Ажыл-чорудулга 19
19
Павел Эфесте
1 # Аж.-ч. 18:21Аполлос Коринфиге турган өйде, Павел янзы-бүрү иштики, бедигээш девискээрлер таварты эрткеш, Эфеске чедип келген. Ол аңаа элээн каш бүзүрээннер тып алган. 2Павел олардан айтырган: «Бүзүрей бээриңерге, Ыдыктыг Сүлде силерже бадып келди бе?»
Олар: «Бис ындыг Ыдыктыг Сүлде барын оода дыңнаваан бис» – деп харыылааннар.
3 # Аж.-ч. 18:25«Ынчаарга сугже суктурганыңар силерге кандыг уткалыг болду?» – деп, Павел айтырган.
«Иоанның сугже суп турганы дег, ындыг болду-ла» – деп, олар харыылаан.
4 # Лк. 3:3 || Ин. 1:7Павел мынча дээн: «Иоанның сугже сугары – бачыдын миннип, Бурганче эглири-биле сугже суктурары-дыр. Иоанн улусту бодунуң соондан кел чыдар Кижиге – Иисуска бүзүрээринче кыйгырып турган». 5# Мф. 28:19; Аж.-ч. 8:16Ол улус ону дыңнааш, Дээрги Иисустуң ады-биле сугже суктуруп алганнар. 6# Аж.-ч. 8:17; 9:17 || Аж.-ч. 10:46Павел улуска холдарын дегзирге, Ыдыктыг Сүлде оларже бадып келген. Олар ынчан билдинмес дылдарга чугаалап, өттүр билип медеглеп эгелээннер. 7Олар шупту он ийи хире кижи турган.
8 # Аж.-ч. 4:30; Эф. 6:19Павел синагогага үш ай иштинде дидими-биле суртаалдап, иудейлер-биле чугаалажып, Бурганның Чагыргазының дугайында алыс шынны бадыткап келген. 9Ынчалза-даа оларның чамдыызы бүзүрээринден ойталааш, Дээрги-Чаяакчының оруун чон мурнунга бактап турган. Павел ынчан оларны каапкаш, өөреникчилери-биле кады чоруткаш, Тиранн дээр кижиниң хуу өөредилге черинге хүннүң-не суртаалдап турган. 10Ынчалдыр ийи чыл уламчылап келген, а Асияда чурттаан бүгү иудейлер болгаш гректер Дээрги-Чаяакчының медээзин дыңнап кааннар.
Скеваның чеди оглу
11Бурган Павелди дамчыштыр анаа эвес кайгамчык чүүлдер кылып турган. 12# Аж.-ч. 5:15Ынчангаш ооң аржыылдарын болгаш баартыктарын безин аарыг кижилерге дегзирге, оларның аарыы экирип, буктары олардан үне бээр болган. 13# Мф. 12:27; Мк. 9:38; Лк. 9:49Чер кезип, буктар үндүр сывырып чоруур чамдык иудейлер база букка алыскан кижиге Дээрги Иисустуң адын адап: «Павелдиң суртаалдап турары Иисустуң ады-биле бо кижиден үне бер» – деп дужаарын шеней бергеннер. 14Бурганның дээди бараалгакчызы иудей Скеваның чеди оглу ынчап турган чүве-дир.
15 # Лк. 4:34; Иак. 2:19Ынчалза-даа бук оларга мынча дээн: «Иисусту билир мен, Павелди база, а силер кымнар силер?» 16Оон букка алыскан кижи чеди алышкыже халый бергеш, оларга күш дөгеп, чула эттеп кааптарга, олар бажыңдан шалдаң-чанагаш, балыг-бышкын үне халышканнар.
