Иоанн 14
14
Адаже баар орук
1 # Ин. 12:44«Силерниң чүректериңер муңгарап хөлзевезин! Бурганга бүзүрээриңер дег, Меңээ база бүзүреңер! 2Адамның бажыңында чурттаар чер эмгежок. Ол ындыг эвес турган болза, Мен силерге чүге ону чугаалаар деп мен. Мен силерге турар чер белеткээр дээш чоруурум бо-дур#14:2 Азы: «„Силерге турар чер белеткээр дээш чоруптум“ – деп, Мен силерге чугаалаважык мен бе?». 3# Ин. 14:1; 1 Фес. 4:17Ам чорупкаш, силерге турар чер белеткеп кагзымза, дедир чедип келгеш, Мээң турар черимге турзуннар дээш, силерни база Бодумче ап алыр мен. 4А Мээң кайнаар чоруй баарым орукту билир болгай силер».
5 # Ин. 11:16Фома Аңаа: «Дээрги! Кайнаар чоруптарыңарны билбес-тир бис. Ынчаарга ол орукту канчап билип алыр бис?» – дээн.
6 # Ин. 1:17; 11:25; Евр. 10:20Иисус: «Мен дээрге орук, алыс шын база амыдырал-дыр мен. Чүгле Мени таварты дээрден башка, кым-даа Адамга кээп шыдавас – деп харыылаан. – 7Силер Мени билир болзуңарза, Адамны база билген болур силер#14:7 Өске бурунгу сөзүглелде «Силер Мени билир турган болзуңарза, Адамны база билген турар ийик силер» деп бижээн.. Амдан эгелеп, силер Ону билир силер, харын-даа Ону көрген силер».
8 # Ин. 1:43; 12:21Филипп Аңаа: «Дээрги! Адаңарны биске көргүзүңерем, биске ол-ла четчир» – дээн.
9 # Ин. 12:45Иисус аңаа: «Мен силерниң араңарга мынча үр болдум, а сен Мени билбезиң ол чүве бе, Филипп? Мени көрген кижи Адамны көрген болур. Сен канчап-ла: „Адаңарны биске көргүзүңерем“ – дээр сен?» – деп харыылаан. 10# Ин. 10:38«Мени – Адам-биле сырый харылзаалыг, а Адамны – Мээң-биле харылзаалыг дээрзинге бүзүревейн тур сен бе? Силерге чугаалап турар сөстеримни Бодумнуң адымдан чугаалавайн тур мен: ол дээрге Менде бар Адамның Бодунуң ажыл-херээн чаяап турары ол-дур. 11# Ин. 5:36Мени – Адам-биле сырый харылзаалыг, а Адамны – Мээң-биле харылзаалыг деп Меңээ бүзүреңер. Мээң сөстеримге бүзүревезиңерзе, кылган ажыл-херээм дээш Меңээ бүзүреңер. 12# Ин. 8:14; 13:3; 16:28Алыс шынны силерге чугаалап тур мен: Меңээ бүзүрей берген кижи Мээң кылып турарым ажыл-херекти база кылып шыдаар, харын-даа оон артыкты кылыр, чүге дээрге Мен ам Адамче чоруптар-дыр мен. 13Силер Мээң адым адап, чүнү-даа дилээр болзуңарза, ону шуптузун күүседир мен, ынчан Оглун дамчыштыр Адам алдаржыыр. 14# Мф. 7:7-8; Мк. 11:24; Ин. 15:16; 16:23; 1 Ин. 3:22Мээң адым адап, чүнү-даа дилээр болзуңарза, Мен ону күүседир мен».
Ыдыктыг Сүлдени аазааны
15 # Мф. 28:20; 1 Ин. 5:3; 2 Ин. 1:6; Рим. 13:10«Меңээ ынак болзуңарза, айтыышкыннарым сагыыр силер. 16# Ин. 15:26; 16:13Адамдан ынчан дилээримге, Ол силерге кезээ-мөңгеде силер-биле кады чоруур өске Болчукчуну бээр. 17# 1 Кор. 2:14 || Аж.-ч. 2:4Алыс шынны көргүзүп турар Сүлде – Болчукчу ол-дур. Ону көрбес база билбес болганда, бо делегейниң улузу Ону хүлээп ап шыдавас. А силер Ону билир силер, чүге дээрге Ол силер-биле кады чоруур база силер-биле тудуш бар болур.
