2 Коринфичилерге Киирилде
Киирилде
Павелдиң мурнуку чагаазында кылган чагыг-сургаалы Коринфиде христиан ниитилелге күзенчиг түңнелдерлиг болган. Бачыт үүлгеткен хөй коринфичилер боттарының буруузун билингеш, Павел-биле эптежип алыксай берген. Ынчалза-даа оларның ниитилелинге Павелдиң эрге-күжүнге удур үймээн үндүрерин соксатпаан бир бөлүк ам-даа артып калган турган. Ынчангаш Павел Коринфиже катап база баар дээш, база бир чагаа чорудар ужурга таварышкан.
Бо чагаа Павелдиң өске чагааларынга көөрде, бодунуң кезектериниң аразында харылзаа чедир тургустунмаан чагаа болур. Павел ону бижип тура, сагыш-сеткили күштүү-биле хайныкканындан ындыг болган чадавас. А чамдык шинчилекчилер бо чагаа Павелдиң коринфичилерге бижээн ийи азы үш чагаазындан тургустунган, оларны сөөлүнде чаңгыс чагаа кылдыр каттыштырып каан деп санап турар.
Кандыг-даа болза, чагааны үш кол кезекке чарып болур: 1) Коринфиде бүзүрээннер ниитилели-биле эптежилге дээш Павелдиң өөрүшкүзү база Христоска элчин бооп бараан болурун ооң тодарадып бижээни (1–7 эгелер); 2) Иерусалимде ядыы христианнарга боттарының акша-хөреңгизин харамнанмайн, дуза чедирер дугайында коринфичилерге сургаал (8–9 эгелер); 3) Буянныг Медээни ак сагыштыы-биле суртаалдавайн турар деп ону буруудаткан меге башкыларны дыңнааны дээш Павелдиң коринфичилерни чемелээни (10–13 эгелер).
Currently Selected:
2 Коринфичилерге Киирилде: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025