2 Коринфичилерге 4

Дой саваларда эртине-байлак

1 # 2 Кор. 3:6Ынчангаш бис – Бурганның шак ындыг бараан болуушкунну Бодунуң өршээлдии-биле хүлээндирип каан улузу – сорук-күжүвүс кошкаш дивес бис. 2# 2 Кор. 2:17; 1 Фес. 2:3Ынчанмайн канчаар, ыянчыг боорга, чажырар ажыл-херектен ойталаан болгай бис; кажарлавайн база Бурганның Медээзин хажытпайн турар болгай бис. Харын алыс шынны ажыы-биле медеглеп, Бурганның мурнунга боттарывысты бүгү улустуң чүрээнге хүлээдип турар бис. 3# 2 Кор. 3:14 || 2 Кор. 2:15Бистиң медеглеп турарывыс Буянныг Медээ кандыг-бир кижиге дуглалдыр шыптына берген-даа болза, ол чүгле өлүм-чидимниң оруу-биле чоруп орар улуска дуглаглыг боор. 4# Ин. 12:31 || Кол. 1:15; Евр. 1:3Амгы бо делегейниң «бурганы»#4:4 Эрликти ынча деп турар. шак ол бүзүревээн улустуң угаан-бодалын чүве эскербес кылып каарга, олар Христостуң Буянныг Медээзиниң чайынналчак чырыын көрбес-тирлер, а Христос – Бурганның#4:4 Өске бурунгу сөзүглелдерде «Бурганның» деп сөске «көзүлбес» деп сөстү немээн. овур-хевири болгай. 5# Мк. 10:43; 1 Кор. 9:19Боттарывысты алдаржыдар дээш суртаалдавайн турар болгай бис, харын Иисус Христос – Дээргивис дээрзин, а бис – Иисус дээш силерниң чалчаларыңар бис дээрзин суртаалдап турар болгай бис. 6# Э. д. 1:3«Дүмбейден чырык чырып келзин» – деп чугаалаан Бурган чүректеривиске чайынналдыр чырый бергеш, алдарлыг Бодунуң дугайында билигни биске Иисус Христостуң арнындан көргүскен.

7 # Иов 4:19; 33:6; Иса. 64:8; Рим. 9:21-22 || 1 Кор. 2:5А ол билигниң эртине-байлаа бисте – бөдүүн дой савалар дег улуста шыгжаттынган-дыр. Ындыг болганывыста, шак ол дээди күштүң бистен эвес, а Бургандан кээп турары илдең-дир. 8# 2 Кор. 7:5Бисти чүк бүрүзүнден аар-бергелер кызагдап турар, ынчалза-даа бастыртып албаан бис. Аай-бажын тыппастай бээр бис, ынчалза-даа идегеливис ышкындырбаан. 9# Иис. 1:5; Ин. 15:20Бисти истеп сүрүп турар, ынчалза-даа Бурган бисти кагбаан. Доңгайтыр шаптырып аар бис, ынчалза-даа узуткаттырбаан бис. 10# Рим. 6:5Иисустуң амыдыралы бистиң мага-бодувуска илереп келзин дээш, Ооң өлүмүн мага-боттарывыска үргүлчү ап чоруур бис. 11# 2 Кор. 6:9Иисустуң амыдыралы база өлүмнүг мага-бодувуска бодун илеретсин дээш, бисти – дириг улусту Иисус дээш үргүлчү өлүмге онаап турар. 12Ындыг болганда, өлүм бодунуң салдарын биске көргүзерге, мөңге амыдырал бодунуң салдарын силерге көргүзүп турар-дыр.

13 # Ыд. ыр. 115:1 «Мен бүзүрей берген мен, ынчангаш чугаалап турдум» деп Бижилгеде бижээн. Ындыг бүзүрелди берип турар Сүлде бисте бар болганда, бис база бүзүрей бергеш, чугаалап турарывыс бо. 14# 1 Фес. 4:14Билир бис: Дээрги Иисусту катап диргискен Бурган бисти база Ооң-биле катай катап диргискеш, силер-биле кады Бодунуң мурнунга тургузуптар. 15Бистиң ол бүгү хилинчек көргенивис силерге ачылыг салдар көргүзер болгай. Ооң түңнелинде Бурганның авыралы улам-на хөй улусту бүргей ап турар; а оларның өөрүп четтириишкини улам-на хөй куттулуп, Бурганны алдаржыдып турар.

16 # Рим. 12:2; Эф. 4:23Ынчангаш сорук-күжүвүс кошкаш дивес. Харын бистиң мага-бодувус элеп, харыксыраза-даа, сагыш-сеткиливис хүн бүрүзүнде чаарттынып орар. 17# Рим. 8:18Түр када көөр, ажып эртери белен хилинчээвис биске эгээртинмес улуг мөңге алдар эккээр, ол алдар хилинчээвисти хөй катап чая базар. 18# Рим. 8:24; Евр. 11:1Көрүжүвүс көстүр чүүлче эвес, а көзүлбес чүүлче угланган. Чүге дээрге көстүр чүүл – түр када, а көзүлбес чүүл – мөңге.

Currently Selected:

2 Коринфичилерге 4: Ы.Б.2025

Highlight

Copy