17Эфесте чурттаан бүгү иудейлер болгаш гректер ол дугайында дыңнап кааш, аажок кортканнар, ынчангаш Дээрги Иисустуң адын хүндүлээри дам барганнар. 18# Мк. 1:5; Иак. 5:16Хөй бүзүрээн кижилер чедип кээп, бачыттыг херектерин ажыы-биле миннип турган. 19А хөй караң көрнүр кижилер боттарының дүрүг-номнарын чыггаш, хамык улус көрүп турда, өрттедипкен. А өрттеткен дүрүглерниң ниити өртээн санап көөрге, 50 000 мөңгүн чоос хире бар болган! 20# Аж.-ч. 6:7; 12:24Дээрги-Чаяакчының медээзи шак ынчалдыр калбаа-биле нептереп, күш кирип олурган.
Эфеске болган үймээн
21 # Рим. 15:26; 1 Кор. 16:5 || Рим. 15:23-24Ол бүгү болуп кааптарга, Павел Сүлдеге башкарткаш, Македония биле Ахайяны таварты Иерусалимче чоруурун шиитпирлээн. Ол мынча дээн: «Иерусалимге барганым соонда, Римге четкен турар ужурлуг мен». 22# Аж.-ч. 16:1Павел Македонияже Тимофей биле Эраст дээр ийи дузалакчызын чорудупкан, а боду элээн үе дургузунда Асияга артып калган.
23Ол үеде Дээрги-Чаяакчының оруунга удур күштүг үймээн үнген. 24Димитрий дээр ус-дарган кижи мөңгүнден Артемида бурганның өргээзиниң бичиилеткен дүрзүлерин кылып турган.#19:24 Эфеске Артемида дээр кыс бурганның алдарлыг өргээзи турган. Өргээ Афиныда Парфенондан дөрт катап улуг бооп, чер кырында чеди кайгамчык чүүлдүң бирээзи кылдыр санадып келген. Аңаа «Артемиданың дажы» – кыс бурганның дээрден кээп дүшкен ыдыктыг дүрзүзү (хевири-биле кижи дүрзүзүнге дөмейлежир метеорит болган хире) бар турган. Тус черниң ус-шеверлери ону кылышкаш, хөй орулга ап келгеннер. 25Димитрий мөңгүн-биле ажылдаар шеверлерни болгаш өске-даа усчуларны чыып алгаш, мынча дээн: «Эш-өөр! Бо ажыл силерге эки олча-ажык берип турарын билир силер. 26# Иса. 44:10-20; Иер. 10:3-6Павел дээр кижи чүгле Эфеске эвес, а бүгү Асияга дыка хөй улусту бистен хая көрнү бээр кылыпканын көрүп база дыңнап тур силер. Ол Павел кижи холу-биле кылган бурганнар – ёзулуг бурганнар эвес болур дээр-дир. 27Ол чорук чүгле бистиң ус-тывыжывыстың чаагай ат-сураан чидирип турары-биле эвес, а өндүр улуг бурган Артемиданың өргээзи ат-сураан чидиреринге чылдагаан бооп турары-биле озалдыг-дыр. Асияның база бүгү делегейниң чону мөгейип турар шак ол бурган алдарын чидирер-дир».
28Ону дыңнааш, олар аажок хорадап: «Эфесте Артемида өндүр улуг!» – деп алгыржып эгелээннер. 29# Аж.-ч. 19:29; Кол. 4:10; Флм. 1:24Хоорайны хөлзээзин хөме апкан. Бүгү улус Павелдиң Македониядан эдертип эккелген эш-өөрү Гаий биле Аристархты тудуп алгаш, хоорайның улуг, ажык театрынга#19:29 Эфестиң театры ажык дээр адаанга туруп, чоннуң чыыштары болур чер турган, 25 000 хире кижини сыңырар. сөктүп келген.
30Павел база чон мурнунга үнүп кээр дээрге, бүзүрээннер ону ынатпаан. 31Асияның чамдык алдар-хүндүлүг дүжүметтери – ооң эштери, олче улус ыдыпкаш, театрже барбайн көөрүн дилээннер.