18Силерни өскүссүреди каапкаш барбас мен, харын силерже ээп кээр мен. 19# Ин. 7:33Ам бичии болгаш, бо делегейниң улузу Мени оон ыңай көрбейн баар, ынчалза-даа силер Мени көөр силер. Мен дириг мен, ынчангаш силер база өлбес силер. 20Ол хүн кээрге, Мени – Адам-биле сырый харылзаалыг, силерни – Мээң-биле харылзаалыг, а Мени – силер-биле харылзаалыг дээрзин билип каар силер. 21# У. ч. 8:17; Ин. 16:27Кым Мээң айтыышкыннарымны шыгжап алганыл база оларны сагып чоруурул, ол кижи Меңээ ынак болур. Кым Меңээ ынагыл, ол кижиге Мээң Адам база ынак. Мен база ол кижиге ынак болуп, аңаа Бодумну көргүзер мен».
22 # Лк. 6:16; Аж.-ч. 1:13Искариот эвес, өске Иуда Иисуска: «Дээрги! Силер Бодуңарны бо делегейниң улузунга эвес, а чүгле биске көргүзер деп тур силер бе? Ол чүге ындыгыл?» – дээн.
23 # Ажыд. 3:20Иисус аңаа мынча деп харыылаан: «Кым Меңээ ынагыл, ол Мээң сөзүмнү сагып чоруур. Адам ынчан аңаа ынак апаар, оон Адам-биле кады ол кижиге чеде бергеш, ооң-биле кады чурттай бээр бис. 24Меңээ ынак эвес кижи Мээң сөстеримни сагывас. А силерниң дыңнап турар өөредииңер болза Мээңии эвес, а Мени айбылап чоруткан Адамныы-дыр. 25Силер-биле кады турар болгаш, Мен ону силерге чугааладым. 26# Ин. 15:26; 16:13; 1 Кор. 2:10; 1 Ин. 2:20 || Лк. 24:49Адамның силерге Мени дээш чорудуп бээри Болчукчу – Ыдыктыг Сүлде силерни хамык чүвеге өөредип каар база Мээң силерге чугаалааным бүгү чүвени силерге сагындырар.
27 # Флп. 4:7; Кол. 3:15Мен амыр-тайбыңны силерге арттырдым, силерге бээрим амыр-тайбыңым ол-дур. Бо делегейниң бээри дег эвес амыр-тайбыңны Мен силерге берип тур мен. Силерниң чүректериңер хөлзевезин, ол ышкаш кортпаңар. 28# Ин. 14:1-2 || 1 Кор. 11:3; 15:24Мээң силерге: „Силерден чоруптум, оон силерже катап ээп кээр мен“ – дээнимни дыңнадыңар чоп. Силер Меңээ ынак турган болзуңарза, Мээң ам Адамче чоруптарым дээш өөрүүр ийик силер. Чүге дээрге Адам Менден өндүр улуг болгай. 29# Мк. 13:23; Ин. 13:19Ынчангаш ол бүгү боттаны бээрге, Мээң чугаалаан чүвем шын дээрзинге бүзүрезиннер дээш, ол бүгүнүң дугайында, боттанырының бетинде-ле, силерге чугаалап бердим. 30# Ин. 12:31; Эф. 2:2Мен ам моон соңгаар силер-биле чугаалашпас мен, чүге дээрге бо делегейниң чагырыкчызы чоокшулап кел чор. Ооң Мени баш билир эргези чок, 31ынчалза-даа Адамга ынаамны бо делегейниң улузу билип алзын дээш, Мен ам Адамның айыткан чүвезин кылыр мен. Тургулаңар, моон чоруулуңар!»
