Аггей 2

Чаа өргээниң келир үедеги өндүр-чаагайы

1 # Лев. 23:34Чеди айның чээрби бирде#2:1 Б. э. ч. 520 чылдың октябрь 17. Дээрги-Чаяакчы Аггей медээчини дамчыштыр Бодунуң сөзүн ажыткан: 2# Агг. 1:1; 2:20-23«Салафиилдиң оглу, Иудеяның чагырыкчызы Зоровавелге, Иоседектиң оглу, дээди бараалгакчы Иисуска база арткан чонга мынча деп чугаала. 3# Эзра 3:12; Зах. 4:10Силерниң араңарда бо өргээниң биеэги өндүр-чаагай хевирин көрген кижи арткан бе, ам ону көөрүңерге, кандыг-дыр? Чөгенчиг чүве бооп сагындырбас-тыр бе? 4# Агг. 1:13Ынчалза-даа ам сорук кирип көр, Зоровавел – деп, Дээрги-Чаяакчы медеглээн. – Иоседектиң оглу, дээди бараалгакчы Иисус, сен база сорук кирип көр; черниң бүгү чону, сорук кирип, ажылдап эгелеңер, Мен, Аг-шериглиг Дээрги-Чаяакчы, силер-биле кады болгай мен. 5# Хост. 29:45Египеттен үнүп чоруп туруңарда, силер-биле чарган Мээң чагыг-керээмни күүседиңер, Мээң Сүлдем араңарда бар хевээр-дир, ынчангаш кортпаңар!»

6 # Иов 9:6; Иса. 2:19; 13:13; Евр. 12:26Аг-шериглиг Дээрги-Чаяакчы мынча деп чугаалаан: «Үр болбайн, Мен ам бир удаа дээр биле черни, далай биле кургаг черни силгиир деп тур мен. 7Бүгү чоннарны база силгиир мен, ынчан олар үнелиг белектерин эккээр, бо өргээни чаагай байлак-биле долдурар мен!» Аг-шериглиг Дээрги-Чаяакчының чугаалаан чүвези ол-дур. 8# 1 Чыл. 29:16«Бүгү мөңгүн – Мээңии, бүгү алдын – Мээңии! – деп, Аг-шериглиг Дээрги-Чаяакчы медеглээн. – 9Бо өргээниң өндүр-чаагайы биеэги өргээниң өндүр-чаагайындан улгады бээр. Мен бо черге амыр-тайбыңны доктаадыр мен». Аг-шериглиг Дээрги-Чаяакчының медеглээн чүвези ол-дур.

Бурганның ачы-буян хайырлаары чоннуң арыындан хамааржыр

10Дарийниң чагыргазының ийиги чылында, тос айның чээрби дөртте#2:10 Б. э. ч. 520 чылдың декабрь 18. Дээрги-Чаяакчы Аггей медээчиге Бодунуң сөзүн ажыдыпкан: 11«Аг-шериглиг Дээрги-Чаяакчы ыдыктыг хоойлуга хамааржыр дараазында чүүлдү бараалгакчылардан айтырып көр деп тур: 12„Бир эвес кандыг-бир кижи ыдыктап каан эътти#2:12 Ыдыктап каан эът – Бурганга өргүл кылдыр салган малдың эъдиниң кезээ (Лев. 6:24-28 көр). хевиниң эдээнге ораап алгаш чорааш, эдээ-биле далган-тараага, быдаага, арагага, үске азы өске-бир аъш-чемге дээпкен болза, ол аъш-чем база ыдыктыг апаар бе?“»

Аггей ону айтырарга, Бурганның бараалгакчылары: «Чок» – деп харыылаан.

