Ажыл-чорудулга 15

Иерусалимге чыыш

1 # Лев. 12:3Антиохияга Иудеядан бир-ле улус келгеш, бүзүрээннерни өөредип эгелээн: «Моисейниң ёзу-чаңчылын ёзугаар кыртыжап демдектеттирбес болзуңарза, камгалал ап шыдавас силер». 2# Гал. 5:2Павел биле Варнава ол улус-биле чөпшээрешпээннер, ынчангаш кончуг изиг маргылдаа үнген. Бүзүрээн улус ынчан ол айтырыгны элчиннер-биле база христиан ниитилелдиң удуртукчулары-биле чугаалашсыннар дээш, Павел биле Варнаваны база бүзүрээннерниң чамдыызын Иерусалимче чорудупкан. 3Олар христиан ниитилелдиң даалгазы-биле Финикия болгаш Самарияны таварты эртип бар чыткаш, өске чоннар улузу Бурганче эглип турарын чугаалаарга, ол черлерде чурттаан бүгү ха-дуңманың өөрүүрү аттыг болган. 4Иерусалимге кээрге, оларны христиан ниитилел, элчиннер база удуртукчулар эвилең-ээлдек хүлээп алган. Павел биле Варнава Бурганның оларны дамчыштыр кылган бүгү чүвезин#15:4 Өске бурунгу сөзүглелдерде «Бүгү чүвезин» деп сөстерге «База Ооң бүзүрелдиң эжиин өске чоннар улузунга канчаар ажыдып бергенин» деп сөстерни немээн. чугаалап бергеннер. 5Фарисейлер бөлүүнге хамааржыр чамдык бүзүрээн улус туруп келгеш, мынча дээннер: «Өске чоннар улузу ам кыртыжап демдектеттирер ужурлуг, ол ышкаш Моисейниң хоойлузун сагыырын олардан негээр херек».

6Элчиннер болгаш удуртукчулар ол айтырыгны чугаалажыр дээш чыглып келгеннер. 7# Аж.-ч. 10:20Үр чугаалажыышкыннар соонда, Пётр туруп келгеш, мынча дээн: «Ха-дуңма, өске чоннар улузу Буянныг Медээни мээң суртаалымдан дыңнааш, бүзүрей берзиннер дээш, Бурган бистиң аравыстан эң эгезинде-ле мени шилип алганын билир силер. 8# 3 Хаан. 8:39; 1 Чыл. 28:9; 2 Чыл. 6:30; Аж.-ч. 1:24 || Аж.-ч. 10:44, 47Бурган кижилерниң чүректерин билир болгай, өске чоннар улузунга база Ыдыктыг Сүлдени, биске хайырлааны дег, хайырлааш, оларны хүлээп көргенин Ол көргүстү. 9# Аж.-ч. 11:12 || Ыд. ыр. 50:12Бурган олар-биле бистиң аравыста кандыг-даа ылгал кылбайн турар, харын оларның чүректерин арыглап алган-дыр, чүге дээрге олар бүзүрей берген-дир. 10# Гал. 5:1Ынчаарга бистиң-даа, өгбелеривистиң-даа уур харык чок болганы үүрге-чүъктү бүзүрээннерниң оорга-мойнунче чүдүргеш, Бурганны чүге шенеп турар силер? 11# Эф. 2:8; Тит. 2:11; 3:7Ынчалза-даа бис база, олар ышкаш, Дээрги Иисустуң авыралын дамчыштыр камгалал алырывыска бүзүрээр бис».

12Бүгү чыыш ыыт-шимээн чок барып, өске чоннар улузунуң аразынга Варнава биле Павелди дамчыштыр Бурганның кылганы кайгамчык демдектер дугайында ол ийиниң чугаазын дыңнай бергеннер.

Иаковтуң чугаазы

13 # Аж.-ч. 12:17; Иак. 1:1; Гал. 1:19; 2:9Олар чугаазын доозуптарга, Иаков#15:13 Иаков – Иисус Христостуң дуңмазы, Иерусалимде христиан ниитилелдиң удуртукчуларының бирээзи. чугаалап эгелээн: «Ха-дуңма, мени дыңнаңар! 14Бурган эң баштай өске чоннар улузунче ээ көрүп, Бодунуң адын хүндүлээр кылдыр, оларның аразындан улусту шилип алганын Симон Пётр биске чугаалады. 15Ол дугайында медээчилерниң бижээн сөстери база ооң-биле дүгжүп турар-дыр:

16 „Оон Мен ээп келгеш, Давидтиң буступ дүшкен чадырын катап тургузар мен. Мен ону бузундулардан чыып тургускаш, эде тудуп, чаартыр мен. 17-18# Ам. 9:11-12Ынчан кижи төрелгетенниң артынчызы – Мээң адымны эдилээн бүгү өске чоннар Дээрги-Чаяакчыже чүткүп эгелээр. Ол бүгүнү шаг-шаандан бээр билдингир кылып каан Дээрги-Чаяакчы ынча деп турар-дыр“.

