Ажыл-чорудулга 23

Павел дээди иудей Чөвүлелдиң мурнунда

1 # 1 Кор. 4:4; 2 Кор. 1:12; 2 Тим. 1:3; Евр. 13:18Павел Чөвүлелди эргий кайгааш: «Ха-дуңма! Мен бо хүнге чедир Бурганның мурнунга хүлээлгемни арыг арын-нүүр-биле күүседип чор мен» – дээн. 2# Аж.-ч. 24:1 || 3 Хаан. 12:24Бурганның дээди бараалгакчызы Анания#23:2 Анания 47–58/59 чч. дээди бараалгакчы турган. 66 чылда ону еврей тура халыкчылар римчилер талазынче туружу дээш өлүрүп кааннар. ынчан Павелдиң чанынга турган улуска ооң эриннеринче кагарын дужааган. 3# Ы. х. к. 25:1-2А Павел аңаа мынча дээн: «Бурган сени кагар эвеспе, агартыр чугайлаан хана#23:3 Агартыр чугайлаан хана – дора көрүп, бак сөглээн уткалыг сөстер болур (Мф. 23:27 көр).. Сен мында мени ыдыктыг хоойлу ёзугаар шиидер дээш олурар-дыр сен, ол хиреңде-ле ыдыктыг хоойлуга чөрүштүр мени кагарын дужаап турар-дыр сен!»

4 # Ин. 18:22Павелдиң чанынга турган улус аңаа: «Бурганның дээди бараалгакчызын канчап дора көөр сен?» – дээннер.

5 # Хост. 22:28А Павел: «Ха-дуңма, буруулуг болдум, ол – Бурганның дээди бараалгакчызы дээрзин билбедим. Шынап-ла, Бижилге: „Чонуңнуң удуртукчузун бак сөглеве“ – деп турар болгай» – деп харыылаан.

6 # Аж.-ч. 4:1 || Флп. 3:5 || 1 Кор. 15:13Оларның чамдыызы саддукейлер, а өскелери фарисейлер дээрзин Павел билип каан, ынчангаш ол дээди иудей Чөвүлелге ыыткыр үн-биле мынча дээн: «Ха-дуңма! Мен фарисей кижи оглу, фарисей мен, өлүглерниң катап дирлиринге идегелим дээш шииттирип турарым бо».

7Ол ынча дээрге, фарисейлер биле саддукейлер аразынга маргылдаа үнгеш, чыыш ийи чарлы берген. 8# Мф. 22:23; Лк. 20:27Чүге дээрге саддукейлер өлүглер аразындан катап дирлири-даа, дээрниң төлээлери-даа, сүлде-сүнезиннер-даа чок дээр, а фарисейлер ол бүгүге бүзүрээр турган. 9# Ин. 12:29Оон алгы-кышкы үнген. Фарисейлер бөлүүнден чамдык ном-хоойлу тайылбырлакчылары туруп келгеш, маргыжа бергеннер: «Бо кижиде багай чүү-даа көрбейн тур бис. А ооң-биле сүлде-сүнезин азы дээрниң төлээзи чугаалашкан болза чүл?»#23:9 Өске бурунгу сөзүглелдерде бо сөстерге «Бурганга удурланган болбас бис бе?» деп сөстерни немээн.

10Маргылдаа күштүг алгыш-кырышче шилчий бээрге, рим баштың оларның Павелди үзе-чаза соп кааптарындан сезингеш, шериглеринге улус аразынче баткаш, ону шериглер чурттаар бажыңче алгаш баарын дужааган. 11# Аж.-ч. 27:23Дараазында дүне Дээрги-Чаяакчы Павелге чедип келгеш: «Павел, дидим бол. Мээң дугайымда Иерусалимге херечилеп турганың дег, Римге база херечилээр сен» – дээн.

Иудейлерниң Павелге удур сүлчээзи

12Хүн үнүп кээрге, иудейлер аразында дугурушкаш, Павелди өлүрбээн шаанда, чүнү-даа ижип-чивес бооп даңгыраглааннар. 13Сүлчээге дөртен ажыг кижи киришкен. 14Олар Бурганның дээди бараалгакчылары болгаш баштыңнарга баргаш: «Павелди өлүрбээн шаавыста, чүнү-даа ижип-чивес бооп даңгырагладывыс. 15Ынчангаш силер дээди иудей Чөвүлел-биле кады ооң херээн катап көөр-дүр деп чылдагааннааш, ону силерге эккээр кылдыр муң шериг баштыңынга сөстен чедириңер. А бис ону бээр эккел чыдырда-ла, өлүрүп каарынга белен бис» – дээннер.