13 # Лев. 22:4-6; Сан. 19:22Аггей оон: «Бир эвес кандыг-бир кижи өлүг кижиге дегген соонда, арыг эвес апаргаш, ол бүгү аъш-чемге дээптер болза, аъш-чем база арыг эвес апаар бе?» – деп айтырган. А бараалгакчылар: «Арыг эвес апаар» – деп харыылаан. 14# Иса. 64:6Аггей ынчан Дээрги-Чаяакчының бо медеглелин дамчыткан: «Бо чон база ындыг-дыр, бо улус Мээң мурнумга база ындыг-дыр, оларның ажаап ап турар дүжүдү база ындыг-дыр. Ол улустуң эккеп салып турар өргүлдери шупту арыг эвес-тир.

15Ынчангаш амдыгааштан эгелээш, бо чүүлдү утпайн көрүңер. Дээрги-Чаяакчының өргээзиниң таваанга чаңгыс-даа даш салдынмаан турда, байдалыңар кандыг турган ийик? 16Бир хөпээнден чээрби хемчээл хире тараа чыып аар бодап чедип келген улус чүгле он хемчээл хирени чыып ап турду; арага дозар савадан бежен хемчээл хирени узуп аар бодап чедип кээрге, чүгле чээрби хемчээл хире арага бар боор турду. 17# Лев. 26:16; Ы. х. к. 28:22; 3 Хаан. 8:37; 2 Чыл. 6:28; Ам. 4:9 || Иер. 5:3; Ам. 4:6Чүге дээрге Мен үнүш-дүжүдүңерже өрттендир чиир изиг хат биле дүдүк салып, тарып алган дүжүдүңерже долу чагдырып, силерни кезедип турдум. Ынчалза-даа силер Менче эглип келбедиңер – деп, Дээрги-Чаяакчы медеглээн. – 18# Эзра 3:10; Зах. 8:9Амдыгааштан эгелээш, Дээрги-Чаяакчының өргээзиниң таваан салганыңар хүн – тос айның чээрби дөрттен#2:18 Б. э. ч. 520 чылдың декабрь 18. ыңай бо чүүлдү утпайн чоруңар. 19# Зах. 8:12Аңмаарларда үрезин ам-даа бар-дыр бе? Бо өйге чедир виноград сывы, фига биле гранат ыяжы, олива-даа дүжүт бербейн келди чоп. А бо хүнден эгелээш, Мен силерге ачы-буянны хайырлаар мен».

Бурганның Зоровавелге аазаашкыны

20Дээрги-Чаяакчы Аггейге ол-ла айның чээрби дөртте Бодунуң сөзүн база катап ажыдып чугаалаан: 21# Агг. 1:1; 2:2«Иудеяның чагырыкчызы Зоровавелге мону дамчыт. Мен дээр биле черни силгиир деп тур мен; 22# Дан. 2:44; Зах. 12:9 || Мих. 5:10 || Зах. 14:13дүжүлгелерде саадаан хааннарны дүжүрер мен, өске чоннар күрүнелериниң күчү-күжүн узуткап каар мен, дайынчы тергелерни башкарган улузу-биле катай ойтур октаптар мен, аъттарны-даа, мунукчуларын-даа чок кылып каар мен, ха-дуңма-даа кижилер бирээзи өскезин хылыш-биле шанчып каар». 23# Сол. ыр. 8:6; Иер. 22:24Аг-шериглиг Дээрги-Чаяакчы мынча дээн: «Салафиилдиң оглу Зоровавел, Мээң чалчам, ол хүн Мен сени Бодумнуң таңмалыг билзээм#2:23 Таңмалыг билзек – кандыг-даа дужаалга ол таңманы базып каарга, күштүг апаар. Бурган Зоровавелге Бодунуң дужаалдарын күүседир эрге-чагырганы хайырлаар бооп турары ол (Эсф. 8:8, 10 көр). дег кылып аар мен, чүге дээрге Мен сени шилип алган болгай мен». Аг-шериглиг Дээрги-Чаяакчының медеглээн чүвези ол-дур.

Currently Selected:

Аггей 2: Ы.Б.2025

Highlight

Copy