19Ынчангаш Бурганче эглирин күзээн өске чоннар улузунга шаптык катпас ужурлуг бис деп санап тур мен. 20# Дан. 1:8; 1 Кор. 8:1; 10:19-20; Ажыд. 2:14 || Лев. 3:17; 17:14; Ы. х. к. 12:23-24Харын-даа оларга дүрзү-бурганга өргээн аъш-чем чииринден, самыыраарындан, бооп өлүрген дириг амытаннар эъдинден#15:20 Бооп өлүрген дириг амытанның ханын төкпес, эът-ботка артып каар, а еврейлерге бичии-даа ханныг эътти чиирин хоруп каан турган. Хан амы-тынның эдилекчизи деп санадыр база чүгле Бурганга хамааржыр. база хандан ойталаар дугайында чагаа бижиир ужурлуг бис#15:20, 29 Өске бурунгу сөзүглелдерде бо сөстерге «Ол ышкаш боттарыңарга кылырын күзевээн чүвеңерни өске улуска база кылбаңар» деп сөстерни немээн.. 21Чүге дээрге Моисейниң хоойлузун хоорай бүрүзүнге суртаалдаар база амыр-дыш хүнүнде-ле синагогаларга номчуур улус шагдан бээр бар болгай».

Элчиннер биле удуртукчуларның чагаазы

22 # 1 Пет. 5:12; 2 Кор. 1:19; 2 Фес. 1:1Элчиннер болгаш христиан ниитилелдиң удуртукчулары бүгү ниитилел-биле кады боттарының аразындан каш кижи шилээш, оларны Павел биле Варнавага кошкаш, Антиохияже чорударын шиитпирлээннер. Олар бүзүрээн улус аразында ийи удуртукчу – Варсава деп шола аттыг Иуда биле Силаны шилип алганнар. 23Олар-биле кады мындыг уткалыг чагаа чорутканнар:

«Антиохия, Сирия болгаш Киликияда турар өске чоннар уктуг бүзүрээн ха-дуңмавыс силерге элчиннерден болгаш христиан ниитилелдиң удуртукчуларындан изиг байыр! 24# Гал. 1:7; 5:10Бистен адырлып чоруй барган чамдык улус бистен кандыг-даа даалга албайн, боттарының чугаазы-биле#15:24 Өске бурунгу сөзүглелдерде бо сөстерге «Кыртыжап демдектеттирер база Моисейниң хоойлузун сагыыр ужурлуун чугаалааш» деп сөстерни немээн. силерни дүвүредип, угаан-бодалыңарны хөлзедип турарын дыңнадывыс. 25Ынчангаш бис шупту чыглып, чаңгыс эп-сеткилдиг дугурушканывыстың түңнелинде, аравыстан каш кижи шилээш, биске эргим Варнава биле Павелди олар-биле кады силерже чорударын шиитпирледивис. 26Ол ийи кижи болза Дээргивис Иисус Христоска бараан болур дээш амы-тынын артынга каапкан улус-тур. 27Ол ышкаш Иуда биле Силаны чоруттувус, олар силерге бижээн чүвевисти аас-биле база дамчыдарлар. 28# Аж.-ч. 15:20Ыдыктыг Сүлде болгаш бис дараазында айытканывыс эргежок чугула чүүлдерден өске чүнү-даа сагыырын силерден негевес деп шиитпирледивис: 29дүрзү-бурганнарга өргээн аъш-чем чииринден, хандан, бооп өлүрген дириг амытаннар эъдинден база самыыраарындан ойталаңар. Бо бүгүнү сагыыр болзуңарза, шын кылып турар-дыр силер. Байырлыг, менди-чаагай!»

Айбычылар Антиохияда

30Айбылатканнар Антиохияга келгеш, ында бүзүрээн улусту чыггаш, чагааны хүлээдип бергеннер. 31А демгилери ону номчааш, деткимчелиг медээге аажок өөрээннер. 32# Аж.-ч. 11:27Иуда биле Сила ийи боттары Бурганның медээчилери турган болгаш, ха-дуңмазынга хөй суртаал кылып, оларны деткип база бүзүрелин быжыктырып турганнар. 33-34Иуда биле Сила аңаа элээн болган соонда, бүзүрээннер оларга амыр-тайбыңны, ак орукту күзээш, оларны айбылаан улусче дедир чорудупканнар#15:33-34 Өске бурунгу сөзүглелдерде бо сөстерге «Ынчалза-даа Сила ол черге артып каарын шиитпирлээн, а Иуда Иерусалимче чана берген» деп сөстерни немээн.. 35# Аж.-ч. 13:1А Павел биле Варнава Антиохияга артып калган. Олар өске хөй улус-биле кады өөредиг берип база Дээрги-Чаяакчының Буянныг Медээзин суртаалдап турганнар.

Ийи элчинниң аразында чөрүлдээ

36Элээн үе эрткенде, Павел Варнавага: «Дедир чоруткаш, Дээрги-Чаяакчының медээзин суртаалдап турганывыс бүгү хоорайларда ха-дуңмавыска барып чедип, оларның канчаар чурттап олурарын көрээлем» – деп санал киирген. 37# Аж.-ч. 12:12; 13:5; Кол. 4:10Варнава Марк деп ады база бар Иоанны эдертип алыр бодаан. 38# Аж.-ч. 13:13Ынчалза-даа Памфилияга оларны каапкаш, бо ажыл-херекти олар-биле кады уламчылаваан боорга, Павел Маркты алган херээ чок деп санаан. 39Ол дээш оларның аразынга шыңгыы чөрүлдээ үнүп кээрге, Павел биле Варнава чарлырын шиитпирлээн. Варнава Маркты эдерткеш, Кипрже эжиндирип чорупкан. 40# Аж.-ч. 15:32А Павел Силаны шилип алгаш, бүзүрээннер ону Дээрги-Чаяакчының авыралынга хүлээдип бээрге, орукче үнүпкен. 41Ол Сирия болгаш Киликияны эргий кезип, христиан ниитилелдерни быжыктырып чораан.

Currently Selected:

Ажыл-чорудулга 15: Ы.Б.2025

Highlight

Copy