32Ол аразында театрда чыылган улустуң чамдыызы – бир чүве, өскелери – бир өске чүве алгыржып турган, чүге дээрге ында корум-чурум чок болуп, улустуң хөй кезии чүге чыылганын-даа билбес болган. 33Иудейлер Александр дээр кижини чон мурнунче албадап үндүрүпкен. Ол чонга тайылбыр кылыр бодааш, холу-биле улус оожургадыр шимчээшкин кылган. 34Ынчалза-даа ол иудей кижи дээрзин билип кааш, шупту улус бир үн-биле: «Эфесте Артемида өндүр улуг!» – деп кышкыржы берген. Олар ийи шак хире алгыржып келген.
35Хоорай бижээчизи чонну арай боорда оожуктургаш, мынча дээн: «Эфестиң чону, бистиң хоорайывыс – өндүр улуг Артемиданың өргээзиниң база ооң дээрден кээп дүшкен ыдыктыг дажының кадагалакчызы дээрзин чер кырында билбес кижи бар бе?! 36Ол кымга-даа маргыш чок барымдаа-дыр. Ынчангаш силер оожургап, бодамча чок хөделбес болзуңарза эки. 37А силер дээрге Артемиданың өргээзин-даа оорлаваан, бурганывысты-даа бак сөглевээн бо ийи кижини бээр эккелдиңер чоп. 38Димитрий болгаш өске-даа ус-шеверлер кандыг-бир кижини буруудадып турар болза, бисте ону сайгарар судтар-даа, уштап-баштап турар кижилер-даа бар-дыр. Бот-боттарын аңаа буруудатчып турзуннар. 39А өске кандыг-бир айтырыыңар бар болза, ону чоннуң хоойлу ёзугаар чыыжынга шиитпирлээр херек. 40А ам бөгүнгү болуушкуннар дээш үймээн үндүргенинге буруудаттырар айыыл биске кыжаны келди. Ындыг хөлзээзин дээш агартынар арга бисте чок-тур». Ынча дээш, ол чыышты тарадыпкан.
Currently Selected:
Ажыл-чорудулга 19: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Ажыл-чорудулга 19
19
Павел Эфесте
1 # Аж.-ч. 18:21Аполлос Коринфиге турган өйде, Павел янзы-бүрү иштики, бедигээш девискээрлер таварты эрткеш, Эфеске чедип келген. Ол аңаа элээн каш бүзүрээннер тып алган. 2Павел олардан айтырган: «Бүзүрей бээриңерге, Ыдыктыг Сүлде силерже бадып келди бе?»
Олар: «Бис ындыг Ыдыктыг Сүлде барын оода дыңнаваан бис» – деп харыылааннар.
3 # Аж.-ч. 18:25«Ынчаарга сугже суктурганыңар силерге кандыг уткалыг болду?» – деп, Павел айтырган.
«Иоанның сугже суп турганы дег, ындыг болду-ла» – деп, олар харыылаан.
4 # Лк. 3:3 || Ин. 1:7Павел мынча дээн: «Иоанның сугже сугары – бачыдын миннип, Бурганче эглири-биле сугже суктурары-дыр. Иоанн улусту бодунуң соондан кел чыдар Кижиге – Иисуска бүзүрээринче кыйгырып турган». 5# Мф. 28:19; Аж.-ч. 8:16Ол улус ону дыңнааш, Дээрги Иисустуң ады-биле сугже суктуруп алганнар. 6# Аж.-ч. 8:17; 9:17 || Аж.-ч. 10:46Павел улуска холдарын дегзирге, Ыдыктыг Сүлде оларже бадып келген. Олар ынчан билдинмес дылдарга чугаалап, өттүр билип медеглеп эгелээннер. 7Олар шупту он ийи хире кижи турган.
