Аввакум 2
2
1 # Иса. 21:8; Иер. 6:17; Иез. 3:17; 33:2; Ос. 9:8Доскуулдап туруп алгаш, суургадан хайгаарап көрүп, Дээрги-Чаяакчының меңээ чүү дээрин, мээң хомудалымга Ооң канчаар харыылаарын#2:1 Өске бурунгу сөзүглелдерде «Мээң канчаар харыылаарымны» деп бижээн. Аввакум медээчини айыыл дугайында сагындырган доскуулчу-биле дөмейлеп турар (Иез. 3:17; 33:1-9 көр). билип ап көрейн.
Бурганның харыызы
2 # Ы. х. к. 27:8; Иса. 8:1; 30:8Дээрги-Чаяакчы меңээ мынча деп харыылаан:
«Мээң чорутканым көстүүшкүннү бижип каг – номчуп турар кижиге билдингир болзун дээш#2:2 Азы: «Ону номчаан кижи маңнап ыңай болзун дээш»., самбыраларга тода кылдыр шыйып бижип каг. 3# Дан. 10:14 || Соф. 3:8 || 2 Пет. 3:9; Евр. 10:37Ол көстүүшкүн бир-ле доктааткан үеге хамааржыр, боттаныышкынынче чүткүп бар чыдар база черле мегелевес; ук көстүүшкүн дораан боттанмас-даа болза, шыдажып мана, чүге дээрге албан чогуп бүдер, үр үеде саадавас.
4 # Рим. 1:17; Гал. 3:11; Евр. 10:38Көрүңер даан, туразы улуг кижиниң сагыш-сеткили арыг эвес, а актыг-шынныг кижи бүзүрелиниң ачызында амылыг артар. 5# У. ч. 27:20 || Иер. 27:7Турамык улусту байлакшылы сотка олуртур#2:5 Бо домактың утказы эки билдинмес. Өске бурунгу сөзүглелде «Байлакшыл» эвес, а «Арага» деп бижээн., оларга оожургал бербес, ынчангаш боттарының ишти-хырнын тамы ышкаш алгыг кылып аар, ол улус, өлүм-даа дег, пөгери чок; шупту чоннарны чаалап ап, шупту аймактарны чагырып туруп бээр.
6 # Иса. 14:4Ынчалза-даа ол чоннар шупту оларны кочулап: „Боттарынга хамаарышпас чүве-биле хөлүн эрттир байып алган улус ат болур! Долаалар төлевири чыып, чүдүртүнүп алган улус чежеге дээр ынчап кээрил?“ – деп ойзу чугаалажыр.
7Сеңээ өрелиг улус хенертен тура халышпас бе, олар оттуп келгеш, сени сириледиппес бе, оларга үптеттирип албас сен бе? 8# Иер. 50:29; Иез. 35:15; Авд. 1:15Хөй чоннарны үптеп-тонаан болгай сен; кижи ханы төккениң дээш, чурттарга, хоорайларга, ында чурттаан бүгү улуска күчүлел көргүскениң дээш арткан бүгү аймактар сени база үптеп-тонап кааптар.
9 # Иер. 49:16Уязын бедик черге тудуп ап, озалдыг байдалдардан бодун айыыл чок болдурар дээш, аал-оранынга былаап алганы олча чыып алыксап турар улус ат болур! 10Сээң кара бодалдарың бодуңнуң аал-ораныңны бак атка киирер, хөй чоннарны узуткап тура, бодуңга хора чедиргениң ол-дур. 11# Лк. 19:40Ханаларда даштар безин сеңээ удур алгыржы бээр, оларның сөстерин бажың-балгаттың ыяш ооргалары бадыткаар.
12 # Иер. 22:13; Мих. 3:10Өлүрүүшкүн-биле хоорай таваа салып, кемниг үүлгедиг-биле орду тудуп турар улус ат болур! 13# Иер. 51:58Чоннарның ажыл-ижин от чиир деп, аймактар хей черге хинчектенип ажылдаар деп Аг-шериглиг Дээрги-Чаяакчы тодарадып кагбаан чүве бе? 14# Сан. 14:21; Ыд. ыр. 71:19; Иса. 6:3; 11:9Дээрги-Чаяакчының алдарының дугайында билиг чер-делегей кырынга, далайны долдур аккан суг дег, нептерей бээр.
