Эге дөс 13
13
Лоттуң Аврамдан аңгыланганы
1Ынчан Аврам кадайы-биле кады бүгү өнчү-хөреңгизин ап алгаш, Египеттен Негевче чорупкан. Оларның-биле кады Лот база чорупкан. 2Ол өйде Аврам мал-маган, алдын-мөңгүн-биле дыка бай апарган турган. 3# Э. д. 12:8Ол Негевтен көжүп чорупкаш, мооң мурнунда Вефил биле Гайның аразынга майгынын тип алгаш чурттап турган черинге чедип келген. 4Мооң мурнунда-ла өргүл салыр бедигээш тудуп каан черинге ол чедип келген; аңаа Аврам Дээрги-Чаяакчыны мактап, Ооң адын адап кыйгырган. 5Аврам-биле кады көжүп чораан Лоттуң бодунга хамааржыр шээр болгаш бода малы, майгыннары база бар турган. 6Оларның кады чаңгыс черге чурттаары дакпыш апарган, чүге дээрге мал-маганы көвүдээш, ол кавыга сыңышпастап эгелээн. 7(Ол өйде хананей чон болгаш ферез чон база ол черге чурттап турганнар.) Ынчангаш Аврамның болгаш Лоттуң кадарчыларының аразынга маргылдаа үнген.
8 # Ыд. ыр. 132:1Аврам Лотка: «Бистиң аравыска база кадарчыларывыстың аразынга алгыш-кырыш турбас ужурлуг, чүге дээрге бистер төрел улус-тур бис – деп чугаалаан. – 9Сээң мурнуңда чер чок эвес. Менден аңгыланып алзыңза кандыгыл? Бир эвес сен солагай талазынче баар болзуңза, мен оң талазынче барайн; а бир эвес сен оң талазынче баар болзуңза, мен солагай талазынче барайн». 10# Э. д. 2:10 || Э. д. 19:24Лот топтап көргеш, Иордан хемниң чоок-кавызында Төгерик шынааны көрүп каан. Ол чер Сигор хоорайга чедир, Дээрги-Чаяакчының сесерлии дег, египет чер дег, суггаттыг болган. (Ук чер Дээрги-Чаяакчы Содом биле Гоморра хоорайларны узуткап каарынга чедир ындыг турган.) 11Лот чурттаар кылдыр Иордан хемниң Төгерик шынаазын бодунга шилип алган; ынчангаш Лот чөөн чүкче чорупкан. Ынчалдыр олар бот-боттарындан аңгыланып алганнар. 12Аврам ханаан черге чурттай берген, а Лот Төгерик шынааның хоорайларынга чурттай берген, ынчангаш майгыннарын Содомга чедир тип алган. 13# Э. д. 18:20А Содомнуң чурттакчылары каржы база Дээрги-Чаяакчының мурнунга дыка бачыттыг улус турган.
14Лот аңгыланып алганының соонда, Аврамга Дээрги-Чаяакчы мынча дээн: «Долгандыр көрүп көрем. Ам бо турган чериңден соңгу, мурнуу, чөөн, барыын чүктерже көр. 15# Иис. 21:43Көрүп турар черлериңни Мен сеңээ болгаш сээң үре-салгалыңга мөңгеде бээр мен. 16# 3 Хаан. 3:8Сээң салгакчыларыңны черниң элезин-довураа дег хөй санныг кылып каар мен; черниң элезининиң санаттынмазы дег, сээң үре-салгалың база санаттынмас хөй болур. 17Черни узун дургаар база доора дургаар эргий кези, чүге дээрге Мен ону сеңээ бээр болгай мен». 18Аврам өске черже көжүп чорааш, Хевроннуң чоогунда Мамре деп дуб ыяштыг чер чанынга турумчуп чурттай берген. Аңаа ол Дээрги-Чаяакчыга өргүл салыр бедигээш тудуп алган.