16Сүлчээ дугайында Павелдиң чээни дыңнап кааш, шериглер чурттаар бажыңче киргеш, ол дугайында аңаа дамчыдыпкан. 17А Павел чүс шериг баштыңчыларының бирээзин кый деп алгаш: «Бо оолду баштыңыңче аппарам, ол аңаа бир чүве чугаалаар деп тур» – дээн.

18Демгизи оолду муң шериг баштыңынга эдертип эккелгеш, илеткээн: «Хоругдаттырган Павел мени кый деп алгаш, бо оолду силерже аппаарын диледи, чүге дээрге ол силерге бир-ле чүве чугаалаар дээн-дир».

19Баштың ол оолдуң холундан туткаш, өскээр чедип аппаргаш: «Меңээ чүнү чугаалаар бодадың?» – деп айтырган.

20Демги оол: «Иудейлер ооң херээниң тодаргай истелгезин чорудар чылдагаан-биле Павелди даарта дээди иудей Чөвүлелге чедирерин силерден дилээр бооп дугуржуп алдылар. 21Ынчалза-даа оларны дыңнаваңар, чүге дээрге дөртен ажыг кижи кедегде манап турар. Олар ону өлүрбээн шаанда, чүнү-даа ижип-чивес бооп даңгыраглааш, ам силерниң айтыышкыныңар манап, белен турарлар-дыр» – деп харыылаан.

22Баштың ол оолга: «Меңээ чугаалаан чүвеңни кымга-даа чугаалавас сен» – деп дужаагаш, ону чорудупкан.

Павелди Кесарияже чорудупканы

23Баштың оон чүс шериг баштыңчызы ийи кижини кыйгырткаш, оларга: «Кесария чоруур кылдыр 200 чадаг шеригден, 70 аъттыг шеригден база 200 адыгжыдан белеткеңер. Хүн ашкандан бээр үшкү шакта үнеринге белен туруңар. 24# Аж.-ч. 24:3; 25:14Павелди Феликс чагырыкчыга#23:24 Тиберий Клавдий Феликс – ооң акызы Римниң императорларының сеткилинге кирер чоок кижизи турган болгаш, Феликс 52 чылда Иудеяның чагырыкчызы апарган. бүдүн-бүрүн чедирер кылдыр, аңаа мундурар элчигеннерден белеткеңер» – деп дужааган.

25Ол ышкаш мындыг уткалыг чагаа бижип каан:

26«Онза хүндүлүг чагырыкчы Феликске Клавдий Лисий байыр чедирип олур. 27# Аж.-ч. 21:32-33; 22:27Бо кижини иудейлер сегирип алгаш, бичии-ле болза өлүрүп каар частылар, ынчалза-даа мен шериглерим-биле келгеш, ону камгалап кагдым, чүге дээрге ол рим хамааты дээрзин билип алдым. 28# Аж.-ч. 22:30Ону буруудадып турар чылдагаанны билип алыр дээш, мен ону дээди иудей Чөвүлелге эккелдим. 29# Аж.-ч. 18:15Аңаа удур буруудадыышкыннар оларның боттарының ыдыктыг хоойлузунга хамааржыр дээрзин, ынчалза-даа өлүмге онаагы дег азы кара-бажыңга олуртку дег буруу ол кижиде чок дээрзин ылавылап көрдүм. 30# Аж.-ч. 9:23; 20:3Ол кижиге удур сүлчээ барын дыңнааш, мен ону ол-ла дораан силерже чорутканым бо. А ооң буруудадыкчыларынга аңаа удур херекти силерже киирерин дужаадым»#23:30 Өске бурунгу сөзүглелдерде бо сөстерге «Байырлыг, менди-чаагай!» деп сөстерни немээн..

31Шериглер дужаалды күүседип, Павелди ап алгаш, ону ол кежээ-ле Антипатридага эккелгеннер. 32Даартазында хүндүс аъттыг шериглер Павелди Кесарияже алгаш чорупкан, а артканнары чурттаар бажыңынче ээп келген. 33Кесарияга келгеш, Феликс чагырыкчыга чагааны тывыскаш, Павелди хүлээдип бергеннер. 34# Аж.-ч. 21:39Чагааны номчааш, чагырыкчы Павелдиң кайы девискээрден келгенин айтырган. Ол Киликиядан келген деп билип алгаш, 35Феликс: «Буруудадыкчыларың чедип кээрге, сээң херээңни дыңнаар мен» – дээн. Оон Павелди Иродтуң ордузунга#23:35 Иродтуң ордузу – Улуг Ирод хаанның туттуруп каан ордузу. Римден келген чагырыкчының чурттаар чери турган; шериглер база аңаа чурттап турган. хоругдалга тударын дужааган.

Currently Selected:

Ажыл-чорудулга 23: Ы.Б.2025

Highlight

Copy