15 # Иер. 51:7Өске кижиге килеңин куткан дашка сунуп, ооң шалдаң-чанагажын көөр дээш, эзиртир ижиртип турар улус ат болур! 16# Иер. 13:26; Наум 3:5 || Ыы. 4:21Алдар орнунга кочулал-биле пөгер сен, ам бодуң иш-ле, бужар шалдаңыңны көргүс-ле! Дээрги-Чаяакчының күчүлүг холунуң сунган дашказы сээң ижер үлүүң апаар, ат-алдарыңны баксырадыр сен. 17Ливан чуртту каржы-бак чаңнап турганың дег, сени база каржы-бак чаңнаар. Мал-маган кыргып-хыдып турганың дег, сени база узуткап каар. Кижи ханы төккениң дээш чурттарга, хоорайларга, ында чурттаан бүгү улуска күчүлел көргүскениң дээш, сени база бак аажылаар.
18 # Зах. 10:2 || Иса. 44:10-11Үнү чок дүрзүлер кылып турар шуткукчу кижи оозунга идегээр-даа болза, ол уран-шевер кижиниң кылып кааны дүрзү-бурган – шуткуп каан меге башкы аңаа кандыг ачы-дуза көргүзерил? 19# Ыд. ыр. 134:17; Иер. 10:14Ыяш дүрзүге: „Тынгарлып кел!“, а чугаа-сөзү чок дашка: „Оттуп кел!“ – деп турар улус ат болур! Ол дүрзү кандыг-бир чүвеге өөредип каап шыдаар бе? Көрүңер даан, ону алдын, мөңгүн-биле шап каан-даа болза, амыдыралдың тыныжы ында чок-тур. 20# Ыд. ыр. 10:4; Мих. 1:2 || Соф. 1:7А Дээрги-Чаяакчы – Бодунуң ыдыктыг өргээзинде, бүгү чер-делегей Ооң мурнунга ыыт чок турзун!»
Currently Selected:
Аввакум 2: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Аввакум 2
2
1 # Иса. 21:8; Иер. 6:17; Иез. 3:17; 33:2; Ос. 9:8Доскуулдап туруп алгаш, суургадан хайгаарап көрүп, Дээрги-Чаяакчының меңээ чүү дээрин, мээң хомудалымга Ооң канчаар харыылаарын#2:1 Өске бурунгу сөзүглелдерде «Мээң канчаар харыылаарымны» деп бижээн. Аввакум медээчини айыыл дугайында сагындырган доскуулчу-биле дөмейлеп турар (Иез. 3:17; 33:1-9 көр). билип ап көрейн.
Бурганның харыызы
2 # Ы. х. к. 27:8; Иса. 8:1; 30:8Дээрги-Чаяакчы меңээ мынча деп харыылаан:
«Мээң чорутканым көстүүшкүннү бижип каг – номчуп турар кижиге билдингир болзун дээш#2:2 Азы: «Ону номчаан кижи маңнап ыңай болзун дээш»., самбыраларга тода кылдыр шыйып бижип каг. 3# Дан. 10:14 || Соф. 3:8 || 2 Пет. 3:9; Евр. 10:37Ол көстүүшкүн бир-ле доктааткан үеге хамааржыр, боттаныышкынынче чүткүп бар чыдар база черле мегелевес; ук көстүүшкүн дораан боттанмас-даа болза, шыдажып мана, чүге дээрге албан чогуп бүдер, үр үеде саадавас.
4 # Рим. 1:17; Гал. 3:11; Евр. 10:38Көрүңер даан, туразы улуг кижиниң сагыш-сеткили арыг эвес, а актыг-шынныг кижи бүзүрелиниң ачызында амылыг артар. 5# У. ч. 27:20 || Иер. 27:7Турамык улусту байлакшылы сотка олуртур#2:5 Бо домактың утказы эки билдинмес. Өске бурунгу сөзүглелде «Байлакшыл» эвес, а «Арага» деп бижээн., оларга оожургал бербес, ынчангаш боттарының ишти-хырнын тамы ышкаш алгыг кылып аар, ол улус, өлүм-даа дег, пөгери чок; шупту чоннарны чаалап ап, шупту аймактарны чагырып туруп бээр.