Currently Selected:
Иоанн 14: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Иоанн 14
14
Адаже баар орук
1 # Ин. 12:44«Силерниң чүректериңер муңгарап хөлзевезин! Бурганга бүзүрээриңер дег, Меңээ база бүзүреңер! 2Адамның бажыңында чурттаар чер эмгежок. Ол ындыг эвес турган болза, Мен силерге чүге ону чугаалаар деп мен. Мен силерге турар чер белеткээр дээш чоруурум бо-дур#14:2 Азы: «„Силерге турар чер белеткээр дээш чоруптум“ – деп, Мен силерге чугаалаважык мен бе?». 3# Ин. 14:1; 1 Фес. 4:17Ам чорупкаш, силерге турар чер белеткеп кагзымза, дедир чедип келгеш, Мээң турар черимге турзуннар дээш, силерни база Бодумче ап алыр мен. 4А Мээң кайнаар чоруй баарым орукту билир болгай силер».
5 # Ин. 11:16Фома Аңаа: «Дээрги! Кайнаар чоруптарыңарны билбес-тир бис. Ынчаарга ол орукту канчап билип алыр бис?» – дээн.
6 # Ин. 1:17; 11:25; Евр. 10:20Иисус: «Мен дээрге орук, алыс шын база амыдырал-дыр мен. Чүгле Мени таварты дээрден башка, кым-даа Адамга кээп шыдавас – деп харыылаан. – 7Силер Мени билир болзуңарза, Адамны база билген болур силер#14:7 Өске бурунгу сөзүглелде «Силер Мени билир турган болзуңарза, Адамны база билген турар ийик силер» деп бижээн.. Амдан эгелеп, силер Ону билир силер, харын-даа Ону көрген силер».
8 # Ин. 1:43; 12:21Филипп Аңаа: «Дээрги! Адаңарны биске көргүзүңерем, биске ол-ла четчир» – дээн.
9 # Ин. 12:45Иисус аңаа: «Мен силерниң араңарга мынча үр болдум, а сен Мени билбезиң ол чүве бе, Филипп? Мени көрген кижи Адамны көрген болур. Сен канчап-ла: „Адаңарны биске көргүзүңерем“ – дээр сен?» – деп харыылаан. 10# Ин. 10:38«Мени – Адам-биле сырый харылзаалыг, а Адамны – Мээң-биле харылзаалыг дээрзинге бүзүревейн тур сен бе? Силерге чугаалап турар сөстеримни Бодумнуң адымдан чугаалавайн тур мен: ол дээрге Менде бар Адамның Бодунуң ажыл-херээн чаяап турары ол-дур. 11# Ин. 5:36Мени – Адам-биле сырый харылзаалыг, а Адамны – Мээң-биле харылзаалыг деп Меңээ бүзүреңер. Мээң сөстеримге бүзүревезиңерзе, кылган ажыл-херээм дээш Меңээ бүзүреңер. 12# Ин. 8:14; 13:3; 16:28Алыс шынны силерге чугаалап тур мен: Меңээ бүзүрей берген кижи Мээң кылып турарым ажыл-херекти база кылып шыдаар, харын-даа оон артыкты кылыр, чүге дээрге Мен ам Адамче чоруптар-дыр мен. 13Силер Мээң адым адап, чүнү-даа дилээр болзуңарза, ону шуптузун күүседир мен, ынчан Оглун дамчыштыр Адам алдаржыыр. 14# Мф. 7:7-8; Мк. 11:24; Ин. 15:16; 16:23; 1 Ин. 3:22Мээң адым адап, чүнү-даа дилээр болзуңарза, Мен ону күүседир мен».
Ыдыктыг Сүлдени аазааны
15 # Мф. 28:20; 1 Ин. 5:3; 2 Ин. 1:6; Рим. 13:10«Меңээ ынак болзуңарза, айтыышкыннарым сагыыр силер. 16# Ин. 15:26; 16:13Адамдан ынчан дилээримге, Ол силерге кезээ-мөңгеде силер-биле кады чоруур өске Болчукчуну бээр. 17# 1 Кор. 2:14 || Аж.-ч. 2:4Алыс шынны көргүзүп турар Сүлде – Болчукчу ол-дур. Ону көрбес база билбес болганда, бо делегейниң улузу Ону хүлээп ап шыдавас. А силер Ону билир силер, чүге дээрге Ол силер-биле кады чоруур база силер-биле тудуш бар болур.