8 # Аж.-ч. 4:30; Эф. 6:19Павел синагогага үш ай иштинде дидими-биле суртаалдап, иудейлер-биле чугаалажып, Бурганның Чагыргазының дугайында алыс шынны бадыткап келген. 9Ынчалза-даа оларның чамдыызы бүзүрээринден ойталааш, Дээрги-Чаяакчының оруун чон мурнунга бактап турган. Павел ынчан оларны каапкаш, өөреникчилери-биле кады чоруткаш, Тиранн дээр кижиниң хуу өөредилге черинге хүннүң-не суртаалдап турган. 10Ынчалдыр ийи чыл уламчылап келген, а Асияда чурттаан бүгү иудейлер болгаш гректер Дээрги-Чаяакчының медээзин дыңнап кааннар.
Скеваның чеди оглу
11Бурган Павелди дамчыштыр анаа эвес кайгамчык чүүлдер кылып турган. 12# Аж.-ч. 5:15Ынчангаш ооң аржыылдарын болгаш баартыктарын безин аарыг кижилерге дегзирге, оларның аарыы экирип, буктары олардан үне бээр болган. 13# Мф. 12:27; Мк. 9:38; Лк. 9:49Чер кезип, буктар үндүр сывырып чоруур чамдык иудейлер база букка алыскан кижиге Дээрги Иисустуң адын адап: «Павелдиң суртаалдап турары Иисустуң ады-биле бо кижиден үне бер» – деп дужаарын шеней бергеннер. 14Бурганның дээди бараалгакчызы иудей Скеваның чеди оглу ынчап турган чүве-дир.
15 # Лк. 4:34; Иак. 2:19Ынчалза-даа бук оларга мынча дээн: «Иисусту билир мен, Павелди база, а силер кымнар силер?» 16Оон букка алыскан кижи чеди алышкыже халый бергеш, оларга күш дөгеп, чула эттеп кааптарга, олар бажыңдан шалдаң-чанагаш, балыг-бышкын үне халышканнар.
17Эфесте чурттаан бүгү иудейлер болгаш гректер ол дугайында дыңнап кааш, аажок кортканнар, ынчангаш Дээрги Иисустуң адын хүндүлээри дам барганнар. 18# Мк. 1:5; Иак. 5:16Хөй бүзүрээн кижилер чедип кээп, бачыттыг херектерин ажыы-биле миннип турган. 19А хөй караң көрнүр кижилер боттарының дүрүг-номнарын чыггаш, хамык улус көрүп турда, өрттедипкен. А өрттеткен дүрүглерниң ниити өртээн санап көөрге, 50 000 мөңгүн чоос хире бар болган! 20# Аж.-ч. 6:7; 12:24Дээрги-Чаяакчының медээзи шак ынчалдыр калбаа-биле нептереп, күш кирип олурган.
Эфеске болган үймээн
21 # Рим. 15:26; 1 Кор. 16:5 || Рим. 15:23-24Ол бүгү болуп кааптарга, Павел Сүлдеге башкарткаш, Македония биле Ахайяны таварты Иерусалимче чоруурун шиитпирлээн. Ол мынча дээн: «Иерусалимге барганым соонда, Римге четкен турар ужурлуг мен». 22# Аж.-ч. 16:1Павел Македонияже Тимофей биле Эраст дээр ийи дузалакчызын чорудупкан, а боду элээн үе дургузунда Асияга артып калган.