6 # Иса. 14:4Ынчалза-даа ол чоннар шупту оларны кочулап: „Боттарынга хамаарышпас чүве-биле хөлүн эрттир байып алган улус ат болур! Долаалар төлевири чыып, чүдүртүнүп алган улус чежеге дээр ынчап кээрил?“ – деп ойзу чугаалажыр.
7Сеңээ өрелиг улус хенертен тура халышпас бе, олар оттуп келгеш, сени сириледиппес бе, оларга үптеттирип албас сен бе? 8# Иер. 50:29; Иез. 35:15; Авд. 1:15Хөй чоннарны үптеп-тонаан болгай сен; кижи ханы төккениң дээш, чурттарга, хоорайларга, ында чурттаан бүгү улуска күчүлел көргүскениң дээш арткан бүгү аймактар сени база үптеп-тонап кааптар.
9 # Иер. 49:16Уязын бедик черге тудуп ап, озалдыг байдалдардан бодун айыыл чок болдурар дээш, аал-оранынга былаап алганы олча чыып алыксап турар улус ат болур! 10Сээң кара бодалдарың бодуңнуң аал-ораныңны бак атка киирер, хөй чоннарны узуткап тура, бодуңга хора чедиргениң ол-дур. 11# Лк. 19:40Ханаларда даштар безин сеңээ удур алгыржы бээр, оларның сөстерин бажың-балгаттың ыяш ооргалары бадыткаар.
12 # Иер. 22:13; Мих. 3:10Өлүрүүшкүн-биле хоорай таваа салып, кемниг үүлгедиг-биле орду тудуп турар улус ат болур! 13# Иер. 51:58Чоннарның ажыл-ижин от чиир деп, аймактар хей черге хинчектенип ажылдаар деп Аг-шериглиг Дээрги-Чаяакчы тодарадып кагбаан чүве бе? 14# Сан. 14:21; Ыд. ыр. 71:19; Иса. 6:3; 11:9Дээрги-Чаяакчының алдарының дугайында билиг чер-делегей кырынга, далайны долдур аккан суг дег, нептерей бээр.
15 # Иер. 51:7Өске кижиге килеңин куткан дашка сунуп, ооң шалдаң-чанагажын көөр дээш, эзиртир ижиртип турар улус ат болур! 16# Иер. 13:26; Наум 3:5 || Ыы. 4:21Алдар орнунга кочулал-биле пөгер сен, ам бодуң иш-ле, бужар шалдаңыңны көргүс-ле! Дээрги-Чаяакчының күчүлүг холунуң сунган дашказы сээң ижер үлүүң апаар, ат-алдарыңны баксырадыр сен. 17Ливан чуртту каржы-бак чаңнап турганың дег, сени база каржы-бак чаңнаар. Мал-маган кыргып-хыдып турганың дег, сени база узуткап каар. Кижи ханы төккениң дээш чурттарга, хоорайларга, ында чурттаан бүгү улуска күчүлел көргүскениң дээш, сени база бак аажылаар.
18 # Зах. 10:2 || Иса. 44:10-11Үнү чок дүрзүлер кылып турар шуткукчу кижи оозунга идегээр-даа болза, ол уран-шевер кижиниң кылып кааны дүрзү-бурган – шуткуп каан меге башкы аңаа кандыг ачы-дуза көргүзерил? 19# Ыд. ыр. 134:17; Иер. 10:14Ыяш дүрзүге: „Тынгарлып кел!“, а чугаа-сөзү чок дашка: „Оттуп кел!“ – деп турар улус ат болур! Ол дүрзү кандыг-бир чүвеге өөредип каап шыдаар бе? Көрүңер даан, ону алдын, мөңгүн-биле шап каан-даа болза, амыдыралдың тыныжы ында чок-тур. 20# Ыд. ыр. 10:4; Мих. 1:2 || Соф. 1:7А Дээрги-Чаяакчы – Бодунуң ыдыктыг өргээзинде, бүгү чер-делегей Ооң мурнунга ыыт чок турзун!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025