Аввакум 3
3
Аввакумнуң ырызы
1Аввакум медээчиниң мөргүлү. Шигионот-ыры.
2Дээрги-Чаяакчы, Сээң дугайыңда дыңнап кагдым,
Сээң ажыл-херектериң мени сүрээдедип тур;
өндүр улуг ажыл-херээңни
бистиң үеде база чаартып көргүзүп көр.
Килеңнеп-даа тура, өршээлиңни утпайн көр. Сэла
3Бурган – Темандан,
ыдыктыг Дээрги – Фаран дагларындан
чедип кел чыдыр#3:3 Теман биле Фаран – Израильдиң мурнуу талазында ээн кургаг ховуда черлер (Ы. х. к. 33:2).. Сэла
Ооң өндүр бедии дээрлерни шыва алган,
Аңаа алдар-мактал черни бүргээн!
4 # Иов 36:32; Иез. 1:27Ооң чайыны кызаңнаан чырык дег,
Ооң холундан херелдер чырып үнүп турар,
Ооң күчү-күжү ында чажыртынган.
5Ооң мурнунга аарыг-аржык тараар,
изиг-халыын Ооң изи-биле чоруур#3:5 Бурганның чорудупкан аарыглары Ооң дайзыннарынга удур дайын херекселдери кылдыр санаттынып турган (4 Хаан. 19:35; 1 Чыл. 21:11-15 көр)..
6 # Э. д. 49:26; Ы. х. к. 33:15Ол доктаай бергеш, черни хемчээй көрүпкен#3:6 Өске бурунгу сөзүглелде «Хемчээй көрүпкен» эвес, а «Божаңнадыпкан» деп бижээн.,
Ооң көрүжү чоннарны сириледипкен;
үе-дүптүң даглары буступ кээп дүшкен,
эрте-бурунгу тейлер чавызай берген;
Бурганның оруктары үе-дүптен бээр турган.
7 # Башт. 7:21Кушан черниң чадырлары
айыыл-халапка алысканын көрген мен;
мадиан черниң майгыннары
сириңейнип турган.
8 # Иса. 66:15Дээрги-Чаяакчы, Сээң килеңиң
хемнерже кыптыкканы ол бе,
агым сугларга хорадааның ол бе,
далайга ажынганың ол бе?
Чүге аъттарыңны мунуп алдың,
чүге тиилелгелиг дайынчы тергелериңде саадаптың?
9Аймактарга даңгыраглаан аазаашкының бадыткап,
ча-согунуң белеткеп алдың#3:9 Бо сөстерниң утказы эки билдинмес. Болгу дег өске утказы мындыг: «Сен Бодуңнуң чаңны белеткеп алдың, Сээң даңгырааң сөстери согуннар дег».. Сэла
Чер кырын хемнер-биле диле кезиптиң.
10 # Хост. 19:18 || Ыд. ыр. 76:17; 92:3Сени көрүп кааш, даглар сириңейни берген,
суглар аттыгып баткан,
дүп чок далай алгырып эгелээш,
чалгыгларын диргелдир көдүрүпкен#3:10 Мында бүгү делегейге суг халавын тодарадып бижээн хире (Э. д. 6–9 эгелер)..
11 # Иис. 10:12-13Сээң ужуккан согуннарың чырыын,
чайынналган чыдаларың кызаңнаанын көргеш,
хүн биле ай турган черинге доктаай берген.
12Килеңней бергеш, Сен чер кыры-биле базып эрте бердиң,
хорадай бергеш, чоннарны базып кагдың.
13Бодуңнуң чонуңну камгалаар дээш,
шилип алганың улусту#3:13 Азы: «Шилип алганың хаанны». камгалаар дээш чоруптуң;
бузуттуг чоннуң баштыңын узуткап кагдың,
ону таваңгайындан тейинге чедир шалдаңнап кагдың. Сэла
14Ооң аг-шерии, мени чылча шавар дээш,
казыргы дег халдап келген.
Олар, түреңги кижини бүдүү сыырар дээнде дег,
амырап турдулар.
А Сен оларның баштыңын
ооң бодунуң-на чыдалары-биле
өттүр шанчып кагдың;
15 # Ыд. ыр. 76:20Сен Бодуңнуң аъттарың-биле далайга,
өндүр улуг сугларга орук изеп алдың.
16 # Иов 4:14; Ыд. ыр. 118:120Ол шимээн-даашты дыңнап кааш,
ишти-хөңнүм сүрээдеп сирилеш дээн,
диштерим шаккыңайнып,
сөөк-даяам ирик дег апарып,
буттарым сириңейни берген.
Ындыг-даа болза, бисти үптеп турар чонну
айыыл-халап хүнү таварыырын манаар ужурлуг мен#3:16 Азы: «Ындыг-даа болза, айыыл-халап хүнүн – кажан үптекчи дайзын чонумче халдап кээр хүннү оожум шөлээн манаар ужурлуг мен»..
17Фига ыяжы чечектелбес,
виноград сыптарында каттар чок,
оливаның чимизи үнмес,
шөл дүжүдүн бербес-даа болза,
кажааларда мал-маган чок-даа болза,
18 # Ыд. ыр. 12:6; 20:2; 34:9; Иоил 2:23; Зах. 10:7ынчан безин Дээрги-Чаяакчы дээш өөрүүр мен,
мени камгалаар Бурганым дээш хөглээр мен.
19 # 2 Хаан. 22:34; Ыд. ыр. 17:34 || Ыд. ыр. 4:1; 60:1Дээрги-Чаяакчы – мээң күчү-күжүм, мээң Дээргим!
Ол мээң будумну сыын буду дег кылып каар,
бедиктерже мени көдүрер.
Хөгжүм башкарыкчызынга. Хылдыг хөгжүм үдээр.
Currently Selected:
Аввакум 3: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