23Ол үеде Дээрги-Чаяакчының оруунга удур күштүг үймээн үнген. 24Димитрий дээр ус-дарган кижи мөңгүнден Артемида бурганның өргээзиниң бичиилеткен дүрзүлерин кылып турган.#19:24 Эфеске Артемида дээр кыс бурганның алдарлыг өргээзи турган. Өргээ Афиныда Парфенондан дөрт катап улуг бооп, чер кырында чеди кайгамчык чүүлдүң бирээзи кылдыр санадып келген. Аңаа «Артемиданың дажы» – кыс бурганның дээрден кээп дүшкен ыдыктыг дүрзүзү (хевири-биле кижи дүрзүзүнге дөмейлежир метеорит болган хире) бар турган. Тус черниң ус-шеверлери ону кылышкаш, хөй орулга ап келгеннер. 25Димитрий мөңгүн-биле ажылдаар шеверлерни болгаш өске-даа усчуларны чыып алгаш, мынча дээн: «Эш-өөр! Бо ажыл силерге эки олча-ажык берип турарын билир силер. 26# Иса. 44:10-20; Иер. 10:3-6Павел дээр кижи чүгле Эфеске эвес, а бүгү Асияга дыка хөй улусту бистен хая көрнү бээр кылыпканын көрүп база дыңнап тур силер. Ол Павел кижи холу-биле кылган бурганнар – ёзулуг бурганнар эвес болур дээр-дир. 27Ол чорук чүгле бистиң ус-тывыжывыстың чаагай ат-сураан чидирип турары-биле эвес, а өндүр улуг бурган Артемиданың өргээзи ат-сураан чидиреринге чылдагаан бооп турары-биле озалдыг-дыр. Асияның база бүгү делегейниң чону мөгейип турар шак ол бурган алдарын чидирер-дир».
28Ону дыңнааш, олар аажок хорадап: «Эфесте Артемида өндүр улуг!» – деп алгыржып эгелээннер. 29# Аж.-ч. 19:29; Кол. 4:10; Флм. 1:24Хоорайны хөлзээзин хөме апкан. Бүгү улус Павелдиң Македониядан эдертип эккелген эш-өөрү Гаий биле Аристархты тудуп алгаш, хоорайның улуг, ажык театрынга#19:29 Эфестиң театры ажык дээр адаанга туруп, чоннуң чыыштары болур чер турган, 25 000 хире кижини сыңырар. сөктүп келген.
30Павел база чон мурнунга үнүп кээр дээрге, бүзүрээннер ону ынатпаан. 31Асияның чамдык алдар-хүндүлүг дүжүметтери – ооң эштери, олче улус ыдыпкаш, театрже барбайн көөрүн дилээннер.
32Ол аразында театрда чыылган улустуң чамдыызы – бир чүве, өскелери – бир өске чүве алгыржып турган, чүге дээрге ында корум-чурум чок болуп, улустуң хөй кезии чүге чыылганын-даа билбес болган. 33Иудейлер Александр дээр кижини чон мурнунче албадап үндүрүпкен. Ол чонга тайылбыр кылыр бодааш, холу-биле улус оожургадыр шимчээшкин кылган. 34Ынчалза-даа ол иудей кижи дээрзин билип кааш, шупту улус бир үн-биле: «Эфесте Артемида өндүр улуг!» – деп кышкыржы берген. Олар ийи шак хире алгыржып келген.
35Хоорай бижээчизи чонну арай боорда оожуктургаш, мынча дээн: «Эфестиң чону, бистиң хоорайывыс – өндүр улуг Артемиданың өргээзиниң база ооң дээрден кээп дүшкен ыдыктыг дажының кадагалакчызы дээрзин чер кырында билбес кижи бар бе?! 36Ол кымга-даа маргыш чок барымдаа-дыр. Ынчангаш силер оожургап, бодамча чок хөделбес болзуңарза эки. 37А силер дээрге Артемиданың өргээзин-даа оорлаваан, бурганывысты-даа бак сөглевээн бо ийи кижини бээр эккелдиңер чоп. 38Димитрий болгаш өске-даа ус-шеверлер кандыг-бир кижини буруудадып турар болза, бисте ону сайгарар судтар-даа, уштап-баштап турар кижилер-даа бар-дыр. Бот-боттарын аңаа буруудатчып турзуннар. 39А өске кандыг-бир айтырыыңар бар болза, ону чоннуң хоойлу ёзугаар чыыжынга шиитпирлээр херек. 40А ам бөгүнгү болуушкуннар дээш үймээн үндүргенинге буруудаттырар айыыл биске кыжаны келди. Ындыг хөлзээзин дээш агартынар арга бисте чок-тур». Ынча дээш, ол чыышты тарадыпкан.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025