Currently Selected:
Эге дөс 13: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Эге дөс 13
13
Лоттуң Аврамдан аңгыланганы
1Ынчан Аврам кадайы-биле кады бүгү өнчү-хөреңгизин ап алгаш, Египеттен Негевче чорупкан. Оларның-биле кады Лот база чорупкан. 2Ол өйде Аврам мал-маган, алдын-мөңгүн-биле дыка бай апарган турган. 3# Э. д. 12:8Ол Негевтен көжүп чорупкаш, мооң мурнунда Вефил биле Гайның аразынга майгынын тип алгаш чурттап турган черинге чедип келген. 4Мооң мурнунда-ла өргүл салыр бедигээш тудуп каан черинге ол чедип келген; аңаа Аврам Дээрги-Чаяакчыны мактап, Ооң адын адап кыйгырган. 5Аврам-биле кады көжүп чораан Лоттуң бодунга хамааржыр шээр болгаш бода малы, майгыннары база бар турган. 6Оларның кады чаңгыс черге чурттаары дакпыш апарган, чүге дээрге мал-маганы көвүдээш, ол кавыга сыңышпастап эгелээн. 7(Ол өйде хананей чон болгаш ферез чон база ол черге чурттап турганнар.) Ынчангаш Аврамның болгаш Лоттуң кадарчыларының аразынга маргылдаа үнген.
8 # Ыд. ыр. 132:1Аврам Лотка: «Бистиң аравыска база кадарчыларывыстың аразынга алгыш-кырыш турбас ужурлуг, чүге дээрге бистер төрел улус-тур бис – деп чугаалаан. – 9Сээң мурнуңда чер чок эвес. Менден аңгыланып алзыңза кандыгыл? Бир эвес сен солагай талазынче баар болзуңза, мен оң талазынче барайн; а бир эвес сен оң талазынче баар болзуңза, мен солагай талазынче барайн». 10# Э. д. 2:10 || Э. д. 19:24Лот топтап көргеш, Иордан хемниң чоок-кавызында Төгерик шынааны көрүп каан. Ол чер Сигор хоорайга чедир, Дээрги-Чаяакчының сесерлии дег, египет чер дег, суггаттыг болган. (Ук чер Дээрги-Чаяакчы Содом биле Гоморра хоорайларны узуткап каарынга чедир ындыг турган.) 11Лот чурттаар кылдыр Иордан хемниң Төгерик шынаазын бодунга шилип алган; ынчангаш Лот чөөн чүкче чорупкан. Ынчалдыр олар бот-боттарындан аңгыланып алганнар. 12Аврам ханаан черге чурттай берген, а Лот Төгерик шынааның хоорайларынга чурттай берген, ынчангаш майгыннарын Содомга чедир тип алган. 13# Э. д. 18:20А Содомнуң чурттакчылары каржы база Дээрги-Чаяакчының мурнунга дыка бачыттыг улус турган.
14Лот аңгыланып алганының соонда, Аврамга Дээрги-Чаяакчы мынча дээн: «Долгандыр көрүп көрем. Ам бо турган чериңден соңгу, мурнуу, чөөн, барыын чүктерже көр. 15# Иис. 21:43Көрүп турар черлериңни Мен сеңээ болгаш сээң үре-салгалыңга мөңгеде бээр мен. 16# 3 Хаан. 3:8Сээң салгакчыларыңны черниң элезин-довураа дег хөй санныг кылып каар мен; черниң элезининиң санаттынмазы дег, сээң үре-салгалың база санаттынмас хөй болур. 17Черни узун дургаар база доора дургаар эргий кези, чүге дээрге Мен ону сеңээ бээр болгай мен». 18Аврам өске черже көжүп чорааш, Хевроннуң чоогунда Мамре деп дуб ыяштыг чер чанынга турумчуп чурттай берген. Аңаа ол Дээрги-Чаяакчыга өргүл салыр бедигээш тудуп алган.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025