18Силерни өскүссүреди каапкаш барбас мен, харын силерже ээп кээр мен. 19# Ин. 7:33Ам бичии болгаш, бо делегейниң улузу Мени оон ыңай көрбейн баар, ынчалза-даа силер Мени көөр силер. Мен дириг мен, ынчангаш силер база өлбес силер. 20Ол хүн кээрге, Мени – Адам-биле сырый харылзаалыг, силерни – Мээң-биле харылзаалыг, а Мени – силер-биле харылзаалыг дээрзин билип каар силер. 21# У. ч. 8:17; Ин. 16:27Кым Мээң айтыышкыннарымны шыгжап алганыл база оларны сагып чоруурул, ол кижи Меңээ ынак болур. Кым Меңээ ынагыл, ол кижиге Мээң Адам база ынак. Мен база ол кижиге ынак болуп, аңаа Бодумну көргүзер мен».
22 # Лк. 6:16; Аж.-ч. 1:13Искариот эвес, өске Иуда Иисуска: «Дээрги! Силер Бодуңарны бо делегейниң улузунга эвес, а чүгле биске көргүзер деп тур силер бе? Ол чүге ындыгыл?» – дээн.
23 # Ажыд. 3:20Иисус аңаа мынча деп харыылаан: «Кым Меңээ ынагыл, ол Мээң сөзүмнү сагып чоруур. Адам ынчан аңаа ынак апаар, оон Адам-биле кады ол кижиге чеде бергеш, ооң-биле кады чурттай бээр бис. 24Меңээ ынак эвес кижи Мээң сөстеримни сагывас. А силерниң дыңнап турар өөредииңер болза Мээңии эвес, а Мени айбылап чоруткан Адамныы-дыр. 25Силер-биле кады турар болгаш, Мен ону силерге чугааладым. 26# Ин. 15:26; 16:13; 1 Кор. 2:10; 1 Ин. 2:20 || Лк. 24:49Адамның силерге Мени дээш чорудуп бээри Болчукчу – Ыдыктыг Сүлде силерни хамык чүвеге өөредип каар база Мээң силерге чугаалааным бүгү чүвени силерге сагындырар.
27 # Флп. 4:7; Кол. 3:15Мен амыр-тайбыңны силерге арттырдым, силерге бээрим амыр-тайбыңым ол-дур. Бо делегейниң бээри дег эвес амыр-тайбыңны Мен силерге берип тур мен. Силерниң чүректериңер хөлзевезин, ол ышкаш кортпаңар. 28# Ин. 14:1-2 || 1 Кор. 11:3; 15:24Мээң силерге: „Силерден чоруптум, оон силерже катап ээп кээр мен“ – дээнимни дыңнадыңар чоп. Силер Меңээ ынак турган болзуңарза, Мээң ам Адамче чоруптарым дээш өөрүүр ийик силер. Чүге дээрге Адам Менден өндүр улуг болгай. 29# Мк. 13:23; Ин. 13:19Ынчангаш ол бүгү боттаны бээрге, Мээң чугаалаан чүвем шын дээрзинге бүзүрезиннер дээш, ол бүгүнүң дугайында, боттанырының бетинде-ле, силерге чугаалап бердим. 30# Ин. 12:31; Эф. 2:2Мен ам моон соңгаар силер-биле чугаалашпас мен, чүге дээрге бо делегейниң чагырыкчызы чоокшулап кел чор. Ооң Мени баш билир эргези чок, 31ынчалза-даа Адамга ынаамны бо делегейниң улузу билип алзын дээш, Мен ам Адамның айыткан чүвезин кылыр мен. Тургулаңар, моон чоруулуңар!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025