам силер-биле ындыг-ла үр эвес кады турар мен, оон Мени айбылап чоруткан Адамче чоруптарым ол. 34# Ин. 8:21-22; 13:33Мени дилей бээр силер, ынчалза-даа тыппас силер. Мен каяа турар-дыр мен, силер ынаар чеде берип шыдавас силер».
35Ынчан иудейлер боттарының аразында: «Биске тывылбайн баар кылдыр, Ооң кайнаар баар деп турары ол? Гректер аразында тоо быдаргай чурттаан бистиң чонче чоруткаш, гректерни өөредир дивээн бе? 36Ооң: „Мени дилей бээр силер, ынчалза-даа тыппас силер“ база „Мен каяа турар-дыр мен, силер ынаар чеде берип шыдавас силер“ – деп чугаазының ужур-утказы чүл?» – дижи бергеннер.
37 # Лев. 23:36; Сан. 29:35; Неем. 8:18 || Мф. 11:28 || Ыд. ыр. 41:2; Иса. 55:1; Мф. 5:6; Ин. 4:14; 6:35Байырлалдың адак сөөлгү, эң өндүр улуг хүнүнде Иисус туруп келгеш, дыңзыг үн-биле мынча дээн: «Кым суксай-дыр, Меңээ чедип келзин база суксунун хандырып алзын! 38# Ыд. ыр. 35:10; Иса. 58:11; Иер. 2:13; 17:13; Зах. 14:8Бижилгеде айтып каанын ёзугаар, кым Меңээ бүзүрээрил, ооң чүрээнден тынгарар суглуг хемнер агып бадар». 39# Иса. 44:3 || Иоил 2:28; Аж.-ч. 2:4Иисуска бүзүрей берген улустуң алыр ужурлуу Ыдыктыг Сүлдениң дугайында Ооң ынчаар чугаалааны ол. Ынчан Бурган Бодунуң Сүлдезин оларга ам-даа бербээн турган, чүге дээрге Иисус Адазынче ам-даа өрү көдүрүлбээн болган.
40 # Ы. х. к. 18:15, 18-19; Ин. 1:21Иисустуң ол сөстерин дыңнааш, чамдык улус: «Манаанывыс Медээчи Ол дээрзи ылап-тыр!» – дишкен.
41Өскелери мынча дээннер: «Ол Христос-тур!»
А бир чамдыызы: «Христос канчап Галилеядан чедип кээр чүвел? – дижип, удурланыр болган. – 42# 2 Хаан. 7:12, 16 || 1 Хаан. 16:1 || Мих. 5:2; Мф. 2:1; Лк. 2:4-7Христос Давид хаанның үре-салгалы болур болгаш Давидтиң чурттап чораан хоорайы Вифлеемге төрүттүнер деп Бижилгеде чугаалаан-на болгай». 43# Ин. 9:16; 10:19Чон аразынга Иисус дээш алгыш-кырыштыг маргылдаа үнген. 44Чамдык улус Ону тудуп хоругдаар дей берген, ынчалза-даа кым-даа Олче хол көдүрбейн барган.
Иудей даргаларның бүзүревээни
45А Бурганның өргээзиниң таңныыл шерии дээди бараалгакчылар болгаш фарисейлерже ээп чедип кээрге, демгилери оларга: «Чүге силер Ону тудуп эккелбедиңер?» – дээр болган.
46Бурганның өргээзиниң таңныыл шерии: «Ол кижи дег кылдыр кым-даа, кажан-даа чугаалап көрбээн» – деп харыылаан.
47Фарисейлер оларга мынча дээн: «Таанда-ла силер база мегеледип алдыңар бе? 48# 1 Кор. 1:20; 2:8А эрге-чагырга тутканнарның азы фарисейлерниң аразындан Аңаа бүзүрей берген чаңгыс-даа кижи бар-дыр бе? 49Чүгле бо, Моисейниң хоойлузун билбес, бүдүүлүк улус ынчалды, Бурганның каргыжы оларга четкен-дир!»
50 # Ин. 3:1; 19:39Фарисейлерниң бирээзи болур, Иисуска дүне када кээп турган Никодим дээрзи олардан: 51# Сан. 35:30; Ы. х. к. 17:6; 19:15«Баштай Ооң өчүүн дыңнап албайн база ооң чүнү үүлгедип каанын билип албайн чыда, ол Кижиге шииткел онаарын бистиң ыдыктыг хоойлувус чөпшээрээр чүве бе?» – деп айтырган.
52 # 4 Хаан. 14:25Олар Никодимге харыы кылдыр: «Бо чүү болду? Сен база Галилеядан келген сен бе?! Бижилгени өөрен, ынчан Бурганның медээчизи Галилеядан келбес дээрзин билип каар сен» – дээннер.
Ашаанга өскерилген херээжен кижи
53[Оон олар шупту бажыңнарынче тарап чангылай бергеннер.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025